216
illik ekspedisiya dövründə aşığın dörd əlyazmasını ələ keçirə
bildim. Ekspedisiyadan qayıdandan sonra onlar üzərində işlə-
məyə başladım. Həm də ekspedisiya müddətində elin dilindən
yazdığım nümunələr də mənim köməyimə çatırdı. İndi arxi-
vimdə ekspedisiya dövrü elin dilindən yazdığım 11 bloknot
vardır. Əlimdə olan dörd əlyazmasını şəxsən özüm əldə elə-
mişəm, məndən başqa heç kim onları görməyib və istifadə də
eləməmişdir. İlisu əlyazmasını mənə Yunus dayı Təhməzov
bağışlamışdır. Orada 200-ə qədər şeir var. Şeirlər şəkillər üzrə
düzülmüşdür. Əlyazmasının əvvəllində yazılıb:
«Rəhmətlik Molla Cümənin qəlbindən süzülən müxəm-
məs, təxmis, divani, qafiyə, kötəlləmə, əvvəl axır həmin dəftərə
yazıldı.
Bunları yazdım burda qalmaq üçün
Oxuyanlar bir dua qılmaq üçün».
İlisuda mənə dedilər ki, kəndin Tovla Tala məhəlləsində
də bir əlyazması vardır. Həmin ünvana getdim. Dedilər ki, ərəb
əlifbası ilə əlyazması olub, ancaq indi yoxdur, hara olub bil-
mirik.
İkinci əlyazmasını mənə Zaqatalanın Kəpənəkçi kəndində
aşıq Murtuzəli hədiyyə vermişdir. Burada qoşma, gəraylı, diva-
ni, təcnis, müxəmməs, müxtəlif biçimli şeirlər, bayatılar top-
lanmışdır, yüzdən artıq şeir vardır. Ancaq çox təəssüf olsun ki,
əlyazmasının yarıcırılmış bir hissəsi qalmışdır. Burada Molla
Cümənin Könlü ilə deyişməsindən bir parça da vardır.
Üçüncü əlyazmasını bizə Şəkinin Baş Göynük kəndində
Molla Cümənin qızı Reyhan xanım bağışlamışdır. Əlyazma-
sının əvvəlində yazılıb: «Bu dəftər yazıldı 1333-cü idə katibi
Molla Cümə ibn Salah. Mərgum «Aşağı Layisqi» əlyazması
122 səhifədir, bir ümumi dəftərdir. Adi çernillə yazılıb, özü də
köçürən o qədər də savadlı olmayan şəxsdir. 1940-50-ci illərdə
köçürülüb. Onu da deyim ki, Molla Cümənin öz xətti ilə
yazdığı əlyazmasının taleyi mənə məlum deyil, orijinalnı mən
görməmişəm. Bu əlyazması elə bil həmin əlyazmasının orijina-
217
lından köçürülmüşdür. Hər halda məndə olan əlyazmaların ha-
mısından daha çox şeirlər bu dəftərdə qalmışdır.
Dördüncü əlyazmasını bizə Şəkinin Aşağı Göynük orta
məktəbinin müəllimi Vədud Hacıyev bağışlamışdır. Bu əlyaz-
ması M.Ə.Sabirin 1914-cü ildə İsa bəy Aşurbəyovun mətbə-
əsində çap olunmuş «Hophopnamə»sidir. Kitabın səhifəsində
bütün ağ yerlərdə Molla Cümənin şeirləri yazılmışdır. Bəzi
şeirlərin yazıldığı illəri də göstərilmişdir.(1918,1919) Həmin
kitabin səhifələrində Molla Cümənin 150-ə yaxın şeiri vardır.
Oxuculara məlum olsun ki, mən bu əlyazmaların üzərində 35 il
işləmişəm. Əlyazmaları çox çətin oxunur, bütün əlyazmaları və
elin ağzından topladığım 11 dəftərdə yazılmış şeirləri dəfələrlə
oxumuş, müqayisələr aparmış və nəhayət orijinalı aşkar edib
aşığın külliyyatına daxil etmişəm. Son kitabı Prezident admi-
nistrasiyası 25 min nüsxədə çap edib, Azərbaycanın bütün
rayon və kəndlərində olan kitabxanalara hədiyyə verilmişdir.
41 müəllif vərəqi həcmindədir. Ulu Tanrı şahiddir ki, bu
kitabda yalnız və yalnız mənim şəxsən əldə etdiyim şeirlər
toplanmışdır. Başqa əlyazmalarına ehtiyac duymamışam. Türk
dünyasının, Ulu Tanrının qarşısında üzüm ağ, alnım da açıqdır.
Ömrü faciə ilə başa çatmış sənətkarın şeirlərini bir-bir əldə
edərək 41 müəllif vərəqi həcmində kitabla əbədi bir heykəl
ucaltmışam. Bütün şeirlər yalnız və yalnız şəxsən əldə etdiyim
nümunələrdir. Bununla fəxr edir, qürur hissi keçirirəm.
Molla Cümə çox zəngin, əvəzi olmayan ədəbi irs qoyub
getmişdir. Mən Şəki, Qax, Zaqatala, Balakən rayonlarını dolaş-
dım. Oaralarda demək olar ki, Molla Cüməni tanımayan, şeir-
lərini əzbərdən bilməyən şəxs yox idi. Bütün bu yerlərə yayıl-
mış, insanların hafizəsində özünə yer almış şeirləri toplamaq,
yığmaq, səliqəyə salıb aşığın bağrından qopduğu xalqına çat-
dırmaq, təvazökarlıqdan kənar olmasın, mənə nəsib olmuşdur.
Mən bununla əvvəlcə böyük ustada, sonra da özümə əbədi hey-
kəl qoymuşam. İndi qalır bu böyük tükənməz ədəbi irsi incə-
ləmək, çözələmək, geniş hərtərəfli təhlil edib qiymətləndirmək.
218
Molla Cümənin bir neçə şeirini 1930-cu illərdə Hüm-
mət Əlizadə çap eləmişdir. Bir şeirini də Salman Mümtaz «El
şairləri» kitabında vermişdir. Mən fəaliyyət göstərdiyim illərdə
aşığın əsərlərindən ibarət aşağıdakı kitabları çap eləmişəm.
Bunlar Molla Cümənin ilk kitablarıdır.
1.Molla Cümə. Şeirlər. «Azərnəşr», 1966, 5
m/vərəqi.
Bu kitab böyük əks-səda doğurdu. Bu kitab əsas etiba-
rilə mənim ekspedisiya zamanı topladığım nümunələrdən tərtib
olunmuşdur. Oxucular təəccüb elədilər. Molla Cümənin o
qədər şeiri varmış. Bu kitabın çapında mənə keçmiş tələbə yol-
daşım Azərbaycan KP mərkəzi Komitəsinin katibi, professor
Şıxəli Qurbanov kömək eləmişdi. Kitabın bir nüsxəsini Şəkiyə
Baş Göynük kəndinə Molla Cümənin qızı Reyhan xanıma
hədiyyə göndərdim. Bir müddətdən sonra Reyhan xanımın
oğlu, Molla Cümənin nəvəsi Mövlud Əzizovdan bir məktub
aldım. Orada yazılmışdı: «Hörmətli Paşa müəllim, salam! Sizin
göndərdiyiniz hədiyyəni aldım və çox şad oldum. Siz bilir-
sinizmi ki, anam və bacılarım nə qədər şad oldu. Xüsusən,
anam nə qədər şadlandı, həddi-hesabı yoxdur. Kitab çatandan
sonra demək olar ki, kəndin adamlarının hamısı kitabı oxumaq
xüsusən babamın həyatı haqqında Sizin yazdığınız müqəd-
diməni oxunması ilə daha çox maraqlanırlar. Bir sözlə, sizin
adınız əzbər olmuşdur. Xüsusən Sizin Cavad oğluna verdiyiniz
yüksək qiymət Göynük camaatı arasında böyük şadlığa səbəb
olmuşdur… Paşa müəllim, Sizə məlum olsun ki, bu yaxınlarda
babamın şəkli tapılıb. Qaxdan həkim Calal kişinin qızı verib.
Axtıda (Dağıstanda – P.Ə.) 1914-cü ildə çəkilib. Həmin şəkilin
üzünü çıxarıb hər halda ya özüm gətirərərm və ya göndərə-
rəm.»
2.Molla Cümə. Seçilmiş əsərləri. «Yazıçı», 1983, 8
m/vərəqi.
Kitab çap olunanda «Yazıçı»nın baş redaktoru Sabir
Rüstəmxanlı, şöbə müdiri isə Məmməd İsmayıl idi.
Dostları ilə paylaş: |