_______________________________________________
Nazim Hikmət qalaktikası
135
insanla ailə həyatı qurdu. Vera Nazimin adını, şöhrətini, pulunu sevmişdi,
özünü yox!”
Dedikləri doğruydu, doğru deyildi, deyə bilmərəm, amma “Nazimin
pulu” məsələsi həqiqətdən uzaqdı. Hətta özü üçün maşın alanda ona
Azərbaycan şairlərindən iki-üç nəfər borc vermişdi. Moskvada olarkən
mən bir dəfə Əkbər Babayevin maşınında Nazim Hikmətlə birlikdə
Rəssamlıq Akademiyasına gedərkən bir söhbətin şahidi oldum. Nazim
Əkbərə dedi:
“Pulum qurtarır. Öyrən gör, pyesin pulunu nə vaxt verəcəklər.”
Kassada növbəyə dayananda halal əmək haqqımızı alarkən kənar
gözlərdən sıxıldığımız vaxtlar idi. Nazimin pyesinin qonararını istəməsi o
vaxtlar mənə çox qəribə gəldi. Amma bu, həqiqətdi.
Veranı mən dəfələrlə görmüşdüm. Gəncdi, gözəldi, ağıllıydı,
nəzakətliydi, qonaqpərvərdi. Bəlkə də bu dediklərim zahiri əlamətlər idi.
Hiss etdiyim, gördüyüm yalnız Nazimlə Veranın yaş fərqi idi və bir-birinə
olan sevgiləriydi. Nazimin Veraya həsr etdiyi şeirlər isə əsil sənət
nümunələriydi.
Şair Veraya deyirdi:
Her günüm mis gibi dünya kokan kavun dilimi
senin sayende.
Bütün yemişler elime güneştenmişim gibi uzanıyor
senin sayende.
Senin sayende yalnız umutlardan alıyorum balımı
Yüreyimin çalışı senin sayende.
En yalnız akşamlarım bile duvarında
Aqşin Babayev_______________________________________________
136
gülen bir Anadolu kilimi
senin sayende
Şehrime ulaşamadan bitirirken yolumu
Bir gül bahçesinde dinlendim
senin sayende
Senin sayende, içeri sokmuyorum
En yumuşak urbalarını giyip
Büyük rahatlığa çağıran türküleriyle
Kapımı çalan ölümü.
Amma Nazim Hikmətin ölümündən sonra Vera, ona ünvanlanmış bir
şeir tapmışdı. Kitabını da həmin şeirlə bitirmişdi. Kitabına son nöqtəni
qoymadan əvvəl Vera Nazimə müraciətlə belə deyirdi:
“Sənə bir sualım var, Nazim... O sabah kimliyini (pasportunu) istədilər
məndən... Həyatımda ilk dəfə pencəyinin cibinə girdim. Portmanatından
kimliyini çıxardım. Bir də mənim fotoşəklim çıxdı. 1957-ci ildə bir-
birimizə şəkillərimizi vermişdik, yadındamı? Sən öz şəklinin arxasına
“Vera qızıma” deyə yazmış və ox saplanmış yaralı bir ürək rəsmi
çizmişdin. Mən sənə bir şey yazmadan vermişdim fotoşəklimi. O sabah,
şəklimi çevirəndə arxasına yazılmış misraları gördüm. Kiçicik hərflərlə
yazılmışdı. Bax, indi bunu öyrənmək istəyirəm. Nazim, bu şeiri nə vaxt
yazmışdın:
Gelsene dedi bana,
Kalsana dedi bana,
Gülsene dedi bana,
Ölsene dedi bana.
_______________________________________________
Nazim Hikmət qalaktikası
137
Geldim,
Kaldım,
Güldüm,
Öldüm.
Nazim Hikmətin bu şeiri bir yazımda dediyim kimi sanki təkcə Veraya
yox, bütün Rusiyaya deyilmiş söz idi. Çünki Rusiyanın, yəni o vaxtkı Sovet
İttifaqının rəhbərliyi də Nazimə əvvəlcə “gəlsənə” dedi, sonra “ölsənə”
dedi. Nazim bu quruluşun ayıblarını açıb göstərdi, Zoşşenko kimi qələm
sahiblərinin haqq-ədalət fikirlərini müdafiə etdi, ona görə də təqib olundu.
Çeçənlər onun evinə gəldilər, ondan imdad istədilər, Nazim onları müdafiə
etdi. Buna görə məzəmmət edildi. XXII partiya qurultayına bir kommunist
kimi dəvət olunmadı. Bu işdə türk kommunist partiyasının başqanı,
“Marat” təxəllüsi ilə tanınan İsmayıl Belenin də “böyük xidməti” oldu.
O ki qaldı Veraya, təbii ki, bu şeir onun xəyal qırıqlığı deməkdi.
Amma burada mən bir məqamı da qeyd etmək istəyirəm. Vera bu şeiri
gizlədə də bilərdi. Amma gizlətmədi! Ölənə qədər də Nazim üçün çalışdı.
Arxivini yaratdı. Və soyadına “Hikmət” sözünü artırdı. “Vera Tulyakova-
Hikmət” oldu...
Aqşin Babayev_______________________________________________
138
Melih GünəĢ
Melih Günəşin adına ilk dəfə internet saytında rast gəldim. Yazılmışdı
ki, Melih Günəş Nazim Hikmətə həsr olunmuş bir sərgi açıb. Sonradan
bildim ki, bu ilk sərgi deyilmiş. Və onu da öyrəndim ki, M.Günəş Nazim
Hikmətin fədakar tədqiqatçılarından imiş.
Günlərin birində qələm dostum, S.Mümtaz adına Ədəbiyyat və
İncəsənət arxivinin müdiri Мaarif Teymur mənə telefon açdı və bildirdi ki,
Melih Günəş Bakıdadır və mənimlə görüşmək istəyir. Çox sevindim. Vaxt
təyin etdik. M.Günəşlə görüşüb səmimi söhbət etdik. Mən ona Nazim
Hikmətə həsr olunmuş kitablarımı və İsveçrədə yaşayan qızım Aytənin
“Nazim Hikmətin dünyagörüşü” adlı əsərini hədiyyə etdim. O da mənə
özünün hazırladığı Nazimin məktublarından ibarət “Həsrətlə”, Vera
Tulyakovanın “Bəxtiyar ol, Nazim”, bir də yenə Nazimə həsr olunmuş
“Şəhərimi görmədən bitirərkən yolumu” adlı kitabları bağışladı. Sonuncu
kitabda şairin öz səsindən lentə alınmış şeirlərinin diski də vardır. Bu, mənə
çox dəyərli hədiyyə oldu. ”Həsrətlə” kitabını çox maraqla oxudum. Kitabın
əvvəlində Melih Günəşin tərcümeyi-halı verilmişdir. Tərcümeyi-halda
oxuyuruq: “M.Melih Güneş Türkiyədə - Akşehirdə anadan olub. Memarlıq
təhsili alıb. Uzun illər Sovetlər Birliyində - Rusiyada yaşayıb, işləyib. Vera
Tulyakova Hikmət arxivində və Rusiya Ədəbiyyat və Sənət Dövlət
arxivində qorunan Nazim Hikmətlə əlaqədar sənədləri və lent yazılarını
incələyərək önəmli bir qismini təsnif edib. ”Şəhərimi görmədən bitirərkən
yolumu”, “Nazim və Vera”,”Moskvadan İstanbula” adlı sərgilərin
açılmasını təşkil edib.
Kitab üç bölümdən ibarətdir: “Nazim Hikmətdən məktublar”, “Nazim
Hikmətə məktublar” və “Nazim Hikmətə dair digər məktublar”.
Dostları ilə paylaş: |