F. M. Dostoyevski alçaldilmiş VƏ TƏHQİr ediLMİŞ İnsanlar
Yüklə 4,19 Mb. Pdf görüntüsü
|
487
Nataşa: – Vanya, görürsən, görürsən?! – deyərək ağladı. Mən iki saat onun yanında oturdum, ona təsəlli verdim, onu hər barədə başa salıb arxayın etdim. Bir çox məsələlər onu qorxudurdu, əlbəttə, belə şeylərdən onun qorxmağa haqqı vardı. Onun indiki vəziyyətini düşünəndə mənim qəlbim kədərlənirdi, mən onun başına bir iş gələcəyindən qorxurdum. Amma nə etmək olardı? Alyoşa mənə çox qəribə görünürdü, Nataşanı o əvvəlkindən heç də az deyil, bəlkə daha çox iztirab çəkərək, tutduğu işdən peşman olaraq, Nataşanın hərəkətlərinə qarşı minnətdarlıq göstərərək, daha çox sevirdi. Eyni zamanda, yeni sevgi onun qəlbini get-gedə daha artıq bürüyürdü. Bunun nə ilə qurtaracağını indidən təyin etmək mümkün deyildi. Mənim özümə Katyanı görmək çox maraqlı idi. Nataşaya yenə də söz verdim ki, gedib onunla tanış olacağam. Axıra yaxın, elə bil ki, onun kefi açıldı. Mən ona Nelli, Masloboyev, Bubnova haqqında olan yeni xəbərləri, Masloboyevgildə knyaza rast gəldiyimi, Masloboyevlə saat downloaded from KitabYurdu.org
488
yeddiyə görüş təyin etdiyimi söylədim. Bu şeylər Nataşanı son dərəcə maraqlandırdı. Ata-anası haqqında ona çox az danışdım, atasının bizə gəldiyini heç demədim, hələlik bunu demək lazım deyildi, Nikolay Sergeiçin knyazla duelə çıxmaq istəməsi onu qorxuda
bilərdi. Knyazla
Masloboyevin əlaqəsi, knyazın mənimlə tanış olmağa can atması Nataşaya da çox qəribə göründü, əslində bu şeylərin indiki vəziyyətlə əlaqədar olduğu çox aydın idi… Mən saat üçdə evə qayıtdım. Nelli məni gülər üzlə qarşıladı...
downloaded from KitabYurdu.org 489
VI FƏSİL
Düz axşam saat yeddidə Masloboyevin yanına getdim. O, qollarını açaraq bərkdən çığıra-çığıra məni qarşıladı. Aydın görünürdü ki, o keflidir. Mənim gəlməyim münasibətilə fövqəladə bir hazırlıq görülmüşdü, məni ən çox təəccübləndirən də bu oldu. Çox gözəl və çox qiymətli süfrə salınmış girdə stol üstündə qəşəng bir tompak samovar qaynayırdı, süfrədəki büllur, gümüş, farfor çay dəsgahı par- par parıldayırdı. Qiymətli süfrə salınmış o biri stola boşqablarda yaxşı konfetlər, Kiyev mürəbbələri, marmelad, pastila, palda, fransız mürəbbəsi, portağal, alma, qoz, fındıq qoyulmuşdu, bir sözlə, elə bil ki, meyvə dükanı açılmışdı. Burada qar kimi ağ süfrə salınmış üçüncü bir stol da vardı, bu stola kürü, pendir, paştet, kolbasa, qaxaclanmış bud əti, balıq, bir də ki, sıra ilə yan-yana düzülmüş əla büllur, qrafinlərdə müxtəlif növ yaşıl, tünd-qırmızı, mixəyi, qızıl rəngli araq qoyulmuşdu. Bir az kənardakı ağ örtüklü balaca stolun üstündə iki vazada şampan şərabı vardı. Divanın qarşısındakı stolda üç şüşə çox baha qiymətli Yeliseyev downloaded from KitabYurdu.org 490
şərabı nəzərə çarpırdı, bunlar da sotern, lafit və konyak idi. Aleksandra Semyonovna çay stolu yanında oturmuşdu, onun geyimi, bəzək-düzəyi sadə olsa da, görünür, buna çox diqqət yetirmişdi, müvəffəq də olmuşdu. O bilirdi ki, bu geyim, bu bəzək-düzək ona yaxşı yaraşır, yəqin bununla fəxr edirdi. Məni görəndə, bir qədər təmtəraqla, azca yerindən qalxdı. Onun qəşəng üzündən məmnuniyyət və sevinc yağırdı. Masloboyev qəşəng çin tuflisi, bahalı xələt, gözəl təzə alt paltarı geyinmişdi. Üst köynəyinin taxılması və tikilməsi mümkün olan hər yerinə zaponkalar taxılmış, düymələr tikilmişdi. Saçı dəblə yandan ayrılıb daranmışdı, saçına saç yağı sürtülmüşdü. Mən bu şeyləri görüb özümü elə itirdim ki, otağın ortasında dayandım, ağzımı açıb gah Masloboyevə, gah da sevinc və iftixarının hədd-hüdudu görünməyən Aleksandra Semyonovnaya baxırdım. Nəhayət, narahat halda soruşdum: – Masloboyev, bu nədir? Yoxsa, qonaqlıq eləmisən? Masloboyev iftixarla: – Yox, – dedi, – qonağım tək sənsən. downloaded from KitabYurdu.org
491
– Axı bu şeylərlə (mən yeməkləri göstərdim), bütün bir alayı yedirib doyurmaq olar. Masloboyev əlavə etdi: – İçirmək olar, əsas məsələni yaddan çıxartdın: içirmək olar! – Bu şeylər hamısı tək məndən ötrüdür? – Bir sizdən, bir də Aleksandra Semyonovnadan ötrüdür. Onun könlü istəyib, bunun hamısını belə düzəldib. Aleksandra Semyonovna qızararaq ucadan dedi: – Görürsən də! Mən bilirdim sən elə belə də deyəcəksən! – lakin əvvəlki vəziyyətini heç də itirmədi. – Qonağı layiqincə qəbul eləmək olmaz, o saat mən günahkaram. – Elə ki eşitdi sən axşam gələcəksən, lap səhər tezdən, təsəvvür edirsənmi, lap səhər tezdən işə girişib, nə qədər əziyyət çəkib... – Yenə yalan dedin! Səhər tezdən deyil, dünən axşamdan işə başlamışam. Sən dünən axşam gələn kimi mənə dedin ki, o bizə gələcək, mən o vaxtdan başlamışam... – Siz pis eşitmisiniz! downloaded from KitabYurdu.org
Yüklə 4,19 Mb. Dostları ilə paylaş:
|