KOMPUTER TƏLİM TEXNOLOGİYALARI
Təhsildə İKT
136
1.
Bu məşğələlərin təşkili və bütün şagirdlərin bu məşğələlərdə iştirakının
maksimum dərəcədə təmin edilməsi;
2.
Yeni anlayışların izahını əks etdirən virtual və ya kağız plakatların
hazırlanması və dərs boyu şagirdin gözü qarşısında asılması;
3.
Nəzəri məlumatların ümumsinif fəaliyyəti olaraq müzakirələrlə,
nümunələrin izahı ilə təqdim edilməsi;
4.
Öyrənmə tapşırıqlarının bütün şagirdlərin yerinə yetirdiyinə diqqət
edilməsi və müşahidə yolu ilə formativ qiymətləndirmənin aparılması;
5.
Aparılmış müşahidələrə görə öyrənmə qabiliyyəti zəif olan şagirdlərə
dərslikdə və müəllim üçün vəsaitdə verilmiş işçi vərəqləri hazırlayan
proqram vasitəsilə sadə çalışmaların hazırlanması;
6.
Tətbiq və yaradıcı tətbiq xarakterli tapşırıqların sinifdə izah edilməsi, bir
hissəsinin ev tapşırığı olaraq verilməsi, bəzi tapşırıqların şagirdlər
tərəfindən uzunmüddətli tapşırıq olaraq daha geniş şəkildə referat
formasında hazırlanması;
7.
Şagirdlərin müstəqil öyrənməsini təmin etmək və valideynin övladının
təhsilində yaxından iştirakını şərtləndirmək məqsədilə internet
ünvanların valideynlərə çatdırılmasını təmin etmək vacibdir.
(riyaziyyat-VIIIsinif müəllim üçün metodik vəsait-səh:8)
Dünyanın təhsil məkanında daha geniş istifadə edilən təhsildə
inteqrasiya anlayışı ilkin olaraq onun semantikasını düşünməyi tələb edir.
Müəllimlərin təbii olaraq öyrənmək istədikləri bu anlayış qloballaşmanın
meydana qoyduğu mühüm tələblərdən biri olmaqla müasir təhsil prosesinin
özünəməxsus keyfiyyət göstəricilərindən biri kimi diqqəti cəlb edir. Daha çox
fəlsəfi yöndə başa düşülən inteqrasiya sözü həyatın bütün sahələrinə aid
olmaqla sintetik xarakter daşıyır və bütövləşmə istiqamətində yeni yaranışın
əsasında durur. Xüsusən cəmiyyət hadisəsi kimi inteqrasiya onun inkişaf
istiqamətində dəyişikliklərini tənzimləməklə müasirliyi təmin edir. Bu anlayışın
mahiyyətinə varmaq üçün, ilk növbədə, onun mənasını bilmək əhəmiyyət
daşıyır. “İnteqrasiya latın dilində “integer” – “bütöv”, “bütövləşmə” deməkdir,
əslində sözün etimologiyası inteqrasiyanın siyasi proses kimi məzmun və
missiyasını daha aydın ifadəedir.“İnteger” sözündən yaranan “integratio” sözü
də latın dilində “bərpa”, “tamamlanan” mənasını verir”.
[www.anl.az/down/meqale/azerbaycan/azerbaycan…/69130.htm].
İnteqrasiya təhsilin bütün struktur elementlərinə aid olduğundan son
dövrlərdə “inteqrativ təlim”, “inteqrativ dərs”, “inteqrativ fənn” və s. anlayışlar
da işlənir. Eyni zamanda inteqrativ təlimə xüsusi pedaqoji texnologiyalardan
KOMPUTER TƏLİM TEXNOLOGİYALARI
Təhsildə İKT
137
biri kimi yanaşılır.Təhsildə inteqrasiya ilə bağlı son dövrlərdə yaranmış fikirləri
bir neçə qrupa bölmək olar. Onlardan birincisi, inteqrasiyanın ümumi pedaqoji
və eləcə də fənlərə aid məsələ kimi qoyulması, onlar barəsində mülahizələrin
irəli sürülməsi və inteqrasiya olunması məsələsidir. Burada inteqrasiyaya
cəmiyyətin tərbiyə gücünün inteqrasiyası kimi baxılması, biliklərin fəndaxili
inteqrasiyası kimi dəyərləndirilməsi, didaktik sistemin sintezi kimi müddəalar
prioritet təşkil edir. Göründüyü kimi, bu müddəalar konseptual mahiyyət kəsb
edir və daha ümumi xarakter daşıyır. Bizim fikrimizcə də, təhsildə
inteqrativliyin
konseptual
yanaşma
kimi
nəzərə
alınması
onun
şəxsiyyətyönümlü mahiyyət kəsb etməsindən irəli gəlir. Şəxsiyyətyönümlülük
isə daha çox inteqrativ bilik və bacarıqlara söykənən dəyərlərin
mənimsənilməsini tələb edir ki, buna da yalnız inteqrativ təhsil prosesində nail
olmaq mümkündür. Çünki “təlimdə inteqrasiyanın nəticəsi şagird təfəkkürünün
inkişafında özünü göstərir. O, tədris-idrak fəaliyyətinin səmərəlilıyində,
sistemləşdirilməsində, eləcə də mədəni savadlılığın mənimsədilməsində təzahür
edir” [ido.tsu.ru/ss/unit=356&page=1158].
İnteqrativliyin nəzərə alınmasında iki cəhət əsas götürülmüşdür. Birinci,
fənlərin inteqrativ xarakterdə olmasına diqqət yetirilmişdir. Bunun üçün
fənlərin nəzəri və praktik funksiyalarının artırılması üçün onun imkan
daxilində, daha çox elm sahələrinə aid anlayışları əhatə etməsinə, sinkretik
xarakterdə olmasına diqqət yetirilmişdir. Əldə olunmuş təcrübələr də onu
göstərir ki, uyğun elm sahələrinin müəyyən müstəvidə əlaqələndirilməsi,
bütövləşdirilməsi və vahid formada təqdim olunması təlim marağını yaradan
başlıca vasitələrdən hesab edilir. Uşaqlar müxtəlif elm sahələrinin qovşağında,
əlaqəli anlayışların sintezində daha məhsuldar çalışmaqla təlim nailiyyətləri
qazana bilirlər. İkinci isə fənlər arasında və fəndaxili inteqrasiyanın nəzərə
alınmasıdır. İnsanlar özlərini inkişaf etdirmək üçün bu təhsil yanaşmasına
həmişə istinad etmişlər (http://www.tehsilproblemleri.com/?p=1230).
Bu baxımdan VIII sinifdə keçirilən riyaziyyat və informatikanın bir çox
mövzuları daim bir-biri ilə inteqrasiya olunur. Bu mövzulardan biri də üçölçülü
qrafikadır. Üçölçülü qrafika (ing. 3D (3 Dimensions)-"3 ölçü") Graphics,
təsvirin üç ölçüsü)-metodlar yığımı və alətlər həcminə görə obyektlərin təsviri
üçün nəzərdə tutulmuş komputer qrafikasının bir bölməsi. Üçölçülü qrafika,
ixtisaslaşmış proqramların köməyi ilə səthdəki obyektin üçölçülü modelinin
həndəsi proyeksiyasını qurmağa imkan verir. Bu üsulla, qurulan modelin
predmetləri mümkün qədər aydın, başadüşülən olur. 3D modelləşdirmə-
obyektin üçölçülü modelinin yaradılması prosesidir.Biz bilirik ki, həndəsə
Dostları ilə paylaş: |