10
5.1. Sığorta şəhadətnaməsində başqa hal nəzərdə tutulmamışdırsa, bu Qaydalara əsasən Sığortaçı
Sığortalıya (sığorta olunana) aşağıda qeyd olunanlar üzrə sığorta təminatı verir:
5.1.1. Sığortalının (sığorta olunanın) xidməti vəzifəsi ilə əlaqədar səlahiyyətləri çərçivəsində mülki
hüquq pozuntusu nəticəsində yaranmış məsuliyyəti:
5.1.3. Sığortalının ona verilmiş səlahiyyətlər çərçivəsində və müvafiq dərəcədə təsir göstərən hər hansı
faktiki və ya nəzərdə tutulan hərəkəti, səhvi, qanuna zidd hərəkəti, dəqiq olmayan informasiya verməsi,
yanlış və aldadıcı məlumatı, fəaliyyətsizliyi, səhlənkarlığı, zəmanətləri və ya səlahiyyətləri pozması və
ya fidusiar (qəyyumluq) və ya digər öhdəlikləri pozması, və ya digər hərəkətləri,
5.1.2. Sığortalının (sığorta olunanın) əmək münasibətlərini tənzimləyən hüquq normalarının pozuntusu
nəticəsində yaranmış məsuliyyəti
a)
Ədalətsizcəsinə, səhvən və ya qanundan kənar surətdə işdən çıxarma, əmək müqaviləsinin
dayandırılması və ya ləğvi, o cümlədən, əmək münasibətləri çərçivəsində hər hansı öhdəliklərin
pozulması;
b)
Sıxışdırma (o cümlədən, iş yerində cinsi zəmində sataşma, iş yerində sıxışdırma, irqi təzyiq və
ya əmək qabiliyyətinin məhdudluğuna görə təzyiq, eləcə də, hər hansı başqa xarakterli təzyiq, o
cümlədən, iş yerində ehtimal olunan sıxışdırma hallarına imkan yaradan vəziyyətin yaradılması
və ya belə vəziyyətin yaradılmasına yol verilməsi, nalayiq eyhamlar və ya cinsi xarakterli
istəklər və ya cinsi xarakterli başqa şifahi, vizual və ya fiziki hərəkətlər, yaxud, iş yerində digər
sıxışdırma halları);
c)
Hər hansı xarakterli diskriminasiya (ayrı-seçkilik), bilavasitə və ya dolayısı ilə, qərəzli və ya
qərəzsiz, o cümlədən, əmək münasibətlərini tənzimləyən hər hansı yerli və ya xarici
qanunvericiliyin pozulması və ya işə düzəltmə zamanı, o cümlədən, lakin heç bir məhdudiyyət
qoyulmadan, irqi mənsubiyyət, dərinin rəngi, dini etiqadlar, yaş, cins, milliyyət, məhdud əmək
qabiliyyəti, cinsi üstünlük, hamiləlik və ya qorunan status baxımından diskriminasiya;
d)
Cəza xarakterli tədbirləri;
e)
İşə düzəltmə zamanı işçiyə və ya namizədə əmək münasibətləri ilə əlaqədar yanlış
informasiyanın verilməsi, yalan məlumatların şifahi və ya yazılı şəkildə qəsdən yayılması;
f)
Əmək münasibətləri ilə əlaqədar təhqirlər, böhtan və ya şəxsi həyata müdaxilə;
g)
İşə qəbul zamanı və xidməti vəzifədə irəliləmə üçün ədalətsiz və ya qeyri-qanuni imtina,
vəzifənin aşağı salınması və ya əsassız nizam-intizam tədbirləri;
h)
İşçinin öz karyerasında yüksəlmə imkanlarından qeyri-qanuni şəkildə məhrum
edilməsi;
i)
İşçiyə, onun daimi ştata keçirilməsinə qeyri-qanuni imtina edilməsi;
j)
Səhv, əsassız və ya laqeydcəsinə qiymətləndirmə;
k)
İşçiyə müvafiq zəmanətlərin verilməməsi (o cümlədən, işçiyə münasibətdə mənfi rəylər və ya
təhqiredici bildirişlər və ya işçi barədə başqa düzgün olmayan məlumatların təqdim edilməsi);
l)
İşə düzəltmə və əmək şəraitinin yaradılması baxımından lazımi və ardıcıl qaydaları və
prosedurları təmin etmək və ya qəbul etmək bacarığına
malik olmamaq;
m)
Əsassız zəmanətlər, işə etinasızcasına qəbul etmə, laqeyd nəzarət, işçilərin qanundan kənar
şəkildə laqeydcəsinə saxlanması, təlimi və ya qiymətləndirilməsi;
n)
Əmək münasibətləri ilə əlaqədar aşağıda verilən digər hərəkətlər:
o)
Şəxsi həyata müdaxilə;
p)
Hörmətdən salma, təhqir etmə;
q)
Emosional sarsıntı vəziyyətinə çatdırma; və ya
r)
Yuxarıdakılarla əlaqədar hər hansı mülki hüquqların pozulması; və ya
11
s)
Əmək münasibətləri çərçivəsində hər hansı başqa qeyri-qanuni hərəkətlər,
Qeyd: 5.1.2-ci maddədə qeyd olunmuş hərəkət, səhv, fəaliyyətsizlik və ya əsaslar hər hansı şirkətin
keçmiş, mövcud, gələcək və ya potensial işçisi ilə əmək münasibətlərinə və ya nəzərdə tutulan əmək
münasibətlərinə, yuxarıda qeyd olunanlardan hər hansı birinin bilavasitə və ya dolayısı ilə baş verib –
verməməsindən, qərəzli və ya qərəzsiz törədilib - törədilməsindən asılı olmayaraq, aid edilir.
Ədalətsiz işə düzəltmə şərtlərini nəzərdə tutan hər hansı faktiki və ya ehtimal edilən əmək müqaviləsini
bağlanılması əmək münasibətlərini tənzimləyən hüquq normalarının pozuntusu hesab olunmur.
Sığortalının hər hansı sifarişçisinə, müştərisinə, təchizatçısına və ya distribütoruna, yaxud, kənar
təşkilatın işçisinə münasibətdə həm ayrılıqda, həm də qrup şəklində əmək münasibətləri ilə əlaqədar
qanuna zidd hərəkət (bilavasitə yaxud dolayısı ilə baş verib-verməməsindən asılı olmayaraq) yalnız
faktiki və ya nəzərdə tutulan diskriminasiyanı və ya cinsi təzyiqləri bildirir.