63
– iş bacarığı olmayan şəxslərin əmlakı üzərində tam və ya natamam qəyyumluq və
hamilik.
Hüquqi şəxslər üçün yerinə yetirilən əməliyyatlar aşağıdakılardır:
– əmlak və əmlak hüququnun, qiymətli kağızlar portfelinin idarə edilməsi;
– pensiya (təqaüd) fondlarının vəsaitlərinin idarə edilməsi;
– xeyriyyəçilik və digər xüsusi təyinatlı fondların idarə edilməsi;
– investisiya şirkətləri və fondlarının idarə edilməsi.
Bu əməliyyatları ayrı-ayrılıqda nəzərdən keçirək.
Əmlakın varisliyə, mirasa verilməsi əməliyyatı bütün varislərin maraqlarına riayət
olunması ilə bağlıdır. Əməliyyatı yerinə yetirərkən, etibarlı idarəedən varisliyi sənəd-
ləşdirmək üçün əvvəlcə məhkəmənin qərarını alır. Sonra miras qoyulan əmlakı toplayır,
onun tərkibini müəyyən edir. Əmlak sahibinin borcları üzrə hesablaşmalar aparır, inzibati
xərcləri və vergiləri ödəyir. Əmlakın qalan hissəsini varislər arasında vəsiyyət əsasında,
vəsiyyət olmadıqda isə ölkədə fəaliyyətdə olan varislik qanunu əsasında bölüşdürür.
Müqavilə əsasında əmlakın idarə edilməsi trast təsisçisinin və ya benefisiarın
maraqları əsasında həyata keçirilir. Bu əməliyyat vasitəsi ilə pul vəsaitlərinin yerləş-
dirilməsi, sonradan idarəetmək hüququ ilə daşınmaz əmlak alınması, qiymətli kağızlar
çantasının formalaşdırılması və s. kimi əməliyyatiar icra edilir. Adətən fiziki şəxslər
yüksək peşəkarlığa və informasiyaya malik olmadıqları halda öz əmlaklarının idarə
edilməsini bankın trast şöbəsinə həvalə edirlər. Burada əsas məqsəd gəlir əldə
edilməsindən ibarətdir.
İş bacarığı olmayan şəxslərin əmlakı üzərində tam və ya natamam qəyyumluq və
hamilik iş qabiliyyəti olmayanların əmlaklarının idarə edilməsi zərurəti yarandıqda
meydana çıxır. Trast təşkilatı bu tip əməliyyatlarla hamilərin marağının müdafiəsi
məqsədilə sövdələşmələr, müqavilələr bağlaya və mübahisəli məsələləri həll edə bilərlər.
Onlar həmçinin mülkiyyət sahibinin digər tapşırıqlarını icra edə bilərlər. Əməliyyatın bu
forması bir tərəfdən hamilərin, qəyyumların maraqlarını müdafiə məqsədilə, digər
tərəfdən isə gəlir əldə etmək məqsədilə həyata keçirilir.
64
Əmlak və əmlak hüququnun, qiymətli kağızlar portfelinin idarə edilməsi öz
mahiyyətinə görə həm fiziki, həm də hüquqi şəxslər üçün xüsusi əhəmiyyət kəsb edir. Bu
bazar iqtisadiyyatı şəraitində qiymətli kağızlar portfelinin idarə edilməsinin aktuallığı və
səmərəli olması ilə bağlıdır. Bu əməliyyatları həyata keçirərkən trast təşkilatı qiymətli
kağızlar portfelinin vəziyyətini, onun inkişaf istiqaməti və meyllərini təhlil edərək icra
edəcəyi əməliyyatların mahiyyətini müəyyən edir və bu əsasda trastın təsisçisinin
tapşırıqlarını icra edir.
Pensiya (təqaüd) fondlarının vəsaitlərinin idarə edilməsində zərurət qeyri -dövlət
təqaüd fondlarının uzunmüddətli resurslara malik olmasıdır. Buna görə də fondlar həmin
vəsaitləri səmərəli yerləşdirməkdə maraqlıdırlar. Bu fondlar trast əməliyyatları vasitəsilə
sərbəst vəsaitləri depozitə yerləşdirir, qiymətli kağızların səmərəli portfelini fondlaşdırır,
digər təsərrüfat-maliyyə əməliyyatlarına vəsait qoyurlar. Bu vasitə ilə fondlar öz
fəaliyyəti üzrə xərcləri ödəmək üçün gəlirlər əldə edirlər, fondun aktivlərini artırırlar.
Xeyriyyəçilik və digər xüsusi təyinatlı fondların idarə edilməsinə gəldikdə isə, bazar
iqtisadiyyatı şəraitində çoxlu xayriyyəçilik və müxtəlif yardım fondları yaradılır. Bu
fondlar müxtəlif mənbələrdən vəsaitlər cəlb edərək xeyli miqdardia sərbəst pul
vəsaitlərinə malik olurlar. Bu fondlarla əməliyyatlar apararkən trast təşkilatı iki mühüm
funksiyanı yerinə yetirir. Bunlardan birincisi fondun vəsaitlərinin səmərəli şəkildə
yerləşdirilməsindən, ikincisi isə həmin vəsaitlərin fondun vəzifələrinə uyğun olaraq
bölüşdürülməsindən ibarətdir.
Dünya bank təcrübəsindən məlum olduğu kimi, investisiya şirkətləri və fondlarının
idarə edilməsi əməliyyatlarının trast əməliyyatları məcmucunda üstün çəkiyə malikdir.
Bu əməliyyatları icra edərkən banklar fondların pul vəsaitlərini yerləşdirir, onun
səhmdarlarının siyahısını араrır, dəyişiklikləri qeydə alır. Gəlirin bölüşdürülməsinə kö-
mək edir, dividendlər ödəyir, fondların səhmlərini və digər qiymətli kağızlarını yerləşdirir
və digər tapşırıqları icra edirlər.
Trast əməliyyatlarının bir növü də agent xidmətləridir, Əməliyyatların bu növünün
iştirakçıları aşağıdakılardır:
65
- prinsipal (etibar edən) – digər bir şəxsə hər hansı bir işi icra etmək tapşırığını və öz
səlahiyyətlərini ona verən şəxsdir;
- agent –prinsipalın adından fəaliyyət göstərən və onun göstərişlərini dəqiqliklə
yerinə yetirən şəxsdir.
Agent xidmətləri əməliyyatlarında əmlak üzərində mülkiyyət hüququ (əmlak
hüququ) prinsipalda (etibar edəndə) qalır. Agent yalnız vəkil edilmiş inanılmış şəxsin
funksiyalarını yerinə yetirir. Müqavilə əsasında agent yalnız ona tapşırılmış işin yerinə
yetirilməsi keyfiyyətinə görə məsuliyyət daşıyır. O, bu əməliyyatın son nəticələrinə görə
cavabdeh deyildir. Agent müştərinin vəsaitləri hesabına fəaliyyət göstərir və ondan
mükafat alır.
Agent xidmətləri icra edilərkən həm fiziki, həm də hüquqi şəxslər üçün əməliy-
yatlar yerinə yetirilir.
Həm fiziki həm də hüquqi şəxslər üçün aşağıdakı əməliyyatlar icra olunur:
– qiymətli kağızlar bazarında əməliyyatlar;
– pul və digər qiymətlilərin saxlanması və verilməsi;
– etibarnamələrin, vəsiyyətnamələrin digər hüquqi və notarial sənədlərin rəsmiləş-
dirilməsi.
Bu əməliyyatlardan əlavə fiziki şəxslər üçün səhm və istiqrazlar üzrə gəlirin
alınması, hüquqi şəxslər üçün isə depozit xidmətləri yerinə yetirilir.
Əməliyyatların bu növlərinin özünəməxsus xüsusiyyətlərinə nəzər salaq.
A) Qiymətli kağızlar bazarında əməliyyatlar. Bu tip trast əməliyyatlarını trast
təşkilatları həm fiziki həm də hüquqi şəxslər üçün fond bazarında fəaliyyətlə bağlı olaraq
agent xidmətləri formasında icra edirlər. Bu əməliyyatlar əsasən qiymətli kağızların alqı-
satqısı, onlar üzrə ödəmələrin həyata keçirilməsi, qiymətli kağızlar vasitəsilə ssuda
verilməsi, səhmdar cəmiyyətlərin yenidən təşkili zamanı səhm mübadiləsi, qiymətli
kağızlarla əməliyyatlarla bağlı risklərin sığorta olunmasına kömək göstərilməsi, sığorta
polisinin sənədləş-dirilməsi, birja və birjadan kənar sövdələşmələrin qeydiyyatı, əmlakın
girovdan azad edilməsi, itmiş xarab olmuş, oğurlanmış qiymətli kağızların dəyişilməsi və
s. ilə bağlıdır. Bu agent xidmətlərinin hər birinin özünəməxsus xüsusiyyətlərə malik
Dostları ilə paylaş: |