32
Platona görə müharibə dünyanı ədalətliləşdirmək vasitələrindən biri idi.
Bundan da daha çox deyilsə, Makedoniyalı İsgəndər, əslində, Platonun
utopiyasını gerçəkləşdirirdi. Platonun utopik nəzəriyyəsi onun
ölümündən sonra olmuş olsa da, siyasi reallığa çevrilməyə başlamışdı.
Əlbəttə ki, həm də zorakılıq və müharibə yolu ilə.
Doğrudur, pasifist və demokratik hakimiyyəti Aristotel
aşkaranə bir surətdə vəsf etmirdi, o daha çox siyasəti, necə deyərlər,
siyasi hakimiyyəti vəsf edirdi. Aristotel siyasi məntiqi təxminən belə
idi: “Hər bir canlı varlıqda despotik hakimiyyəti, yəni ağanın qul
üzərində hökmranlığına bənzər hakimiyyəti və siyasi hakimiyyəti,
yəni dövlət xadiminin vətəndaş üzərindəki nüfuzuna bənzər
hakimiyyəti görmək olar. Əgər ruh bədən üzərində despotik
hökmranlıqla hakimiyyət sürürsə, zəka bütün meyllərimiz üzərində
siyasi hakimiyyətə malikdir. İnsan isə – siyasi varlıqdır. Biz insan
təbiətinə ən yaxşı uyğun gələn siyasi təsisat formasını axtarıb tapa
bilməliyik”.
Aristotel belə bir siyasi formanı tam əminliklə, əlbəttə ki, tapa
bilməmişdi. O, ən müxtəlif siyasi formaları yorulmadan müqayisə
edirdi.
Onun daxili meyli isə hər halda xalqı hakimiyyətin şəriklisi
etməkdən ibarət idi. Bəs, Aristotel nədən demokratiyanın aşkar
müdafiəçisi və ya ən azı aşkar tərəfdarı deyildi? Bu, necə baş
vermişdi?
Görünür,
demokratizmin
fəlsəfi
əsaslarının
müəyyənləşdirilməsindən ötrü determinist fəlsəfi üslubun digər
qaynaqlarının da xatırlanması lazım gəlir. Bununla bağlı olaraq
determinist fəlsəfi üslubun başqa bir nümayəndəsini,- Demokriti bir
daha xatırlayaq.
Demokrit tacir mənşəli idi və özünün determinist instinkti
rasionallaşdıran fəlsəfəsində azad tacir mövqeyində duraraq aktiv
determinizm nəzəriyyəsini yaratmışdı.
Aristotel isə məmur mənşəli idi və bu səbəbdən də passiv
determinizmin
daşıyıcısı olan məmurun həyati meyllərini
rasionallaşdıra bilən bir fəlsəfə yaratmışdı.
Aristotel bir çox determinist elmləri yaratdı. Bununla yanaşı, o,
determinizm prinsipinin müxtəlif sahələrə, sadəcə olaraq, tətbiqçisi
olmadı, bundan daha irəli getdi, determinist təfəkkür məntiqinin
yuxarıda deyildiyi kimi banisi oldu. Passiv-determinist məntiq
Aristoteldə analitika, aktiv-determinist məntiq isə - dialektika və
sofistika adlandırıldı. Aristotel güman edir ki, əgər dialektika
doğruluğu ehtimal olunan müqəddəm şərtlərdən çıxış edərək
doğruluğu ehtimal olunan təsəvvürlərə gətirib çıxarırsa, sofistika səhv
33
müqəddəm şərtlərə istinad edərək gerçəkliyə uyğun gəlməyən bilikləri
yaradır. Aristotelin özü passiv-determinist olmaqla, əlbəttə ki,
analitikanı mütləqləşdirməli idi. Aristotel bəyan edir ki, analitika
dialektikanın və sofistikanın hər ikisindən fərqli olaraq öz nəticələrini
həqiqi biliyə əsaslanaraq əldə edir və buna görə də həqiqətə nail olur.
Aristotelin analitikası həqiqi biliyin mənbəyini kənarda axtarır.
Bu da ondan irəli gəlir ki, m
əmur icraçı olmaqla azad deyildir, kölədir.
O, ürəyindən keçənləri yerinə yetirmir, rəhbərlik tərəfindən ona
verilən göstərişləri və qanun tərəfindən onun üçün müəyyənləşdirilmiş
öhtəlikləri yerinə yetirir.
Aristotel genetik olaraq mənimsədiyi məmur instinktini nəinki
bütün insanlara, hətta bütün canlı aləmə şamil edir. Bu baxımdan
Aristotelin səbəb-nəticə münasibətlərinə verdiyi səciyyə diqqəti son
dərəcə cəlb edir: «Biz həmişə canlı vücudda onunla bağlı hadisələrin
hərəkətini müşahidə edirik. Bu hərəkətin səbəbini isə canlı varlığın
özündə yox, mühitdə axtarmaq daha düzgün olar... Bədəndə müşahidə
olunan çoxlu hərəkətlər ətraf mühitin təsirləri altında baş verir. Bu
təsirlərdən bəziləri təfəkkürü və arzunu hərəkətə gətirir, bəziləri isə
heyvanlarda olduğu kimi canlıların bütövlükdə hərəkətinə səbəb olur».
Aristotel passiv determinizm prinsipini yalnız canlı varlıqlara aid
etməklə kifayətlənmir, «Əgər bu, canlı varlıq üçün mümkündürsə, bəs
niyə bütün Kainata aid edilməsin?
9
» - sualını verir.
Bu məntiqi mülahizələri real hadisələr zəminində nəzərdən
keçirək.
Aristotelin azad və müstəqil olmaması, hətta onun son
günlərində də özünü göstərdi. Makedoniyalı İsgəndərin ölümündən
sonra Aristotel üzərində bilavasitə qayğı və himayiə kəsildi. Heç
dövlət də ona elə bir qayğı göstərmədi. Əksinə anti-Makedoniya
əhvali-ruhiyyəsi gücləndiyi üçün, ona qarşı bir qədər təzyiqlər də
oldu. Dövlətin qayğısına və təhlükəsizlik şəraitində yaşamağa öyrənən
Aristotel belə bir münasibətdən çaşqınlıq və sarsıntı keçirdi və elə
çaşqınlıq və sarsıntı içərisində dünyadan köçdü.
Amma qədim Yunanıstan Aristoteli itirdikdən sonra qədim
yunan fəlsəfəsi də öz yaradıcı xarakterini müəyyən mənada itirdi, o,
Sokrat, Platon və Aristotel səviyyəsində şöhrət sahibi olan filosofları
bir daha vermədi.
Ellinizm dövrü, yəni Makedoniyalı İsgəndərin ölümü ilə qədim
yunan dünyasının Roma tərəfindən işğalı arasındakı dövr üçün
xarakterik olan fəlsəfi cərəyanlar əsasən artıq mövcud olan fəlsəfi
ideyaların bu və ya digər dərəcədə emalı ilə məşğul olurdular. Bu,
9
Аристотель. Физика. – Соч. т. 3. М., 1981, с. 226.