89
ALMANİYA FEDERATİV RESPUBLİKASININ
PREZİDENTİ ZATİ-ALİLƏRİ
CƏNAB YOAXİM QAUKA
Hörmətli cənab Prezident!
Almaniya Federativ Respublikasının milli bayramı –
Alman Birliyi Günü münasibətilə Sizə və Sizin simanızda bütün
xalqınıza öz adımdan və Azərbaycan xalqı adından ən səmimi
təbriklərimizi yetirirəm.
Biz Azərbaycan–Almaniya münasibətlərinin inkişafına
böyük əhəmiyyət veririk. Xalqlarımızı birləşdirən çoxşaxəli
dostluq əlaqələri, qarşılıqlı maraq doğuran əməkdaşlığımızın
geniş əhatə dairəsi bu mənada xüsusi məmnunluq doğurur.
Ümidvaram ki, ikitərəfli qaydada həyata keçirdiyimiz işlərin
müvəffəqiyyətlə davam etdirilməsi, eləcə də Avropa strukturları
çərçivəsində tərəfdaşlığımızın dərinləşdirilməsi yolunda bundan
sonra da ardıcıl səylər göstərəcəyik.
Hörmətli cənab Prezident, belə bir əlamətdar gündə Sizə ən
xoş arzularımı yetirir, dost Almaniya xalqına sülh və rifah
diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 27 sentyabr 2012-ci il
90
KOREYA RESPUBLİKASININ PREZİDENTİ
ZATİ-ALİLƏRİ
CƏNAB Lİ MEN BAKA
Hörmətli cənab Prezident!
Ölkənizin milli bayramı – Dövlətin Yaranması Günü
münasibətilə Sizi və bütün xalqınızı öz adımdan və Azərbaycan
xalqı adından səmimi-qəlbdən təbrik edirəm.
Əminəm ki, Azərbaycan Respublikası ilə Koreya Res-
publikası arasındakı dostluq münasibətləri, daim genişlənən
əməkdaşlığımız bundan sonra da xalqlarımızın rifahına töhfələr
verəcəkdir.
Hörmətli cənab Prezident, bu bayram günündə Sizə möhkəm
cansağlığı, işlərinizdə uğurlar, Koreya Respublikasının dost
xalqına daim əmin-amanlıq və firavanlıq arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 27 sentyabr 2012-ci il
91
İSPANİYA KRALI ƏLAHƏZRƏT
I XUAN KARLOSA
Əlahəzrət!
İspaniya Krallığının milli bayramı münasibətilə Sizə və
Sizin simanızda bütün xalqınıza öz adımdan və Azərbaycan
xalqı adından ən səmimi təbriklərimizi yetirirəm.
Ümidvaram ki, birgə səylərimizlə dostluq və əməkdaşlıq
əlaqələrimizin ikitərəfli və çoxtərəfli çərçivədə ölkələrimizin və
xalqlarımızın mənafelərinə uyğun olaraq daha da geniş-
lənməsinə və inkişaf etməsinə nail ola bilərik.
Əlahəzrət, belə bir xoş gündə Sizə möhkəm cansağlığı,
işlərinizdə uğurlar, dost İspaniya xalqına sülh və firavanlıq
arzulayıram.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 27 sentyabr 2012-ci il
92
ZABRAT–MAŞTAĞA–BUZOVNA VƏ
ZABRAT–PİRŞAĞI AVTOMOBİL YOLLARININ
YENİDƏNQURMADAN SONRAKI VƏZİYYƏTİ
İLƏ TANIŞLIQ
27 sentyabr 2012-ci il
Azərbaycan Respublikasının Prezidenti İlham Əliyev
sentyabrın 27-də Zabrat–Maştağa–Buzovna və Zabrat–Pirşağı
avtomobil yollarının əsaslı təmir və yenidənqurma işlərindən
sonrakı vəziyyəti ilə tanış olmuşdur.
Dövlətimizin başçısının müvafiq sərəncamlarına uyğun
olaraq «Bakı şəhərində nəqliyyat sisteminin təkmilləşdirilməsi
üzrə 2006–2007-ci illər üçün Tədbirlər Planı», eləcə də «Bakı
şəhərində nəqliyyat sisteminin təkmilləşdirilməsi üzrə 2008–
2013-cü illər üçün əlavə Tədbirlər Planı» çərçivəsində son illər
paytaxtın müxtəlif rayonlarında genişmiqyaslı tədbirlər həyata
keçirilmiş, çoxlu sayda yolötürücü, körpü, tunel, yeraltı və
yerüstü piyada keçidləri inşa edilərək, müasir tələblər səviy-
yəsində yeni avtomobil yolları salınıb. Bu cür qurğuların və
yolların inşası paytaxtın müxtəlif rayonlarında hazırda davam
edir.
Nəqliyyat naziri Ziya Məmmədov Zabrat–Maştağa–Buzovna
və Zabrat–Pirşağı avtomobil yollarında görülmüş əsaslı təmir
və yenidənqurma işlərindən sonra texniki göstəricilər barədə
prezident İlham Əliyevə məlumat verdi. Bildirildi ki, Sabunçu
yol qovşağından Zabrat dairəsinə qədər olan avtomobil
yolunun yenidən qurulması Bakı şəhərinin Sabunçu, Balaxanı,
Zabrat, Maştağa, Kürdəxanı, Pirşağı və Məhəmmədli
qəsəbələrinin nəqliyyat əlaqəsinin yaxşılaşdırılmasına, şəhərin
mərkəzinə gələn nəqliyyat vasitələrinin normal gediş-gəlişinə
şərait yaradacaqdır. Qeyd olundu ki, 2012-ci ilin martında
yolda kommunikasiya, su, kanalizasiya və digər xətlərin
çəkilişinə başlanıldığından yol nəqliyyatın hərəkəti üçün yarar-