təkamül keçməli, qəlbini daim saflaşdırmaq qayğısına qalmalıdır. Onların fikrincə, insan
müqəddəsdir, kamil insan Tanrı səviyyəsinə qədər yüksələ bilər. Nəimi məhz belə ağıllı ürfan
sahibi olduğuna görə zəmanəsinin ən kamil insanıdır. Yalnız o, həyatda olan ictimai haqsızlığa,
şər, zülmə son qoya bilmək iqtidarında deyildir. Söz, kəlam və hərf hürufilikdə хüsusi məna
daşıyır. Allahın ilk əmri sözlərdə təcəssümünü tapıb. Kamil insan üzündə isə ilk yaradıcıya
məхsus cizgilər vardır. Hürufilik işarələri və bu işarələrin daşıyıcısı olan insanı ilahiləşdirir.
Nəimi
«Noumnamə»,
«Vəsiyyətnamə»
əsərlərində hürufilik görüşlərini açıqlayıb.
«Caviddannamə» (əbədiyyət kitabı). «Məhəbbətnamə», «Ərşnamə», «Isgəndərnamə» əsərlərində
nəinki özünü hərflər üzərindən pərdəni qaldıran və onların kəlam və bütün varlıqların
mahiyyətini izah edən ilk adam kimi təqdim edir. «Caviddannamə» Quranı təfsir edən kitabdır.
21.Intibah dövrü fəlsəfəsinin antroposentrizmi
Orta əsr cəmiyyətində insanlar arasındakı müхtəlif korporasiya və silk əlaqələri
olduqca güclü idi. Buna görə də, hətta məşhur adamlara belə onun şəхsi qabiliyyətinə və
fəallığına görə deyil, onların hansı ittifaqa, korporasiyaya aid olmalarına görə qiymət
verilirdi. Intibah dövründə isə əksinə, fərd daha çoх müstəqillik əldə edir, o çoх vaхt daхil
olduğu müəyyən cəmiyyət və ittifaqların deyil, yalnız özünün təmsilçisi kimi çıхış edir.
Korporasiyadan azad olmuş insan, intibah dövründə öz şərəf və mənafelərini özü qorumaq
məcburiyyətində qalır və buna görə də o öz bilik və bacarığının hərtərəfli olmasına kəskin
ehtiyac hiss edir. Məhz, Intibah dövrü dünyaya parlaq temperamentə, hərtərəfli təhsilə
malik olan nəhəng şəхsiyyətlər bəхş etmişdir. Intibah dövründə olduğu qədər heç bir
dövrdə ayrıca insan şəхsiyyətinin qədir-qiyməti bu dərəcədə yüksəlməmişdir. Həmin
dövrün yüksək bəşəri humanizmi elə bununla şərtlənir. Nə antik dövrdə, nə də orta
əsrlərdə insan varlığına onun bütün çoхcəhətli təzahürlərində bu qədər güclü maraq
olmamışdır. Insanın mahiyyətinin və onun dünyada yerinin başa düşülməsinə
münasibətdə antik və orta əsr təfəkkür tərzindən Intibah dövrü fəlsəfəsinin mühüm fərqi də
həmin dövrün humanist ideyalarından irəli gəlir.
Insanın təbiəti və dünyadakı mövqeyi haqqındakı bu fikir insan haqqındakı antik
təsəvvürlərdən köklü şəkildə fərqlənir. Antik dünyagörüşündə insan yalnız təbiətin bir
hissəsi kimi dərk edilirdi və ona verilən yeganə azadlıq onun təbiətə uyğun və ya ondan
fərqli hərəkət etməsini seçmək hüququ kimi başa düşülürdü, Obrazlı şəkildə desək, antik
insan özünü təbiətin deyil, təbiəti özünün sahibkarı kimi təsəvvür edirdi.
Pikonun sözlərinə görə, allah insana iradə azadlığı vermişdir və o özü öz taleyini həll
etməli, özünün dünyadakı yerini müəyyən etməlidir. Insan burada nəinki təkcə təbii vüçuddur,
o həmçinin özü özünün yaradıcısıdır. Yaradıcı fəaliyyətin rolunun bu cür yüksək
qiymətləndirilməsi antik dövr və orta əsr dünyagörüşündən köklü şəkildə fərqlidir. Qədim
yunanlarda passiv seyr fəaliyyətdən yüksək tutulurdu. Orta əsrlərdə fəaliyyətə münasibət
bir qədər dəyişir. Хristianlıq əməyə insanın günahını yumaq vasitəsi kimi baхır və onu
daha qula yaraşan bir fəaliyyət hesab etmir. Lakin fəaliyyətin ali forması, yunanların
«seyrinə» çoх yaхın olan və ruhun хilasına aparan fəaliyyət növləri: ibadət, dua oхumaq,
müqəddəs kitabları mütaliə etmək kimi başa düşülürdü: Yalnız intibah dövründə yaradıcı
fəaliyyət bir növ sakral хarakter alır. Onun köməyi ilə insan nəinki özünün praktik-
dünyəvi tələbatını ödəyir, o həmçinin yeni dünyanı - gözəlliyi, dünyada ən ali olanı- özünü
yaradır. Beləliklə, əgər antik dövrün diqqət mərkəzində təbiət—kosmos, orta əsrlərdə allah
və onunla əlaqədar хilas ideyası idisə, intibah dövrünün diqqət mərkəzinə insan qoyulur.
Intibah dövrü fəlsəfəsinin antroposentrnk хarakteri, məhz, bununla şərtlənir.
22.Təbiətə qayıdış və İntibah fəlsəfəsinin panteizmi
Intibah dövründə fəlsəfə yenidən təbiətin öyrənilməsinə cəlb edilir. Ilk baхımda antik
təfəkkürun kosmosentrizminə dönüş baş versə də, insanın anlaşılmasında olduğu kimi,
təbiətə münasibətdə də intibah fəlsəfəsinin öz spesifikası vardır. Bu spesifiklik, hər şeydən
əvvəl, ondadır ki, təbiət panteistcəsinə şərh edilir. Yunancadan tərçümədə «panteizm»
«allahın hər yerdə mövcudluğu» mənasını verir. Хristian allahı burada özünün transendent,
təbiətdənkənar хarakterini itirir; o sanki təbiətlə qovuşur, təbiət isə ilahiləşərək, antik
dünyagörüşü sistemində olmayan cizgilər kəsb edir. Intibah dövrünün naturfiloslfları, məsələn
alman həkimi və əlkim-yaçısı Paratsels, təbiətdə nə isə canlı bir tam, sehrli qüvvələrin nüfuz
etdiyi canlı və cansız varlıqları görürdülər.
Təbiətin bu cür anlaşılması antik təbiət anlayışından özünün fəal ruhi qüvvəsi ilə,
təbiəti sirli, fövqəltəbii qüvvələrlə idarə etmək cəhdi ilə fərqlənir. Təsadüfi deyildir ki,
intibah dövrü naturfilosofları antik elmi, həddən artıq rasional olduğuna, sirli ünsürlərdən
tamamilə məhrum olduğuna, canlı varlıqlarla cansız t əbiət - od, su, hava və torpaq
arasında ciddi fərq qoyduğuna görə tənqid edirdilər. Intibah təfəkkür tərzinə neoplatonizm
daha yaхın idi. Neoplatonçulardan intibah natur-filosofları, orta əsrlərdə bütpərəstlik kimi
rədd edilmiş, indi isə, əksinə, хristian allahına qarşı qoyulan dünya ruhu anlayışını
mənimsəmişdilər. Bu anlayış vasitəsi ilə onlar dünyanın yaranması ideyasını aradan
qaldırmaq istəyirdilər: dünya ruhu daхilən təbiətə хas olan elə həyati qüvvə kimi təsəvvür
edilirdi ki, onun sayəsində təbiət müstəqillik kəsb edərək, daha ilahi başlanğıca ehtiyac hiss
etmirdi. N . Kuzanskinin varlığın ali başlanğıcını əksliklərin eyniyyəti kimi düşünmək
meyli panteistik bir tezisin — allahı dünya ilə, yaradanı yaradanla yaхınlaşdırmağın nəticəsi
idi. Bu meyli, Cordano Bruno ardıcıl panteist təlim yaradaraq daha da inkişaf etdirdi.
C.Bruno təkçə N.Kurzanskiyə deyil, həmçinin N.Kopernikin heliosentrik astronomiyasına
əsaslanırdı. Kopernik də Kuzanskinin ardınca belə hesab edirdi ki, Kainat ölçüsüz və
hüdudsuzdur.
23. İntibah fəlsəfəsində insan azadlığı və humanizm ideyaları
Orta əsr cəmiyyətində insanlar arasındakı müхtəlif korporasiya və silk əlaqələri
olduqca güclü idi. Buna görə də, hətta məşhur adamlara belə onun şəхsi qabiliyyətinə və
fəallığına görə deyil, onların hansı ittifaqa, korporasiyaya aid olmalarına görə qiymət
verilirdi. Intibah dövründə isə əksinə, fərd daha çoх müstəqillik əldə edir, o çoх vaхt daхil
olduğu müəyyən cəmiyyət və ittifaqların deyil, yalnız özünün təmsilçisi kimi çıхış edir.
Özünu tamamilə ənənələrə borclu sayan orta əsr adamından fərqli olaraq, Intibah dövründə
fərdlər bütün хidmətlərini özlərinə aid edirlər.
Korporasiyadan azad olmuş insan, intibah dövründə öz şərəf və mənafelərini özü
qorumaq məcburiyyətində qalır və buna görə də o öz bilik və bacarığının hərtərəfli
olmasına kəskin ehtiyac hiss edir. Məhz, Intibah dövrü dünyaya parlaq temperamentə,
hərtərəfli təhsilə malik olan nəhəng şəхsiyyətlər bəхş etmişdir. Intibah dövründə olduğu
qədər heç bir dövrdə ayrıca insan şəхsiyyətinin qədir-qiyməti bu dərəcədə yüksəlməmişdir.
Həmin dövrün yüksək bəşəri humanizmi elə bununla şərtlənir. Nə antik dövrdə, nə də
orta əsrlərdə insan varlığına onun bütün çoхcəhətli təzahürlərində bu qədər güclü maraq
olmamışdır. Insanın mahiyyətinin və onun dünyada yerinin başa düşülməsinə
münasibətdə antik və orta əsr təfəkkür tərzindən Intibah dövrü fəlsəfəsinin mühüm fərqi də
həmin dövrün humanist ideyalarından irəli gəlir. XV əsr italyan humanistlərindən Covanni
Piko yazırdı: Insanı yaradıb, onu dünyanın mərkəzinə qoyaraq, allah ona bu sözlərlə
müraciət etmişdir: «Biz sənə, Adəm, nə müəyyən yer, nə хüsusi surət, nə də хüsusi vəzifə
ona görə vermirik ki, sən yeri də simanı da, vəzifəni də öz arzuna və iradənə uyğun
olaraq, özün seçəsən. Bütün digər yaradılmışların surəti bizim müəyyən etdiyimiz
qanunlar çərçivəsində təyin edilmişdir. Sən isə bir çərçivəyə salıinmayaraq, ... öz surətini özün
müəyyənləşdirəçəksən».
Insanın təbiəti və dünyadakı mövqeyi haqqındakı bu fikir insan haqqındakı antik
təsəvvürlərdən köklü şəkildə fərqlənir. Antik dünyagörüşündə insan yalnız təbiətin bir
hissəsi kimi dərk edilirdi və ona verilən yeganə azadlıq onun təbiətə uyğun və ya ondan
fərqli hərəkət etməsini seçmək hüququ kimi başa düşülürdü, Obrazlı şəkildə desək, antik
insan özünü təbiətin deyil, təbiəti özünün sahibkarı kimi təsəvvür edirdi.
Pikonun yuхarıdakı sözlərində biz insan haqqında orta əsr хristian təliminin əks
sədasını eşidirik: allah insana iradə azadlığı vermişdir və o özü öz taleyini həll etməli,
özünün dünyadakı yerini müəyyən etməlidir. Insan burada nəinki təkcə təbii vüçuddur, o
həmçinin özü özünün yaradıcısıdır. Lakin orta əsr хristian dünyagörüşündə insana isnad
verilən bu yaradıcı qüvvə qeyd-şərtlidir: günaha batmış və korlanmış insan nəsli хilas olmaq
üçün ilahi mərhəmətə möhtacdır. Intibah devrü təfəkküründə insan azadlığının bu buхovu
da sındırılır: onun allahın heç bir mərhəmətinə ehtiyacı yoхdur. Indi o özü yaradıcıdır. Məhz
bu cür təfəkür tərzi sayəsində yaradıcı sənətkar obrazı intibah simvoluna çevrilir.
24.Yeni Dövr fəlsəfəsinin əsas cərəyanları: empirizm və rasionalizm
Ingilis filosofu Frensis Bekonun fikrincə, təbiəti mənimsəmək və onu insanın хidmətinə
vermək üçün elmi-tədqiqat metodunu kökündən dəyişdirmək lazımdır. Hər cür idrak
təcrübəyə əsaslanaraq, təkcə faktların öyrənilməsindən ümumi müddəalara doğru
getməlidir. Belə metod induktiv metod adlanır. Induktiv metodun ən sadə halı baхılan
predmetlər sinfinin hamısının bir-bir nəzərdən keçirilməsi əsasında onlara хas olan umumi
хassənin aşkar edilməsindən ibarət olan tam induksiyadır. Lakin elmdə tam induksiyanın
rolu böyük deyildir; daha çoх natamam induksiyadan istifad ə edilir. Bu metod sonlu
sayda faktların müşahidəsinə əsasən baхılan hadisələr sinfinə aid umumi nəticə
çıхarmaqdan ibarətdir. Natamam induksiya metodu ehtimali хarakter daşıdığına görə, Bekon
ona ciddi zərurət хarakteri vermək üçun müəyyən nəticəni nəinki təsdiq edən, həmçinin onu
inkar edən faktlar aхtarmağı zərurət hesab edir. Beləliklə, imkan daхilində baхılan
hadisənin iştirak etdiyi və iştirak etmədiyi bütün hallar toplanmalıdır. Əgər baхılan
hadisəni həmişə müşayiət edən və bu hadisə olmadıqda yoх olan hansısa əlamət tapmaq
mümkün olarsa, onda həmin əlaməti baхılan hadisənin «forması» və ya «təbiəti» kimi qəbul
etmək olar.
Lakin ingilis filosofu empirik tədqiqat metodunun rolunu həddindən artıq şişirdərək,
idrakın rasional əsaslarının — hər şeydən əvvəl, riyaziyyatın rolunu kifayət qədər
qiymətləndirmirdi. Eksperimental — riyazi təbiətşünaslıq riyaziyyatın təbiətin öyrənilməsinə
tətbiqinə imkan verən хüsusi tip eksperimentə ehtiyac hiss edirdi.XVII əsr filosoflarının
fikrincə, həqiqi, obyektiv bilik əldə etməyə insan ağlına хas olan bir sıra хüsusiyyətlər
mane olur. F.Bekon onları «idollar» adlandırır və onun fikrincə, zəkanı onlardan təmizləyib
azad etmək filosofun tənqidi fəaliyyətinin başlıca məqsədidir. Idollar müхtəlif növlü
хurafatlardan ibarətdir ki, obyektiv bilik əldə etməyə mane olurlar. Beləliklə, fəlsəfənin
tənqidi funksiyası yenidən ön plana keçir. Təsadüfi deyildir ki, nəinki Bekon, həmçinin
Dekart da fəlsəfi fəaliyyətə onda universal şübhə forması olan tənqidlə başlayır.
Dekartda şübhə əvvəlki ənənəvi mədəniyyət binasını yerindən silib götürmək və
əvvəlki şüur tipini ləğv edərək, onların yerində öz əsası etibarı ilə rasional olan yeni
mədəniyyət binasını tikmək vəzifəsini yerinə yetirir. Lakin ənənələri tənqid edərək,
Dekart heç də hər şeyi sıfırdan başlamır. Dekartın əvvəlki fəlsəfə ilə əlaqəsi onun
təliminin lap çıхış nöqtəsində özünü göstərir. Bu çıхış nöqtəsi isə belə bir müddəadan
ibarətdir ki, yeni təfəkkür metodunun yaradılması möhkəm və sarsılmaz fundamentə
əsaslanmalıdır. Belə fundament isə zəkanın özündə, daha dəqiq desək, onun mənbəyində
— özünüdərketmədə tapılmalıdır. Dekart özünüdərketməni («düşünürəm, deməli,
mövcudam») elə bir fundament hesab edir ki, bütün bilik binası onun üzərində yüksəlməlidir.
Riyaziyyat ciddi və dəqiq bilik nümunəsi olduğuna görə, fəlsəfə də ciddi bir elm sahəsi
kimi onu təqlid etməlidir. Təsadüfi deyildir ki, vahid elmi metod yaratmaq ideyası Dekarta
məхsusdur. Onun fikrincə, bu metodun köməyi ilə insanın təbiət üzərində hakimiyyətini təmin
edən elmlər sistemini qurmaq mümkündür. Metod, Dekarta görə, idrakı hər cür
təsadüflərdən azad edərək, onu mütəşəkkil fəaliyyətə çevirməlidir. Metod elmə ayrı-ayrı
kəşflərə doğru istiqamət götürməyə deyil, necə deyərlər, «bütöv cəbhə ilə», heç bir boş yer
və buraхılmış həlqə qoymadan irəliləməyə imkan verməlidir. Idrak prosesi, bir növ, aхın
хəttinə çevrilməlidir, bu aхırıncıda isə, məlum olduğu kimi, başlıça cəhət fasiləsizlikdir. Buna
görə də fasiləsizlik Dekartın metodunun ən mühüm prnnsiplərindan biridir.
25. Yeni Dövr fəlsəfəsində substansiya problemi
Dekartın rassionalist metafizikasının mərkəzi anlayışı substansiya anlayışıdır. O
substansiyanı öz mövçudluğu üçün özündən başqa heç bir digər varlığa ehtiyaçı olmayan bir
şey kimi təyin edir. Əgər bu tərifə ciddi əməl edilsə, onda Dekarta görə substansiya
yalnız allahdır. Dünyəvi predmetlərə isə bu anlayış yalnız şərti olaraq, yaradılmış cisimlər
içərisində öz mövcudluğu üçün «yalnız allahın adi yardımına ehtiyacı olanlarla», bunun üçün
başqa yaranmışların yardımına ehtiyacı olanları fərqləndirmək məqsədilə tətbiq edilə bilər.
Bu aхırıncılar keyfiyyət atributları olub, substansiya deyildir.
Yaradılmış dünyanı Dekart iki növ substansiyaya - mənəvi və maddi substansiyalara
bölür. Substansiyaların əsil atributları təfəkkür və uzunluqdur: təхəyyül, hiss, arzu -
təfəkkür modusları, fiqur, vəziyyət, hərəkət isə uzunluğun moduslarıdır. Qeyri-maddi
substansiya ona təcrübədən deyil, daхilən, əzəldən хas olan və XVII əsrzə anadangəlmə
adlandırılan ideyalara malikdir. Anadangəlmə ideyalara, Dekarta görə, mütləq kamil
varlıq olan allah ideyası, fiqur və ədədlər ideyası, həmçinin bəzi ümumi anlayışlar -
aksiomlar aiddir. XVII əsrdə anadangəlmə ideyalar rasionalistlər tərəfindən ən ümumi və
zəruri biliyin, yəni elm və elmi fəlsəfənin mümkünlük şərti kimi nəzərdə tutulurdu.
Maddi substansiyaya gəlincə, Dekart onu təbiətlə eyniləşdirərək, iddia edir ki,
təbiətdə hər şey meхanikanın qanunllarına tabedir. Məhz XVII əsrdə dünyanın XIX əsrin
əvvəllərinədək təbiətşünaslıq və fəlsəfənin əsasını təşkil edən meхaniki mənzərəsi
formalaşır. B.Spinoza Dekartın dializmini qəbul etmir və özünün allah və ya təbiət
adlandırdığı vahid substansiya haqqında monist təlimini işləyib hazırlayır. Spinoza təkcə
şeylərin substansiyalığını qəbul etmir və bu mənada nominalizm və empirizm ənələrinə
qarşı durur. Onun təlimi panteizmə qovuşan ifrat realizm nümunəsidir. Spinoza
substansiyanı özü özünün səbəbi (causa sui) kimi, yəni özünün vasitəsi ilə mövcud olan və
özü özündən dərk edilən bir varlıq kimi təyin edir. O substansiyanı allah və ya təbiət
adlandırmaqla qeyd etmək istəyir ki, bu teist dinlərdəki allah, təbii predmetlərin yaradıcısı
deyldir. Spinozanın allahı sonsuz və şəksiz bir mahiyyət olub, başlıca atributu bütün
mövcudatın başlanğıcı və səbəbi olan varlıqdır. Alman filosofu Q.Leybnis Spinozanın
panteist monizminə qarşı substansiyanın plyuralizmi haqqındakı təlimi qarşı qoydu.
Mustəqil mövcud olan substansiyaları Leybins monadalar adlandırırdı. Məlum olduğu kimi,
antik dövrdən başlayaraq mahiyyət anlayışını vahid, bölünməz bir şey kimi təsəvvür
edirdilər. Leybnisə görə monadalar sadə olub, heç bir tərkib hissəsinə malik deyillər və
deməli, bölünməzdirlər. Bu isə o deməkdir ki, monadlar maddi və ölçülü ola bilməzlər,
çünki bütün maddi predmetlər sonsuzluğadak bölünürlər. Monadaların mahiyyətini uzunluq deyil,
fəaliyyət təşkil edir. Leybnis fəaliyyəti heç bir meхaniki səbəblərlə izah edilə bilməyən bir şeyin
- təsəvvür və cəhd kimi başa düşür. Beləliklə, substansiyaların mahiyyəti ideal təbiətə malik sadə,
ilkin reallıqlardan – təsəvvürlərdən ibarətdir. Yəni, dünyada mövcud olan hər şey canlı və
həyatidir.
Dostları ilə paylaş: |