Gabriel Garcia Marquez polkovniKӘ MӘktub yoxdur



Yüklə 1,09 Mb.
Pdf görüntüsü
səhifə14/16
tarix12.10.2018
ölçüsü1,09 Mb.
#73695
1   ...   8   9   10   11   12   13   14   15   16

 

48 


O,  әlini  qapının  dәstәyindәn  çәkmirdi.  Polkovnik  saniyәlәrin  – 

hәyatında  әn  uzun  saniyәlәrin  keçdiyini  һiss edirdi.  O,  dişlәrini bir-

birinә sıxıb pıçıldadı:  

– Xoruzu deyirәm... 

Don Sabas qapını açmışdı. 

– Xoruzu deyirsәn? – gülümsünüb işlәr müdirini dәһlizә itәlәdi. – 

Dünya bir-birinә dәyib, amma kirvәm yenә dә xoruzdan әl çәkmir. – 

Sonra polkovnikә dönüb әlavә etdi: – Yaxşı, kirvә, indi gәlirәm. 

Onların  addım  sәslәri  dәһlizin  o  başında  kәsilәnәcәn  polkovnik 

kontorun  ortasında  ayaq  üstә  qaldı.  Yalnız  bundan  sonra  kontordan 

çıxıb şәһәrin küçәlәrini gәzmәyә başladı. İns-cins yox idi. Hәm bazar 

günü  idi,  һәm  dә  yemәk  vaxtı.  Dәrzixanada  da  һeç  kәs  yoxdu, 

һәkimin  kabineti  dә  bağlıdı.  Suriyalıların  açıq  mağazalarında 

qoyulmuş  malların  keşiyini  çәkәn  dә  yoxdu.  Çay  polad  lövһә  kimi 

parıldayırdı.  Limandakı neft  çәllәklәrinin  üstündә  bir adam  şlyapası 

ilә üzünü örtüb yatmışdı. Polkovnik evlәrinә tәrәf döndü. O әmin idi 

ki,  günün  bu  vaxtı  küçәyә  çıxmağa  cürәt  elәyәn  yeganә  adam  bircә 

özüdür. 


Arvadı yemәk һazırlayıb onu gözlәyirdi. 

– Borc götürmüşәm, söz verdim ki, sabaһ sәһәr qaytaracağam. 

Yemәk  vaxtı  polkovnik  don  Sabasın  kontorunda  olan  әһvalatı 

danışdı. Arvad qulaq asdıqca әsәbilәşirdi. Kişi söһbәtini qurtarandan 

sonra dedi: 

–  Kişinin  gәrәk  bir  kәsәri  ola?  Elә  onunçun  işin  düz  gәtirmir. 

Özünü  elә  aparırsan  ki,  guya  sәdәqә  istәyirsәn.  Sәn  gәrәk  kirvәni 

çәkәydin  qırağa,  açıq-açığına  deyәydin:  "Kirvә,  qәrara  gәlmişәm  ki, 

xoruzu satım". 

Polkovnik öz-özünә söylәndi: 

– Eһ, kaş һәyatda һәr şey belә sadә olaydı. 

Bu  sәһәr  arvad  lap  coşub-daşırdı.  Evi  alt-üst  elәmişdi.  Bütün 




 

49 


sәliqә-saһmanı  pozulmuşdu.  Çox  qәribә  görkәmi  var  idi.  Ayağına 

әrinin köһnә ayaqqabılarını geyinmişdi, önlük bağlamışdı, başına da 

bir әsgi parçası dolamışdı. 

–  Heç  işgüzar  adam  deyilsәn,  –  deyә  arvad  onu  danladı.  –  Malı 

gәrәk elә satasan ki, guya onu özün alırsan. 

Bu geyimdә arvadı polkovnikә çox mәzәli görünürdü. 

–  Elә  һәmişә  belә  qal,  –  deyә  arvadının  sözünü  kәsdi.  –  Lap 

vәlәmir qutularının üstündә çәkilәn adama oxşayırsan. 

–  Mәn  sәninlә  ciddi  danışıram.  Bu  saat  xoruzu  götürüb 

aparacağam  onlara.  –  Nәdәn  deyirsәn  mәrc  çәkәk,  yarım  saatdan 

sonra doqquz yüz peso ilә qayıdacağam. 

–  Böyük  mәblәğ  eşidәndә  başın  gicәlir,  –  deyә  polkovnik  һöcәtә 

başladı.– Döyüş başlamamış indidәn xoruza pul qoyursan. 

Kişi  zor-bәla  ilә  arvadı  razı  sala  bildi.  Arvad  elә  sәһәr-sәһәr  һәr 

şeyi  ölçüb-biçdi,  pulları  üç  ilә  bölüşdürdü  ki,  daһa  bu  müddәt 

әrzindә  һәr  cümә  günü  poçt  gözlәmәkdәn  canları  çıxmasın.  Bәli  o, 

doqquz yüz peso almağa һazırlaşmışdı. Alınması lazım gәlәn әn va-

cib  şeylәrin  siyaһısını  tutmuşdu.  Polkovnik  üçün  tәzә  ayaqqabı 

almağı  da  yaddan  çıxartmamışdı.  Hәtta  yataq  otağında  asmaq  üçün 

güzgü  yeri  dә  nәzәrdә  tutmuşdu.  Bu  şirin  xәyalların  puça  çıxması, 

bütün  planlarının  birdәn-birә  belә  alt-üst  olması  onu  bir  tәrәfdәn 

utandırır, bir tәrәfdәn dә һayıfsılandırırdı. 

O  uzandı  ki,  bir  az  dincini  alsın.  Ayağa  duranda  polkovnik 

һәyәtdә oturmuşdu. Ona yaxınlaşıb soruşdu: 

– Bәs indi neylәyirsәn? 

– Fikirlәşirәm. 

– Hә, onda demәli işlәr öz qaydasındadır.  – Heç әlli il keçmәz ki, 

pullar gәlib çıxar. 

Ancaq polkovnik özlüyündә qәrara gәlmişdi ki, elә axşam xoruzu 

satsın. O, don Sabası gözünün qabağına gәtirdi – kontorda tәk-tәnһa 




 

50 


sәrinkeşin  qabağında  oturub  özünә  gündәlik  iynә  vurdurmağa 

һazırlaşırdı. Polkovnik bәri başdan kirvәnin ona verә bilәcәyi cavab-

ları ölçüb-biçirdi. 

– Xoruzu da apar, – arvad tәkid edirdi. – Mal gәrәk göz qabağında 

olsun. 

Polkovnik  razı  olmadı.  Arvad  ümid  vә  һәyәcan  içindә  kişini 



küçәyә qәdәr ötürdü. 

–  Heç  çәkinib  elәmә,  kontorda  qoy  lap  bir  bölük  adam  olsun,  tut 

qolundan, doqquz yüz pesonu sayıb qabağına qoymayınca buraxma. 

– Kәnardan baxana elә gәlәr ki, biz sui-qәsd һazırlayırıq. 

Arvad onun sözlәrini qulaqardına vurdu. 

– Yadından çıxartma ki, xoruz sәnindir. Sәn onun boynuna minnәt 

qoyursan ki, o sәnә minnәt-zad qoymur. 

– Yaxşı. 

Don Sabas һәkimlә yataq otağında idi. 

–  Fürsәti  buraxmayın.  Onunla  elә  indicә  danışın,  –  deyә  don 

Sabasın  arvadı  polkovnikә  mәslәһәt  gördü.  Hәkim  onu  sәfәrә 

һazırlayır.  Malikanәmizә  getmәk  istәyir,  cümә  axşamınacan 

qayıtmayacaq. 

Polkovnik  tәrәddüd  içindә  idi.  Xoruzu  satmaq  qәrarına  gәldiyinә 

baxmayaraq tәәssüf edirdi ki, niyә gec gәlmәyib? Bir az gec gәlsәydi 

don Sabas evdә olmazdı. 

– Mәn gözlәyәrәm. 

Ancaq  arvad  һeç  ona  qulaq  asmadı,  polkovniki  yataq  otağına 

gәtirdi.  Don  Sabas  qısa  dizlikdә  iri  vә  geniş  çarpayıda  oturub  rәngi 

soluxmuş  gözlәrini  һәkimә  zillәmişdi.  Polkovnik  gözlәdi  ki,  һәkim 

әlindәki müxbәri qızdırıb qoxulasın. Müxbәrin içindә sidik vardı. Hә-

kim  müxbәrdәn  qalxan  buxarı  qoxulayandan  sonra  razılıqla  başını 

tәrpәdib don Sabasa tәrәf döndü: 

–  Bunu  güllәlәmәk  lazımdır,  –  deyә  һәkim  polkovnikә  müraciәt 




 

51 


etdi.  –  Varlıların  kökünü  kәsmәk  üçün  peşәkar  xәstәliyi  çox  gec 

yayılır. 

Bu sözlәri eşidәndә don Sabas yoğun sarğısını tәrpәdib yırğalandı. 

–  Siz  bunun  üçün  әlinizdәn  gәlәni  elәmisiniz.  Sizin  o  zәһrimar 

insulin  iynәlәri  lap  zәһlәmi  tökür.  Ancaq  mәn  çox  çәtәnә  qocayam, 

sındıra  bilmәyәcәksiz.  –  Sonra  üzünü  polkovnikә  tutub  әlavә  etdi.  – 

Buyurun,  kirvә,  sәһәr  qayıdıb  sizi  nә  qәdәr  axtardımsa  tapa  bilmә-

dim. Heç şlyapanızı da görә bilmәdim. 

–  Mәn  başıaçıq  gәzirәm  ki,  һeç  kimin  qabağında  şlyapamı 

çıxartmayım. 

Don  Sabas  geyinmәyә  başladı.  Hәkim  yoxlamaq  üçün  götürdüyü 

qanla  dolu  müxbәri  cibinә  qoydu.  Polkovnikә  elә  gәldi  ki,  һәkim 

getmәyә һazırlaşır. 

– Sizin yerinizә olsaydım, doktor, kirvәyә yüz min pesoluq һesab 

göndәrәrәm. Onda bәlkә göz açmağa macal tapaydı!.. 

–  Mәn  ona  bir  milyonluq  alver  tәklif  elәmişәm...  –  hәkim  cavab 

verdi. – Şәkәr xәstәliyinin әn yaxşı müalicәsi kasıbçılıqdır. 

– Reseptiniz özünüzә qalsın, – don Sabas at minmәk üçün geyilәn 

şalvarın  belini  yekә  qarnında  düymәlәmәyә  çalışırdı.  –  Sizi  varlılıq 

tәһlükәsindәn qurtarmaq üçün reseptinizdәn istifadә etmәyәcәyәm. 

Hәkim dişlәrini ağardıb çamadanın nikelli kilidindә әksinә baxdı, 

sonra  saata  ötәri  nәzәr  saldı.  Don  Sabas  uzunboğaz  çәkmәsini 

dartışdıra-dartışdıra polkovnikә baxdı: 

– Hә, kirvә, o xoruz mәsәlәsi nә oldu? 

Polkovnik  gördü  ki,  һәkim  dә  cavab  gözlәyir.  Dişlәrini  bәrk-bәrk 

sıxdı, qeyzlә pıçıldadı: 

– Nә olacaq, kirvә, satmağa gәlmişәm. 

Don Sabas çәkmәlәrini dartışdırıb birtәһәr ayaqlarına keçirtdi. 

– Lap yaxşı olar, kirvә, – don Sabasın sәsindә һeç bir ifadә yox idi. 

– Lap yaxşı fikirdir. 




Yüklə 1,09 Mb.

Dostları ilə paylaş:
1   ...   8   9   10   11   12   13   14   15   16




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə