~~~~~~~~~~
Qarabağın Tutusu
~~~~~~~~~~
31
aldığım zaman Tutunu gördüm. Lakin buna inana bilmir-
dim. Çünki mən onu tapmaq üçün çox yerə soraq salmış-
dım. Hətta qardaşım oğlunu Tutugilin rayonuna-Zaqatalaya
göndərmişdim ki, onu tapsın. Tapa bilməmişdi. Tutunu
səsindən tanıdım. Artıq dörd ildir ki, mən canım bacımı,
həyatımı xilas edən Tutu bacımı tapmışam. Mən fədakar
tibb bacısı Rüxsarə xanıma təşəkkür edirəm. Onun yolunu
Zəngişalı kəndində gözləyirəm.
Rüxsarə xanım bildirdi ki, onun əməliyyatına kömək
məqsədi üçün keçirilən tədbirdə Binəqədi rayon Əlil və
Veteranlar birliyinin sədri Şahin Ağayev 1992-ci ildə Fərrux
dağı ətrafında gedən döyüşlərdə yaralanan zaman Rüxsa-
rənin onun yarasını sarımasını, ilk tibbi yardım göstərmə-
sini söyləmişdir.
Bir saylı Hərbi Səhra Cərrahiyyə Hospitalının rəisi,
hərbi həkim, cərrah Alı Qurbanlının dediklərindən:
-Müharibə başlayandan mənRüxsarə Cumayevanı tanı-
yıram. Onun cəsur, mərd olduğunu, 1992-ci ildən 1994-cü
ilin əvvəlinə qədər tibb bacısı kimi ön cəbhədən yaralıları
necə gətirdiyini gözlərimlə görmüşəm. Yaralılara ilk tibbi
yardımı elə göstərirdi ki, onlar hospitala gələn zaman hiss
olunurdu ki, bu sarğını tibbi savadı olan bir tibb işçisi
sarıyıb. Rüxsarə xanım özü əlil olsa da o, şəfalı əlləri ilə
yaralı döyüşçülərin yaralarına məlhəm verirdi. Mən Azər-
baycanın torpaqları uğrunda şücaət göstərmiş cəsur Tutu
ləqəbli Rüxsarə xanımın qarşısında baş əyirəm.
Döyüş yoldaşı Şirxanın dediklərindən:
-Mən Tutunu 1993–cü ildə Ağdamın Şelli kəndində
~~~~~~~~~~
Qarabağın Tutusu
~~~~~~~~~~
32
olan döyüşlərdən tanıyıram. Tutu əsil bacı qayğısı, mehri-
bançılığı ilə hər bir əsgər yoldaşımızın qəlbində böyük bir
iz qoymuşdu. Mən yaralandığım zaman, yaramı sarıyıb,
Gəncədə olan Abbas Səhhət adına uşaq xəstəxanasına
aparmışdı. O, çox qayğıkeş xanım idi.
Döyüş yoldaşı, I qrup əlil Vəliyev Nazimin
dediklərindən:
- Mən bu yay Şağanda Əlil və Veteranlar üçün pon-
sionatda müalicə alırdım. Axşam tərəfi idi. Uşaqlar bir
xanımın başına yığışıb, söhbət edirdilər. Söhbətə mən də
qoşuldum. Söhbətimiz mübahisəyə çevrildi. Amma səs
mənə o qədər doğma idi ki. Hər ikimiz sağollaşdıq, öz otaq-
larımıza getdik. Səhəri gün yenə bu xanımın başına topla-
şıb, söhbət edirdilər. Yaxına gəldim. Axşam səsi mənə şirin
gələn bu xanımı tanıdım. Həmin xanım Ağdərənin Canyataq
kəndində bir postda yaralı döyüş yoldaşlarımı çıxardan
Tutu Cumayeva idi. Allah bizi yenidən görüşdürdü. İndi biz
artıq bir ailə kimi çox yaxınıq.
Xocalı rayon sakini Ağdam rayonunda məskunlaşmış
Araz Aslanov Tutu haqqında belə deyir: -Mən 1992-ci ildə
Ağdam istiqamətində gedən döyüşlərdə Rüxsarə Cuma-
yevanı tanımışam. Yadıma gəlir Fərrux dağda atışma oldu.
Dəstədən uzaq düşdük və Tutu ilə 4 saat mühasirədə qal-
dıq. Heç qorxu bilmirdi. İndiki kimi yadımdadır. Onun ba-
laca avtomatı var idi, bir tərəfində tibbi ləvazimat çantası,
bir tərəfində avtomat. 1993-cü ildə Fərrux dağı uğrunda ge-
dən döyüşdə ayağımdan yaralandım. Rüxsarə ilk tibbi
yardım edib, məni Ağdamın Dovşanlı kəndində yerləşən
~~~~~~~~~~
Qarabağın Tutusu
~~~~~~~~~~
33
Hərbi Səhra Hospitalına gətirdi və orda da həkimlərin rəyi
belə oldu ki, tibbi yardımı yaxşı edib artıq hospitalda
qalmağa ehtiyac yoxdur və Rüxsarə xanım bu yaranı hərbi
hissədə özü müalicə edə bilər. Biz ön cəbhəyə döndük.
Xatirələrim çoxdur, amma birini də danışmaq istərdim ki,
1993-cü ildə Mehmanə döyüşlərində Tutu cəbhə yoldaşları
ilə döyüş meydanından yaralıları çıxartmağa kömək etdi.
Və vaxt itirmədən Nəsimiyə, Amilə, Şıxəliyə və digər
döyüşçü yoldaşlarına ilk tibbi yardım göstərdi. Biz Tutunu
anamız, bacımız kimi sevirdik, o da bizə ürəklə yanaşırdı.
Hər birimizə qayğı göstərirdi.
Almaz Zeynalova Rüxsarə xanımı neçə illərdi ki, tanıyır.
Onun Qarabağ müharibəsi zamanı şücaətini görməsə də
Tutunun necə mərd və cəsur, vətənpərvər olduğunu, Vətən
üçün necə canıyla, qanıyla necə yandığını söylədi. “Belə
qəhrəman qadınlar Azərbaycan üçün mərdlik və cəsarət
simvoludurlar”- dedi.
Radə Abbas Rüxsarə Cumayevanın ön cəbhədən necə
yaralıları gətirməsini və döyüşkən cəsur bir xanım
olduğunu söylədi.
~~~~~~~~~~
Qarabağın Tutusu
~~~~~~~~~~
34
~~~~~~~~~~
Qarabağın Tutusu
~~~~~~~~~~
35
RÜXSARƏ
XANIMIN
XATİRƏLƏRİ. . .
~~~~~~~~~~
Qarabağın Tutusu
~~~~~~~~~~
36
RÜXSARƏ XANIMIN XATİRƏLƏRİ:
-1992-ci ildə Ağdamda yerləşən hospitalda 18 əsgərə
qan vermişəm.
-1988- ci il noyabr ayının 20-dən dekabr ayının 5-nə
kimi hal-hazırda Azadlıq meydanı adlanan yerdə aclıq
aksiyasına qoşuldum. Topxana meşəsinin qırılmasına etiraz
əlaməti olaraq.
-Mən dörd dəfə əmrim olmadan döyüşə girmişdim.
Rəhmətlik milli qəhrəmanımız Şirin Mirzəyev Fərrux dağı
ətrafında gedən döyüşlərdə artıq mənim döyüşdə iştirakım
üçün əmrimi reallaşdırdı. “Tutu” ləqəbini də Şirin Mirzəyev
vermişdi mənə. “Qaraca qız” filimində Qaraca qıza
bənzədiyim üçün.
-Mehmanə döyüşü zamanı yolu azmışdıq. Komandirim
Qələndar İsmayılov xalamın oğlu Cavanşir Qurbanova
müraciətlə dedi:
- Deyəsən mühasirəyə düşmüşük. Tutunun əsir
düşməsinə mane olmalıyıq. Tutuya kim güllə atacaq?!
Cavanşir əlindəki avtomatı yerə ataraq söylədi:
-Komandir, mənim əlim gəlməz vurmağa.
Dayım oğlu Hacıbəy isə dedi:
- Mən vuraram! Erməniyə diri getməyə qoymaram!
Mühasirədən çıxdıq. Biz meşənin içi ilə Mehmanəyə
doğru qalxdıq. 2-3 gün ağır döyüşlər getdi.
Dostları ilə paylaş: |