yaradılmasının əsas təşkilatçısı idi. Bu vaxtdan Ağqoyunlu dövlətinin Osmanlı Türkiyəsinə qarşı
münasibətlərinin xarakteri də dəyişdi. XV əsrin 60-cı illərinin sonuna yaxın Osmanlı imperiyasına
qarşı mübarizə Ağqoyunlu dövlətinin başlıca xarici siyasət məsələsinə çevrildi. Uzun Həsən
Osmanlı dövlətini aradan qaldırmağa, bütün Kiçik Asiyanı ələ keçirməyə, Avropa ölkələri ilə
bilavasitə ticarət əlaqələri yaratmağa çalışırdı. O, Osmanlı imperiyasına qarşı müharibəyə
hazırlaşır, fəal xarici siyasət yeridirdi. Təbrızdə-Uzun Həsənin sarayında Osmanlı dövlətini Kiçik
Asiyanın siyasi xəritəsindən yox etmək planı hazırlanırdı. Bu palana əsasən İstanbul da daxil
olmaqla Anadolu Ağqoyunlulara, bütün Rumeli isə Venetsiya və onun müttəfiqlərinə veriləcəkdi.
Osmanlı dövləti məhv ediləcək, Uzun Həsən isə İstanbul taxtında oturacaqdı. Osmanlı ərazisi
Venetsiya ilə Ağqoyunlular arasında bölüşdürüləcəkdi Beləliklə, Ağqoyunlu hökmdarı Uzun
Həsənin də fəal qəsbkarhq planları vardı. O, Yaxın və Orta Şərqdə hegemonluq uğrunda Osmanlı
sultanı ilə fəal rəqabət aparırdı. Uzun Həsənin apardığı aramsız müharibələr, onun Yaxın və Orta
Şərqdə, Avropada istedadlı bir sərkərdə kimi məşhurlaşması da II Mehmedi təşvişə salmışdı.
Ağqoyunlu hökmdarının hərbi uğurları (Qaraqoyunlu dövlətini aradan qaldırması, Teymuri Əbu-
Səid qonşularının darmadağm olunması, Misirlə, gürcü knayzları ilə müharibələrdə qələbələr)
Osmanlı sultanını narahat etməyə bilməzdi.Topqapı sarayında saxlanılan bir məktubda Uzun
Həsən Teymurla müqayisə edilir və Ağqoyunlu hökmdarının Teymurdan da üstün olduğu
göstərilir. Uzun Həsən Avropa mənbələrində də Teymura bənzədilir, bəzən isə ikinci Teymur
adlandırılır.
Dostları ilə paylaş: