| 7.5.2.2.2.3.3 Bərkidici vasitələr
Profillənmiş fibrosement lövhələr özü deşikaçan və özü kəsən metal vintlər vasitəsilə dayaq çərçivəyə vurulur. Yuyucular və etilenpropilendien kauçuk (EPDM) və ya germetik bitumdan istifadə olunur.
Bir qayda olaraq vintlər qofrun yuxarısında (tacında) və məhsulların bərkidildiyi uzun və qısa hissələrin təsvir edildiyi müvafiq şəkillərdə göstərilən yerlərdə vurulur (bax Şəkillər 1-5).
7.5.2.2.2.3.4 Məhsulun yerləşdirilməsi
Bütün hallarda sınaq vertikal vəziyyətdə aparlmalıdır. Hər iki üzü eyni səthə malik məhsulların yalnız bir tərəfi sınaqdan keçirilir. Üzləri fərqlənən məhsulların hər iki tərəfi və ya yanğına qarşı ən mənfi reaksiya göstərən tərəfi sınaqdan keçirilir. Yanğına qarşı ən pis reaksiya verən tərəf adətən hər m2 üzrə ən yüksək orqanik tərkibə və ən tünd rəngə malik tərəfdir. Ən yüksək orqanik tərkibə malik tərəf EN İSO 1716 standartına əsasən müxtəlif layların kompozisiyasından və ya onların istilik yaradan qabiliyyətini müəyyən etməklə əldə olunur.
Hər iki tərəfin sınaqdan keçirilməsindən sonra, məhsulun təsnifatı üçün ən mənfi nəticə göstərən tərəf əsas götürüləcəkdir və ya hər iki tərəfin təsnifatı ayrıca elan olunacaqdır. Əgər yalnız bir tərəf sınaqdan keçirilərsə, məhsulun təsnifatı üçün həmin tərəfin təsnifatı istifadə edilir.
Dostları ilə paylaş: | 
