420
qalma çoxlu sərt, ciddi qayda-qanunlarınız var. Siz hər yeni,
gənc, təravətli şeyə şübhə ilə, istehza ilə, düşməncəsinə
baxırsınız. İndi mən daha, bir neçə gün əvvəl tanıdığın adam
deyiləm. Ayrı bir adamam! Mən indi hamının gözünə
cəsarətlə baxıram. Bilirəm ki, mənim əqidəm doğru
əqidədir, mən axıra kimi öz əqidəmin dalınca gedəcəyəm,
yolumdan azmasam, onda mən namuslu adamam. Məndən
daha əl çəkin! Bundan sonra nə deyirsiniz deyin, mən özümə
arxayınam!
Knyaz istehza ilə dedi:
– Bir buna bax!
Nataşa təşvişlə bizi gözdən keçirtdi. O, Alyoşanın
artıq-əskik danışacağından qorxurdu. Alyoşa çox tez-tez
söhbətə uyaraq özünü pis vəziyyətdə qoyurdu. Nataşa bunu
bilirdi. O istəyirdi ki, Alyoşa özünü bizim, xüsusilə, atasının
qarşısında gülünc şəklə salmasın.
Nataşa:
– Alyoşa, sən nə danışırsan! – dedi. – Bu ki bir
fəlsəfədir, yəqin kim isə sənə öyrədib... Yaxşısı budur ki,
sən öz gördüklərini danış.
downloaded from KitabYurdu.org
421
Alyoşa həyəcanla dedi:
– Bəs mən nə danışıram! Görürsən də. Katyanın iki
nəfər uzaq qohumu var, əmioğlusudur, adları da Levinka və
Borinkadır. Biri tələbədir, o birisi də elə-belə cavan oğlan.
Katyanın onlarla əlaqəsi var, onlar da fövqəladə adamlardır!
Çox az hallarda qrafinyanın yanına gəlirlər, prinsiplərinə
görə! Biz Katya ilə insanın vəzifəsindən, görəcəyi işlərindən
və başqa şeylərdən danışanda, Katya onları mənə nişan
verdi, elə o saat da onlara aparmağa mənə kağız verdi, mən
də dərhal onlarla tanış olmağa getdim. Elə həmin axşam biz
tamam dostlaşdıq. Orada on iki adam vardı, kimisi tələbə
idi, kimisi zabit, kimisi də rəssam, bir nəfər yazıçı da vardı...
İvan Petroviç, onlar hamısı sizi tanıyırlar, yəni sizin
kitabınızı oxuyublar, gələcəkdə sizdən çox şey gözləyirlər.
Bunu onlar özləri mənə dedilər. Mən onlara dedim ki,
sizinlə tanışam, sizi onlarla tanış edəcəyimə söz verdim.
Onlar hamısı məni bir qardaş kimi, açıq ürəklə qəbul etdilər.
Mən də elə o saat onlara dedim ki, bu yaxında evli bir adam
olacağam. Onlar da məni evli bir adam hesab etdilər. Onlar
beşinci mərtəbədə, taxtapuşun altında yaşayırlar, mümkün
downloaded from KitabYurdu.org
422
qədər tez-tez yığışırlar, çox vaxt da çərşənbə günləri
Levinka ilə Borinkanın evində toplaşırlar. Onlar hamısı təzə
cavanlardır, hamısı da bütün insanlığa odlu məhəbbət
bəsləyirlər. Biz hamımız, bizim indiki vəziyyətimizdən,
gələcəyimizdən, elmdən, ədəbiyyatdan danışdıq. Özü də çox
yaxşı, çox açıq, çox sadə danışdıq... Ora bir nəfər gimnazist
də gedir. Onlar bir-birilə çox gözəl rəftar edirlər, çox nəcib
adamlardır! Mən hələ ömrümdə belə adamlar görməmişəm!
Bu vaxta kimi mən harada olmuşam? Nə görmüşəm? Nəyin
əsasında böyümüşəm? Nataşa, ancaq sən mənə buna oxşar
şeylər demisən. Ah, Nataşa, sən mütləq onlarla tanış
olmalısan! Katya tanış olub. Onlar Katya barəsində böyük
ixlaskarlıqla danışırlar. Katya da Levinkaya və Borinkaya
deyib ki, mən öz dövlətimi idarə etmək haqqını qazandıqdan
sonra, elə o saat, mütləq cəmiyyətin xeyrinə bir milyon
verəcəyəm.
Knyaz soruşdu:
– Yəqin ki, bu bir milyonu da xərcləyən Levinka ilə
Borinka və onların dəstəsi olacaqdır.
Alyoşa qızğın halda etiraz etdi:
downloaded from KitabYurdu.org
423
– Doğru deyil, doğru deyil! Ata, belə danışmaq ayıbdır!
Sənin nə demək istədiyini mən başa düşürəm! Doğrudan da,
bu bir milyon haqqında bizim söhbətimiz oldu, bundan necə
istifadə etmək barəsində çox danışdıq. Axırda bu qərara
gəldik ki, hər şeydən əvvəl, o puldan ictimai maarif üçün
istifadə edilsin...
Knyaz öz-özünə danışırmış kimi, yenə də istehza ilə
gülümsəyərək dedi:
– Bəli, mən doğrudan da, bu vaxta qədər Katerina
Fyodorovnanı yaxşı tanımamışam. Mən ondan çox şey
gözləyirdim, amma bunu...
Alyoşa:
– Nə bunu? – deyərək onun sözünü kəsdi. – Bu niyə
sənə belə qəribə görünür? Ona görə ki, bu bir qədər sizin
qayda-qanundan kənara çıxır? Bu vaxta qədər hələ heç kəs
bir milyon ianə verməyib, amma o verir? Sənə qəribə
görünən budur? O başqasının hesabına yaşamaq istəmir,
çünki bu milyonlarla yaşamaq – başqasının hesabına
yaşamaq deməkdir (mən bunu ancaq indi bilmişəm). O
istəyir ki, vətənə, hamıya xeyir versin, öz qüvvəsinə görə
downloaded from KitabYurdu.org
424
ümumun mənfəəti üçün ianə versin. Hər kəsin öz qüvvəsinə
görə ianə verməsi məsələsini biz əxlaq dərsində oxumuşuq,
amma elə ki bu ianədən milyon qoxusu gəldi, onda bu
məsələ başqalaşır, elədirmi? Bütün bu ağıllı hərəkət etmək
məsələsi ki var, ona mən bu qədər inanırdım, onu bu qədər
tərifləyirlər, bu axı nəyə əsaslanır? Ata, niyə mənə elə
baxırsan? Elə bil ki, sənin qarşındakı təlxəkdir, axmaq bir
adamdır! Yaxşı, axmaq olanda nə olar?! Nataşa, sən gərək
Katyanın bu barədə dediyini eşidəydin. Katya deyir ki:
“Əsas ağıl deyil, əsas ağla istiqamət verən insan təbiətidir,
insan qəlbidir, nəcib xüsusiyyətlərdir, inkişafdır”. Xüsusilə,
bu barədə Bezmıqinin dahiyanə bir sözü var. Bezmıqin –
Levinka ilə Borinkanın tanışıdır, öz aramızdır, yaman ağıllı
adamdır, doğrudan da, dahi adamdır! Çoxdan deyil, dünən o
söhbət arasında gör nə dedi. Dedi ki: “O axmaq ki öz
axmaqlığını başa düşür, o daha axmaq deyil!” Çox doğru
sözdür! O hər anda belə hakimanə sözlər deyir. Ağzından
dürr tökülür.
Knyaz dedi:
– Doğrudan da, dahiyanə sözdür!
downloaded from KitabYurdu.org
Dostları ilə paylaş: |