9
Idarəetmə qərarlarının qəbul edilməsi. N.N.Moiseyev qeyd edir ki, nəzərə
alınmamalıdır ki, istehsal sferasının idarə edilməsində meydana çıxan bütün
məsələlərin həllində riyazi hesablamalar universal vasitədir. Keçmiş təcrübənin və
intuisiyanın nəticələrinə əsaslanan üsullar hələ də öz əhəmiyyətini saxlamış və
gələcəkdə də saxlayacaqdır.
Məhsulların keyfiyyətinin qiymətləndirilməsi. Ümumiyyətlə, məhsulun
keyfiyyətinin ekspert üsulu ilə qiymətləndirilməsindən daha çox istifadə olunması
iqtisadiyyatın sürətlə inkişafından çox asılıdır. Malların keyfiyyətinin təhlilində
ekspert üsulu keyfiyyət səviyyəsinin müəyyənləşdirilməsi üçün müxtəlif
əməliyyatların yerinə yetirilməsinə tətbiqi aşağıdakı kimidir:
- keyfiyyət göstəriciləri nomenklaturasının və bunların ardıcıl tabeçilik
strukturunun müəyyənləşdirilməsi;
- keyfiyyət göstəricilərinin sanballı əmsalının təyin edilməsi;
- orqanoleptik üsulla keyfiyyət göstəricilərinin ölçülməsi;
- keyfiyyətin orqanoleptiki üsulla qiymətləndirilməsi;
- keyfiyyət göstəricilərinin kompleks qaydada qiymətləndirilməsi.
Buradan belə bir sual çıxır ki, bəs məhsulun keyfiyyətini necə
qiymətləndirmək olar? Malların keyfiyyətinin qiymətləndirilməsi zamanı ola
bilərmi ki, ancaq malların kütləvi alıcılıq imkanları haqqındakı məlumatlarla
kifayətlənilsin?
Son vaxtlar bu və ya digər texniki məsələlərin həllində istifadə olunan qayda
və funksiyaların sayı 50-ci illərə nisbətən həddindən çox atmışdır. Bununla da
malların çeşidinin yeniləşdirilməsi sürəti artmışdır. Eyni zamanda son illər xarici
ticarət əlaqələrinin genişlənməsi ekspert üsulunun daha geniş tətbiq edilməsini
tələb edir.
Bu da real bir faktdır ki, keyfiyyətin qiymətləndirilməsinin obyektiv əsasını
məhsulun ictimai yararlığını təşkil edir. Belə bir halı yaddan çıxarmaq olmaz ki,
mal alan hər bir adam və əmtəəşünaslıq biliyinə malik olmayan istehlakçı sadəcə
olaraq özünə lazım olan bütün malların keyfiyyətini lazımi səviyyədə
10
qiymətləndirə bilməz. Hətta kütləvi istehlakçılar heç də həmişə keyfiyyətə qiymət
verə bilməzlər, özü də bu prosesin başa çatmasına çoxlu zəhmət tələb olunur. Istər
xarici ölkələrdə və istərsə də bizim respublikamızda kifayə qədər ekspert qrupları
fəaliyyət göstərir. Hətta zavod və fabriklərin nəzdində attestasiya komissiyaları
yaradılmışdır.
Lakin məhsulun keyfiyyətinin qiymətləndirilməsi ilə məşğul olan bəzi
mütəxəssislər ekspert üsulundan istifadə edilmənin əksinə çıxırlar. Belə ki,
keyfiyyət göstəricilərinin sanballıq əmsalının təyin edilməsində məsləhət görürlər
ki, bacarıqlı mütəxəssislərin fikirlərini yox, keyfiyyət göstəricilərinin elmi
cəhətdən əsaslandırılmış nəticələri əldə əsas tutmaq lazımdır.
Bununla bərabər, keyfiyyətin ekspertizası əksəriyyət hallarda mövcud olan
vəziyyəti özündə əks etdirir, proqnozlaşdırılmış vəziyyəti işıqlandırır. Məsələn,
tamamilə yeni növ məmulatın keyfiyyətinin qiymətləndirilməsi bir qayda olaraq
adi istehlakçı üçün əlçatmaz bir prosesdir, yəni ənənəvi olaraq məmulatların
istehlakı zamanı keyfiyyət haqqındakı fikirləri ancaq təcrübənin nəticəsi sayılır.
Belə halda ekspert qiymətləndirmənin obyektivliyi ancaq həmin növ məmulatın
satışa daxil olmasından sonra təsdiq edilə bilər.
Bununla yanaşı, keyfiyyətin ekspert qiymətləndirilməsi üsulunun tətbiq
edilməsinin hüquqi baxımdan doğruluğu haqqında çoxlu sayda mütəxəssis
mülahizələri mövcuddur. Əlbəttə, bu o deməkdir ki, ekspert üsulu istənilən
problemlərin həllində tətbiq edilə bilməz. Bunun istifadə edilməsi ancaq xüsusi
sinfə mənsub olan məsələlərin həll edilməsində daha məqsədəuyğundur.
1. Bəzi məsələlərin qüvvədə olan metodlardan istifadə etməklə həlli
mümkün deyil.
2. Bəziləri isə ekspert üsulundan başqa, dəqiq məlumat alınmasına imkan
vermir və çoxlu əmək sərf edilməsini tələb edir.
Birinci qrup məsələlərə malların keyfiyyətinin qiymətləndirilməsində
aşağıda göstərilən əməliyyatları aid etmək olar: keyfiyyət göstəriciləri
nomenklaturasının müəyyənləşdirilməsi və onların struktur sxeminin qurulması;
11
malların keyfiyyətinin orqanoleptik üsulla qiymətləndirilməsi; laboratoriya
üsulunda olmayan bir neçə keyfiyyət göstəricilərinin müəyyən edilməsi.
Əksəriyyət
hallarda
keyfiyyət
göstəricilərinin
sanballıq
əmsalının
müəyyənləşdirilməsində və məhsulun keyfiyyət attestasiyasında ekspert üsulundan
istifadə edilir. Məsələn, orqanoleptik üsulla ərzaq məhsullarının keyfiyyətinin
qiymətləndirilməsində ekspert üsulundan istifadə etmə daha düzgün nəticə əldə
etməyə imkan verir. Lakin fiziki və kimyəvi üsullarla belə dəqiq nəticə almaq
olmur. Hətta bəzi tədqiqatçıların fikirlərinə görə ərzaq məhsullarının keyfiyyətinin
qiymətləndirilməsində alət üsulu bir növ köməkçi üsul kimi istifadə edilə bilər.
Məsləhət görülür ki, hesablama və tədqiqat yolu ilə müəyyənləşdirilmiş
nəticələrdən istifadə etməklə keyfiyyətin qiymətləndirilməsində ekspert üsulundan
istifadə edildikdə daha effektli nəticə almaq olur. Ekspert üsulunun hüquqi
baxımdan istifadə edilməsinə əsas sübut onun keyfiyyətinin qiymətləndirilməsi
miqyasının genişliyi və alınan nəticənin daha müsbət olmasıdır, o cümlədən
əmtəəşünaslıq ekspertizasında bunun əhəmiyyəti daha çoxdur. Bu cür ekspertiza
növü müxtəlif ölkələrdə daxili və xarici ticarət sahəsində geniş istifadə edilir.
Bunun nəticələrinə əsaslanaraq daxil olan mal partiyasının hansı keyfiyyət
kateqoriyasına aid edilməsi məsələsi həll edilə bilir, eyni zamanda malların topdan
və pərakəndə satış qiymətlərini də müəyyənləşdirmək mümkündür. Habelə ekspert
qiymətləndirmənin nəticələrinə əsaslanmaqla, daha böyük məbləğdə ticarət
müqavilələri bağlamaq olur.
Əmtəəşünaslıq sahəsində ekspert üsulunun tətbiq edilməsi təcrübəsi onun
daha etibarlı olmasını sübut edir. Elə bunun nəticəsidir ki, bir çox ölkələrdə
əmtəəşünas-ekspertlərin çıxardıqları nəticə hüquqi qüvvəyə malikdir.
Tez-tez hallarda ekspert üsulundan istifadə edilməsinə əks çıxan problem
xarakterli məsələlərdən biri bu sahədə alınan nəticələrin elmi-tədqiqat və praktiki
məsələlərin yenidən işlənməsində istifadə edilə bilməməsidir. Elmi məlumatların
doğruluğu haqqında nə kimi fikirlər öz əksini tapa bilir? Adətən elmi məlumatlar o
Dostları ilə paylaş: |