81
qiymətləndirici daşınmaz əmlak bazarının konyukturunu və perspektivlərini
araşdırmalıdır.
Təhlilin birinci mərhələsi daşınmaz əmlak bazarının faktiki vəziyyəti və işgüzar
fəallığı barədə ümumi təsəvvürlər yaratmalıdır. Bunun üçün qiymətləndirici aşağıdakı
ə
sas göstəricilər barədə məlumatları toplamalıdır: bazarda mövcud olan şirkətlərin sayı,
onların fəaliyyətinin əsas istiqamətləri; müəyyən dövr ərzində daşınmaz əmlak üzrə
bağlanmış müqavilələrin sayı, dinamikası; müqavilələrin rəsmiləşdrilməsinin orta
müddəti; bazarda ayrı-ayrı daşınmaz əmlak növlərinə tələb və təklifin dinamikası;
kütləvi informasiya vasitələrində daşınmaz əmlak bazarının problemlərinin
işıqlandırılma səviyyəsi; daşınmaz əmlak bazarının öyrənilməsi ilə məşgul olan
ixtisaslaşmış şirkətlərin mövcudlugu, sorgu kitabçalarının, bülletenlərin buraxılması;
daşınmaz əmlak bazarının inkişafını stimullaşdıran yaxud məhdudlaşdıran normativ
hüquqi aktların mövcudluğu və sair.
Bu məlumatların təhlili nəticəsində qiymətləndirici bazar iştirakçilarının strategiya
və taktikası, onların bazarın hansı seqmentində cəmləşdiyi, qiymətləndirilən obyektin
hansı seqmentə mənsubluğu, bu seqmentin xüsusiyyətləri (obyektlərin bazara
çıxarılması ilə satışı arasında müddət, alıcıların tipi, qiymətlərin səviyyəsi və s.)
haqqında rəyini formalaşdırır.
Daşınmaz əmlak bazarının vəziyyətini təhlil etdikdən sonra qiymətləndirici onun
müxtəlif seqmentlərinin (məsələn, torpaq sahələri və binalar, kommersiya və qeyri-
kommersiya məqsədlərinə istifadə olunan obyektlər, daşınmaz əmlakın alqı-satqısı və
icarəyə verilməsi) ümumi vəziyyəti və inkişaf perspektivlərini öyrənməyə başlayır.
Tədqiqatlar əsasən üç istiqamətdə - tələbin təhlili, təklifin təhlili və tələblə təklifin
qarşılıqlı təsirinin təhlili - istiqamətlərində aparılır.
Tələbin təhlili. Bazarın hər bir seqmentində tələbin səviyyəsi məhz onun üçün
səciyyəvi olan amillərin təsiri altında formalaşır. Məsələn, mənzillərin alınıb-satıldığı
və ya icarəyə verildiyi seqmentdə tələbin səviyyəsini təhlil edərkən, cari demoqrafik
vəziyyət və onun dəyişməsi barədə proqnozlar, əhalinin müxtəlif qruplarının həyat
standartları, zövqləri, carı alıcılıq qabiliyyəti və gəlirlərinin səviyyəsinin dəyişməsi
82
perspektivləri; komersiya məqsədləri üçün istifadə olunan obyektlər seqmentində -
ölkədə (regionda) işgüzar fəallığın səviyyəsi, yeni müəssisələrin və təşkilatların
qeydiyyatdan keçməsi, onların ofislərə, istehsal sahələrinə, torpaq sahələrinə ehtiyacı,
mövcud hüquqi şəxslərin ləğvi, iqtisadiyyatın müxtəlif sahələrini tənzimləyən
qanunvericilik bazasının dəyişməsi ehtimalı, enerji və nəqliyyat tarifləri, investisiya
qoyuluşlarının perspektivləri və sair təhlil edilməlidir.
Təklifin təhlili. Daşınmaz əmlak bazarının hər bir konkret seqmentində təklifin
strukturu iki amilin - istifadəsiz, qismən istifadə olunan, habelə satış üçün hazır
daşınmaz əmlak obyektlərinin yeni tikintisinin həcminin təsiri altında formalaşır.
Bazarın hər bir seqmentində mövcud olan daşınmaz əmlak obyektlərinin ehtiyatı
satılmış yaxud icarəyə verilmiş obyektlərin sayının satış yaxud icarə üçün potensial
yararlı olan obyektlərin miqdarına nisbəti kimi hesablanan kəmiyyətlə ölçülür. Bu
göstəricinin aşağı olması bazarın müvafiq seqmentində işgüzar fəallığın yüksək
olduğunu bildirir. Daşınmaz əmlak obyektlərinin yeni tikintisinin imkanlarını
müəyyənləşdirən qiymətləndirici ilk növbədə inşaat işlərinin templəri, tikinti
sənayesinin ümumi vəziyyəti, inşaat materiallarının qiymətləri, yeni inşaat
texnologiyaları barədə informasiya əldə etməlidir.
Daşınmaz əmlak bazarında tələblə təklifin qarşılıqlı təsiri ilk növbədə obyektlərin
satışı və icarəyə verilməsinin qiymətləri ilə ifadə olunur. Bu təsiri və onun nəticələrini
təhlil edən qiymətləndirici, qiymətləndirdiyi obyektin bazarda tutacağı mövqe barədə
mülahizələrini formalaşdıra bilər.
Demoqrafik vəziyyətin təhlili kifayət qədər geniş məsələlər dairəsini əhatə edir.
Bunlara əhalinin sayının, yaş və peşə tərkibinin dəyişməsi, ərazidə yerləşməsi və
miqrasiya imkanları, həyat tərzi, təhsil səviyyəsi, dövlətin və yerli hakimiyyət
orqanlarının sosial proqramları və s. aiddir. Yaşayış təyinatlı daşınmaz əmlak
obyektlərinin inşasınin həcmi və dəyəri ərazinin demoqrafik göstəricilərindən, habelə
ə
halinin real alıcılıq qabiliyyətindən birbaşa asılıdır.
Dövlət tərəfindən qəbul edilən qanunvricilik aktları qiymətləndirmə prosesinə
birbaşa təsir göstərir. Bu sənədlərə 1998-ci ildə qəbul edilmiş «Qiymətləndirmə
83
fəaliyyəti haqqında» Azərbaycan Respublikası Qanunu, «Azərbaycan Respublikasının
gömrük ərazisinə gətirilən və bu ərazidən çıxarılan malların gömrük qiymətləndirilməsi
sisteminin tətbiqi Qaydaları» (AR. Nazirlər Kabinetinin 1998-ci il 12 yanvar tarixli, 7
nömrəli Qərarı ilə təsdiq edilmişdir), «Özəlləşdirilən dövlət müəssisə və obyektlərinin
yerləşdiyi torpaq sahələrinin normativ qiyməti haqqında Əsasnamə»ni (A.R. Nazirlər
Kabinetinin 1998-ci il 27 aprel tarixli, 93 nömrəli Qərarı ilə təsdiq edilmişdir),
«Azərbaycan Respublikasında torpaqların normativ qiymətinin müəyyən edilməsi
barədə Əsasnamə»ni (AR. Nazirlər Kabinetinin 1998-ci il 23 iyul tarixli, 158 nömrəli
Qərarı ilə təsdiq edilmişdir), «Fiziki şəxslərin mülkiyyətində olan binaların inventar
dəyərinin hesablanması Qaydaları»nı (AR. Nazirlər Kabinetinin 1999-cu il 28 iyun
tarixli, 110 nömrəli Qərarı ilə təsdiq edilmişdir), «Qiymətləndirmə standartları və
normaları, peşəkar qiymətləndiricilərin hazırlanması Qaydaları»nı (A.R. Nazirlər
Kabinetinin 2000-ci il, 27 iyun tarixli, 107 nömrəli Qərarlı ilə təsdiq edilmişdir),
«Özəlləşdirilən dövlət müəssisələrinin (obyektlərinin) ilkin qiymətlərinə tətbiq edilən
ə
msallar» (AR. Nazirlər Kabinetinin 2001-ci il 24 yanvar tarixli, 23 nömrəli Qərarlı ilə
təsdiq edilmişdir), «Binalar üzrə əmlak vergisinin hesablanması Qaydaları»nı (AR.
Nazirlər Kabinetinin 2001-ci il 23 fevral tarixli, 46 nömrəli Qərarı ilə təsdiq
edilmişdir), «Birbaşa və dolayı qiymətləndirmə metodlarının tətbiq edilməsi Qayda-
ları»nı (A.R. Nazirlər Kabinetinin 2001-ci il 23 fevral tarixli, 47 nömrəli Qərarlı ilə
təsdiq edilmişdir), «Malın (işin, xidmətin) bazar qiymətinin müəyyən edilməsi
Qaydaları»nı (AR. Nazirlər Kabinetinin 2002-ci il 4 yanvar tarixli, 6 nömrəli Qərarı ilə
təsdiq edilmişdir), «Müsadirə edilmiş, sahibsiz qalmiş, vərəsəlik hüququ əsasında
dövlət mülkiyyətinə keçən əmlakın və dəfinələrin uçotu, qiymətləndirilməsi və
saxlanılması, istifadəsi və satılması barədə Əsasnamə»ni (AR. Nazirlər Kabinetinin 18
aprel 2002-ci il tarixli, 69 nömrəli Qərarlı ilə təsdiq edilmişdir) və s. nümunə göstərmək
olar. Dövlətin və yerli hakimiyyət orqanlarının torpaq və vergi münasibətlərini, bank
fəaliyyətini, dövlət əmlakının özəlləşdirilməsini, ərazinin zonalaşdırılmasını,
ekologiyanı tənzimləyən normativ hüquqi aktları da qiymətləndirmənin nəticələrinə
təsir edən mühüm amillər kimi göstərmək olar.
Dostları ilə paylaş: |