126
lakin bu məktəbi bitirənlər üçün pedaqoji kursuna keçməyə bir rabitə yox idi. Buna
görə biz qəti etdik ki, bu məktəblərin kursu Marinski kursunun məktəbi ilə
bərabərləşsin. Bu məktəbdə bir - iki il dərs oxunur. Bir ildə təcrübə dərsi vermək,
bəzi tikiş üsulla tədrisi dərsi verilir. Oranı qurtaran qızların payına elmi də
ibtidaiyyə ilə qalır; onların darülfünuna girməyə qüvvələri olmayır, buna görə də
mən rəy verə bilmərəm. Qarayev deyir ki, darülfünun hamısı üçün açıqdır. Düz
deyildir. Hər kəsin özünə deyil bəlkə ora daxil olmağa lazımi qədər elmi olanlar
üçün. Qaldı ki, Camalbəyov deyir ki, darülmüəllimin bitirmişlər və sənədləri
əllərində olmayanlar da bura daxil olsun. Və, ora girmək üçün dil lazım deyil və
darülfünunu qurtarandan sonra ancaq imtahan verirlər. Doğrudur, müəllimlər
arasında çox istedad sahibi var ancaq ola bilməz ki, orada bir kurs dil bilənlər üçün,
bir kurs da bilməyənlər üçün açılsın: ona görə onlar üçün çox çətin olar. Ola bilər
ki, realnı və gimnaziyaya natamam buraxmışlar darülfünuna daxil olsunlar, lakin
seminariya qurtarmamış müəllim və müəllimələr daxil olmaq istəsələr isə kənarda
hazırlanıb ora ancaq könüllü surətdə daxil ola bilərlər. Sədr - Malxazov. Malxazov
- Rusca. Sədr - Ağamalı oğlu.
Səmədağa - Bu imdisə danışan natiq əfəndinin sözünə fikir verəndə
deyəsən lap əqilli çıxır. Əgər bir adam işin qabağını hazırlamayıbsa, dalısını heç
apara bilməz. Bunada biz etiraz etmərik. Birsə şey var, imtahan barəsində. Ancaq
Malxazov və Qəniyev bircə şeyi unudurlar ki, onu da mən yada salmaq istərəm.
Onların sözündən belə çıxır ki, yeddinci klası bir sərhəd qoyulubdur. Mən deyirəm
ki, o, öylə bir sərhəd deyil ki, onu pozmaq olmasın. Yəni 6-cı klassdan universitetə
keçə bilməsin. Malxazov öylə deyir ki, guya yeddinci klas qurtarmayanın beynində
öylə nöqsanlar var ki, darülfünuna keçməyə heç bir qüvvəsi olmaz. Amma burada
böyük səhv var. Çünkü, çox böyük adamlar var ki, heç əməlli oxumayıblar.
Məsələn məşhur Belinski heç yaxşı atmetika ala bilməzdi.
Bir adam klassdan klassa adladıqsa məlum olur ki, onun beynində öylə bir
hazırlıq intellekt əmələ gəlir ki, o darülfünuna girməyə layiq olur. Universitet
qabağında güc tapa bilir. Oxumaq, kursa qurtarmaq bu deyildir ki, insan
oxuduğunu hamısını yadında saxlasın. Burada oturan yuristlər, doktorların
hangisini imtahan eyləsən, heç nol da ala bilməz.
Yerdən səslər: - Zimələyir necə?
Ağamalı oğlu - Dəvamla zimələyirlər və hətta öyləcədir. Bundan o çıxmaz
ki, onun qabiliyyəti yoxdur. Xırda şeylər onun yadından çıxsa da, əsl böyük şeylər
onun yadındadır. İntellekt hazırdır. Bir şeyi də yadınıza salmaq istəyirəm ki,
keçmiş Rusiyada darülfünuna girmək üçün böyük və çətin imtahanlar qoyurdular.
Səbəbi bu idi ki, universitetə az adam girsin, oxuyan az olsun. Məktəblər qapalı
qalsın. Cəmaət oxumasın, əvam olsun. Nikolay hökuməti öz bildiyini eyləsin. Bu
imtahanı onun üçün tuturdular ki, oxumaq istəyənlərin qabağını ondan ötrü
127
alırdılar ki, Rusiyada hər nə qədər oxumuş əqilli az olsa hökumətin faidəsi necə ki,
axırda onlarda elan verdilər ki, gərək imtahan olmasın. Çünkü onlar məktəbə lazım
olmayan imtahan qoyurdular. Oxumuş adama ehtiyacları olanda o saat imtahanı
götürürdülər. O imtahanı siz özünüz bilirsiniz. Bu imtahana Rusiyanın nə qədər
açıq fikirli adamları var isə hamısı zidd idi. Bunu Malxazov bilir, çünkü
danışığından görünür ki, oxumuş adamdır. Bu yaxınlarda Rusiyanın bir yaman
ministri qərar qoymuşdu ki, məktəblərdə imtahan olmasın. Haçanki Rusiyada
hökumət əleyhinə işləyənlər çoxalırdı, deyirdilər oxumaq ziyan gətirir, gərək bütün
kitabları yandıraq. O vaxt imtahanları möhkəm edirdilər. Uşaqlar içində də eyləsi
olurdu ki, istedadı, qabiliyyəti var, ya qorxudan, ya başqa bir səbəbdən imtahandan
kəsilirdi. Amma hamı bilirdi ki, bu uşaq intenlekt hazırdır, bilir. Universitetə də
girə bilər. İndi, onu deyirəm, biz istəyirik bu saat Azərbaycanda oxuyan çox olsun.
Ona görə də darülfünunun qapısı gərək açıq olsun. Öylə adamlar oraya gedəcək ki,
inşallah işi hazırdır. Və, onu da bilir ki, oradan bir nəf apara bilər. Əgər gördü ki
oxuya bilməyir, oradakı elmləri qanmayır, o adam özü gedəcək. Necəki
darülfünunun qapısı girmək üçün üzünə açıqdır, öylədə çıxmaq üçün açıqdır. Daha
bundan nə üçün qorxaq ki, 7-ci, səkkizinci klassdan çıxanların darülfünuna
girməyə ləyaqəti yoxdur. Dediyim bu fikirlərə görə deyirəm ki, gərək darülfünunun
qapısı hamının üzünə açıq olsun. Və o formulanı ki, Əhməd yoldaşım verdi qəbul
olunsun. Bu olmasa deyəsən universitet axsayacaq.
Rəis - Söz Ağa Aşurovundur. Müsaidə veriniz. Təklif var, natiqlərin
siyahisi qət edilsin. Aşurov ilə Malxazov yazılmışdır. Əhməd bəy də rica edir ona
da söz verilsin. (Səslər: Gecdir, gecdir). Təklifə etiraz yoxdur? (səslər: Yoxdur)
Təklifə etiraz yox isə, qəbul edilir. Natiqlərin siyahisi qət edilir. Söz Ağa
Aşurovundur.
Ağa Aşurov - Əhməd bəy buyuran əsaslı şeydi, Malxazov buyuran da
əsaslıdır. Ancaq həqiqət bunların ikisinin arasındadır. O, düzdür ki, istibdad
zamanında oxumaq olmayırdı. (Səslər: Qoymayırdılar, olmayırdı).
Rəis - Rica edirəm danışmayın, rica edirəm natiqə mane olmayın.
(Aşurova). Rica edirəm nitqinizə dəvam edəsiniz.
Aşurov (dəvamla) - O da düzdür ki, rus dilindən ötəri çoxu soçinəniyə
yaza bilməyib məktəblərdən çıxırdılar. Bu bizim nöqsanımızdır. Buna görə
şagirdlərimiz universitetə girə bilmirdilər. Amma bizim universitet açmaqda
fikrimiz bu olubdu ki, diplomlu adamlar buraxaq, diplomu gərək bilikli adamlara
verək. Diplom alanlar bir şey bilsinlər, oxuduqları dərsi başa düşsünlər. Hər halda
diplomu almaq qabiliyyəti olsun. Bunun üçün hangi məktəbin 6-cı, 7-ci
klasslarından çıxanları, ya Aleksandrinski məktəbin kursundan qurtarmışları daxil
eyləməyi qət eləmək olmaz. Biz ancaq bir arzu edə bilərik nəzarət, ya darülfünun
komisyonu, əlbəttə darülfünun komisyonu, ya hökumət, ancaq rus dilini əgər