FəSİl adam smiTİN İQTİsadi TƏLİMİ



Yüklə 438,68 Kb.
səhifə4/6
tarix04.11.2017
ölçüsü438,68 Kb.
#8341
1   2   3   4   5   6
§1. S.SİSMONDİ
Jan Şarl Leonar Sismond və Sismondi (1773-1842) İsveçrənin Fransız hissəsində protestant keşişinin ailəsində anadan olmuşdur. O, böyük ədəbi irs qoymuşdur. 1801-ci ildə onun "Tockananın kənd təsərrüfatının tənqidi", 1803-cü ildə "Kommersiya sərvəti haqqında və ya ticarət qanunvericiliyinə tətbiqdə siyasi iqtisadın prinsipləri"; 1807-ci ildə iki cilddə "İtalyan respublikalarının tarixi" əsərləri çapdan çıxmış, 1819-cu ildə onun "Siyasi iqtisadın yeni əsasları və ya əhali barəsində olan sərvət haqqında" başlıca əsəri, 1837-ci ildə "Siyasi iqtisad üzrə etüdlər", bir sıra əsaslı işləri nəşr olunmuşdur.

Sismondinin sosial-iqtisadi baxışlarının inkişafına iki dövrü ayırd edirlər. Əvvəlcə Sismondi mömin Smitçi olmuş, A.Smitin ideyalarını vicdanla təbliğ etmiş, rəqabət azadlığı və şəxsi mənafelərin azad oyunu uğrunda çıxış etmişdir. Lakin artıq özünün əsas "Siyasi iqtisadın yeni əsasları" əsərində o, bütün bəlaların kökü olan azad rəqabəti kəskin ittiham edir. Sismondinin tələbi iqtisadi azadlıq deyil, dövlət müdaxiləsi olmuşdur. Təsadüfi deyil ki, onun siyasi iqtisad predmetinin yeni tərifi Smit və Rikardodan fərqli olaraq, - "İnsanların maddi rifahının dövlətdən asılı olduğuna görə siyasi iqtisadın predmetini təşkil edir. Təsərrüfat proseslərini təbii kimi şərh edən ingilis klassiklərindən fərqli olaraq, -Sismondi belə hesab edirdi ki, bu proseslər də dövlət tərəfindən yönəldilməlidir.

Siyasi iqtisadın predmetini başqa cür təyin edən Sismondi ingilis klassiklərinin istehsalın istehlakdan ayırmalarını hesab edərək, Smitin və Rikardonun metodunun əleyhinə çıxış etmişdir. O, təcrid edilmiş insanın - Robinzonun istehsalını və istehlakını tədqiqatın çıxış nöqtəsi götürür.

Sismondi öz nəzəriyyəsinin mərkəzində bazarlar problemini, böhranların reallaşdırılmasını qoymuş və cəmiyyətin sinfi strukturu ilə sıx bağlamışdır. Onun fikrincə, iki sinifli "xalis" kapitalizm cəmiyyəti qəddar böhranlara məhkumdur, o qurtuluşu "üçüncü şəxslər"də - ara siniflərində (kəndlilər, kustarlar, sənətkarlar) görür.

Sismondinin dəyər, kapital və resurs nəzəriyyələri iqtisadi təlimlər tarixində özünəməxsus yer tutur. Smit və Rikardonun ardınca Sismondi əməyin sərvətin yeganə mənbəyi olduğunu elan edərək, əmtəənin dəyərini əməklə müəyyən edir. O, kapitalı istehsal ehtiyatı kimi, sərvətin mənfəət gətirən hissəsi kimi müəyyənləşdirir. Bu tərifdə o, kapitalın istehsal amili kimi nəzərdən keçirən mövqeyində durur. Kapitalın bu cür tərifdən irəli gələrək, Sismondi mənfəətin kapitalın özünün məhsuldarlığının nəticəsi olduğu tərifini verir. Sismondidə mənfəətin başqa şərhləri də - fəhlə əməyinin məhsulundan çıxarılması və ya kapitalistin qənaətkarlığı üçün mükafat kimi kapitalistin gəlirini ifadə edən şərhlər də vardır.

Renta haqqında təlimdə Sismondi özünü fiziokratların tərəfdarı kimi göstərmişdir (renta torpağın sovqatıdır), o, əmtəə təsərrüfatı və kapitalizm kateqoriyalarının əkinçiliyə keçirilməsini qeyri-mümkün hesab edərək, Rikardonun renta tarixini rədd etmişdir.

Kapitalizmdə aşağı əmək haqqını Sismondi kapitalist münasibətlərilə əlaqələndirmişdir. O, zənn edirdi ki, əmək haqqı fəhlə əməyinin məhsulunun bütün dəyərinə bərabər olmalıdır, o, həmçinin əhalinin artımı ilə əmək haqqı arasında birbaşa əlaqəni də görürdü. Sismondi əhalinin artımını gəlirlər çərçivəsi ilə məhdudlaşdırmağı təklif edir və uşaqların doğulması valideynlərin gəlirləri ilə təmin olunmayıbsa, kilsəni fəhlələr arasında nigahları pisləməyə çağırırdı.

Sismondinin təkrar istehsal və böhranlar nəzəriyyəsi onun bütün iqtisadi təlimi əks olunan güzgüdür, müəyyən mənada bu onun keçmişə qayıdış utopik proqramıdır. Təcrid olunmuş insanın tarixinin bütün bəşəriyyətin tarixi olduğunu hesab edərək, o adi əmtəə istehsalçıları və kapitalist cəmiyyətləri arasındakı fərqi yalnız kəmiyyət fərqində görürdü. O, istehlakı kapitalist istehsalının məqsədi hesab edirdi. Sismondinin reallaşdırma və böhranlar haqqındja şərhi belədir. Bu problemlərə o, birlikdə baxmışdır. O, özünü Smitin və Rikardonun istehsal nəzəriyyəsinin əleyhdarı elan etmişdir. İctimai məhsulun dəyərini gəlirlərə gətirərək, Sismondi hesab edirdi ki, bütöv istehsal əmtəəsinin reallaşdırılması üçün istehsalın cəmiyyətin gəlirlərinə bütövlükdə uyğunluğu zəruridir. Sismondi yazırdı: "Beləliklə, milli gəlir və illik istehsal qarşılıqlı surətdə tarazlaşır və bərabər kəmiyyət olurlar". Reallaşdırmanı şəxsi istehlaka müncər edirdi və onun rəyincə, kapitalistlər məhz üstəlik dəyəri reallaşdıra bilməzlər, çünki ictimai məhsulun iki hissəsindən əmək haqqını fəhlələr öz istehlakları ilə reallaşdırırlar. Buradan Sisimondi belə nəticəyə gəlir ki, kapital üçün reallaşdırmanın şərtləri üzrə kapitalizmin inkişafı genişləndiyinə görə, daralan xarici bazar zəruridir. O an gələcək ki, kapitalist ölkələrinin inkişafı üçün xarici bazarlar olmayacaq və o zaman kapitalizmin iflası baş verəcək.

Böhranlar nəzəriyyəsi Sismondinin iqtisadi təlimini tamamlayır. O, isitehsal və istehlakın uyğunsuzluğunu böhranların əsas səbəbi hesab edir və böranları istehlakın kifayət qədər olmaması ilə izah edirdi. O zənn edirdi ki, 100 xırda istehsalçı bir kapitalist və 99 fəhlədən xeyli çox istehsal edirlər.

Sismondi kapitalizm yoluna qədəm qoymuş ölkələrin hökumətlərinə kapitalist inkişafını dayandırmaq xahişi ilə müraciət edirdi, oun fikrincə, ümumi rifahı və bollüğü yalnız hökumət təmin edə bilər.


§2. PYER JOZEF PRUDON
40-60-cı illərdə Fransada fabrik sistemi qalib gəldi və sosial-iqtisadi ziddiyyətlərin kəskinləşməsini doğurdu. Bu dövrün qabaqcıl nəzəriyyəçilərindən biri P.J.Prudon sayılırdı. Bir çox iqtisadi və fəlsəfi - sosioloji xarakterli əsərlər onun tərəfindən yazılmışdır. Bu əsərlərdən ən mühümləri - "Mülkiyyət nədir"? (1840) və "İqtisadi ziddiyyətlər sistemi və ya yoxsulluq fəlsəfəsi" (1846), "Vergi nəzəriyyəsi" (1861) və s.-dir. Sismondi kimi o da kapitalizmi yaxşılaşdırmağa səy edərək, tənqid edirdi. Prudonu reformizmin və anarxizmin banisi hesab edirdi. Onun nəzəri irsi ziddiyyətlidir və Prudonun iqtisadi nəzəriyyəsinin təhlili çətindir.

Prudon "Mülkiyyət nədir?" kitabında məşhur "mülkiyyət oğurluqdur" tezisini irəli sürmüşdür. Bu müddəanı o, fransız inqilabının görkəmli xadimi Brissodan iqtibas etmişdir. O hesab edirdi ki, mülkiyyət məhvə məhkumdur, belə ki, təbiətə və şüura ziddir. Onun mövcudluğunu Prudon zorakılıq və yalanla bağlayır və buna görə də mülkiyyəti məhv edib, mülkü saxlamağı təklif edirdi ki, yalnız bu zaman yer üzündə pislik yox olacaqdır.

Prudon hesab edirdi ki, fərdi əməyə əsaslanan mülki mülkiyyətin meydana çıxmasına gətirə bilməz. O, mülkiyyəti faizin və mənfəətin yox edilməsi ilə aradan qaldırmağı təklif edirdi. Bu layihəni həyata keçirməyi hökumətin üzərinə qoyurdu. O, şəxsi mülkiyyəti ehtiyacsız yaşayışın əsası hesab edərək, idealizə edirdi.

Prudona görə kateqoriyalar "mütləq şüurun" hərəkəti nəticəsində meydana çıxır və dialektik hərəkət yaxşının və pisin ayrılması ilə nəticələnir, materiya isə onların mexaniki birləşməsini göstərir. Vəzifə - yaxşı tərəfi saxlayıb, pisi aradan qaldırmaqdır. Prudon belə hesab edirdi ki, əmək bölgüsünün, mülkiyyətin, dəyərin, rəqabətin və s. mənfi tərəflərini aradan qaldırmaqla, kapitalist əmtəə təsərrüfatını yaxşılaşdırmaq olar. Belə ki, əmək bölgüsündə yoxsulluğun, işsizliyin artımına aparan pis tərəfi aradan qaldırmaq, sərvətin artmasına kömək edən yaxşını isə saxlamaq; xüsusi mülkiyyətdə - bərabərsizliyə aparan tərəfi aradan qaldırıb, azadlıq və müstəqilliyi təmin edən yaxşı tərəfi saxlamaq lazımdır. O, rentanın müsbət tərəfini torpağa sahib olmaq və ondan istifadə etməkdə bərabərlik yaratmaq qabiliyyətini, torpağın məhsuldarlığının fərqli olması səbəbindən torpaq sahibinin gəliri mənimsəməsini mənfi hesab edirdi.

Prudonda dəyərin şərhi daha orijinaldır. O, etiraf edirdi ki, sərvətin bütün elementlərini yalnız əmək yaradır, lakin eyni zamanda o, mübadilənin də mühüm rolunu göstərirdi. Bu onun "mübadilə dəyəri"nin təhlilindən və "müəyyən edən dəyər" adlandırılan dəyərdən xüsusilə görünür. Prudon hesab edirdi ki, mübadilə dəyərinin yaranması mübadiləni doğuran bir insan tələbatlarının müxtəlifliyi ilə bağlıdır. O, mübadilə dəyərini az tapılanla; istehlak dəyərini bolluqla eyniləşdirirdi, belə ki, az tapılan və bolluq anlayışları bir-birinə əks münasibətdədir, o bunu iqtisadi kateqoriyalara da aid edirdi. O, insanın azad iradəsini bu antitezanın səbəbi hesab edirdi. Mübadilə və istehlak dəyərləri arasındakı ziddiyyətlərin həlli vasitəsi kimi Prudon "müəyyən edən dəyəri" bilavasitə iş saatlarında ifadə olunmuş proporsional dəyəri adlandırmışdır.

O, mübadilənin rolunu ictimai sərvət elementlərinin məlum proporsiyada vahid bütövə birləşməsində, onların "müəyyən edən dəyərə" çevrilməsində və maddi nemətlərin bir hissəsinin uzaqlaşdırılmasında görürdü. Bu mənada həcmlə yol verilə bilən "müəyyən edən dəyər" proporsional dəyər kimi çıxış edir. Prudon hesab edirdi ki, bütün məhsullar müvafiq "müəyyən edən dəyərlə" satılarsa, onda tələblə təklifin uyğunluğu təmin olunacaq və hər kəs öz alıcısını tapacaqdır.

Prudon "müəyyən edən dəyər" nəzəriyyəsi ilə göstərmək istəmişdir ki, heç də hər bir dəyər bazarda reallaşdırılmır. əsl dəyər olmur və bazarda tutulmur. Buradan o belə bir nəticə əldə edirdi ki, dəyəri qabaqcadan müəyyən etməyə səy etmək lazımdır ki, bu məhsul hökmən realizə olunsun və qabaqcadan məlum olmur ki, o, dövriyyəyə düşəcək və istehlak sferasına keçəcək.

Prudon Sismondinin "üçüncü şəxslər"dən istifadə edilmədən "üstəlik dəyər"i realizə etməyən qeyri-mümkünlüyü haqqında müddəasına şərik idi. Prudon hesab edirdi ki, kapitalistlər xərclərə faiz artırırlar, bunun nəticəsində fəhlələr öz şəxsi məhsullarını buraxa bilmirlər. Prudon faizi istismar gəlirinin əsas forması hesab edərək, həmişə onun əleyhinə çıxış etmişdir.

Prudon kapitalizmi tənqid edərkən, iki sinfin (proletariat və burjuaziya) birləşməsi haqqında ideya irəli sürmüşdür. Onun fikrincə, zəhmətsiz gəlirlərin aradan qaldırılması üçün pulları fəhlə qəbzləri ilə ödəmək zəruridir. Ədalətli mübadilənin təşkilində əsas rol əmtəə istehsalçılarına "fəhlə qəbzlərini" verən xalq bankına ayrılırdı. Buradan onun digər - xırda istehsalçılara və fəhlələrə "müftə" mübadilə ideyası doğurdu. Prudonun arzusu xırda xüsusi mülkiyyətin əbədiləşdirilməsi idi.

Rikardo məktəbinin dağılması mərhələsində onun sonuncu görkəmli nümayəndəsi Con Stüart Mill (1806-1873) hesab edilir.

XIX əsrin 40-cı illərində əmək və kapital arasındakı antaqonizm sənaye inqilabının sona çatması, çartistlərin çıxışları, 1848-ci ilin inqilabi hadisələri ilə daha artıq bərqərar olurdu. Bütün bu hadisələr C.Millin əsərlərində öz əksini tapmışdır. O, londonda anadan olmuşdu, Rikardonun dostu, ingilis iqtisadçısı - rikardoçunun böyük oğlu idi.

C.Milli daha mühüm siyasi - iqtisadi ideyaları 1844-cü ildə çap olunmuş "Siyasi iqtisadın bəzi həll olunmamış problemlərinə aid oçerklər" əsərində öz əksini tapmışdır. 1848-ci ildə o, beş kitabdan ibarət iri həcmli "Siyasi iqtisadın əsasları və onların sosial fəlsəfəyə tətbiqinin bəzi aspektləri" əsərini nəşr etdirir. C.Mill öz dövrü üçün nisbətən qabaqcıl alim və ictimai xadim kimi çıxış etmişdir. 1865-ci ildə o, ümumi ingilis parlamentinin palata üzvü olmuş, əhalinin geniş təbəqələrinin islahatlarını fəal dəstəkləmiş, kişilərin və qadınların hüquq bərabərliyini müdafiə etmiş, mötəbər demokratiyanın genişləndirilməsi uğrunda fikirlərini bildirmişdir. C.Mill Rikardo təliminin tərəfdarı olub, onun təhlilini siyasi iqtisadda yaranmış vəziyyətə tətbiq etməyə çalışmışdır (Maltusun, Seyin və Sektorun təlimi nəzərdə tutulur). Onun başlıca əsəri olan "Siyasi iqtisadın əsasları" 1890-cı ildə - Marşallın "İqtisadiyyaitın prinsipləri" çap olunana qədər siyasi iqtisad elminin mötəbər ifadəsi hesab edilirdi. Kitabda kapitalizmin tənqidindənsə, XX əsr ingilis leyborizminin iqtisadi və sosial ideyalarının əsasına qoyulmuş fikirləri ən mühüm hesab olunur.

"Siyasi iqtisadın əsasları"nın strukturu onun baxışlarının məntiqi haqqında əyani təsəvvür yaradır. İstehsal, bölgü və mübadilə problemləri birinci, ikinci və üçüncü kitabın müvafiq bölmələrində şərh edilir; dördüncü və beşinci kitablarda o, nəzəri bazanı sosial islahatlar proqramına yaxınlaşdırır, bununla o, kapitalizmin gələcək inkişaf perspektivlərini bağlayır. C.Mill tərəfindən nəzərdən keçirilən sosial-iqtisadi problemlərin tədqiqinin metodologiyası klassiklərdən fərqli olaraq, bölgü və istehsal qanunlarının kəskin surətdə bir-birinə qarşı qoyulmasına əsaslanır. Göstərilənləri əsaslandırmaq üçün o, insan cəmiyyəti təkamülünün müxtəlif pillələrində bu münasibətlərin dəyərlərini mülkiyyət formalarının inkişafı ilə bağlayaraq, bölgü münasibətləri inkişafının tarixinə ekskurs edir.

C.Mill kapitalizmin başlıca kateqoriyalarınını təhlili zamanı bir qayda olaraq, A.Smitin və D.Rikardonun ideyalarını iəkrar edir. Lakin C.Mill faktiki olaraq, dəyərin əmək nəzəriyyəsi ilə əlaqəsini kəsir. C.Milldə yalnız mübadilə dəyəri və dəyər problemləri var, o, bunları "Mübadilə" adlanan üçüncü kitabında təhlil edir. C.Mill istehsal xərcləri nəzəriyyəsi mövqelərinə keçir və hesab edir ki, dəyər istehsal xərclərinin dəyərləri ilə müəyyən edilir. İstehsal xərcləri tərkibinə C.Mill mənfəəti də daxil edir.

Onun qiymətin sorğuya olan təsiri haqqında fikirləri məlum maraq doğurur. C.Mill "sorğunun elastikliyi" anlayışını bilmirdi, lakin qiymətin dəyişdiyi zaman sorğunun dəyişməsinin bəzi meyllərini xarakterizə etmişdi. Məhsuldar və qeyri-məhsuldar əmək problemini C.Mill bütövlükdə klassik siyasi iqtisad kimi həll etmişdir. Onun şərhində pul-dəyəri istehsal xərcləri ilə müəyyən edilən əmtəədir.

C.Mill kreditə böyük diqqət yetirmiş və ingilis bankına açıq bazarda əməliyyatları genişləndirməyi, uçot stavkalarının tənzimlənməsi üzrə fəal siyasət yeritməyi tövsiyə etmişdir.

"Siyasi iqtisadın əsasları" adlı beşinci kitabında C.Mill infrastrukturun yaradılmasında, elmin inkişafında dövlətin iqtisadi rolunu təhlil edir, sosial təminatın dövlət sisteminə və vergiqoyma problemlərinə böyük əhəmiyyətini qeyd edir.
§3. NASSAU UİLYAM SENİOR
Senior kənd keşişinin ailəsində anadan olmuşdur. Oksford universitetinii bitirdikdən sonra o, vəkil işləmişdir. 30-40-cı illərdə o, müxtəlif hökumət komissiyalarında fəal iştirak etmişdir.

Seniorun (1790-1864) iqtisadi baxışları "Siyasi iqtisadın başlıca əsasları" (1836) və "Fabrikqanunvericiliyi haqında məktəblər" (1837) əsərlərində ifadə olunmuşdur. "Qənaətkarlıq nəzəriyyəsi" Seniora məxsusdur, Rikardonun əmək haqqında təliminə qarşı o, istehsal dəyərindəki xərclərin əmək və kapital olması, fəhlənin qənaətkarlığı üçün mükafatın əmək haqqı, kapitalistin isə mənfəət olması tezisini qoyurdu.

Senior tərəfindən əmək öz asudə vaxtını və dincliyini itirən fəhlənin fədakarlığı kimi nəzərdən keçirilirdi. Sennor kapitalın yerinə öz kapitalını istehsal vasitələrinə çevirərək, şəxsi istehlakdan özünü saxlayaraq kapitalistin fədakarlığını qoyur.

XIX əsrin 30-cu illərində Böyük Britaniyada 10 saatlıq iş günü uğrunda güclü mübarizə gedirdi. Senior 11,5 saatlıq iş günü ərzində (iş gününün uzunluğu bu qədərdir) birinci 10,5 saat avans edilmiş kapitalın dəyəri ödənilən, son saatda isə mənfəət yaradılan nəzəriyyə irəli sürmüşdür. Beləliklə, iş gününün 10 saata qədər qısaldılması mənfəətin yox olmasına səbəb olar, bu isə İngiltərənin iqtisadi vəziyyətinə mənfi təsirini göstərərdi, belə ki, sahibkarlarda təsərrüfat fəaliyyəti stimulları itərdi. Marks "Kapital"ın birinci cildində bu ideyanı istehza ilə Seniorun "sonuncu saatı" kimi xarakterizə etmişdir. "Son saat" nəzəriyyəsi o qədər cəfəngiyyat idi ki, sonralar müəllif özü də ondan imtina etmişdi.


§4. CON RAMSEY MAK - KULLOX
Şotland iqtisadçısı Mak-Kullox (1789-1864) Rikardonun davamçısıdır. Onun baş əsəri olan "Siyasi iqtisadın əsasları" 1825-ci ildə çap olunmuşdur. Mak-Kullox əməyi dəyər mənbəyi hesab edərək, əməyin özünün tamamilə sərbəst şərhini vermişdir. O, əməyin insanlar, maşınlar, heyvanlar və ya təbiətin qüvvələri tərəfindən yerinə yetirilməsindən asılı olmayaraq, onu hərəkətlər və əməliyyatlar növü kimi müəyyən edirdi. Mak-Kulloxun fikrincə, dəyəri yalnız insanlar deyil, həm də heyvanlar, maşınlar, bioloji proseslər və təbiətin başqa qüvvələri işləyir və yaradır. Mak-Kulloxun baxışları XIX əsrin 20-ci illərində yenilik deyildi, hələ 1803-cü ildə Fransada istehsalın üç amili nəzəriyyəsi ilə J.B.Sey çıxış edirdi. Müvafiq olaraq, mənfəət onun şərhində kapital tərəfindən yaradılan dəyər idi.
§5. TOMAS ROBERT MALTUS
İngiltərədə xırda istehsalçıların müflisləşməsi ilə müşayiət olunan sənaye çevrilişinin genişlənməsi prosesi daha çox xüsusi mülkiyyətin hökmranlığı ilə bağlanır. T.Maltusun yaradıcılığı əsasən XIX əsrin birinci rübündə formalaşmışdır, lakin onun elmi araşdırmalarının nəticələri müasir iqtisadi nəzəriyyə üçün qiymətlidir.

T.Maltus zadəgan ailəsində anadan olmuşdur. Kembric universitetini bitirdikdən sonra o keşiş, 1807-ci ildən isə kollecdə siyasi iqtisad professoru olmuşdur. 1798-ci ildə çoxsaylı hücumlar predmeti olan "Əhali qanunu haqqında təcrübə" adı altında anonim şəkildə çap etdirilmiş kitabı çıxmışdır. O, 1799-1803-cü illərdə Avropanın bir sıra dövlətlərinə səyahət edir və beş ildən sonra, 1803-cü ildə artıq öz adı ilə kitabın ikinci nəşrini buraxdırır (onun sağlığında cəmi 6 nəşr buraxılmışdır). Sonrakı nəşrlər yeniləşdirilmiş və genişləndirilmiş, nəticədə kitab geniş traktata çevrilmişdir.

Bitkilərin və heyvanların hədsiz çoxalması qabiliyətinin saxlandığı təbiətlə analogiya üzrə Maltus israr edirdi ki, hər 25 ildə əhalinin 2 dəfə (yəni həndəsi silsilə ilə) artdığı zaman, insanların yaşayış vasitələri ədədi silsilədə olduğundan, tez arta bilməz. Əhalinin yaşayış vasitələrini üstələyən əhali qanunu da məhz çoxalmaq meylindən ibarətdir.

T.Maltusun elmi əsəri bir çox dünya şöhrətli alimlərin metodoloji bazası olmuşdur. V.M.Blauqun2 hesab etdiyi kimi, nəzəriyyənin yeniliyi və orijinallığı iqtisadi fikir tarixində heç nə ilə müqayisə olunmayan inanılmaz uğur gətirmişdir.

Maltusun əhali nəzəriyyəsi əhali artımının cəmiyyətin ərzaq resurslarından sərt asılılığını müəyyən etdi, yaşayış minimumu ilə müəyyən edilən əmək haqqı nəzəriyyəsini əsaslandırmağa kömək etdi. Maltus öz nəzəriyyəsi ilə klassiklərin siyasi iqtisad haqqında bütün təsəvvürlərinə əsaslanan nə isə bir standart müəyyən etdi. Əhalinin optimal ölçüləri konsepsiyası əhalinin dəyişməsi haqqında mühakimə yürütməyə imkan verir. XIX əsrin ikinci yarısında doğumun aşağı düşməsi iqtisadçıların əhali problemlərinə marağını azaltdı və onlar ikinci dünya müharibəsindən sonra zəif inkişaf etmiş ölkələrdə əhali probleminə hazırlıqsız oldular.

1815-ci ildə T.Maltus elmi araşdırmalarını davam etdirərək, ilk sözləri A.Smitin məşhur "Xalqların sərvətləri"nin sərlövhəsini təkrarlayan daha bir əsər nəşr etdirdi. Bu, "Təbiət və torpaq rentasının artması haqqında tədqiqat" kitabı oldu. O, həmin əsərdə rentanın təbiətindən irəli gələrək, onun formalaşmasının və artımının mexanizmini açmağa, cəmiyyətdə istehsal olunan məcmu məhsulun reallaşdırılmasında gəlirlərin bu növünün əhəmiyyətini əsaslandırmağa cəhd edirdi. Lakin renta və iqtisadiyyatın bəzi başqa problemləri haqqında son mühakiməsini sonradan 1820-ci ildə yürütmüşdür. Həmin ildə Maltus nəzəri-metodoloji cəhətdən Rikardonun bir il əvvəl nəşr olunmuş məşhur "Siyasi iqtisadın əsasları"ndan az fərqlənən "Siyasi iqtisadın əsasları" adlı baş əsərini buraxdı. T.Maltus və D.Rikardo arasında dostluq münasibətləri və bir çox sosial-iqtisadi proqramlar üzrə ümumi fikirlər mövcud idi. Belə ki, Maltus mənfəət nəzəriyyəsinin işıqlandırılmasında, faktiki olaraq D.Rikardonu təkrarlayırdı. Hər iki müəllif sonuncunu qiymətin tərkib hissəsi kimi təsəvvür edirdilər.

Maltusun Rikardodan irəliyə getdiyi əsas aspekt - onun məcmu ictimai məhsulun realizə problemlərinin tədqiqatlarıdır. XIX əsrin əvvəllərində "klassik məktəbin" iqtisadi nəzəriyyəsinin nail olduğu səviyyəyə uyğun olaraq, yığım istehsalın gələcək artımının investisiyalaşdırılmasını təmin edən əsas problem hesab olunurdu. İstehlakdakı mümkün çətinliklər nəzərə alınmırdı və T.Maltus "Prinsiplər"də ictimai məhsulun yaradılmasına və realizə edilməsinə kömək edən "üçüncü şəxslər"i haqqında o dövr üçün gözlənilməz olan müddəanı irəli sürür. Müasir iqtisadi nəzəriyyə nöqteyi-nəzərindən Maltusun "üçüncü şəxs"lərinin təqdim etdikləri sorğu vasitəsilə tam reallaşmasının mümkünlüyü haqqında konsepsiyası özünü doğrultmadı, lakin o, C.Keynsi antiböhran ideyaları və "səmərəli sorğu" amilləri ilə, "istehsal məhsulunun cəmiyyətin ara təbəqələrində" istehlakında rolu ilə silahlandırırdı.

Maltus dəyərin əmək nəzəriyyəsinə qarşı əmtəənin həmin əmtəəyə alınan əmək dəyərinin Smit tərifi variantını qoymuşdur. Əməyin kəmiyyəti onun canlı maddiləşmiş əməyə və "avans edilmiş kapitala" mənfəəti ilə bu əmtəənin aid etdiyi istehsal xərcləri ilə müəyyən edilir. Məhz "üçüncü şəxs"lər kapitalistlərin mənfəətinin reallaşmasını mümkün edirlər. Mənfəətin "üçüncü şəxs"lərsiz reallaşmasının mümkünlüyü haqqında ideya Sismondidən iqtibas edilmişdi.

Maltusun Rikardoya qarşı çıxması Rikardo təliminin tərəfdarları ilə əleyhidarları arasındakı mübahisələrin başlanğıcını qoymuşdur.
§6. JAN BATİST SEY
XYIII əsrin sonu - XIX əsrin birinci yarısı - Fransa tarixinin bu dövrü görkəmli hadisələr və böyük sarsıntılarla zəngindir. 1789-cu il - Böyük Fransa inqilabının başlanğıcı, 1799-1815-ci illər - Napoleon Bonapartın Konsulluğu və İmperiyası, 1815-ci il - Burbonların bərpa edilməsi, 1830-cu il - iyul inqilabı, Lui Filippinin konstitusiyalı monarxiyasının qurulması. 1848-ci il - Fevral inqilabı və Respublika elan edilməsi. 1851-ci il - Banopart çevrilişi. 1852-ci il -ikinci imperiyanın əsasının qoyulması.

Siyasi dəyişikliklərlə yanaşı, Fransanın iqtisadiyyatı da dəyişikliklərə məruz qalmışdı. Bu dövrdə sənaye inqilabı genişlənmiş, maşın sənayesi inkişaf etməyə başlamışdı. Burjuaziya cəmiyyətdə üstünlük təşkil edən qüvvə kimi zadəganlığı iqtisadi və siyasi cəhətdən dəyişdi. Bir çox şeylərdə (xüsusilə maşınların tətbiqində) İngiltərədən geridə qalan Fransa yenə də sənaye çevrilişinin əsas mərhələlərindən sürətlə keçirdi. Paris iri sənaye və maliyyə mərkəzinə çevrilirdi. Səhmdar cəmiyyətlərin sayı və birja sövdələrinin həcmi artır, banklar inkişaf edir, əmanət kassaları yaranırdı.

Fransada XIX əsrin birinci otuz ilində A.Smitin yaradıcı irsininin önəmli davamçısı J.B.Seyin iqtisadi təliminin formalaşdığı və inkişaf etdiyi şərait belə idi.

J.B.Sey 1767-ci il yanvarın 5-də Lionda tacir ailəsində anadan olmuşdur. İqtisadçı - alim kimi J.B.Seyin həyat yolu məlum mənada Fransada XYIII əsrin sonu - XIX əsrin əvvəllərində baş vermiş siyasi hadisələrin təsirilə və qismən 1789-cu ildə öz ölkəsindən fərqli olaraq, təsərrüfatda və siyasi iqtisadda ön plana keçən aqrar problemlərlə deyil, sənaye problemləri keçən İngiltərəyə səfərinin təəssüratları altında formalaşmışdır.

J.B.Seyin ilk nəzəri xidmətlərindən biri əsasən milli əhəmiyyətə malikdir. Məlum olduğu kimi, 1802-ci ildə A.Smitin "Xalqların sərvətləri"nin fransızca tərcüməsinin meydana çıxmasına baxmayaraq, XYIII əsrin ortalarında Fransada ölkənin iqtisadi fikrində hakim vəziyyət tutmaqda davam edən fiziokratik nəzəriyyələr yarandı və geniş yayıldı. Fiziokratizmin yaranmış stereotiplərini yalnız J.B.Sey "Siyasi iqtisad traktatı və ya sərvətlərin yaranması, bölünməsi və istehlakı üsulunun sadə xülasəsi" (1803) adlı öz ilkin, lakin mühüm əsərləri sayəsində aradan qaldıra bilmişdir. 1817-ci ildə o, özünün "Siyasi iqtisadın katekizisi", "Siyasi iqtisad traktatı"nın qısa xülasəsini çapdan buraxmışdır.

1830-cu ildən başlayaraq, J.B.Sey ömrünün son illərində Kollec de Franeda xüsusi olaraq onun üçün yaradılmış siyasi iqtisad kafedrasına başçılıq etmiş, sonradan Frederik Bastianın, Mişel Şevalyenin, Şarl Donuayanın və başqalarının təmsil etdikləri iqtisadi fikir məktəbinin banisi olmuşdur. J.B.Sey vəfatından bir neçə il əvvəl, öz həyatında yekun işi olan "Praktiki siyasi iqtisadın tam kursu"nu (1828-1830-cu illər) nəşr etdirmişdir. Burada o, hər şeydən əvvəl, iqtisadi liberalizm, kənardan iqtisadiyyata müdaxilə edilməməsi prinsiplərinə əsaslanan iqtisadi nəzəriyyəsinin praktiki əhəmiyyətini əks etdirməyə çalışmışdır.

Jan Batist Sey 1832-ci ilin noyabrında Parisdə vəfat etmişdir.

Başqa klassiklər kimi, J.B.Sey də siyasi iqtisadı dəqiq elmlər nümunəsi üzrə qururdu. Metodoloji planda bu, universal və birinci dərəcəli əhəmiyyətə malik olan qanunların, kateqoriyaların və nəzəriyyələrin qəbul edilməsini bildirir.

J.B.Sey metodologiyası üçün siyasi iqtisadın üç sərbəst hissəsində istehsal, bölgü və istehlakda təsnifləşdirilməsi xarakterikdir, bu onun "Siyasi iqtisad traktatı"nın - "Sərvətlərin necə istehsal edilməsi, bölüşdürülməsi və istehlakı haqqında tədqiqatları"nın hazırlanmasında da öz əksini tapmışdır. Bununla belə, J.B.Seyə görə istehsal, bölgü və istehlak sərbəst və müstəqil bir şey kimi çıxış edir.

J.B.Sey metodologiyası üçün tarixə ziddilik xarakterikdir. Belə ki, "İstehsal" bölməsində başlanğıc anı kimi onda ictimai müəyyən edilmiş istehsal tipi deyil, ümumiyyətlə, maddi nemətlər istehsalı çıxış edir.

J.B.Seyin fikrincə, siyasi iqtisadın böyük praktiki əhəmiyyəti vardır. Dövlət xadimləri görülən tədbirlərin nəticələrini qabaqcadan görmək üçün onun prinsiplərini rəhbər tutmalıdırlar.

J.B.Seyin və onun məktəbinin iqtisadi təliminin nəinki müasirləri, həm də sonrakı dövrün iqtisadçıları arasında çoxlu tərəfdarları və davamçıları olmuşdur. Belə ki, D.Rikardo Seyə hörmət və rəqabətlə yanaşmış, özünün ölümünə qədər onunla intensiv surətdə məktublaşmışdır. Rikardo qeyd edirdi ki, fransız tədqiqatçıları sırasında siyasi iqtisadı Türqo, Sismondi və Sey zənginləşdirmişdir.

J.B.Sey bazarların, qiymətqoymanın, daxili və xarici ticarətin azadlıq prinsiplərini, azad rəqabəti və proteksionizmin hər hansı təzahürlərinin yolverilməz olduğunu sözsüz qəbul edərək, bu prinsipləri absolyut dərəcəsinə qaldıraraq özünə şübhəsiz, smitçi nüfuzu qazanmışdır. Bunların qəbul edilməsi ilə o, bəşəriyyətə iqtisadi böhranların obyektiv qeyri-mümkünlüyünü qabaqcadan göstərmişdir. J.B.Seyin ictimai məhsulun reallaşdırılması müddəası sonralar "bazarlar qanunu" və ya sadəcə "Sey qanunu" adını aldı və bu "qanun"a nəinki elmi siyasi iqtisadın dayaqları olan Rikardo, Maltus və başqaları, həm də XX əsrin əvvəllərinə qədər iqtisadi fikir məktəblərinin başqa iqtisadçıları da şərik oldular. Helbreytin obrazlı tə:birincə, "Sey qanunu"nun insan tərəfindən qəbul olunub- olunmaması XX əsrin 30-cu illərinə qədər iqtisadçıların dəlillərdən fərqləndikləri əsas əlamət olmuşdur.

Daxili və xarici ticarətdə "Məhsullar məhsullar üçün ödənilir" - J.B.Seyin bazarlar qanununun mahiyyətidir. Bu məşhur fikir tamamlanmış mənada dərin makroiqtisadi təhlilin başlanğıcıdır. Məcmu tələb və təklif bir-birindən asılı olur, yə:ni Seyin qanunu makroiqtisadi təhlildən irəli gələn fikirləri makroiqtisadi göstəricilərə tətbiqindən qoruyur. Ayrıca əmtəə bütün qalan əmtəələrə nisbətən artıqlaması ilə istehsal oluna bilər.

"Seyin qanunu" ondan ibarətdir ki, cəmiyyət tərəfindən iqtisadi liberalizmin bütün prinsiplərinə nail olduqda və riayət etdikdə, istehsal uyğun istehlak doğuracaq, yəni əmtəə və xidmətlərin istehsalı hökmən bu əmtəə və xidmətəlirn sərbəst reallaşdırılan gəlirlərini doğuracaq. "Sey qanunu" bazarda çevik və azad qiymətqoyma iqtisadiyyatın özünü tənzimlənməsinin təminatçısı olmaqla, təsərrüfat konyukturundakı dəyişikliklərə, demək olar ki, ani reaksiya verməsinə səbəb olacağını güman edən iqtisadi liberalizm konsepsiyasının tərəfdarları tərəfindən bu cür qəbul edilirdi.

Bununla bərabər, Seyin özü "təklif müvafiq tələb yaradır" ifadəsini heç zaman işlətməmişdir, bu ifadə isə Keyns tərəfindən kəşf olunmuşdur. Yəqin ki, o, bu fikrə Seyin bu və ya digər əmtəənin ayrılıqda artıqlaması ilə istehsal oluna biləcəyi, lakin heç zaman bütün əmtəələrin bir dəfəyə istehsal oluna biləcəyi haqqında başlıca fikrini təkzib etmək üçün müraciət etmişdir.

Bizim dövrdə "Sey qanunu" haqqında diskussiya - iqtisadi nəzəriyyədə neoklassik və neoispan istiqamətlərinin tərəfdarları arasındakı diskussiyadır.

Seyin iqtisadi baxışları Maltusun əsərlərində müəyyən əksini tapmışdır. Onlar hər ikisi hesab edirdi ki, əmtəənin dəyəri istehsal vasitələrinə, əmək haqqına və rentaya istehsal prosesində mülkiyyətçi - sahibkarın xərclərindən düzəlir. Smit və Rikardonun davamçıları mənfəət və rentanın yaranmasını fəhlələrin əməyinin dəyərindən tutulmalar kimi, əməyin kapitalla istismarından nəzərdən keçirirdilər. Sey, Maltus davamçıları isə həm əmtəənin dəyərini, həm də cəmiyyətin siniflərinin gəlirlərini birgə əməkdə və bu siniflərin nümayəndələrinin dinc əməkdaşlığında görürdülər. Lakin Sey də Smitdəki kimi dəyərin bir neçə tərifi vardır. Smitin istənilən əmtəənin iki ayrılmaz xüsusiyyətlərini - mübadilə dəyəri və istehlak dəyəri olması müddəasını yadda saxlayaraq, Sey predmetlərin faydalılığı və dəyərlərin qarşılıqlı əlaqəsinin xüsusi əhəmiyyətini qeyd etmişdir. O yazırdı ki, "Dəyərlər predmetin faydalılığının meyarıdır". Bununla da, Sey dəyərin əmtəənin faydalılığı dərəcəsi ilə ölçülməsini ehtimal edirdi, ona qədər bu nəzəriyyəni Türqo və başqaları inkişaf etdirmişdir.

Eyni zamanda, əmtəənin dəyərinin yaradılmasında Sey özünün təklif etdiyi istehsalın üç amili nəzəriyyəsinə böyük əhəmiyyət verirdi. Əmək, torpaq və kapital, onun fikrincə, istehsal prosesində iştirak edərək, dəyərin yaradılmasına xidmət göstərirlər.

Sey üç amil nəzəriyyəsindən irəli gələn üçcəhətli düstura uyğun olaraq, "əmək" amilinin fəhlələrin gəliri kimi əmək haqqını, "kapital" amilinin kapitalistlərin gəliri kimi mənfəəti, "torpaq" amilinin isə torpaq sahələrinin gəliri kimi rentanı doğurması, əslində A.Smitin baxışlarının özünəməxsus şərhi olmuşdur. Söhbət ondan gedir ki, Sey cəmiyyətin sinfi strukturunun gəlirlərin müxtəlif növlərinin mənşəyinə və bölüşdürülməsinə təsiri ideyasını Smitdən iqtibas edərək, "dəqiqləşdirmişdir" ki, yuxarıda adları çəkilən amillər ("əmək", "kapital", "torpaq") fəhlələrin, kapitalistlərin və torpaq sahiblərinin gəlirlərinin yaradılmasında müstəqil əhəmiyyətə malikdirlər.

Seydə qeyri-məhdud azad rəqabət şəraitində sahibkarların istehsal amillərinin və cəmiyyətin siniflərini istismar etməsinin mümkünlüyü haqqında hər cür fikir rədd edilir.

Seydə dəyərin üçüncü tərifi də vardır. O israr edirdi ki, predmetin dəyəri müəyyən olunmayana qədər "sərbəst və qeyri-müəyyən"dir. O yalnız mübadilədə müəyyən edilir: bu predmetin dəyərinin ölçü meyarı "üçüncü şəxs"lərin onun mübadiləsi üçün verməyə razılaşdıqları predmetlərin sayıdır. Başqa sözlə, Seyə görə, dəyər tələb və təklifin nisbəti ilə müəyyən edilir.

İctimai məhsulun proporsiyalarında dəyərin gəlirlərə bölüşdürülməsi haqqında məsələ, Seyin fikrincə, müstəqil əhəmiyyətə malik deyildi.

Sey sahibkarın "sənaye qabiliyətlərinə, istedadına, fəaliyyətinə intizam və rəhbərlik ruhuna görə mükafat əvəzinə daxil olan mənfəət hissəsi və "kapitalın məhsuldar xidmətləri hesabına aid olan hissəsi arasında məhdudiyyət qoyur."

Sahibkar mənfəətinin əmək versiyası sahibkarlarla fəhlələri birləşdirir, onlar arasında fərq yalnız əmək haqqının ölçüsündədir - səviyyəsinə görə sahibkarın daha yüksək əmək haqqının əsası onun yüksək ixtisaslı əməyidir.

Sey əmək haqqının yüksəldilməsinə qarşı xərclər nəzəriyyəsinə əsaslanaraq, qəti etiraz edirdi - əmək haqqının artımı dərhal əmtəə qiymətlərinin yüksəldilməsini doğurar ki, bundan da, hər şeydən əvvəl fəhlələr zərər çəkirdilər.

Sey təlimində texniki tərəqqi, onun fəhlə sinfinin vəziyyətinə təsiri xüsusi yer tutur. Sey dövründə maşınlar haqqında məsələ bir çox iqtisadçıların diqqət predmetinə çevrilir, bu, sənaye çevrilişinin sürətləndirilməsi ilə izah olunur.

Sey "kompensasiya nəzəriyyəsi"nin əsaslarını qoymuşdur ki, bu nəzəriyyəyə uyğun olaraq, ilk zamanlar maşınların tətbiqi fəhlələri sıxışdırır, sonra onlar məşğulluğun artımını doğurur və məhsulu ucuzlaşdırırlar. Seyin "Satış nəzəriyyəsi" ona əsaslanır ki, hər bir satıcı eyni zamanda alıcıdır və ona görə də, cəmiyyət miqyasında təklif və tələb bərabərləşir və ümumi yenidən istehsal mümkün deyil. O ayrı-ayrı sahələrdə yalnız qismən yenidən istehsalın mümkünlüyünə yol verirdi.

İstehlakçılar Sey tərəfindən cəmiyyətin ən mühüm sinfi kimi xarakterizə olunurlar, ona görə ki, o, - ən çoxsaylıdır, ona görə ki, onun tərkibinə hər növ istehsalçılar daxildir və bu həm sinfin xoşbəxtliyi, həm ümumi rifahı, həm də bütün ölkənin çiçəklənməsini təşkil edir.


Yüklə 438,68 Kb.

Dostları ilə paylaş:
1   2   3   4   5   6




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə