52
Katalizator tozlarından baş verən itkinin qarşısını almaq üçün tsiklonlardan
istifadə edilir. Tsiklonlardan çıxan tüstü qazları bir daha tozlardan təmizlənmək
üçün elektrik süzgəcindən keçirilir.
Məlumdur ki, destruktiv proseslərin çoxu yüksək təzyiq və temperatur
şəraitində aparılır ki, bu da karbohidrogen itkisinə və bununla birlikdə gedən
hidrogen-sulfidin atmosferi çirkləndirməsinə səbəb olur.
Yüksək təzyiq və temperatur şəraitində aparılan proseslərdəki itki alçaq
temperaturlu alkilləşmə və qaz fraksiyalayıcı proseslərdə baş verən itkiyə nisbətən
bir neçə dəfə çox olur.
Atmosferin hidrogen-sulfid və karbohidrogen buxarları ilə çirklənmə dərəcəsi
emaldan alınan neft məhsullarının soyudulma sistemindən və benzin fraksiyasının
sabitləşdirilməsindən də asılıdır. Neft məhsulu nə qədər dərin soyudulursa onun
buxarlanmasından baş verən itki də bir o qədər az olur. Bu qayda ilə benzinin
sabitlik dərəcəsi yüksəldikcə itki azalır. Benzində həll olmuş qazlar karbohidrogen
qazlarının parsial təzyiqinin yüksəlməsi ilə nəticələnir.
Atmosferə atılan hissəcikləri azaltmaq üçün müxtəlif qurğulardan istifadə
olunur. Bunlar tozun çökməsi ilə bağlı olan hava təmizləyiciləri, hissəciklərin
yanması ilə bağlı qurğular, elektrostatik toz tutanlar və yaxud elektrosüzgəclərdir.
Elektrosüzgəclərin iş prinsipi kül hissəciklərinin elektrik sahəsində elektrik yükü
qazanmaq qabiliyyətinə əsaslanır.
Ayrılan tüstü qazlar filtrin lövhələrinin yanından keçdikdə, yüksək voltlu
boşalma nəticəsində əmələ gələn ionlar və ya elektronlar toz hissəciklərini
bombardman etməklə, onlara elektrik yükü ötürürlər. Yüklənmiş toz hissəcikləri
cəlb olunaraq, torpaqlanmış metal kollektor lövhələrə çökürlər. Bu lövhələr dövrü
olaraq mexaniki vibrasiya və ya çırpılma yolu ilə təmizlənir. Belə qurğular tüstü
qazlarında olan hissəciklərin 99 %-ni tutub, saxlamağa qadirdirlər. Bu qurğuların
işlənməsi üçün az elektrik enerjsi tələb olunur. Bundan başqa, belə süzgəclərə
xidmət etmək çox asandır.
Havanın orta keyfiyyəti o deməkdir ki, havadakı bir və ya daha çox qarışığın
miqdarı müəyyən olunmuş standart qiymətin 50 %-ni aşır. Lakin, qarışıqlardan heç
53
biri 100 %-lik standart səviyyəsinə çatmır. Havanın yaxşı keyfiyyəti onu göstərir
ki, qarışıqlardan heç birinin miqdarı müəyyən olunmuş standart qiymətlərin 50 %-
ni keçmir. Ozon üçün bir müstəsna hal mövcuddur.
Kükürd oksidlərini havaya buraxan mənbələrdən biri və bəlkədə başlıcası neft
emalı müəssisələridir. Havada oksidlər su buxarı ilə reaksiyaya girərək, sulfit və
sulfat turşularının kiçik damcılarını əmələ gətirir. Öz növbəsində sulfat turşusu
havada olan kalsium və dəmir oksidləri ilə reaksiyaya girərək, kalsium və dəmirin
sulfatlarını yaradır.
Cədvəl 3.1
Havanın çirklənməsinin yol verilən normaları və havanın keyfiyyət
kateqoriyaları
54
Kükürd oksidlərinin miqdarı ilə səciyyələnərək havanın keyfiyyəti son 25-30
ildə müəyyən qədər yaxşılaşsa da, kükürd oksidlərinin atmosferə olan tam
tullantısı 1983-cü ildə 1975-ci ilə nisbətən təxminən 20 % azalmışdır. Atmosferin
kükürd oksidləri ilə çirklənmə mənbələri bu müddət ərzində, bir yerdən başqa yerə,
məsələn şəhər ərazilərindən kənd yerlərinə köçürülmüşdür.
Neft və qazda azot oksidlərinin miqdarı yalnız 0,2 - 0,3 % -ə çatır, məhz bu
azot havada oksigen vasitəsilə oksidləşir.
Demək olar ki, azot 2-oksidi atmosferə atılan bütün azot oksidlərinin 10 %-ni
təşkil etsədə, havadakı kimyəvi reaksiyaların mürəkkəb ardıcıllığı nəticəsində, azot
oksidinin xeyli miqdarı daha təhlükəli birləşmə olan azot 2-oksidinə çevrilir.
Tədqiqatçılar, atmosferdə azot 2-oksidinin olması ilə ölüm hallarının artması
arasında əlaqə tapmağa çalışmışlar. Statistik təhlil göstərir ki, havada yüksək
miqdarda azot 2-oksid olan rayonlarda ürək və xərçəng xəstəliklərindən ölənlərin
sayı daha yüksək olur.
Cədvəl 3.2
Səhiyyə xidməti tərəfindən təyin olunmuş havanın keyfiyyətinin ilk
standartları
Qatışıqlar
Standartı əhatə edən
zaman müddəti
Yol verilən
maksimal qatılıq
Milyonda bir
hissənin ekvivalenti
(mln
−1
)
Havada
asılmış
hissəciklər
Kükürd oksidləri
Karbon oksidləri
Oksidləşdirilən
ozon
Azot-2 oksid
Karbohidrogen
İl ərzində orta həndəsi
Maksimal qatılıq (24 s)
İllik orta qatılıq
Maksimal qatılıq (24 s)
Maksimal qatılıq (8 s)
Maksimal qatılıq (1 s)
Maksimal qatılıq (1 s)
İllik orta qatılıq
Maksimal qatılıq (3 s)
75 mkq m
−3
260 mkq m
−3
80 mkq m
−3
365 mkq m
−3
10 ml m
−3
40 ml m
−3
240 mkq m
−3
100 mkq m
−3
160 mkq m
−3
0,03
0,14
9,0
35,0
0,12
0,053