27
biliklərin yayılmasına yardımdır.
Metodoloji funksiya - öyrənilən obyektlərin daha tam dərk edilməsinə, onla-
rın təbiəti və inkişaf qanunlarının düzgün başa düşülməsinə, texnologiyalarının
dəyişdirilməsi və təkmilləşdirilməsinə, alternativ inkişaf modelləri və innovativ
imkanların yaradılmasına imkan verən, sistemli kulturoloji yanaşma prinsipləri-
nə əsaslanan metodologiya və metodların hazırlanmasıdır.
İstehsal funksiyası - bəşəriyyətin sosial-mədəni təcrübəsinin dərk
edilməsi, insanın, insan münasibətləri və beynəlxalq münasibətlər mədəniy-
yətinin təkmilləşdirilməsi, sosial və dövlət fəaliyyətinin, dövlət quruculuğu,
milli və beynəlxalq idarəetmənin müxtəlif sahələri üzrə mütəxəssislərin ha-
zırlığı üçün zəruri olan universal kulturoloji biliklərin istehsalıdır.
İdeoloji funksiya - dövlətin maraqlarına cavab verən, elmin ən yeni nai-
liyyətlərinə və milli mədəniyyət dəyərlərinə əsaslanan, insanların mənəvi,
hüquq və estetik tərbiyəsinə, ictimai münasibətlərin tənzimlənməsinə, milli
inkişaf məqsədlərinə nail olunmasında əhalinin yüksək sosial fəallığı və mo-
billiyinə yardım edən mütərəqqi ideologiyanın formalaşdırılmasıdır.
İdarəçilik funksiyası - insanların maddi rifahı və həyat keyfiyyətinin təmin
edilməsinə, ictimai tərəqqiyə, daxili və beynəlxalq təhlükəsizliyə nail olma
məqsədilə cəmiyyətin istehsal və sosial həyat fəaliyyətinin təşkil edilməsi üz-
rə dövlət aparatının effektivliyinin yüksəldilməsinə imkan verən kulturoloji
idarəetmə texnologiyalarının yaradılması və təkmilləşdirilməsidir.
Quruculuq funksiyası - yoxsulluğun aradan qaldırılmasına, ekoloji təhlükə-
sizlik və davamlı inkişafa nail olmağa yardım edən, əvvəlki nəsillərin təcrübəsini,
bəşəriyyətin müasir elmi və texnoloji nailiyyətlərini nəzərə alan, gələcəkdə milli
və qlobal kreativ inkişaf ssenarilərinin və səmərəli modellərin yaradılmasıdır.
Kulturologiyanın strateji əhəmiyyəti
Davamlı milli inkişaf üçün kulturologiyanın əhəmiyyəti onunla şərtlən-
mişdir ki, o:
Strateji və taktiki məqsədləri formalaşdırmağa və təkmilləşdirməyə,
istiqamətləri müəyyən etməyə və fərdi, sosial, dövlət və beynəlxalq inkişaf
prioritetlərini bərqərar etməyə;
Cəmiyyətin və dövlətin milli maraqlara cavab verən müxtəlif istiqa-
mətlərinin səmərəli koordinasiyasını təmin etməyə;
Tarixi təcrübə və dünya sivilizasiyasının komparativ təhlili əsasında
dövlətin davamlı inkişaf modelləri və texnologiyalarını, əməyin və istehsal
olunan məhsulun yüksək məhsuldarlığını və keyfiyyətini təşkil etməyə;
Cəmiyyətin və dövlətin müxtəlif sahələrində dünya elminin ən yeni