OZAN DÜNYASI № 3, 2010
25
deyildir. İndiyə kimi güney mühitləri ilə bağlı sistemli toplama və araşdırma
işlərinin aparılmaması, uzun müddət şimalla cənub arasında gediş-gəlişə icazə
verilməməsi, hətta dəmir pərdələrin qismən aradan qaldırıldığı indinin özündə
də Azərbaycan alimlərinin cənubu sərbəst şəkildə öyrənmək imkanından məh-
rum olması səbəbindən güneydəki aşıq mühitlərinin dolğun elmi görüntüsünü
yaratmaq çox çətindir. Bununla belə, əldə olan toplama, nəşr və tədqiq işlərinə,
son illərdə Bakıya gələn cənub aşıqlarının yaratdıqları təsəvvürlərə, tarixi-ədəbi
qaynaqlardakı bilgilərə və 1995-ci ildən başlayaraq çeşidli zamanlarda elmi
səfərlərimdən əldə etdiyim qənaətlərə əsaslanaraq müəyyən mülahizələr
yürütmək olar. Sözsüz ki, güneydəki aşıq mühitlərinin hər biri barədə gec-tez
irimiqyaslı araşdırmalar aparılacaq və türk mədəniyyətinin son dərəcə qiymətli
olan həmin nöqtələri öz elmi-tarixi dəyərini alacaqdır. İndilik ortaya çıxarılan
fakt və mülahizələrin zaman keçdikcə yeni bilgilər əsasında dəqiqləşdirilməsi
və inkişaf etdirilməsi zəruridir.
TƏBRĠZ-QARADAĞ AġIQ MÜHĠTĠ
Güneydəki aşıq mühitlərinin əhatə dairəsi və mədəni-tarixi zənginlik baxı-
mından daha çox diqqət çəkəni Qaradağ-Təbriz aĢıq mühitidir. Məşhur Sa-
valan və Səhənd dağları dövrəsindəki mahalları əhatə eləyən bu mühit tarixən
olduğu kimi çağdaş anlamda da güney aşıqlığının mərkəzi sayılır. Buraya Sava-
lan dağı ətrafındakı Əhər, Kəleyvər, Sərab, Şəbüstər mahalları və Səhənd dağı
çevrəsindəki Marağa, Sərəskənd, Mərənd yaşayış məskənləri daxildir. Təbriz
aralıq-keçid regionu kimi Savalan və Səhənd çevrələri arasında yerləşmişdir.
Adı çəkilən regionlardan aşıqlığa daha sıx bağlı olanları Təbriz, Əhər,
Kəleyvər, Şəbüstər, Meşkin və Sərəskənddir. Qarabağ-Təbriz aşıq mühiti
tarixən bu bölgələrdən çıxan istedadlı sənətkarlarla şöhrətlənmişdir. Tufarqanlı
Abbasın, Xəstə Qasımın burada yetişməsi, Qurbaninin, Sarı Aşığın əslən
Qaradağlı olması, bir çox klassik xalq dastanlarının ("Xəstə Qasım", "Abbas-
Gülgəz", "Nəcəf-Pərizad", "Aşıq Qərib" və s.) yurd yerinin Qaradağa bağlan-
ması Təbriz-Qaradağ aşıq mühitində saz-söz sənətkarlığının tarix boyundakı
yüksək səviyyəsindən soraq verir.
Mühitin ənənəvi repertuarını 45-50 dastan təşkil edir. Digər mühitlərdə mü-
şahidə olunanlarla yanaşı, "Qulam-Kəmtər", "Əlişah", "Xudadat", "Güneyli
Nəcib usta", "Molla Əliynən Rafi", "Kəlbi-Səlbi", "Hatəm şah" kimi regional
səciyyəli dastanlar da mövcuddur. Hətta "Əsli-Kərəm", "Abbas-Gülgəz", "Aşıq
Qərib", "Xəstə Qasım", "Alıxan-Pərixanım", "Şah İsmayıl" sırasından olan bir
çox dastanın da bu mühitdə olduqca kamil və tutumlu variantları vardır. Təbriz-
Qaradağ aşıqları "Abbas-Gülgəz" dastanının üç həftə boyu (hər axşam üç saat
olmaqla) söylənə biləcək tutumda olduğunu bildirirlər. Mühitin söz reper-
tuarında "Koroğlu" dastanının mühüm yer tutması (burada "Koroğlu"nun
təqribən 14 qolu söylənilir) Təbriz-Qaradağın əsas "Koroğlu" ocaqlarından biri
olduğunu da göstərir. Xatırladaq ki, XIX əsrdə yazıya alınmış "Koroğlu"
OZAN DÜNYASI № 3, 2010
26
nüsxələri ("Xodzko" və "Tiflis" nüsxələri) də Təbriz-Qaradağ aşıq mühiti ilə
birbaşa bağlıdır.
Söz repertuarındakı əlvanlıq və zənginlik eynilə musiqi repertuarında da öz
əksini tapmışdır. Ənənəvi klassik saz havalarından əlavə bu mühitə məxsus
"Qaradağ şikəstəsi", "Doxabəyi", "Qürbəti", "Narıncı", "Qaytarma", "Şəqayiqi"
kimi havalar burada saz bəstəçiliyinə xüsusi diqqət yetirildiyini təsdiqləyir.
Aşıq Əziz Şahnazi bölgəsəl səciyyə daşıyan Təbriz-Qaradağ havalarının iyirmi-
dən yuxarı olduğunu söylədi (1995-ci il). İfaçılıq və bəstəçiliyin yüksək səviy-
yədə olmasını səciyyələndirən əlamətlərdəndir ki, Təbriz-Qaradağda təkcə "Di-
vani" havalarının beş növü ("Şahxətayi divanisi", "Sadə divani", "Qoca divani",
"Urmani divani", "Osmanlı divanisi") vardır. Eyni çoxsaylılıq və rəngarənglik
"Koroğlu havaları", "Kərəm havaları", "Gözəlləmə" silsilələri üçün də
səciyyəvidir.
İyirminci yüzilliyin ortalarından etibarən Təbriz-Qaradağ aşıq mühitində
Bakı radiosundan səsləndirilmiş aşıq havalarının təsiri özünü göstərmişdir. Aşıq
Şakir, Aşıq Əkbər, Aşıq Kamandar və Ədalət Nəsibov ifa tərzi Təbriz-Qaradağ
aşıqlarında nəzərəçarpacaq iz buraxmışdır. Bunu yuxarıda sözü gedən saz ha-
valarının siyahısından da sezmək mümkündür. Əli Kafkasiyalı Təbriz-Qaradağ
aşıq mühitində ifa olunan 142 saz havasının adını müəyyənləşdirmişdir.
Üçlük halında - saz, balaban, qaval müştərəkliyi ilə çalıb-oxuma ənənəsinə
malik olan Təbriz-Qaradağ aşıqlarının həm Gəncəbasar və Göyçənin, həm də
Şirvan və Dərbəndin çalğı və oxu tərzinə yaxınlığı qabarıqdır. İfa zamanı rəqsə
və çevik gəzişmələrə üstünlük verilir. Zil və yüyrək oxu biçimi bu çevrənin
aşıqları üçün daha səciyyəvidir.
Aşıqlıq professional sənət səciyyəsi daşıdığı üçün onun daimi fəaliyyətini
təmin və təşkil edən mərkəz rolunu tarixən karvansara və mədəni-ticari
mərkəzlərdəki çayçı-qəhvələr oynamışdır. Sovet dövründə Qafqazlarda və Orta
Asiyada sıradan çıxarılmış həmin ənənə bir qədər məhdud şəkildə olmuş olsa da
İran və Anadoluda indi də yaşamaqdadır. Aşıqların professional səviyyələrini
yüksəltmək və yaxud nümayiş etdirmək, eləcə də toy-düyünə getmək üçün
müştəri cəlb etmək, qazanc əldə etmək məqsədi ilə toplaşdıqları "Aşıqlar
qəhvəsi" ("Aşıq çayxanası") Təbriz-Qaradağ mühiti üçün də səciyyəvidir. İslam
inqilabına qədər təkcə Təbrizdə doqquz-on "Aşıq qəhvəsi" fəaliyyət
göstərmişdir. İndi onların sayı beşdir: AĢıq Ġsmayıl Qəmbərinin çayçı-
qəhvəsi; "Gülüstan" çayçı-qəhvəsi; Hacı Rəhimin çayçı-qəhvəsi; Gəncəli
çayçı-qəhvəsi; Ayət Qəmbəri çayçı-qəhvəsi. Bunlardan başqa Əhər, Mərənd,
Marağa və Sərabda da aşıqların toplaşdığı çayçı-qəhvələr vardır.
Aşıqlığa yiyələnmə ustad-şagird ənənəsinə söykənir. Təbriz-Qaradağ, eləcə
də digər güney mühitlərində aşıq sənətinə kütləvi marağın nəticəsidir ki, iri
yaşayış məskənlərində könüllülərdən ibarət saz sinifləri təşkil olunur və orada
aşıq şagirdlərə çalmaq və oxumaq qaydalarını öyrədir. Bu üsul klassik ustad-
şagird ənənəsi qədər effektli olmasa da sazın və aşıq ifaçılığının geniş
yayılmasında, kütləviləşməsində mühüm əhəmiyyətə malikdir.
Dostları ilə paylaş: |