sərvətlər sisteminin, informasiyanın daxili tənqid süzgəcindən keçirmədən, kor- koranə
qəbul edilməsi daim səhvlərə gətirib çıxarır. Buna görə də şübhə hər bir dünyagörüşünün
zəruri momentini təşkil edir. O, fanatizmin və doqmatizmin əleyhinədir. Əlbəttə,
dünyagörüşündə şübhəyə yer vermək, ifrata varmaq, yəni hər şeyə ancaq şübhə ilə
yanaşmaq demək deyildir.
Yuxarıda deyilənlər'sübut edir ki, dünyagörüşü son dərəcə mürəkkəb hadisə
olub, özündə bilik və sərvətlərin, intellektual və emosional tərəflərin, əqidə və
inamın, şübhənin vəhdətini birləşdirir.
Fəlsəfi dünyagörüşünün yaranması birdən-birə baş verməmiş, uzun bir tarixi dövr
keçmişdir. Bu dövrdə, yəni fəlsəfə yaranana qədər insanların dünyagörüşünün mifologiya
və din formaları əsas yeri tutmuşdur.
İctimai inkişafın erkən çağlarında yaranmış miflər ibtidai və bəsit fomnada
dünyanı izah etmişlər. Miflər, demək olar ki, dünyanın bütün xalqlarının mənəvi
həyatında özünə yer tutmuşdur. O, fəlsəfəyəqədərki dünyagörüşü tipi kimi geniş
yayılmışdır. Qədim əsatirlərdə hər bir xalq öz fantastik aləmini ifadə etmiş, müxtəlif
allahların və qəhrəmanların surətini yaratmaqla dünya, onun yaranması, quruluşu, təbiət
hadisələrinin meydana gəlməsi və dünyada ümumi harmoniya haqqında suallara cavab
verməyə çalışmışdır. Miflərdə göstərilirdi ki, dünyanın yaranması əvvəllər mövcud olmuş
qarmaqarışıqlığın nizama salınması, xaosun kosmosa çevrilməsi, xeyir qüvvələrin şər
qüvvələrlə, şeytan əməlləri ilə mübarizədə qələbəsi sayəsində mümkün olmuşdur. İnsanın
doğulması, həyatı və ölümü, onun həyatda keçirdiyi əzablar və sınaqlar da miflərdə böyük
yer tuturdu. Burada insanlar tərəfindən odun əldə edilməsi, sənətkarlığın və əkinçiliyin
yaradılması, digər adət və ənənələr də öz əksini tapmışdır. Mənəvi mədəniyyətin ilkin
forması olan miflərdə həm də bəşəriyyətin gələcəyinə aid məsələlər irəli sürülürdü. Belə
ki, esxatolik (gələcək deməkdir) miflərdə dünyanın məhv olacağı və bəzi hallarda isə
yenidən bərpa olacağı göstərilirdi.
Mifoloji şüurun səciyyəvi cəhətini onun vahid, bütöv və sinkretik
(parçalanmamış) xarakter daşıması təşkil edir. Burada biliklərin rüşeymiəri,
siyasi və
dini etiqadlar, müxtəlif incəsənət sahələri və fəlsəfə birgə çıxış edirdi. Miflərdə təbiət və
cəmiyyət hadisələri bir-birilə yaxınlaşdırılır, insana xas olan keyfiyyət və əlamətlər çox
vaxt ətraf aləmə, kosmosa və təbiət qüvvələrinə şamil edilirdi. Müxtəlif xalqların poetik
məharəti və həyati müdrikliyinin ifadəsi olan miflərdə dünya və insan haqqında fikir və
emosiyalar, bilik və bədii obrazlar, ideal olanla maddi olan hələ bir-birindən qəti surətdə
ayrılmamış təsəvvür olunurdu. Mifoloji şüurda fikirlər konkret emosional, poetik obrazlar
və şişirdilmiş bənzətmələr (metaforalar) vasitəsilə ifadə edilirdi.
Qədim insanların dünyabaxışı kimi miflər çox mühüm funksiyalar yerinə
yetirirdi. Hər şeydən əvvəl, bu və ya digər xalqın keçmişi ilə onun hazırda yaşadığı
dövrü və gələcəyinin əlaqələndirilməsi, bir-birini əvəz edən insan nəsillərinin mənəvi
əlaqələri miflər vasitəsilə həyata keçirilirdi. Bundan başqa, mövcud cəmiyyətdə
sərvətlər oriyentasiyası sisteminin, davranış qaydaları və normalarının, adət və
ənənələrin qorunub saxlanmasında da onların xidməti
11
böyükdür. Nağıl, əfsanə və eposlarda təcəssüm olunan mifoloji obrazlar xalqın mənəvi
mədəniyyətinin, ədəbiyyat və incəsənətinin ayrılmaz tərkib hissəsi və ilk beşiyi olmuşdur.
Tarixi inkişafın sonraki gedişi nəticəsində miflər ictimai şüur tipi kimi həyatdan
silinib getmişdir. Mifoloji şüurda ifadə olunan dünyagörüşü məsələləri (dünyanın
yaranması, insanın burada yeri, hə\ atın və ölümün sirləri və s.) sonra- lar din və fəlsəfə
tərəfindən (əlbəttə, bir-birindən fərqli şəkildə) davam etdirilmişdir. Bu məsələləri izah
edərkən din fövqəltəbii ilahi qüvvələrə, allah ideya- sma, axirət dünyasının
mövcudluğuna arxalanır. Dini dünyagörüşü dünyanı iki- ləşdirir: yer üzərində
yaşadığımız müvəqqəti həyat və axirət dünyası, əsl dünya. Din iddia edir ki, insanın
duyğu və hissləri yalnız bu dünyanı mənimisəməyə qadirdir. Əsl dünyanın, axirət
dünyasının sirləri isə insana müyəssər deyildir.
Dini şüurda, dünyagörüşündə etiqad məsələsi çox mühüm yer tutur. Etiqadın
ifadə formalarını pərəstiş, müxtəlif ehkamların, ayin və mərasimlərin yerinə
yetirilməsi təşkil edir. Dini təsəvvürlər və etiqadlar tarixi inkişafın məhsuludur. Hazırda
mövcud olan dünya dinləri - xristianlıq, islam və buddizm müxtəlif ölkələrdə geniş
yayılmışdır, yüz milyonlarla dindarları birləşdirir. Bu faktın özü sübut edir ki, dini
dünyagörüşünün təbiət və mahiyyətinin izah edilməsində bəsitliyə və birtərəfliliyə yol
vennək doğru deyildir. Hərçənd son dövrlərə qədər fəlsəfi və ateist ədəbiyyatda din dünya
və insan haqqında avam təsəvvürlər sistemi kimi qiymətləndirilirdi. Əslində dini
dünyagörüşü mürəkkəb təbiətə malikdir və onu diqqətlə araşdırmaq tələb olunur. Belə ki,
dini şüur xalqın mənəvi mədəniyyətinin tərkib hissəsi, ideologiya forması kimi əsrlər
boyu mövcud olmuş və müəjqı^ən sosial funksiyalar yerinə yetirmişdir. Doğrudur,
müxtəlif dini təlimlər öz ideya məzmununa görə eynimənalı deyildir. Buna görə də onları
eyniləşdinnək olmaz. Bütövlükdə götürdükdə dini təsəvvürlər insanların təbiət
qüvvələrindən asılılığının və onlar qarşısında acizliyinin nəticəsi kimi yaranmışdır.
Təbiətdə və ictimai həyatda insanların dərk edə blimədiyi sirli qüvvələr dində sehrli,
ecazkar və ilahi qüvvə.t,.oklində ifadə olunur. Lakin ilahi qüvvələr haqqında dini
təssəvvürlərdə xeyir və şər, şeytan əməli ilə müqəddəs hesab olunan əməllər çox incə
şəkildə çulğaşır. Bu, bir tərəfdən cəmiyyətdə, insanların şüurunda dini dünyagörüşün
yaşamasına kömək edirsə, digər tərəfdən dindarlarda qorxu və itaət hissinin birləşməsini,
şər qüvvələrin göstərə biləcəyi dəhşətli təsirlərdən xilas olmaq üçün onların ilahi
qüvvələrə pənah gətirməsini şərtləndirir. Dini dünyagörüşü göstərir ki, hər şeyə qadir olan
allah insanı şər qüvvələrdən qoruyur, onun xilaskarıdır. Allah həm də adət və ənənələrin,
sadə əxlaq normalannın, cəmiyyəfdə nüflıza malik olan ümummədəni və mənəvi
sərvətlərin hifzedicisi kimi təsvir olunur. Buna görə göstərilir ki, dini ehkamları sözsüz
yerinə yetirmək, allaha itaət etmək hamının borcudur. Göründüyü kimi, dini şüurda
fövqəltəbii qüvvələrə mam »iə ümumbəşəri, etik hisslər və normalar heyrət ediləcək
dərəcədə sıx çulğaşır. Müasir dövrdə isə dini şüurda bu ümumbəşəri etik hisslər daha da
geniş yer tutur. Onlar bütün ölkələrin xalqlarının vahid insan övladı olması fikri kimi
özünü göstərir. Bütün bunlar mürəkkəb mənəvi hadisə olan dini şüurun ictimai həyatda
tənzimedici rolunu artırır, müəy