415
tutmadı: Katya çox mühüm bir iş üçün məni tez öz yanına
çağırtdırmışdı. Ata, onda ki sən məni arabada gördün, bu
ondan qabaq olmuşdu. Onda mən, aldığım başqa bir kağıza
görə Katyanın yanına gedirdim. İndi bütün günü qasidlər,
bizdən bir-birimizə kağız aparıb gətirir. İvan Petroviç, sizin
kağızınızı mən ancaq dünən gecə oxuya bilmişəm, siz
tamam haqlısınız, yazdıqlarınızın hamısı doğrudur. Ancaq
nə edim ki, vaxt tapa bilmirəm! Onda elə-belə də fikirləşdim
ki, sabah axşam özümü təmizə çıxardaram. Buna görə də,
Nataşa, bu axşam sənin yanına gəlməmək mümkün deyildi.
Nataşa soruşdu:
– Bu nə kağızdır?
– İvan Petroviç yanıma gəlibmiş, məni evdə tapmayıb,
əlbəttə, yazıb qoyduğu kağızda məni bərk danlayıb ki, niyə
Nataşanın yanına getmirsən. O tamam haqlıdır. Bu, dünən
olub.
Nataşa mənə baxdı.
Knyaz:
downloaded from KitabYurdu.org
416
– Əgər sənin səhərdən axşama kimi Katerina
Fyodorovnanın yanında olmağa vaxtın çatırdısa... – deyərək
sözə başladı.
Alyoşa onun sözünü kəsdi:
– Bilirəm, bilirəm sən nə deyəcəksən: “Əgər Katyanın
yanına gedə bilirdinsə, onda bura gəlməyə sənin əlində
ikiqat artıq səbəb olmalı idi”. Səninlə tamam razıyam, hətta
özümdən də bu sözləri artırıram: ikiqat yox, milyondan da
çox səbəb ola bilərdi! Ancaq əvvəla, həyatda bəzən elə
qəribə, elə gözlənilməz hadisələr olur ki, hər şeyi bir-birinə
qarışdırır, alt-üst edir. Mənim də başıma belə hadisələr
gəlmişdir. Sizə deyirəm ki, mən bu bir neçə gündə tamam
dəyişmişəm, lap təpədən dırnağa kimi, deməli, mühüm
hadisələr olmuşdur!
Nataşa Alyoşanın belə qızğın danışdığına baxıb
gülümsədi:
– Ah, ilahi! Sənin başına nə gəlib axı? Sən Allah, bizi
intizarda qoyma, tez de görək!
Doğrudan da, Alyoşa bir qədər gülməli idi: o tələsirdi,
sözlər onun ağzından tez-tez, sürətlə, səs-küy sala-sala,
downloaded from KitabYurdu.org
417
intizamsız halda çıxırdı. O elə hey danışmaq istəyirdi.
Danışdıqca da Nataşanın əlini əlindən buraxmırdı, elə bir
ucdan da onu dodaqlarına tərəf aparırdı, sanki öpməkdən
doymurdu.
– Elə məsələ də orasındadır ki, mənim başıma iş gəlib!
– deyərək sözünə davam etdi. – Ah, dostlar! Heç bilirsiniz
mən nələr görmüşəm, nələr etmişəm, necə adamlara rast
gəlmişəm? Birinci elə Katya. Heç bilirsiniz bu necə kamil
insandır? Mən bu vaxta qədər onu heç tanımamışam, heç!
Nataşa, çərşənbə axşamında ki mən onun barəsində sənə
danışırdım, yadındadırmı, necə iftixarla danışırdım? Hələ
onda mən onu heç tanımırmışam! Lap indiyə qədər o öz
qəlbini məndən gizli saxlayırmış. Amma indi biz bir-
birimizi lap yaxşı tanımışıq. Danışanda bir-birimizə sən
deyirik. Qoy lap başdan başlayım. Əvvəla, Nataşa, o günün
səhəri, yəni çərşənbə günü mən burada, bizim aramızda olan
əhvalatı ona danışdım, heç bilirsən sənin barəndə o mənə nə
dedi? Sən bunu eşitsəydin, nə yaxşı olardı... Yeri gəlmişkən,
bir şeyi də deyim: yadıma düşür ki, onda mən çərşənbə
günü, səhər sənin yanına gələndə, sənin qarşında necə
downloaded from KitabYurdu.org
418
axmaqlıq elədim! Sən məni fərəhlə qarşıladın, sən tamam
bizim yeni vəziyyətimizlə yaşayırdın, sən bu barədə
mənimlə danışmaq istəyirdin, sən qəmgin idin, eyni
zamanda, zarafat edirdin, mənimlə oynayırdın, amma mən
özümü tox tuturdum, özümü mötəbər bir adam kimi
göstərirdim! Ay mən axmaq idim, ha! Yamanca axmaq
idim! Axı mən, vallah, istəyirdim ki, özümü sənə göstərim,
özümü öyüm, göstərim ki, mən tezliklə evli bir kişi, mötəbər
bir adam olacağam, özü də gör kimin qarşısında öyünürdüm:
sənin! Yəqin onda sən mənə yamanca gülmüsən, mən də elə
buna layiq imişəm!
Knyaz kirimişcə oturub, qalib gəlmiş adam kimi,
istehza ilə gülümsəyə-gülümsəyə Alyoşaya baxırdı. Sanki
oğlunun özünü belə yüngülməzac, gülünc göstərməsinə
sevinirdi. Mən onu lap gedənə kimi diqqətlə müşahidə
etdim, onun öz oğlunu çox-çox sevdiyini söyləsələr də, mən
tamamilə əmin oldum ki, o qətiyyən öz övladını sevmir.
Alyoşa dayanmadan sözləri doğrayıb-tökürdü:
– Buradan çıxıb Katyanın yanına getdim. Mən bayaq
dedim ki, biz ancaq bu gün səhər bir-birimizi tamamilə
downloaded from KitabYurdu.org
419
tanıdıq, özü də qəribədir, bu axı necə oldu... Heç yadımda
deyil... Bir neçə odlu söz söyləndi, bir neçə açıq fikirlər
deyildi, bəzi duyğular meydana çıxdı, biz də həmişəlik bir-
birimizə yaxın olduq. Nataşa, sən onu tanımalısan,
tanımalısan! Sənin barəndə o necə danışdı, səni necə mənə
başa saldı! Sənin məndən ötrü qiymətli bir şey olduğunu
necə izah etdi! Yavaş-yavaş o mənə həyat haqqında öz
fikirlərini, nöqteyi-nəzərini söylədi, çox ciddi, çox ehtiraslı
bir qızdır. O bizim vəzifəmizdən, gələcək işlərimizdən,
bizim hamımızın insanlığa xidmət etməyimizdən danışdı.
Beş-altı saatın içində biz tamamilə bir-birimizə yaxın olduq,
söhbətimiz də axırda belə qurtardı: biz bir-birimizlə əbədi
dost olacağımıza, bütün ömrümüz boyu bir yerdə hərəkət
edəcəyimizə and içdik.
Knyaz təəccüblə soruşdu:
– Nə barədə hərəkət etmək?
Alyoşa iftixarla cavab verdi:
– Ata, mən elə dəyişmişəm ki, bu, əlbəttə, səni
təəccübləndirməlidir, hətta sənin etiraz edəcəyini əvvəlcədən
hiss edirəm. Siz hamınız əməli adamlarsınız, sizin qədimdən
downloaded from KitabYurdu.org
Dostları ilə paylaş: |