Ənvər Çingizoğlu ŞUŞA ŞƏHƏRİ
|
günə qədər onu Azərbaycan Dövlət İqtisad Universitetinin hüquq kafedrasına bağladı. Müəllim işlədiyi müddət ərzində həmişə universitetin ictimai işində yaxından iştirak edib. Sovetlər dönəmində ictimai əsaslar üzrə respublika ali məhkəməsində xalq iclasçıları şurasının sədri seçilib. Ədalət mühakiməsinin həyata keçirilməsində yaxından iştirak edib. Əliheydər Haqverdiyev 1956-cı ildə Firəngiz Mütəllim qızı Mütəllimova ilə ailə həyatı qurub. Niyazi və Azər adlı oğlanları olub. Böyük oğlu Niyazi uzun illərdir ki, Moskvada yaşayır. Onun bir oğlu var. Kiçik oğlu Azər Haqverdiyev 2009-cu ildə vəfat edib. Onun Nigar və Tamerlan adlı iki övladı var. Qənirə Məşədi Zeynal qızı 1924-cü ildə Ağdam şəhərində doğulmuşdu. 1943-cü ildə N. Nərimanov adma Azərbaycan Dövlət Tibb Universitetinə daxil olmuşdur. 1949-cu ildə pediatriya fakültəsini bitirərək uşaq həkimi kimi fəaliyyətə başlamışdır. Əvvəlcə Xaldanda uşaq-qadın məsləhətxanasında pediatr-həkim, 1951-ci ildə isə Ağdam şəhərindəki uşaq evində uşaq həkimi işləmişdir. 1953-1958-ci illərdə Qərvənd xəstəxanasının baş həkimi kimi fəaliyyət göstərmişdir. 1958-1960-ci illərdə isə Ağdam şəhər Uşaq Birləşmiş Xəstəxanasının pediatrı olmuşdur. 1962-ci ildə Bakıya köçərək burda fəaliyyətə başlamışdır. Bakıdakı 2, 5 və 13 nömrəli uşaq poliklinikalarında həkim-pediatr olmuşdur. 222 1951-ci ildə Hilal Allahverdi oğlu Əliyevlə ailə həyatı qurmuşdur. O, üç qız-(Pərivəş, Şəfəq, Roydə) dünyaya gətirmişdir. Onun Müjgən, Nigar, Nilufər, Əbülfəz, Səid və Jalə adlı altı nəvəsi var. Qənirə Haqverdiyeva əmək sahəsindəki fəaliyyətinə görə 1980-ci ildə “Əmək veteranı” medalı ilə təltif olunmuşdur. 2004-cü ildə Bakıda vəfat etmişdir. Məşədi Zeynalın beşinci qızı Ulduzə 1931-ci ildə Ağdam şəhərində anadan olub. İlk təhsilini də burda alıb. 1948-ci ildə orta təhsilini tamamlayaraq, Azərbaycan Dövlət Universitetinin filologiya fakültəsinin jurnalistika şöbəsinə daxil olub. 1953-cü ildə universiteti bitirərək jurnalist ixtisasına yiyələnib. Elə həmin ildə öz xahişi ilə Ağdamda çıxan “Lenin yolu” qəzetinə təyinat alıb. İki il bu qəzetdə ədəbi işçi vəzifəsində çalışıb. Sonra isə “Azərbaycan gəncləri” qəzetinə dəyişilib. Bu qəzetdə işləyən Ulduzə xanım şəhərin mədəni-siyasi həyatında yaxından iştirak edərək qəzetdə maraqlı məqalələrlə çıxış etmişdir. 1956-cı ildə Hindistanın məşhur aktyoru Rac Kapur böyük müğənni Rəşid Behbudovun dəvəti ilə Bakıya gələrkən onu qarşılayanlar arasında Ulduzə Haqverdiyeva da vardı. Rac Kapuru və onunla gələn nümayəndə heyətini Azərbaycan gəncləri adından salamlamaq şərəfi ona nəsib olmuşdu. Ulduzə xanım elə həmin ildə tdris Məhəmmədalı oğlu Məmmədovla ailə həyatı qurub. Həyat yoldaşı hüquq-mühafizə orqanlarında işlədiyi üçün onlar əvvəlcə Lənkərana, sonra Naxçıvanın Şərur rayonuna getmişlər. Ona görə də U. Haqver diyeva müvəqqəti olaraq sevimli sənətindən uzaqlaşmalı olmuşdu. Sonra ailə Füzuli şəhərinə köçmüş, doqquz il də orda yaşamışlar. O, burda çıxan “Araz” qəzetində çalışmışdır. 1969-cu ildə yenidən Bakıya gələn Ulduzə Haqverdiyeva əvvəlcə Azərbaycan Jurnalistlər İttifaqında məsləhətçi vəzifəsində fəaliyyət göstərmiş, sonra isə “Müxbir” jurnalına keçərək 20 il orda işləmişdir. Mətbuatda çoxlu aktual, maraqlı yazıları dərc olunmuşdur. 1991-ci ildən təqaüddədir. 223 Ulduzə Haqverdiyevanın üç qızı - Səadət, Kəmalə, Sevinc və Rəşad, Orxan, Leyla, Abbas adlı dörd nəvəsi var. İki qızı hazırda Türkiyənin İstanbul şəhərində yaşayır və orda musiqi müəllimi kimi fəaliyyət göstərərək türk uşaqlarına və gənclərinə musiqinin sirlərini öyrədirlər. Səadət İdris qızı Qarabağlı 1957-ci ildə Şərur rayonunda doğulmuşdur. 1977-ci ildə Şəki şəhər Orta İxtisas Musiqi məktəbinin fortepiano şöbəsini fərqlənmə diplomu ilə qurtarmış, 1984-cü ildə isə Azərbaycan Dövlət Universitetinin jurnalistika fakültəsini bitirmişdir. 1979-cu ilin sentyabr ayından Üzeyir bəy Hacıbəyovun ev- muzeyində fonoteka müdiri kimi əmək fəaliyyətinə başlayıb, sonra muzey bələdçisi, kiçik elmi işçi, böyük elmi işçi, ekspozisiya və kütləvi işlər şöbəsinin müdiri, elmi katib və muzeyin direktoru vəzifələrində çalışıb. 2005-ci ilin fevral ayından müstəqil yaradıcılıqla məşğuldur. Mətbuatda çıxan ilk yazısı 1978-ci ildə Cəlilabadda nəşr olunan «Taxılçı» qəzetində işıq üzü görüb. Üzeyirbəyşünas kimi ilk qələm təcrübəsi 1981-ci ildə «Ədəbiyyat və incəsənət» qəzetində dərc edilib. Bundan sonra respublikanın mərkəzi mətbua tında Üzeyir bəy Hacıbəyovun həyatı, yaradıcılığı və sair mövzularda müntəzəm olaraq 200-dən artıq yazısı dərc olunub, televiziya və radio kanallarında çıxışlar edib. Səadət Qarabağlı respub likamızın müxtəlif şəhər və rayonlarında, kənd zəhmətkeşləri qarşısında, eləcə də İstanbul şəhərində mühazirələr oxumuş, konfranslar keçirmişdir. Bütün bunlar geniş ictimaiyyət tərəfindən maraqla qarşılanmış və yüksək qiymətləndirilmişdir. 224 Görkəmli bəstəkar Üzeyir bəy Hacıbəyovun yaradıcılıq irsinin nəşrində və təbliğində xidmətləri böyükdür. Səadət Qarabağlı 1996-cı ildə nəşr olunan «Üzeyir Hacıbəyov ensiklopediyasının müəlliflərindən biridir. Üzeyir bəy Hacıbəyovun yorulmaz tədqiqatçısı kimi «Üzeyir bəy Hacıbəyovun publisistikasında musiqi məsələləri» adlı kitab yazmışdır. Kitabın birinci nəşri 1997-ci ildə “Bilik” cəmiyyətinin «Bayatı», ikinci nəşri isə 2004-cü ildə «Pedaqogika» nəşriyyatlarında olmuşdur. Bundan əlavə, Ü.Hacıbəyova həsr edilmiş şeirlərin bir qismini nəşrə hazırlamış, «Şöhrət tacı» adı altında mini-kitab (tərtibçilər Ramazan Xəlilov, Səadət Qarabağlı, redaktoru Vladimir Qafarov) halında işıq üzü görmüşdür. Eləcə də dahi Azərbaycan bəstəkarı Üzeyir bəy Hacıbəyova həsr olunmuş şeirlər və poemalar toplusunu «Üzeyirbaycan» (tərtibçi və ön sözün müəllifi Səadət Qarabağlı, Bakı, «Vektor» nəşrlər evi, 2006) adı altında, həmçinin Üzeyir bəy Hacıbəyovun «Aşıqsayağı» triosunu (Skripka, violonçel və fortepiano üçün, «Vektor» nəşrlər evi, 2006) və «Arazbarı» (partitura, tərtibçi və ön sözün müəllifi Səadət Qarabağlı, «Vektor» nəşrlər evi, Bakı, 2006) və «Üzeyir bəy Hacıbəyov və Molla Nəsrəddin» (tərtibçilər Səadət Qarabağlı və Tahir Aydınoğlu, Bakı, «Adiloğlu» nəşriyyatı, 2007) kitablarını nəşr etdirmişdir. Səadət Qarabağlı 1985-ci ildə SSRİ Mədəniyyət Nazirliyinin «Kəndə mədəni hamilik əlaçısı» döş nişanı ilə təltif edilmiş, dəfələrlə Azərbaycan Mədəniyyət Nazirliyindən təşəkkür məktubları və mükafatlar almışdır. Səadət Qarabağlı 2000-ci ildə «Üzeyir bəy Hacıbəyovun publisistikasında musiqi məsələləri» kitabına görə Kütləvi İnformasiya Vasitələri İşçiləri Həmkarlar İttifaqının «Nurlu qələm ustası» fəxri mükafatına, 2001-ci ildə isə Azərbaycan-Finlandiya və digər ölkələr arasında mədəni və iqtisadi əlaqələrin möhkəmləndirilməsində göstərdiyi xidmətlərinə görə Azərbaycan- Finlandiya Assosiasiyasının «Gümüş arzu» mükafatına layiq görülmüşdür. 225 Yüklə Dostları ilə paylaş:
|