can tapsın. Admet ata-anasına müraciət edir, rədd cavabı aldıqdan sonra
arvadı Alkesta həyatını ona qurban verir. Admetin dostu Herakl Tanatla
savaşa girir, ona qalib gəlir, Alkestanı azad edir və heç kim ölmür.
K.Abdulla bu süjetdəki hadisələrin yaxınlığını açıb göstərir, təhlil edir və
dastanda Dəli Domrulun əslində iki personajın birgəliyini nümayiş etdir -
diyini qeyd edir. «O (Dəli Domrul – N.Q.) həm Herakl kimi Əzrayılla –
Tanatla mübarizəyə çıxır, həm də Admet kimi atasına, anasına öz yerinə
ölməyi təklif edir»(1, 269). Lakin maraqlı, həm də fərqli cəhət odur ki,
Herakl özü yarımallahdır (yəni valideynlərindən biri yunan allahıdır).
Həm çinin yunan mifində ölümsüzlük təbliğ olunur. Bu isə mifin allahlar
və yarımallahlar dövrünə aid məsələdir. Dəli Domrul və arvadı yaşamaq
üçün müəyyən bir müddət qazanır və yaşayırlar, lakin onlar ölümsüz de -
yil lər. Bu mənada Dəli Domrul hekayəsinin məzmunu ölümün labüd lü yü -
nü təlqin edir.
«Mətnin semantik boşluqları» adlı III hissədə də müəllif maraqlı mə -
qamlara toxunmuş, dastanın üst qatında özünü göstərməyən, yaxud çox
zə if şəkildə özünü göstərən hadisələri dastanın alt qatına nüfuz edərək çox
uğurla bərpa etməyə çalışmışdır. K.Abdulla yazır: «Konkret personajlar
ara sında üst qatda özünü göstərməyən və yaxud çox zəif şəkildə özü nü
gös tərən münasibət və əlaqələr sanki mətndə semantik boşluqlar yara dır...
Bu cür boşluqlar bizə elə gəlir ki, dərin, gizli qatda «nə iləsə» doldurulmuş
kimidirlər və sadəcə olaraq onları, yəni dərindəki mövcud dolğunlu ğu üz -
dəki boşluqla, amma yeri görünən, özü barədə «söz» deyən, dəyəri olan
boşluqla əlaqələndirmək, bunları bir-birilə bağlamaq lazımdır»(1, 301).
Bu hissədə Aruz Qoca ilə Salur Qazanın arasındakı soyuqluğun və bu
so yuqluq nəticəsində İç Oğuzla Dış Oğuzun savaşması, Baybura bəyin
gözlərinin açılması, Təpəgözün niyə bir gözlü olması məsələlərinə müəllif
tərəfindən mifin funksional məntiqinə söykənərək aydınlıq gətiril miş dir.
Müəllifin toxunduğu və çox doğru olaraq müşahidə etdiyi semantik
boş luqlardan biri dastanda Aruz qoca və Salur Qazan arasındakı soyuq
münasibətlərin səbəbinin sanki xəsisliklə verilməsidir. Buna münasibət
göstərən K.Abdulla göstərir ki, İç Oğuzla Daş Oğuzu qanlı müharibəyə
gətirən münaqişənin üzdə, formal qatda təqdim edilən səbəbi kimi Qa -
zanın hər il evini yağmalatdığı zaman, yəni Burla xatunun əlindən tutub
evdən çıxıb Qalın (həm İç, həm də Daş) oğuz bəylərinə evindən nə istəsə
aparmalarına icazə verdiyi bir adəti son dəfə özünün pozması gös tərilir.
Yəni bu yağmalatma törəninə son dəfə Qazan Dış Oğuz bəylərini dəvət
2012/
IV
147
etmir. Nəticədə savaş baş verir. Müəllifə görə bu savaşın əsl səbəbi isə
dastanda verilən bir sualın cavabı ilə bağlı idi. Salur Qazanın evi yağma-
landığı boyda bəylərə ova çıxmağı təklif edən Qazana Aruz belə bir sual
verir: «Sası dinli Gürcüstan ağzında oturursan, ordun üstün də kimi qor-
san?». Qazan isə «Üç Yüz Yigitlən oğlum Uruz mənim evim üstünə dur-
sun!» deyə cavab verir. K.Abdulla yazır: «Salur Qazandan aldığı ca vab
onu qane etməmişdi, qane edə də bilməzdi. Əvəzedən ola bilərdi ki, həmi -
şə lik hakim olsun. Ən azı hakimiyyətə ən yaxın adam olsun. Qazanın ba -
şı na bir iş gələrsə hakimiyyət ona keçsin. Aruz Qoca özünün ordu başına
qoyulacağına əmin idi. Verilən cavab sonralar aralarında münaqişə olacaq
Salur Qazanla Aruz Qocanı bir-birindən bir addım aralayır, uzaqlaşdırır.
Onları düşmən kimi üz-üzə qoyur. Bu gün bu məqam bizə məntiqli görü -
nən bəlkə də yeganə səbəbdir» (1,314).
Çox maraqlı yanaşmadır. Deməli K.Abdullaya görə dastanda baş verən
savaş yağma zamanı Daş Oğuzun dəvətli olub-olmaması, onların bu yağ-
mada iştirak edib-etməmələri ilə bağlı deyil, əslində mətndə aşkar görün-
məyən daha ciddi bir səbəblə bağlıdır. Bu da hakimiyyət davasıdır. Yəni
Aruz əslində mövcud hakimiyyəti devirib özü xan olmaq istəyirmiş. Ağ -
la batan və məntiqli tezisdir. Əslində bu tezisin həqiqət olmasını isbatla-
maq üçün başqa bir dəlilə də nəzər salmaq olar. Məlum olduğu kimi mü -
qəd dimədə yazılır ki, Dədə Qorqud deyir: «axır zamanda xanlıq geri
Qayıya dəgə, kimsənə əllərindən almaya, axır zaman olub qiyamət qop-
unca». Sözlərdən məlum olur ki, Oğuzda hakimiyyət Qayı tayfasında ol -
ma lıdır. Rəşidəddinin «Oğuznamə»sinə nəzər saldıqda görürük ki, Sa lur -
lar (hansı ki, Ulaş oğlu Qazan) heç də Qayı tayfasından deyil, İçok lar dan -
dır (İçok – İç Oğuz əslində eyni anlayışlardır). Bayındır xan da çox yəqin
ki, Oğuzun oğlu Gök xanın oğlu Bayandurlardandır – İçoklar dandır
(2,40). Məntiqlə hakimiyyət bunlarda olmamalıdır. Əslində, yağmaya
çağırıl mamağın özü belə göstərir ki, bu tayfaların arasında soyuq müna-
sibət, bəlkə də hakimiyyət çəkişmələri əvvəldən mövcud olmuşdur. Rəşi -
dəd din yazır ki, Dədə Qorqud Qayının oğlu İnal xanın vəziri olmuş, 295
yaş yaşamışdır. İnal xanın padşahlığı dövründə peyğəmbərimiz zühur
etmiş, bu hökmdar Dədə Qorqudu elçi sifəti ilə onun hüzuruna göndərmiş
və müsəlman olmuşdu. Çox ağıllı, bilikli və kəramət sahibi imiş (Xatırla -
daq ki, eyni fikirlər Əbul qazi Bahadır xanın «Şəcəreyi-tərakimə sin»də də
var). İnal xanın atasının təyin etdiyi naiblər və köməkçilər öldü lər. On la -
rın yerinə Bayandurlardan olan Denker, İqdir lərdən Dönge seçil dilər.
2012/
IV
148