Azərbaycan Respublikası Mədəniyyət və Turizm Nazirliyi
Yüklə 3,73 Mb. Pdf görüntüsü
|
- Bu səhifədəki naviqasiya:
- 21 Dekabr - Xalq rəssamı, heykəltəraş Ömər Eldarovun anadan olmasının 90 illiyi, (1927)
- Əsərləri: “
- İnternetdə: www.az.wikipedia.orq
- 27 Dekabr - Bəstəkar Oqtay Kazıminin anadan olmasının 85 illiyi, (1932-2010)
420
90 illiyi, (1927) Ömər Eldarov Dərbənd şəhərində anadan olub. Azərbaycan Rəssamlıq Məktəbinin heykəltəraşlıq bölməsini qurtardıqdan sonra Leninqraddakı İ. Repin adına Rəngkarlıq, Heykəltəraşlıq və
Memarlıq İnstitutunun heykəltəraşlıq fakültəsində təhsilini davam etdirib. 1946-cı ildən etibarən Ömər Eldarov mütəmadi olaraq müxtəlif respublika, regional və beynəlxalq sərgi və müsabiqələrin iştirakçısı olub. Sənətkarın yaratdığı heykəllər dünyanın bir çox muzeylərində layiqli yer tutmaqdadır. Bu əsərlər sırasında şairə Natəvanın, şair Məhəmməd Füzulinin, şair-dramaturq Hüseyn Cavidin, Azərbaycanın görkəmli oftalmoloq alimi Zərifə Əliyevanın, professor İhsan Doğramacının heykəlləri, ulu öndər Heydər Əliyevin, bəstəkar Üzeyir Hacıbəyovun, rəssam Səttar Bəhlulzadənin, yazıçı Süleyman Rəhimovun, akademik Ziya Bünyadovun və başqalarının qəbirüstü abidələrini göstərmək olar. Eyni zamanda sənətkar bir sıra kiçik həcmli əsərlərin müəllifidir. Ömər Eldarov yaradıcılıqla yanaşı, həm də Azərbaycanın ictimai və mədəni həyatının fəal iştirakçısıdır. 1958-1968-ci illərdə o, Rəssamlar İttifaqının katibliyinə üzv seçilib. 1970-ci ildə isə o, SSRİ Rəssamlıq Akademiyasının heykəltəraşlıq üzrə Bakıdakı yaradıcılıq emalatxanasının rəhbəri təyin edilib. Bu illər ərzində heykəltəraş tərəfindən bir neçə nəsil istedadlı peşəkar rəssam yetişdirilib. Ömər Eldarov 1969-1973-cü illərdə Bakı Sovetinin deputatı seçilib və burada mədəni-maarif işi üzrə komissiyanın rəhbəri vəzifəsində çalışıb. 1995-ci ildə isə Ömər Eldarov Milli Məclisə deputat seçilib. Hazırda Azərbaycan Rəssamlıq Akademiyasının rektorudur.
‖Şərəf nişanı‖(1959), ―Qırmızı Əmək Bayrağı‖(1986), ―İstiqlal‖ ordenləri ilə təltif olunub. 16 aprel 2014-cü ildə "Birlik ulduzları-2014" mükafatının laureatı olub.
18 aprel 2014-cü ildə akademik Ömər Eldarov Azərbaycan mədəniyyətinin və monumental heykəltəraşlıq sənətinin inkişafındakı xidmətlərinə görə Üzeyir Hacıbəyli adına mükafata layiq görülüb.
Hüseyn Cavid‖ (1993), ―Azərbaycanın görkəmli siyasi xadimi Heydər Əliyev‖ (1987) ,‖Bəstəkar Üzeyir Hacıbəyov‖ (1955), ―Rəssam Səttar Bəhlulzadə‖ (1974), ―Bəstəkar və caz musiqiçisi Vaqif Mustafazadə‖ (1984), ―Dirijor Niyazi‖ (1989), ―Yazıçı Süleyman Rəhimov‖ (1991), ―Bəstəkar Fikrət Əmirov‖ (1988), ―Şərqşünas-tarixçi, akademik Ziya Bünyadov‖ (2000), ―Akademik Həsən Əliyev‖ (1988) xatirə abidələri "Elegiya" abidəsi (1989 il), ―Akademik Zərifə Əliyeva‖ (1995), ―Azərbaycanın ümummilli lideri Heydər Əliyev‖ (2004) və s. İnternetdə: www.az.wikipedia.orq
421
(1932-2010) Oqtay Kazımov Astara şəhərində anadan olub. Orta məktəbi Astarada bitirən O.Kazımi Asəf Zeynallı adına Orta İxtisas Musiqi Məktəbinin xor-dirijorluq fakültəsinə daxil olub və Hacı Xanməmmədovun sinfində təhsil alıb. Musiqi məktəbində oxuyarkən, "Bəxtəvər uşaqlar" adlı ilk mahnısını bəstələyib. O.Kazımi 1957-ci ildə Üzeyir Hacıbəyov adına Azərbaycan Dövlət Konservatoriyasının bəstəkarlıq fakültəsinə daxil olub və Cövdət Hacıyevin sinfində təhsil alıb. 1966-1967-ci illərdə Sumqayıt Musiqi Texnikumunda müəllim, sonra isə dərs hissə müdiri işləyib. Sumqayıtda çalışdığı illərdə "Eksperiment" estrada orkestrini yaradlb. Sonralar bəstəkar filormoniyada musiqi redaktoru vəzifəsində çalışıb və Asəf Zeynallı adına Orta İxtisas Musiqi Məktəbində xalq-çalğı alətləri fakültəsində dərs deyib. O.Kazıminin mahnıları uzun illər "Dan ulduzu" ansamblının repertuarında xüsusi yer tutub. Görkəmli bəstəkarın mahnılarını Rəşid Behbudov, Zeynəb Xanlarova, Şövkət Ələkbərova, Eldar Axundov, Flora Kərimova, Yalçın Rzazadə, İlhamə Quliyeva, Oqtay Ağayev, Məmmədbağır Bağırzadə və digər müğənnilər ifa ediblər. Onun xalq çalğı alətləri üçün konsertləri, Ulu öndər Heydər Əliyevə həsr etdiyi ("Millətin oyaq gecəsi") vokal simfonik poeması, "Qarabag rapsodiyası", təntənəli uvertüraları, 60-a qədər teatr tamaşalarına bəstələdiyi musiqiləri (Akademik Dram Teatrında səhnəyə qoyulub. "Büllür sarayda", "Qılınc və Qələm", "Fitnə", "Ümid", "Ədirnə Fəthi" və s.), Rus Dram Teatrında səhnələşdirilmiş "Şeyx Sənan", Kamera Teatrında səhnəyə qoyulmuş "İtlər", Musiqili Komediya Teatrında səhnələşdirilən ("Qızıl Toy", "Danabaş kəndinin əhvalatları", "Dəli Dünya") operettaları rəğbətlə qarşılanıb və müxtəlf səpkili mahnıları Azərbaycan incəsənətinin məzmununa füsunkar töhfə verməklə yanaşı, tarixilik baxımından əhəmiyyətliliyi ilə fərqlənir. O.Kazıminin yaradıcılığı dövlət tərəfindən yüksək qiymətləndirilib. O, Əməkdar İncəsənət Xadimi (1992), Xalq artisti (2006) fəxri adlarına və Prezident təqaüdünə layiq görülüb. O.Kazımi Azərbaycanda ilk rok operanın müəllifidir. Qeyd etmək lazımdır ki, görkəmli bəstəkarın əsərlərinin bir hissəsi hələ də geniş auditoriya kütləsinə təqdim edilməyib.
Oqtay Kazımi 9 avqust 2010-cu də vəfat edib. Simfonik əsərləri: "Azərbaycan rapsodiyası", böyük simfonik orkestr üçün (1962), "Qəhrəmanlıq simfoniyası" (1964), "Potetik simfoniya", sevimli müəllim Cövdət Haciyevə həsr olunur (1976), "Bayram Uvertürası", böyük simfonik orkestr üçün (1976), "Sumqayıt Lövhələri", proqramlı simfonik süita (1977), "Azərbaycan", simfonik orkestr üçün (1980), "Şəhidlər" Simfoniyası (1990), "Qarabağ lövhələri", simfonik süita (1992), "Nəğməmsən, Azərbaycan", kantata, N.Həsənzadə (1992), "Qəhrəmanlıq" Simfoniyası (1995), "Millətin oyaq gecəsi", A.Qurbani (1995), "Peyğəmbər", oratoriya, N.Xəzri (2000) və s. İnternetdə: www.az.wikipedia.orq
Yüklə 3,73 Mb. Dostları ilə paylaş:
|