24
camaatının evdə, küçədə, məclisdə işlətdiyi danışığın
dadını-duzunu eynən çatdıran təbiiliyi saxlayır. Ədəbilik
pərdəsinin parıltılı cilasını təmizləyir və canlı dil Mirzə Cəlil
dilinin sadəlik gücü ilə görünür. Əsərin gücü oxunuşundadır.
Kitabxanaçı: Uşaqlar, Elçinin “Bülbülün nağılı” povestini
yəqin ki, hamınız oxumusunuz. Kim bu povest haqqında öz
fikrini bildirər? Bu povestdəki “kədərin gözün dibinə çökməsi”
ifadəsini siz necə başa düşürsünüz? Bu əsərdəki hansı hadisə
Füzulinin “Leyli və Məcnun” əsərini bizə xatırladır? Yazıçı nə
üçün bu povesti nağıl adlandırır?
I oxucu: Elçinin “Bülbülün nağılı” adlı lirik hekayəsi dilinə görə
sanki şeirdir. Bu məşhur şeirdə “kədərin gözün dibinə çökməsi”
kimi ayrıca bir şeir yükü daşıyan ifadə var. Burada sarı bülbülün
ayağından zəncirlənməsini ilk dəfə görürük – heç demə, qəfəsə
min şükür. Füzulinin Məcnunu ahunu ovçudan satın alıb təbiətə
buraxdığı kimi, bir Allah bəndəsi xeyirxahlıq məcnunu da bu
bülbülü zəncirdən xilas edir. Guya, ona azadlıq verir:
güllü-çiçəkli bir bağçada qızıl qəfəsə salır. Bülbül ən qəmli
nəğmələrini bu qızıl qəfəsin içində oxuyur. Elə oxuyur, səsilə
hər tərəfə elə dərd, qəm səpələyir ki, bağçanın yayın istisindən,
payızın çiskinindən solmayan gülləri, çiçəkləri bülbülün bu
nəğmələrinin hüznündən saralıb-solur. O, xeyirxahlıq məcnunu
da bu sızıltıya dözməyib bülbülü qəfəsdən buraxır və bunu
izləyir: bülbül uzun yollar keçib bir qoca palıd ağacının
oyuğundakı yuvasına girir. Taqətdən düşmüş bülbül ətrafdakı
doğmalığa baxıb, bütün gücünü toplayıb oxumağa başlayır.
Bülbül ölümü ilə üz-üzə dayanıb oxuyur. Ölüm qarşısında o, ən
şən nəğməsini oxuyur.
II oxucu: Sevinc firavan həyatda, dərd əzablı yaşayışda
deyilmiş. Sevinc azad olmaqda, dərd qandallı olmaqda imiş.
Elçin Əfəndiyev bu həqiqəti demir, əyani şəkildə göstərir:
bülbül azad nəğməsini oxuyub sevinc içində olur. Bu, dəhşətli
25
bir məcnunluq lövhəsidir. Buna dramaturqlar, məsələn, Şekspir,
İlyas Əfəndiyev tragediya deyərdilər, ancaq bu dəhşətli faciəyə
Elçin nağıl deyir, – “Bülbülün nağılı”. Təbii ki, bütün ecazkar
keyfiyyətlərin hamısı “nağıl” içində var. Bu nağıl da Elçin
qələminin möcüzəsidir. Oxuyan uzun zaman bu nağılın
təəssüratı ilə yaşayır. Bədii ədəbiyyat, bədii dil budur, yazıçılıq
da buna deyərlər...
Kitabxanaçı: Uşaqlar, Elçin Əfəndiyevin uşaqlar üçün yazdığı
əsərlər haqqında nə söyləyə bilərsiniz? Bu əsərlərin
qəhrəmanları haqda nə məlumatınız var? Onlara sizin
münasibətiniz necədir? Yazıçının əsərlərindəki rənglər nəyi
ifadə edir? və s.
I oxucu: “Bu dünyada qatarlar gedər”, “Baladadaşın ilk
məhəbbəti”,
“Gümüşü,
məxməri,
narıncı”,
“Səlimin
hekayələri”, “Humayın yuxusu” və s. Realist həyatımızın
mənzərəsini əks etdirmək müasir yeniyetmələrin duyğu və
düşüncəsini, kənddə yaşayan cavanların poetik dünyasını
vermək Elçin Əfəndiyevin hekayə və povestlərinin əsas
xüsusiyyətləridir. Yazıçının hekayələrində müasirlik anlayışı
kəndin xarici görünüşündə, yeni tikililərin, mədəniyyət
ocaqlarının çoxluğunda deyil. Bəzən yazıçı kəndi təsvir etmir,
adamların daxili dünyasını, fikir və qayəsini, həyata baxışını elə
realist və aydın cizgilərlə verir ki, yazıçının platforması son
dərəcə parlaq şəkildə görünür.
II oxucu: “Bu dünyada qatarlar gedər” hekayəsinin qəhrəmanı
Əbilidir. Müəllif bizi nə bu kəndin özü, nə də adamları ilə tanış
etmir. Əbilidən başqa bu kənddə yaşayanların ancaq adını eşidir,
haqqında bir-iki ifadəyə rast gəlirik. Amma Əbilinin məhdud
dünyagörüşü, yoldan ötüb keçən qatarlara onun heyrətli
baxışının arxasında bu uşağın şair ürəyini görürük. Əbili
təbiətin qoynunda böyüyən və kəndlərindən keçən qatarlara, bu
qatarların içində gedən Qırmızı, Yaşıl, Çəhrayı uşaqlara həsrətlə
26
baxan romantik uşaqdır. Əbili bir şeyi yaxşı başa düşür ki, həmin
qatarda gedən uşaqlarla onun arasında çox fərq var. Həmin
uşaqların qoxusu böyük-böyük şəhərlərin qoxusudu və həmin o
qoxu Əbildən gəlmir. Əbili bu uşaqların xarici görünüşündə
ümumi bir şey kəşf edir. Bu uşaqlar rəngbərəngdi. Yazıçı həmin
rənglərin poeziyasını vermək üçün konkret rənglərlə adamları
təsvir edir. Bir dəfə Əbiligilin kəndinin yanında dayanan
qatardan Çəhrayı rəngli bir qız yada düşür. Yazıçı onun konkret
xarici görünüşünü vermir, daha ümumi və fəlsəfi məna daşıyan
rənglə bu qızı təqdim edir. Çəhrayı rəngli qız Əbilinin adına
gülür. Sonra onu başqa qızlara göstərib, onları da güldürür.
Amma Əbili Çəhrayı rəngli qızdan incimir. Çünki Əbilinin
böyük və təmiz ürəyi var. Yazıçı bizə onun təmiz ürəyi haqqında
bir söz demir.
III oxucu: Ancaq bir gün Əbili Çəhrayı qızdan inciyir. Çünki o
şokolad qutusunu ayaqlarının altında oynadır, sonra da gərəksiz
bir şey kimi saymazyana yerə tullayıb qaçır. Əbili şokolad
qutusunun təmiz olduğunu görür. Ürəyi şokolad istəsə də onu
yeməyi nəinki özünə, hətta yetim Səfərə də rəva görmür. Çünki
Əbili elə buradaca kəşf edir ki, yetim Səfərin heç nəyi Çəhrayı
qızdan əskik deyil. Müəllif şərti olaraq Çəhrayı adlandırdığı
həmin qızın bütöv surətini yaratmaq üçün başqa bir əhvalatı da
hekayəyə əlavə edir. Bir dəfə Əbili başqa bir qatardan tullanmış
kitabı əlinə götürür. Bu kitab zir-zibilə bulaşsa da, Əbili üçün
maraqlıdır. Çünki kitabın üstünə S.Yesenin sözləri yazılıb. Ə
bili rus şairi S. Yeseninin xatirinə kitabı götürür. Sən demə, bu
kitabı pəncərədən atan həmin qıza Rüfət adında bir oğlan
bağışlayıbmış. Əbili Çəhrayı qızı xatırlayır. Körpə vaxtı şokolad
qutusuna laqeyidlik göstərən həmin o Çəhrayı qız indi də bir
oğlanın ürək sözləri olan kitabı beləcə qatarın pəncərəsindən
çölə ata bilər – Əbili beləcə fikirləşir və əti ürpəşir. Axı, Əbili
bu çiskinli-dumanlı balaca kənddə böyüsə də təmiz bir ürək
Dostları ilə paylaş: |