Ağa Musa Nağıyev haqqında əlavə məlumatlar
Yüklə 257,86 Kb. Pdf görüntüsü
|
156 REJİSSOR – AЬA MUSA ROLUNUN İFAЧISI HAQDA Aktyor Mirzə Ağabəyli bu filmə çəkilərkən kino və teatr aləmindən tamamilə uzaqda idi. Mərhum Şahmar Ələkbərov onu Ağa Musa Nağıyev rolunda görübmüş kimi, öhdəsindən gələcəyinə çox inamlı idi. Ssenaridə dəyişiklik etsəm də, amma o vaxtı səhnədən ta- mamilə uzaq olan aktyor Mirzənin rolun öhdəsindən gələ- cəyinə mən də inamlı idim. Amma... ...Çəkilişlərə hərdən gecikən, hərdən gəlməyini təxirə sa- lan Mirzə Ağabəyli - Əzizbəyov rayon İcra Hakimiyyətinin nümayəndəsi idi. Gecikdiyinin səbəbini zarafatla belə izah edirdi ki, mən işdə olmayanda lazım oldu-olmadı su və qaz borularından hara gəldi istifadə edirlər. Belə getsə, Bakıda boru qalmayacaq. Amma bütün bunlara baxmayaraq, film alındı. İcra Haki- miyyətinin nümayəndəsi olsa da, sözün əsl mənasında iste- dadlı aktyor Mirzə Ağabəyli – Ağa Musa zirvəsini fəth edə bildi. Sözün əsl mənasında – Alındı! Ağa Musa oğurlanarkən yanına göndərilən “əcnəbi” qa- dınla “sevgi macərası”nın alınması da Mirzənin istedadını bir daha təsdiqlədi. Rövşən Almuradlı onun haqqında ağız dolusu danışarkən, bunları da əlavə etdi: – çəkiliş prosesində Mirzə Ağabəylinin genetik daşıyıcı, ekssentrik bir insan olduğunun şahidi oldum. 157 Mirzə ümumiyyətlə oynadığı rollarını özü səsləndirir. Onun əsl Bakı ləhcəsilə danışıq tərzi filmdə özünə məxsus ab-hava yarada bildi. Hərdən ara sözlərini işlətməsilə filmə bir şirinlik gətirməsinə, tamaşaçının əhval-ruhiyyəsinin yaxşılaşmasına səbəb olduğuna inanıram. P.S. Ağa Musa sevgisi ilə yaşayan bu insanlarla isti mü- nasibətim bir sistem halı alıb. Onların hər birinin Ağa Musa haqqında həyata keçirdikləri işlər məni çox sevindirir. Tarixə verilən qiymət sonsuz olur. Ağa Musanı yaşatmaq özü bir qəhrəmanlıqdır. 158 NЯNЯSİNİN İNCİNAR BALASI (Aktyor Mirzə Ağabəylinin ekran arxası həyatı) M irzə söhbət əsnasında vurğulayırdı ki, atam tez-tez mənə deyərdi: - Oğul təki sən yaxşı oxu, barmağını hansı ali məktəbə uzatsan, orada oxuyacaqsan. Anamın və bir də öz arzum hüquqşünas olmaq idi. Nənəm isə bütün yaşlı qadınlar kimi məni öz sözü ilə desəm, incinar (mühəndis) görmək arzusunda idi. Məni elə hey şirin-şirin - “mənim incinar balam”- deyib, əzizləyərdi. Amma bütün bunların əksinə ürəyimin dərinliyində tama- milə başqa bir arzu boy atmaqda idi. Bunu duyan babam isə: “Vallah bu uşaq oyunbaz olacaq” - deyirdi. Düz deyiblər ki, niyyətin hara, mənzilin ora. Qismət elə gətirdi ki, Mirzənin arzusu onu aktyorluq səmtinə yönəldi. O, 1975-ci ildə M.A.Əliyev adına Azərbaycan Dövlət İncəsənət İnstitutunun “Dram və kino aktyoru” ixtisasına yiyələnir. İlk təcrübəsini “Tədris” teatrında keçir. Sonradan “Azərbaycanfilm” kinostudiyasının nəzdində olan “Bəri bax” kinostudiyasında işləyir. Nənənin incinar balası beləcə dönüb, aktyor olur. Lakin sənət aləmindəki intriqalar sənətkarın sənətdən uzaqlaşmasına səbəb olur. Aktyor Mirzə ailəsini dolandırmaq cəhdi ilə sevdiyi sənətindən ayrılmalı olur. Özünün dediyi kimi tamamilə başqa işlə məşğul olsa da, düşüncələrində teatrla məşğul olur, ruhən özünü səhnədə görürdü. Bu müddət nə az, nə də çox, düz 16 il (1992-2008) davam edir. Doğru deyiblər: Bir igidin ömrü! Bəlkə teatr və kino sevərlər nə düşünməyib, nə də heyfslən- məyiblər ki, haradadır bu gözəl insan, istedadlı aktyor? 159 Mən də məhz “Yük” filmində Ağa Musa rolunda Mirzəni görəndə irəlidə yazdıqlarımı yaşadım və xəcalət çəkdim. Hamı- nın yerinə. Gərək bir-birimizin qədrini sağlığımızda bilək. Belə bir istedadlı aktyora Akademik Dövlət Dram Teatrında 16 il “Yer yoxdur” – deyəndə, əlbəttə ki, qulaq dolar da... Özü- nün dediyi kimi: elə aktyor var ki, istedaddan uzaqdır. Əsas məqsəd sözləri əzbərləmək deyil, gərək istedad sənin qanında olsun. ADDT-na dəvət aldığına və səhnəni yenidən bölüşə bildi- yinə görə Mirzə hər zaman teatrın keçmiş direktoru Maqbet Bunyadova minnətdarlığını bildirir. Böyük fasilədən sonra teatrda ilk rolu “Şeyda” əsərində Məcid Əfəndi oldu. Mirzə Ağabəyli istər teatrda, istərsə də kinoda özünəməxsus rol seçməyə çalışıb. Mirzənin ekran həyatı gördüyü rollarını özü səsləndirir. O, Bakının Buzovna kəndində anadan olub və obrazlarında da qisməti bakılıları oynamaq olub. Müəllimi Xalq artisti, professor, İncəsənət İnstitutunun ilk və istedadlı müəllimlərindən olan Mehdi Məmmədov olub. Elə burada Mirzənin bəxti gətirib. M.Məmmədov hər zaman deyirdi: ”Rejissor çalışmalıdır ki, rola təzə aktyor seçsin. Bişmiş aktyor ilə işləmək çətinlik törədir”. Mirzənin aktyorluq fəaliyyətində televiziya səhnəciklərində kiçik rollar oynamaq düşmüşdü qismətinə. Hamısında da özü dediyi kimi “Qədeş” rolları. O zaman televiziya tamaşalarından: “Aşığın arzuları” -nda Mərdan, S.Vurğunun “Vaqif” əsərində - Təlxək və Kürd Musa – rollarında çıxış edib. Peşəkar aktrisa, professor Şəfiqə xanım Məmmədova tamaşaya baxıb, ona belə qiymət verib: “Mirzə, tamaşa bir tərəfədir, sənin təlxəyin bir tərəfə”. Belə bir qiymətin əks – sədası, bu gün də aktyorun qulaq- larından getmir. Yüklə 257,86 Kb. Dostları ilə paylaş:
|