"FƏRSİZİn güNDƏLİYİ" 5 bölümlü teatr tamaşası

“FƏRSİZİN GÜNDƏLİYİ”
5 bölümlü teatr tamaşası:
1 – ci bölüm: TANIŞLIQ

“Səhnə açılır və Mahmud əlində gündəlik səhnəyə daxil olur. Əlindəki gündəliyi açır və başlıyır yazmağa”

MAHMUD. Salam mənim gündəliyim! Daha doğrusu, Salam “fərsizin gündəliyi”. Əvvəla səni dostlarımla tanış edim. Bu mənim dostum Salehdir.
“Saleh əlində meyvə şirəsi və kek səhnəyə daxil olub bir küncdə dayanr”
MAHMUD. Düzdür bir az başdan səydir amma inan ki, dostluqda ona çatan olmaz. Bu isə Fəridədir.
“Fəridə əlində kitab-dəftər səhnəyə daxil olub bir küncdə dayanır”
MAHMUD. Fəridə çox lovğadır. Hər cümləsi “mən” -lə başlayır. Nəysə, keçək Könülə
“Könül səhnəyə daxil olub bir küncdə dayanır”
MAHMUD. Adı Könül olsa da, o qədər də könül açan deyil. Ətrafına daim bədlik yayır. Bir sözlə çox qaraqabaq biridir. Onun üzünü güldürən yalnız Salehdir.
“Salehnən Könül bir-birlərinə baxırlar, Könül hozu kimi gülür, Saleh onu yamsılayır”
MAHMUD. Bu isə... bu isə... bu Aylindir. Aylin çox ürəyi təmiz, xoş görünüşlü, enerjili biridir.
“Deyib xəyala dalır və Aylin onun yanında dayanır. Saleh öskürür, mahnı səslənir. Hamı dağılışır”

2-Cİ PƏRDƏ.
“Saleh ağlıya-ağlıya içəri daxil olur, Mahmud da onun arxasıyca”
SALEH. Mahmud! Mahmud!
MAHMUD. Saleh, bəlkə deyəsən nə olub...!
SALEH. “daha da möhkəm ağlamağa başlayır”
MAHMUD. Saleh, bəsdir uşaq kimi ağladın.
SALEH. Mahmud...! Bilirsən!? A yox bilmirsən
“Aylin səhnəyə daxil olur”
AYLİN. Desən bilərik.
SALEH. Atam gil yay tətilində rayona gedirlər.