42
4. Hökumət, ictimai təşkilatlar və qruplar adından verilən
reklam:
- əhatə dairəsinə görə fərdi istehlakçılara, dövlət təşkilatlarına, qrup-
lara, cəmiyyətlərə və assosiasiyalara, geniş istehlakçı kütləsinə və mütə-
xəssislərə yönəldilən reklama ayrılır. Bu zaman əsas məqsəd ictimai-
siyasi və kommersiya sahəsində nailiyyətlər əldə etmək məqsədilə həyata
keçirilən tədbirlərin səmərəliliyini yüksəltməkdən ibarətdir.
Reklamın yuxarıda baxılan təsnifatından bizi ən çox maraqlandıran
istehsalçılar adından verilən reklamdır. Odur ki, onun üzərində bir qədər
ətraflı dayanmaq daha məqsədəuyğundur.
İstehsalçılar adından verilən reklam bir çox müxtəlif növlərə ayrılır
və çoxumuz onların əksər hissəsi ilə demək olar ki, qarşılaşmırıq. Onların
müxtəlif növlərini ayrılıqda nəzərdən keçirək:
İstehlakçılara yönəldilən reklam.
Əksər istehsalçılar fərdi qaydada
reklamdan istifadə edirlər ki, konkret məhsul istehlakçılarının tələbinin
formalaşdırılmasına təsir göstərə bilsinlər, onların mal alışını həvəsləndir-
sinlər. Onlar televiziya, radio, gündəlik və həftəlik qəzetlər, jurnallar,
reklam lövhələri, nəqliyyat vasitələri, birbaşa poçt reklamı, kataloqlar,
kuponlar, hava şarları vasitəsilə yayılan reklamla istehlakçıların diqqətini
konkret məhsula yönəldir, onlara məhsul haqqında lazımı informasiya
ötürürlər.
Bəzən istehsalçıların kommersiya maraqları onları məcbur edir ki,
fərdi istehlakçılar tərəfindən onların məhsullarının alınmasında öz səy-
lərini və həyata keçirdikləri reklam tədbirlərini birləşdirsinlər, birgə rek-
lam kampaniyasını həyata keçirsinlər. İstehsalçılar öz məhsullarının
topdan və pərakəndə satıcıları ilə də razılaşmalar əldə edir və onları birgə
reklam kompaniyasına cəlb edirlər.
Dostları ilə paylaş: