377
1993-cü ildə Deytonda (ABŞ) ümumi sülh haqqında saziş im-
zalandı. 1995-ci ildə qüvvəyə minən Konstitusiyaya görə
ölkədə Birləşmiş Bosniya-Herseqovinadan ibarət federativ res-
publika yarandı, sahəsi 51,2 min km
2
, əhalisi 3,5 milyon nə-
fərdir. Paytaxtı Sarayevo şəhəridir. – 280–292.
68. Bülbül, M u r t u z a M ə ş ə d i R z a o ğ l u M ə m- m
ə d o v (1897–1961) – Azərbaycan klassik vokal məktəbinin
banisi, musiqi folkloru tədqiqatçısı. Bülbülün yaradıcılığı
müasir Azərbaycan musiqili teatrı tarixində mühüm bir
mərhələ təşkil edir. Bülbül Azərbaycan xalq mahnılarını,
təsnifləri böyük sənətkarlıqla ifa etmişdir. SSRİ Xalq artisti
və SSRİ Dövlət mükafatı laureatı. – 348–357.
69. Üzeyir Hacıbəyli, Ü z e y i r Ə b d ü l h ü s e y n o ğ- l
u (1885–1948) – dahi Azərbaycan bəstəkarı, musiqişünas-alim,
publisist, dramaturq, pedaqoq və ictimai xadim. Müasir Azər-
baycan professional musiqi sənətinin və milli operasının banisi,
SSRİ Xalq artisti, SSRİ Dövlət mükafatı laureatı. – 350, 351,
355, 357.
70. Fərhad Bədəlbəyli, Fərhad Şəmsi oğlu (d.1947) – Azər-
baycan pianoçusu və musiqi xadimi. Ü.Hacıbəyov adına Bakı
Musiqi Akademiyasının (1991) rektoru, professor. Azərbaycan
Dövlət mükafatı laureatı, Azərbaycan və SSRİ Xalq artisti,
Azərbaycan Respublikası Musiqi Xadimləri İttifaqının sədridir.
Azərbaycan Respublikasının «Şöhrət» və «İstiqlal» ordenləri ilə
təltif edilmişdir. – 350–352.
71. Fikrət Əmirov, F i k r ə t C ə m i l o ğ l u (1922–1984) –
görkəmli Azərbaycan bəstəkarı. Simfonik muğam janrının
yaradıcısı. Fikrət Əmirov instrumental konsert janrında yaradan
ilk Azərbaycan bəstəkarlarındandır. Əsərləri, xüsusilə simfonik
muğamları Niyazi, Rojdestvenski (Rusiya), L.Stokovski
(ABŞ), Ş.Münş (Fransa), Ç.Abendrot (Almaniya) kimi məşhur
378
dirijorların repertuarlarında səslənmişdir. SSRİ Xalq artisti,
Sosialist Əməyi Qəhrəmanı, SSRİ və Azərbaycan Dövlət
mükafatları laureatı. – 352.
72. Rostropoviç Mstislav (1927–2007) – Bakıda doğulmuş
görkəmli musiqiçi, violonçelist, dirijor. Lenin mükafatı laureatı,
SSRİ Xalq artisti. Bakı Musiqi Akademiyasının Fəxri professoru.
Azərbaycan Respublikasının «İstiqlal» və «Heydər Əliyev»
ordenləri ilə təltif edilmişdir. – 352.
73. Cəfər Cabbarlı, C ə f ə r Q a f a r o ğ l u (1899–1934)
– böyük Azərbaycan yazıçısı, dramaturq. Cabbarlı yaradıcılığı
Azərbaycan ədəbiyyatının inkişafına böyük təsir göstərmiş,
istedadlı dramaturqlar nəslinin yetişməsində mühüm rol
oynamışdır. C.Cabbarlının zəngin irsi Azərbaycan ədəbiyyatı
tarixində layiqli yer tutur. – 355.