74
Təcrübə göstərir ki, yüksək rəqabət qabiliyyətinə malik sahələr klaster daxili
qarşılıqlı əlaqə prosesində özünün təchizatçı və müştərilərinin rəqabət qabiliyyətinin
də artmasına gətirib çıxarır. Klaster dedikdə, müəyyən sahələrdə qarşılıqlı əlaqəli
şirkətlərin, ixtisalaşmış təchizatçıların, xidmət göstərən firmaların, həm də onların
fəaliyyəti ilə əlaqəli olan müəyyən sahələrə məxsus təşkilatların (məsələn, universi-
tetlərin, ticarət birliklərinin və s.) qrupu nəzərdə tutulur ki, bunlar da bir-biri ilə
rəqabət aparmaqla yanaşı müştərək fəaliyyət də həyata keçirirlər.
Ölkədə klasterin rəqabət qabiliyyətini dörd qrup amillər formalaşdırır:
-firmanın strategiyası və rəqabətin səviyyəsi (bazar strukturu, rəqabət şəraiti);
-istehsal amilləri ilə təminat səviyyəsi;
-əlaqədar sahələrin inkişaf səviyyəsi;
-tələbin vəziyyəti.
Klasterə münasibətdə dövlət siyasətinin səmərəliliyi bu dörd qrup amillərin
təkmilləşdirilməsinə istiqamətlənməlidir.
Bazar strukturuna münasibətdə dövlət siyasəti daxili bazarda rəqabət üçün
maneələrin aradan qaldırılmasına, klaster ətrafında müvafiq dövlət orqanlarının təşkilinə,
klasterlərə xarici investisiyanın cəlb edilməsinin və onlar tərəfindən məhsul ixracının
dəstəklənməsinə yönəldilməlidir. Klaster sinergetik xüsusiyyətə malikdir, onu təşkil
edən istənilən sahənin inkişafı bütövlükdə klasterin inkişafının səmərəliliyinin artmasına
gətirib çıxarır. Digər tərəfdən, hazırda respublikanın emal sənayesində istehsalın
texnoloji cəhətdən yenidənqurulmasına zəruri investisiya qoyuluşlarının həyata
keçirilməsi üçün daxili mənbənin çatışmaması ilə yanaşı kadr çatışmazlığı və milli
sahibkarlığın zəif inkişafı da mane olur. Bu baxımdan müasir dövrdə xarici investisi-
yanın ölkəyə cəlb olunması həm iqtisadi artımın təmin olunmasında, həm də istehsalın
texniki cəhətdən yenidənqurulmasında əhəmiyyətli rol oynamağa başlamışdır.
Texnologiya cəlb edən yerli müəssisə xarici texnologiyanın mənimsənilməsində,
onun müxtəlif yerli amillərə və şəraitə uyğunlaşdırılmasında ciddi çətinliklərlə qarşılaşır.
Bu çətinliklərin böyük əksəriyyəti idarəetmə və marketinqlə bağlı olur. Bu baxımdan,
hazırki şəraitdə xarici investisiyanın cəlb edilməsi ilə sənaye istehsalının, xüsusilə
75
nisbətən mürəkkəb məhsullar istehsalının texnoloji cəhətdən yenidən qurulması xarici
texnologiyaya lisenziyanın alınmasına nisbətən az riskli və səmərəli olur.
Ölkə sənayesinin istehsal amillərilə təmin olunma sahəsində dövlət siyasətinin
əsas istiqamətlərinə kadrların hazırlanması və yenidən hazırlanması sahəsində təd-
birlərin həyata keçirilməsi, mütərəqqi texnologiyaların cəlb olunmasının və onların
yerli şəraitə uyğunlaşdırılmasının dəstəklənməsi, ölkədə innovasiya fəaliyyətinin
stimullaşdırılması, emal sənayesi məhsullarının satış bazarları haqqında informasi-
yanın toplanması və emalının dəstəklənməsi, nəqliyyatın, kommunikasiyanın və digər
infrastrukturanın inkişaf etdirilməsi aiddir.
Əlaqədar sahələrin inkişafına münasibətdə hökumət tərəfindən klasterin ihşti-
rakçıları üçün seminar və konfransların maliyyələşdirilməsi, klasterlərə istiqamət-
lənmiş sənaye parklarının yaradılması məqsədəuyğundur.
Məhsula tələbin artırılması üçün hökumət tərəfindən hüquqi bazanın təkmilləş-
dirilməsi, qanunvericilikdə qeyri-müəyyənliyin azaldılması, istehsal edilən məhsul və
xidmətlərin müstəqil testləşdirilməsi və sertifikatlaşdırılmasının dəstəklənməsi,
dövlət sifrişləri əsasında əldə olunan yerli məhsul və xidmətlərin keyfiyyətinə nəza-
rəti həyata keçirilməsi sahəsində tədbirləri həyata keçirilməlidir.
Bütövlükdə, ərazi-istehsal klasterlərinin yaradılmasının ölkənin iqtisadi inkişafı
baxımından mühüm əhəmiyyəti vardır. Çünki bu firmaların yüksək səviyyədə ixtisaslaş-
masına imkan verir. Məsələn, respublikanın yeyinti sənayesində ixtisaslaşmış tara
məhsullarının, ixtisaslaşmış ticarət müəssisələrinin, yeyinti məhsulları emalının müəy-
yən mərhələsini həyata keçirən ixtisaslaşmış müəssisələrin mövcudluğu ixtisaslaşmış
yeni müəssisələrin yaradılmasına imkan verir. Əks halda isə yeni müəssisələrin
yaradılması çətinləşir. Nəticədə sahəyə daxil olmaq üçün maneələr artır ki, bu da rəqabət
səviyyəsinin aşağı düşməsinə səbəb olur. Belə ki, yeni müəssisənin yaradılması həm də
bəzi əlaqədar məhsul istehsalını və xidmətlər göstərilməsini də tələb edir ki, nəticədə
investisiya qoyuluşlarının həcminə təlabat kəskin şəkildə artır. Məsələn, respublikada
yeyinti sənayesində mühüm yer tutan "Azərsun holdinq" özünə məxsus həm tara
fabrikinə, həm də ticarət təşkilatına malikdir.
76
Nəticə və təkliflər
Magistr dissertasiyası yerinə yetirilərkən aşağıdakı aşağıdakı nəticələr əldə
edilmişdir:
1. Hal-hazırda Azərbaycan sənayesində bir çox problemlər mövcuddur və
bunları aşağıdakı kimi qruplaşdırmaql olar:
Resurs çatışmazlığı və mövcud resurslardan səmərəsiz istifadə problemləri (Buraya
aiddir: müəssisələrin sas fondlarının aşınması və texnoloji geriliyi, investisiya və dövriyyə
vəsaitlərinin çatışmazlığı, elmi-texniki potensialın itirilməsi və innovasiya mexanizminin
yaradılmaması, əmək məhsuldarlığının aşağı səviyyəsi, yüksək kadr (əsasən peşəkar
mütəxəssislərin) axıcılığı, peşəyönümünün dəyişilməsində çətinliklər və s.);
Struktur problemləri (sənayenin əvvəllər formalaşmış sahə strukturunun
müstəqillik şəraitində ölkənin milli iqtisadi inkişaf tələblərinə uyğun gəlməməsi, son
dövrlər sənayenin strukturunun xammal (xüsusilə neft-qaz hasilatı) yönümlü inkişafı,
ixracda emal sənayesi məhsullarının payının son dərəcə cüzi olması, regional
disproporsiyalar və sənaye istehsalının əsasən Abşeron yarımadasında cəmləşməsi,
istehsal infrastrukturu sahəsində çatışmazlıqlar və s.);
Hökumətin siyasəti və dövlət tənzimlənməsi ilə bağlı problemlər (islahatların
ləngidilməsi, xüsusilə dövlət mülkiyyəti obyektlərinin özəlləşdirilməsinin başa
çatmaması (sənayenin bir sıra sahələrində dövlət mülkiyyəti yüksək payını qoruyub
saxlayır), azad sahibkarlığın inkişafı üçün zəruri mühitinin təmin edilməməsi,
Bazar rəqabəti problemləri (zəif daxili tələb və bazarın məhdudluğu, yerli istehsal
mal və xidmətlərinin əsasən aşağı keyfiyyəti və yüksək istehsal xərcləri, daxili bazarda
idxal mallarının yüksək payı, hətta yerli istehsal məhsullarının əsas komponentlərinin
kənardan gətirilməsi, yerli istehsalın dövlət tərəfindən dəstəklənməsi sisteminin
qurulmaması, müəssisələrin bazar münasibətləri şəraitində fəaliyyətə ləng uyğunlaşması,
bazarların tədqiqi və beynəlxalq bazarlara çıxış sahəsində çətinliklər və s.);
2. Respublikamızın regionların sənaye istehsalında yaranmış kəskin fərqlər bu
sahədə dövlətin tənzimləməsini zəruri edir. Sənayenin ərazi üzrə təşkili işinin tənzim-
lənməsinə aid tədbirlər muxtəlif metodlar vasitəsilə həyata keçirilir. Bunlara inzibati
və iqtisadi metodlar aiddir. İnzibati metodlar adətən ayrı-ayrı regionlarda yəni, səna-
77
ye müəssisələrinin cəmləşdiyi regionlarda yeni yaradılacaq müəssisələrin fəaliyyəti-
nin məhdudlaşdırılmasına yönəldilir. Adatən sənaye cəhətdən inkişaf etmiş ölkələrdə,
sənaye müəssisələri üzrə təmərküzləşmə səviyyəsi yüksək olan regionlarda əmlaka və
gəlirə yüksək dərəcəli vergi tətbiq edilir, yeni müəssisələrin tikintisi və ya mövcud-
ların genişləndirilməsinə kredit verilmir, müəssisənin ləğvi mükafatlandırılır və s.
İqtisadi metodlar isə sənaye istehsalının ərazi üzrə təşkilinə dolayı təsir
vasitələridir və ayrı-ayrı istiqamətlərdə gəlirliliyin azaldılması və ya artırılması yolu
ilə onların fəaliyyəti tənzimlənir. Əgər inzibati metodlar əsasən inkişafın məhdudlaş-
dırılmasına yönəldilə bilərsə, iqtisadi metodlar həm inkişafın məhdudlaşdırılmasına,
həm də stimullaşdırılmasına yönəldilə bilər.
3. Sənaye müəssisələrinin ərazi üzrə səmərəli şəkildə yerləşdirilməsinin stimul-
laşdırılması formalarından biri dövlət, yerli və xarici investorlar arasında müqaviləyə
əsaslanan sənaye layihələridir. Bu layihələrin məqsədi ölkədə istehsal olunan xammal
və materialların emallıq səviyyəsinin dərinləşdirilməsi, onların keyfiyyətinin artırıl-
ması, regionlarda mövcud olan sənaye müəssisələrin yenidənqurulması və modernləş-
dirilməsi ola bilər.
4. Sənaye obyektlərinin ərazi üzrə səmərəli şəkildə yerləşdirilməsinin
stimullaşdırılması formalarından biri dövlət, yerli və xarici investorlar arasında
müqaviləyə əsaslanan sənaye lahiyələridir. Bu layihələrin məqsədi ölkədə istehsal
olunan xammal və materialların emallıq səviyyəsinin dərinləşdirilməsi, onların
keyfiyyətinin artırılması, regionlarda mövcud olan sənaye müəssisələrin yenidən-
qurulması və modernləşdirilməsi ola bilər. Belə lahiyələrin reallaşdırılması sənaye
istehsalının texniki-iqtisadi səviyyəsinin yüksəlməsinə, hazır məhsulun tərkibində
yerli komponentlərin artmasına imkan verər. Hökumət bu cür lahiyələrin dəyərinin 25
faizinə qədərini maliyyələşdirməsi məqsədəuyğundur. Bu xarici investorların ölkənin
ayrı-ayrı regionlarına cəlb edilməsini stimullaşdırar.
5. Məlumdur ki, ölkədə sənayenin dayanıqlı və tarazlı inkişafının təmin edil-
məsinə investisiya qoyuluşlarının həcm və strukturu birbaşa təsir göstərir. Ölkə
sənayesinə xarici və daxili investisiyanı cəlb etmək üçün ilk öncə dövlət normal inve-
stisiya mühiti formalaşdırmalıdır. Qeyd etmək lazımdır ki, Azərbaycanda investisiya
78
mühitinin təkmilləşdirilməsi istiqamətində davam etməkdə olan islahatlara və artıq
əldə edilmiş nailiyyətlərə baxmayaraq qeyri-neft sektoruna, xüsusilə emal sənaye-
sinin istehsal sahələrinə investisiyaların cəlb edilməsi sahəsində hələ çox işlər görü-
lməlidir. İstehsal sahələrində investisiya fəallığının artırılması üçün stimullaşdırıcı
iqtisadi siyasətin həyata keçirilməsi və belə siyasətin səmərəliliyinin artırılması ölkə
iqtisadiyyatının davamlı inkişafı və dünya iqtisadiyyatına inteqrasiyası baxımından
mühüm əhəmiyyət kəsb edir.
6. Sənaye məhsullarının rəqabət qabiliyyətinin yüksəldilməsində yerli istehsal-
çıların hökumət tərfindən dəstəklənməsi mühüm rol oynayır. Bu dəstəyin formaların-
dan biri yerli istehsalçılara gizli və ya açıq şəkildə subsidiyaların verilməsidir.
7. Ölkə sənayesinin rəqabət qabiliyyətinə ciddi şəkildə təsir göstərən amillər-
dən biri də həyata keçirilən valyuta siyasətidir. Məlumdur ki, ölkədə həyata keçirilən
neft strategiyasının reallaşması nəticəsində respublikaya külli miqdarda valyut vəsaiti
daxil olur. Nəticədə milli valyutanın möhkəmlənməsi baş verir. Milli valyutanın
möhkəmlənməsi idxalın stimullaşmasına, ixracın məhdudlaşmasına və bütövlükdə isə
ölkədə istehsal olunan məhsulların rəqabət qabiliyyətinin aşağı düşməsinə səbəb olur.
Buna görə də neftdən gələn valyuta vəsaitlərinin neft fondunda saxlanması hesabına
milli valyuta kursunun nisbətən kəskin şəkildə artımının qarşısını almaqla yanaşı
emal sənayesinin rəqabət qabiliyyətinin yüksəldilməsi üçün aşağıdakı tədbirlərin də
həyata keçirilməsi məqsədəuyğundur:
- neft gəlirlərindən yeni emal sənayesi müəssisələrinin yaradılması və mövjud
olanların isə bərpası üçün istifadə edilməsi. Bu zaman dövlət yerli sahibkarlığın
inkişafı üçün ucuz kreditlər verə və ya yeni müəssisələrin yaradılmasında iştirak edə
bilər. Yeni müəssisələr yaradılması və mövcud olanların yenidənqurulması üçün
zəruri olan maşın və avadanlıqların idxal hesabına əldə edildiyindən, bu milli valyuta
kursunun möhkəmlənməsinə əhəmiyyətli təsir göstərmir;
- sənae müəssisələrinin vergi yükünün azaldılması. Bu valyuta kursunun möh-
kəmlənməsi nəticəsində emal sənayesinin rəqabət qabiliyyətinin aşağı düşməsini qis-
mən aradan qaldırar.
79
ИСТИФАДЯ ОЛУНМУШ ЯДЯБИЙЙАТ СИЙАЩЫСЫ
1.
Азярбайжан Республикасында дювлят ямлакынын юзялляшдиримясинин Ы вя ЫЫ
Дювлят Програмлары
2. Azərbaycanın statistik göstəriciləri 2013. Azərbaycan Respublikası Dövlət
Statistika Komitəsi. Bakı, 2014. 804 s.
3. Azərbaycan rəqəmlərdə 2013. Statistik məcmuə. Azərbaycan Respublikası
Dövlət Statistika Komitəsi, Bakı, 2014, 278 s.
4. Azərbaycan sənayesi 2013. Statistik məcmuə. Azərbaycan Respublikası Döv-
lət Statistika Komitəsi, Bakı, 2014, 334 s.
5. “Azərbaycan 2020: gələcəyə baxiş” inkişaf konsepsiyasi, Azərbaycan
Respublikası Prezidentinin 2012-ci il 29 dekabr tarixli Fərmanı ilə təsdiq edilmişdir
6. Azərbaycanda iqtisadi islahatların həyata keçirilməsi xüsusiyyətləri və proble-
mləri. İqtisadi İslahatlar Mərkəzinin elmi əsərlər toplusu, IV buraxılış, Bakı: 2004. 298 s.
7. Т.Я. Щцсейнов. Сянайянин игтисадиййаты. Дярслик, Бакы 2000.
8. Т.Я. Щцсейнов. Мцяссисянин игтисадиййаты. Дярслик, Бакы 2005.
9. Щ.Б.Аллащвердийев, К.С.Гафаров və Я.М.Ящмядов. Милли игтисадиййатын
дювлят тянзимлянмясинин ясаслары. Bakı, 2006
10. M.A.Əhmədov, A.C.Hüseyn. İqtisadiyyatın dövlət tənzimlənməsinin əsas-
ları.
Bakı, 2013.
11. A.Ş.Şəkərəliyev. Dövlətin iqtisadi siyasəti: reallıqlar və perspektivlər. Bakı -
2009
12. N. Qreqori Mənkyu. Ekonomiksin əsasları. Harvard Universiteti. İngiliscə-
dən tərcümə. Bakı: 2008, 836 s.
13. Sadıqov K.F. Milli iqtisadiyyatın dövlət tənzimlənməsinin konseptual əsas-
ları. Bakı: Azərnəşr, 1999, 72 s.
14.
Милли игтисадиййатын проблемляри (мягаляляр топлусу) Ы бурахылыш. Бакы – 2005
15.
Милли игтисадиййатын проблемляри (мягалялр топлусу). ЫЫЫ бурахылыш. Бакы-2006
16. Кушлина В.И. Государственное регулирование рыночной экономики.
Москва, Издательство РАГС, 2008.
80
17. М.Портер «Конкурентное преимущество» (Инэилис дилиндян тяржцмя).
Москва, 2005
18. Б.Гонгаж, В. Паньков. Преобразование промышленных предприятий:
стратегии, действуюуцшие лица, результаты. Варшава, САСЕ, 1996
.
19. Юзбашева Г.З. Проблемы структурной перестройки экономики Азер-
байджана в новых условиях развития. Баку: Элм, 1994, 247 с.
20. Ходов Л.Г. Государственное регулирование национальной экономики.
Москва.: «Экономисть», 2005,
618 с.
21. Портер М.. Конкуренция. М.: Издательский дом "Вильямс", 2003
22. Портер М.. Международная конкуренция. Конкурентные премушества
стран. М.: Международные отношения, 1993. 896 с.
23. Прудниченко Д.А. Роль государства в распространении новых техно-
логий. М.: 2002, 37с.
24.
http://www.economy.gov.az
25. http://www.stateproperty.gov.az
26.
WWW.Аzstat.org
27. WWW. Рамблер.ру
81
РЕЗЮМЕ
Магистерская диссертация состоит из введения, трех глав, выводов и
предложений и списка литературы.
В первой главе диссертационной работы – «Теоретико-методологические
основы государственного регулирования развития промышленности в условиях
рыночных отношений» описываются теоретические основы и модели государ-
ственного регулирования экономики, исследуются необходимость государст-
венного регулирования экономики в рыночных условиях, промышленная
политика и ее роль в развитии промышленности.
Вторая глава работы называется «Современное состояние развития
промышленности Азербайджана и проблемы государственного регулиро-
вания». В данной главе исследуется современное состояние промышленности
Азербайджана и направления развития, оценивается существующее состояние
государственного регулирования развития промышленности в стране.
В третьей главе диссертационной работы – «Направления совершенст-
вования регулирования государством развития промышленности страны в
современных условиях» исследованы основные направления государственного
регулирования территориальной организации промышленности страны в
современных условиях, пути стимулирования государством инвестиционных
вложений в промышленность, а также направления государственного стиму-
лирования производства конкурентоспособной продукции в промышленности
страны.
В конце работы даются научно-обоснованные выводы и предложения по
исследуемой теме.
82
SUMMARY
The master thesis consists of introduction, three chapters, conclusions and
offers and the list of references.
In the first chapter of dissertation work – "Theoretical –methodologists bases
of state regulation of development of the industry in the conditions of the market
relations" are described theoretical bases and models of state regulation of economy,
needs of state regulation of economy in the market conditions, industrial policy and
its role for development of the industry are investigated.
The second chapter of work is called "A current state of development of the
industry of Azerbaijan and a problem of state regulation". In this chapter the current
state of the industry of Azerbaijan and the direction of development is investigated,
the existing condition of state regulation of development of the industry in the
country is estimated.
In the third chapter of dissertation work – "The directions of improvement of
regulation by the state of development of the industry of the country in modern
conditions" are investigated the main directions of state regulation of the territorial
organization of the industry of the country in modern conditions, ways of the state
stimulation of investment in the industry, and also the directions of the state
stimulation of competitive production in the industry of the country.
At the end of work scientifically based conclusions and offers on the studied
subject are given.
Dostları ilə paylaş: |