Meierijse Schoutsrekeningen
Yüklə 405 Kb.
|
- Bu səhifədəki naviqasiya:
- MICROFICHE 2
MICROFICHE 1078.1.1.1, 1.1.2 en 1.1.3 blanco buiten de gedrukte aanhef van : chambre des comptes – rekenkamer – ecoutètes de Bois le Duc – schouteten van ’s-Hertogenbosch 1404-1615 no.12994 078.1.1.4 buitenkaft van het rekeningenboek 078.1.1.6 NIEUWE REKENING – YEWEYN DE MOL periode Kerstmis 1466 tot en met Sint Jan 1467. 078.1.1.7 van JAN DAEMS die betichtet was dat hij een woeckener was ende daer om ten Bosch gevangen ende op ter porten geleyt wairt, want Jan voirs. een aerm man was ende vorder gueder luyde doeren ginck om sijn broet, liet hem die schoutet syn composicie maken voir ix rijnsgulden tot xx stuvers tstuck 078.1.1.8 van HUYS JAN HERMANSSOEN die vorster tot HILVARENBEEK was ende daer mede befaemt was dat hij daer bij geweest soude hebben ende en wech gegaen soude hebben gehadt, daer HEYN WILLEMSSEN VAN ROY een vrouken verfortzt soude hebben ghehadt ende die voirs. vorster daer om ten Bosch quam op sijn verantworden ende in dien dat hem die schoutet dair op versach dat hij des geen waerheit en soude hebben konnen gecrygen, liet hem die schoutet syn composie maken voir x rijnsgulden van ARTKEN GERYTSSOEN die befaemt was dat hij genomen hadde ut eenen budel omtrent van eenen postulaten gulden ende dair om ten Bosch gevangen ende opter porten geleyt wairt, want Aertken voirs. een arm knecht was ende die heer niet en vernam dat hij vanden gelijken meer gedaen hadde, liet hem die schoutet sijn composicie maken voir viii rijnsgulden van HEYNKEN GERYT LOYTENSOEN die befaemt was dat hij genomen hadde garen ende heymden van diergelijken andere cleyne dinghen ende was dair om gevangen ende ten Bosch opter porten geleyt, want Heynken voirs. een arm ambachtsknecht en was ende anders niet en hadde dan hij miT synen handen wynnen moeste, liet hem die schoutet syn composicie maken voir x rijnsgulden van HANNEKEN MARTENS VAN DEN EYNDE bestaert die betichtet was dat hij cleeder genomen hadde ende die ter lombart gedragen so dat men bevant dat die cleder sijn moeder toe behoerde, so Hanneken voirs. by synen vader plach te wonen ende doen ter tijt tot egeenre quader famen en stont, liet des hoigeschouthet stathalder hen syn composie maken voir ix rijnsgulden 078.1.1.9 van HANNEKEN PENNINCKS die op een tijt quam in die stat vanden Bosch by nachte mit eenen gespannen boge ende dair om gevangen ende opter porten geleyt wairt, want Henneken voirs. een arm knecht was ende eygen nyet egeen en hadde ende syn broet mit steen metsen wynnen moeste, liet hem die schoutet syn composiCie maken voir x rijnsgulden hierna volgt de reguliere lijst met breuken zoals vuistslagen, messen trekken etc. 078.1.1.10 vermoedelijk een los inliggend document: Ic Yeweyn de Moll rytter etc. hoige schoutet tsHertogenbosch, doe kont enen iegelycken ende besonder u wijse ende zeer voirsinnige heren vander Cameren vander Rekeningen myns genedigen heren, dat ic vercoft hebbe ut bevele myns genedigen heren alle havelycke guede toebehoerden CLAES HEELS ende zeynssen synre huysvrouwen die bevonden syn by mynen dieneren ende dair aff inventaris gemaict ende die prove vanden koren dair af ten Bosch gebrocht ende vercoft ten hoisten prijse mitten besten ende huysraet getaxeert vanden scepenen van LYT tsamen vercoft voir die somme van ii c [200] peters myn vj rijnsgulden ende dese havelycke niet mer gegouwen en hebben ende op die tijt niet mer gelden en mochten mit zekeren borgen die de schoutet op die tijt gecrygen konst tot behoeff myns genedigen heren, dair over by ende aen waeren JAN MONICK, GERYT BALIART ende JAN BALIART dair aff wij certificeren onder onssen zegellen ende hantenen dat dat alsoe geschit es – Gegeven opten viii dach van septembri int jair ons heren xiiii c ende lxvii [ondertekend door JAN BALYART]
certificatien – en verder blanco 078.1.1.12 aantekening in de marge + tekst over wat er is gebeurd met genoemde havelijke goederen na de dood van CLAES HEELS 078.1.2.1 en 078.1.2.2 herhaling van de voorgaande pagina’s. 078.1.2.3 exployten bynnen MAZELANT van ART BOIRTKENS of VOIRTKENS die zich misgrepen hadde aen een elle lakens ende aen meer andere cleyne dingen van lynen laken want Aertken voirs. tot geenre quader famen en stont ende die schout niet en vernam dat hij van den gelijcken mer gedaen hadde, liet hem die schoutet syn composicie maken voir vi rijnsgulden
van MYCHIEL JAN HARMANSSOEN die int by ende aen wesen geweest hadde dair van live ter doot brocht wairt JAN YSBOUTSSOEN ende was dair voir vluchtich ende hilt hem ut des heeren handen buten lande ende elwair mit geleye ende dair na partien gesoent ende gebetert waeren, liet hem die schoutet syn composicie maken voir xii rijnsgulden 078.1.2.4 van HANNEKEN AERT SCEPERSSOEN so dat ter kennissen des heren quam dat hij LIJSKEN JAN CLERCKS dochter onhoeflyck ende aengetast soude hebben gehadt, want Hanneken een arm onnoesell knecht was ende die gemeynscape verwaerde tot Zonne, liet hem die schoutet syn composicie maken voir vi peters van HEYN JAN LEMMENSSOEN die affdragende worde gesproken hadde opter VOIRSTER van ZOEMEREN ende op JAN BESTMAN want Heyn voirs. een arm knecht was ende die woirde in dronckenscap geseit hadde ende dair na die partien beterscap dede, liet hem die schoutet syn composicie maken voir xii rijnsgulden van ERMKEN JANS dochter VAN NUWENHUIJS die befaemt was dat sy haer misgrepen hadde aen garen ende aen vlas ende aen diergelycken cleyne dingen so si die guede lude te werken en plach om hueren loen, want Ermken voirs. een arm wijff was, liet haer die schoutet composicie maken voir vii peters quader famen en stont, liet hem die schoutet syn composicie maken voir ix rijnsgulden 078.1.2.5 exployten bynnen KEMPELANT van PETEREN AERT BOEYENSSOEN die dootgeslagen heeft HENNEKEN JAN FAESSOEN ende was dair voir vluchtich onder die smale heren mit geleye ende op gewijde plaetsen ende elwair ende dair na partien gebetert ende gesoent, liet hem die schoutet syn composicie maken voir xx rijnsgulden
van AERTKEN MOYS die te POSTELL gestol(l)en hadde enen tabbart ende oic enen budell mit een weynich gelts ende was dair om gevangen tot HILVARENBEEK want Aertken voirs. een jonge knech(t) was ende geen eygen guet en hadde, liet hem die schoutet syn composicie maken voir x rijnsgulden 078.1.2.5 WILLEM HINCKART onderschout van ‘sBosch, HENRICK HEYM schout van Maasland, HEYNRYCK VAN ERPE schout van Peelland, PETEREN VAN EYCK schout van Kempenland en WILLEM WYTEN schout van Oisterwijk 078.1.2.6 hier volgt de reguliere informatie van de Meierijse VORSTERIJEN zoals in voorgaande rekeningen 078.1.2.7 tekst wordt onderbroken door een los inliggend briefje 078.1.2.8 dat losse briefje blijkt een overzichtslijstje te zijn van alle bedienaren van vorsterijen en luidt als volgt: te Kempenland EELKEN KORSTKENS – Oerle DIRCK EVERDEYS – Oirschot WILBOIRT VAN DIESSEN – Beers bij Oirschot COPPEN QUACKELLER + WYNKEN DIE WERT – Eersel die jonge HENNEKEN DIE BIJE – Bladel PETER HEYTHOVENEN – Lommel HENNEKEN DIE GRUYTER – Strijp(t) te Peelland DIRCK VAN EYCK – Sint Oedenrode HEYN VAN OUWENHOVEN – Son WILLEM WYTFEN – Nuenen Gerwen en Tongelre WILLEM VAN GHENT – Aarle en Beek JAN VROEYMAN – Bakel JAN BESTMAN – Someren JAN DIE HOEVE – Vlierden JACOP VAN COPPELCOVEN – Erp GOEYART DIE WERT – Veghel te Maasland AERT STEEWECH – Oss en omstreken + schrijfambt Maasland HEYMERICK VAN OS – Maren JAN KEPKEN – (polder) van Eyghen JAN VAN NODDEVELT – Berlicum
AERT AERTSSEN – Oisterwijk HUYB JAN HERMANSSOEN – Hilvarenbeek PAUWELS VAN HAESTRECHT – Tilburg Goirle en Drunen JAN ROESEN – Helvoirt GERYT COPPENS – Vught EVERART JANSSOEN – Orthen en Hintham HEYN NOLLENS – Mierde overigens wijkt dit lijstje hier en daar af van de teksten op 078.1.2.6 tot en met 078.1.3.4, waar nog de oude namen zijn opgenomen! 078.1.3.5 ander ontfanck van zaken die inder ordinancien ende openen brieven myns genedigen heren tshertogen gegeven opten vi dach octobris int jair 1459 opt bedienen ende renten der officieren rechteren ende andere punten geordineert syn int ontfange gerekent te werden ten profijte myns genedigen heren: van porters te maken dair aff rekent die onderschout dair om hier – niet van geleye te geven, van doden ende gerycht misdadigers opt gewyde te graven, van misdadigers heymelic te rychten, vanden geenen die by ongevalle doet gevallen oft verdroncken oft hem selven anders gedoot hebben, van all dat over die mysdadige in gelde goude silver oft ander geoeden bevonden is, van gevangen uut te laten sonder te rechte oft te wette te stellenen, van boeten van taverniers ende ambachten, end evan allen anderen zaken utgerycht end ebedient herlich - hier staat een groter accolade en daar achter: van allen desen en heeft die binnen den tijde deser rekening niet ontfang dair om hier – niet 078.1.3.6 som van alle ontvangsten lxxxi l. xvi s. iiii d. gr. UITGAVEN salaris van schout en klerk xiiii l. xvii s. viii d. gr. 078.1.3.7 bijdrage aan ADOLPH VAN CLEVE uit de ambten en renten van de Meierij; berechtingen: tot OS metten swerde gerycht PETER ZILLEN van enen dootslach die hij ten Bosch gedaen hadde; 078.1.3.8 tot OS mitten baste gerycht enen geheyten FESKEN overmids synen qauden fayten wille; tot LYT gerycht enen geheyten GERYT KORTACKERSSOEN uutten lande van Gelre overmidts zynen quaden fayten wil;
som van alle uitgaven xcvi l. vii s. viii d. gr. – aldus is men den voirs. schoutet hier sculdich xiiii l. xi s. iiii d. gr. – ende men is hem oic sculdich byden eynde synre naester voergaende rekeningen xvi l. xvi s. i d. ob. gr. – voer dese twee partien die men hem sculdich is xxxi l. vii s. v d. ob. gr. 078.1.3.10 NIEUWE REKENING – YEWEYN DE MOL periode Sint Jan 1467 tot en met Kerstmis 1467. 078.1.3.11 van DIRCK BLEECMAN [dubieus] een houtzagher die tot Oesterwyck gewest hadde tot synre nichten huys ALIJT JACOP wijff VAN DER EELST welke Alyt een gedinge hadde gehadt tegen KATELIJNEN WILLEM LUKENS dochter dair aff een hoeftvonnys ten Bosch gegaen was ende Alyt voirs. dat vonnys tegen gegaen was so Dirck voirs. inden avont gegaen was voir Willem Lukens Katelinen voirs. vader huys seggende ‘comt hier buyten men sal u kosten betalen’, dair om Dirck voirs. ten Bosch opter porten geleyt wart, want Dirck een arm scemell knecht was ende syn broet mit houtzagen winnen moeste by wysdomme ende terminacien van den scpenen van den Bosch wart hij gecondempneert op een somme van penningen van lx rijnsch gulden halff in behoeff myns genedigen heer ende dander in behoeff der voirs. stat, dair om hier in gelde voir mynen genedigen heer xxx rijnsgulden elken gulden tot xx stuvers 078.1.3.12 van ROELKEN HEYN KOENENSOEN die tot anderen tyden ten Bosch tot vyere oft vijff plaetsen by nachte die gelaes ontwe geslagen hadde ende dair om vluchtich was ende hielt hem uut des heren hande ende dat dair nyemant over en clagede ende eygen guet egeen hadde, liet hem die schoutet syn composicie maken voir xxi rijnsgulden van TIELMAN PETER REWENSOEN die mede int by ende aen wesen geweest hadde doen ROELKEN HEYN KOENENSOEN die gelaes ten Bosch ontwe geworpen hadde ende was dair om vluchtich, want Tielman een ambachtsknecht was ende eygen guet egeen en hadde, liet hem die schoutet syn composie maken voir xv rijnsgulden van HEYN OTTEN die mede int by ende aen wesen geweest hadde doen ROELOF HEYN KOENEN die gelaise ontwe geworpen ende geslagen hadde ende was dair om vluchtich ende hielt hen uut des heren hande want een ambachtsknecht is van den vyscoperen ende eygen guet egeen hadde, liet hem die schoutet syn composicie maken voir x peters elken peter tot xviii stuvers van WILLEM VAN DEN HAM die oic mede int by ende aen wesen geweest heeft doen ROELKEN KOENEN voirs. die gelais by nachte ten Bosch ontwe geworpen ende 078.1.4.1 geslagen hadde ende was dair oick om vluchtich ende buyten des heeren hande bleeff, want Willem voirs. een arm knecht was ende syn broet mit timmeren winnen moeste ende geen eygen guet en hadde, liet hem die schoutet syn composicie maken voir vii rijnsgulden van MEESTER HENRICK VAN KESSEL die by avont geslaigen hadde JANNES VAN DEN BERGE een wynteppersknecht ende Jannes voirs. Meester Heynrick des dages hadde doen gedagen te voren om tegen hem in recht te comen, so die schoutet wail wyst dat een porter ende raetsher ten Bosch was ende Jannes voirs. geen quetsueren en hadde ende dat die schoutet vernam dat hij dat niet en soude hebben connen betuygen, liet hem die schoutet syn composicie maken voir xx rijnsgulden van THIJSKEN WILLEMSSOEN VAN DEN VORT ende THIJSKEN ROELKENSSOEN die betichtet waeren dat sij hem misgrepen aen gelt in hueren meesters huys want Thijsken ende Thijsken voirs. twee aerme dienstboden waeren ende hoer broet myt arbeyden winnen moesten, liet hem die schoutet hoer composicie maken voir vi peters 078.1.4.2 hier volgt de reguliere lijst met breuken als vuistslagen, messen trekken, ‘by nachte gaen’ etc.; exployten bynnen der stat van den Bosch: van PETEREN ALAERTSSOEN VAN DEN BAERN die van live ter doot bracht DAEM VAN DEN SLUYSEN ende was dair om vluchtich ende hielt hem uutten lande ende in den lande van GELRE ende elwair ende geen guet en hadde dair die heer mitter handt aen mochte komen ende dair na partien gesoent ende gebetert, liet die schoutet hem syn composicie maken voir xxiiiii peters van CELLEN JAN CELLENSOEN die befaemt was dat hij hem misgrepen hadde aen gelt ende hielt hem dair om buten lants oft om ander zaken will ende gestorven is vander perstilentie alsulken gueden als Celken voirs. hadde heeft die schoutet 078.1.4.3 die beterscap dair aff vercoft boven die commere dair uutgaende om xii rijnsgulden exployten binnen PEDELANT van CLAES HEYN MOLNERSSOEN die ten Bosch dootgeslagen hadde WOUTEREN VAN ZEELLANT ende dair omme in den lande van LOEN gerycht wart ende so Claessen voirs. dair na aen gestorven is een derdendeel van enen cleynen huyse liggende tot ZONNE ende die schoutet Claessen voirs. derdendeell boven den commere dair uutgaende die beterschap vercoft heeft om iiii rijnsgulden van JAN DIELIYSSOEN die betichtet was dat hij hem misgrepen hadde aen hout ende dair om gevangen wart, want Jan voirs. een scamel man was ende syn broet mit timmeren won ende tot geenre quaden famen stont, liet die schoutet hem syn composicie maken voir xxviii peters van GERYT JORDENS die befaemt was dat hij hem misgrepen hadde aen gelt ende aen scapen ende dair om gevangen wart tot ERPE, want Geryt voirs. een arm man was ende syn broet plecht te winnen op ander luyde …….liet hem die schoutet syn composicie maken voir …..peters 078.1.4.4 exployten binnen KEMPELANT van WOUTEREN VAN DEN TEYNDEN die betichtet was dat hij hem mysgrepen hadde aen eenen budell mit dair in geweest soude hebben ontrent van enen postulaetsgulden end eoic dat hij by nachte jonge boemen aff soude hebben gehouwen gehadt ende dair om vluchtich was ende hielt hem uut des heren hande, want Wouter voirs. een scamel knecht was syn broet opten lande plecht te winnen, liet hem die schoutet syn composicie maken voir xxv rijnsgulden van MYCHIEL AERT CELEN SOEN ende DIRCK PETER HEYSTECKSSOEN die int bij ende aen wesen ende hulper ende stercker mede waeren dair LAMBRECHT VAN DEN PANNEN van live ter doot brocht wart ende waeren dair voir vluchtich ende hielden hen in den lande van LOEN oft elwair onder die smale heren met geleye ende dair na partien gesoent, liet die schoutet composicie maken voir xx rijnsgulden exployten binnen OESTERWYCK van GOEYART PETER SPILMEKERSSOEN ende CELKEN PETER SPILMEKERSSOEN die int bij ende aen wesen ende mede in de gevechte waeren dair van live ter doot brocht HEYNRICK SCHURMANS ende waeren dair om vluchtich end ehielden hem uut des heren hande opt gewijde 078.1.4.5 ende onder die smale heren mit geleye ende dair na die partien gesoent ende gebetert worden, liet hen die schoutet huer composicie maken also verre alst hem aen clevede voir xv peters WILLEM HINKART onderschout van ‘sBosch, HEYNRICK HEYM schout van Maasland, HEYNRICK VAN ERPE schout van Peelland, PETEREN VAN EYCK schout van Kempenland en WILLEM WYTEN schout van Oisterwijk 078.1.4.6 hier volgt tot en met 078.1.5.1 de informatie over de Meierijse VORSTERIJEN – wijzigingen in de bediening: geen
lijst met andere ontvangsten zoals poorters maken, geleide geven etc. etc. – ongewijzigd. 078.1.5.2 som van alle ontvangsten cii l. xix s. viii d. gr. UITGAVEN salaris van de schout xx l. xvii s. ii d. gr. en van de klerk xx s. – samen xxi l. xvii s. ii d. gr. 078.1.5.3 bijdrage aan ADOLFF VAN CLEVE 225 peters 078.1.5.4 JUSTICIEGELDEN uit berechtingen: ten Bosch mitten zwerde gerycht JAN VAN DEN RIJN van doitslach die hij tot TIEL gedaen hadde; ten Bosch mitten zwerde gerycht JAN VAN DEN PALS van transsimente; ten Bosch mitten zweerde gerycht GERYT AERT JAN DIRCKSSOEN overmits doitslach die hij in den lande van HERPEN gedaen hadde
den hoighenscouthet is dach besceyden te comen rekenen van Sint Jansmisse lxviii xvi july lxviii 078.1.5.6 NIEUWE REKENING – YEWEYN DE MOL periode Kerstmis 1467 tot en met Sint Jan 1468. diverse donkere stukken in de verfilmde teksten 078.1.5.7 van DAEM MYCHIELSSEN die een meester van den scherpengerycht ten Bosch geweest hadde ende in der selver stat enen doitslach gedaen hadde soe dat die schoutet den voirs. Daemen van gheleye …..ende die selve Daem dair na dootgeslagen waert ende een huys met een hoefken liggende hadde bynnen der stad voirs. welken huys ende hoff die schoutet vercoeft heeft mit hoegemisse ende verdientenisse van lxx rijnschgulden elken gulden te xx stuvers gerekent ende iiii slaige welke slaige dair in verteert syn dair om hier voir mynen genedigen heer lxx rijnschgulden van HEYN MYCHIELSSOEN een volder knecht die beticht was dat hij int bij ende aen wesen mede gheweest by enen doetslach die overlanghe tijt tot RUERMUNDE ghevallen was ende waert dair om ten Bosch opter poerten geleyt, want Heyn voirs. een aerm knecht was ende syn broet mit vollen winnen moeste, liet hem die scouthet composicie maken voir xv clynckaerts elken clinckaert tot xv stuvers gerekent 078..1.5.9 van PETEREN AERT LONIJS die bij nacht ten Bosch geslagen hadden DIRCKEN VAN HEESWIJCK daer aff befaemt was dat hij hem geloecht ende gevacht hadde ende toe comen soude sijn om rechts wille ende dair om opter poirten gelegen waert, dairomme die schoutet op hem een aensprake dede ende soe verre in den rechte bequam dat Peter voirs. gecondempneert waert op enen wech over meer te reysen in CYPERS ende drie jaer dair te blijven oft mijnen genedigen heer dair voer te betalen 50 rijnssche gulden, soe Peter aen genomen heeft dat ghelt te betalenen – dair om hier voir mynen genedigen heer 50 rijnssche gulden 078.1.1.5.10 van JAN MARTEN PELSSOEN die vrouwen cracht gedaen hadde …aen syn maeght zoe dair faute ghinck ende dair om vluchtich was ende hielt hem zeer heymelick uut des heren handen ende buyten lants ende zijn guet zeer overbracht hadde ter beden van synen gueden vrinden die schoutet verhaelden aenu heeren van der Camer van der Rekening van dat sij geboeden hadden voer xxxiii rijnsgulden composie te maken van COPPEN GERIT CUPERSSOEN die LIEVEKEN VAN PER syn oege uut hadde gesteken by ongevall ende waert daerom ten Bosch opter poerten geleyt ende die partijen gebetert om iiii peters want Coppen een arm ambachtsknecht was ende anders nyet en hadde dan hij mit cupen wynnen moechte, liet hem die schoutet composicie maken om vi rijnsche gulden van JORDEN den TYMMERMAN die betichtet was dat hij ten heyligen gesworen hadde des hij niet gehouden en hadde dair die schoutet gheen volcomen waerheit en bevant want Joerden een schamel knecht was ende syn broet met tymmeren pleecht te wynnen, liet hem die schoutet composicie maken voir vi rijnsch gulden van AELBRECHT ende GHEERYS HEYN KOEBORCHS SOENEN die op een tijt droncken waeren ende wouden de sheeren dieneren steken ende slaen ende tot hen affdragende woerde spraken 078.1.5.11 ende waeren dair om opter poerten geleyt want Aelbrecht ende Gheerys egeen goet en hadden …………………….wynnen mochten, liet hen die schoutet composie maken voir vi rijnsgulden hier volgt de lijst van vuistslagen, messen trekken etc. 078.1.5.12 exployten bynnen MAESLANT van WILLEM VAN OERLE die doentertijt molner tot OS was ende hadde gemolstert met eenen vate dat te groet was dair om die schoutet hem aensprack want Willem voirs. gheen guet en hadde anders dan hij met malen wynnen mochte, liet hem die schoutet composicie maken voir xxv rijnschgulden
exployten bynnen KEMPELANT – nyet gevallen exployten bynnen OESTERWYCK van JAN PEINSTERS die wonende was tot HILVARENBEKE
078.2.1.1 ende hem selven dair verhangen hadde dair die schouthet dat gericht over dede ende die voirs. Jan hadde die zeer vercommert waeren welke gueden die schouthet hadde doen veylen in der kercken om die te hoechsten te vercopen – ende bij aen brengen des DEKENS van HILVARENBEKE ende des schouthet des JONCKEREN VAN PETERZEM na dien overmids dat men bevant op die voirs. guede vercoft die schoutet om lx rijnschgulden halff tot behoeff myns genedigen heren dander helft in behoeff des jonckeren voirs., soe dat Jan voirs. guede liggende hadde tot GESTEL onder der VROUWEN VAN HEESWIJCK welke guede die voirs. Vrouwe niet en wil laten volghen byder composicien des hoighsschouthet van wegen ons genedigen heeren, mair dair aff affslaen moeten van der heelder sommen nae avenant van dien gueden xxiiii rijnsgulden (met aantekeningen in de marge)
HENRICK HEYM schout van Maasland, HENRICK VAN ERPE schout van Peelland, PETEREN VAN EYCK schout van Kempenland en WILLEM WYTEN schout van Oisterwijk 078.2.1.3 in voorgaande rekeningen volgde hier de informatie over de Meierijse VORSTERIJEN, maar hier staat de volgende aantekening: ‘ander ontfanck vanden vorsteryen gelegen bynnen der meyeryen van den Bosch dair aff die schouthet noch jaerlicx gerekent heeft ende dat die RENTMEESTER van den Bosch jairlycx plach te rekenen alst blyct in den voirgaenden rekening ende nu weder om bevolen is den voirs. rentmeester dair af te rekenen – dair om hier – niet andere ontvangst van poorters te maken etc. etc. – geen nieuwe wijzigingen; 078.2.1.4 som van alle ontvangsten xcvi l. xvi s. iii d. gr. UITGAVEN salaris van de schout xix l. xv s. v d. gr. en salaris van de klerk xx s. gr. = samen xx l. xv s. v d. gr. 078.2.1.5 bijdrage aan HEER ADOLFF VAN CLEVE een som van 225 peters 078.2.1.6 JUSTICIEGELDEN uit berechtingen: ten Bosch metten zwerde COPPEN JANSSOEN van DIEST overmits dootslaech by hem ten Bosch gedaen; ten Bosch metten zwerde CHRISTOFFEL JANSSOEN van DIEST die int bij ende aenwesen was ende handdadich van enen doetslaech ten Bosch; tot SINT OEDENRODE gericht HENNEKEN VAN OERSCHOET metten baste overmits synen qauden fayten; ten Bosch metten swerde LUCAS COEMEN JANSSOEN overmits synen quaden fayten; ten Bosch metten baste AERT TALIART overmits synen quaden fayten; ten Bosch metten baste HENNEKEN JANSSOEN VAN DEN PALS overmits zynen quaden fayten; te BLADEL metten baste NELKEN VAN DEN STAREN overmits synen quaden fayten
ten Bosch ‘in der erden in enen put’ ZEYNISSEN CLAES HEELSSEN dochter overmits hueren quaden fayten; ten Bosch ‘in der eerden in enen put LIJSBET FIJKENS VAN GHEELLE overmits hueren quaden fayten;ten Bosch ‘in eenre mycken* gerycht een geheyten MARIJN om dat sy huer selver verhanghen hadde [ * micke = een gaffelvormige galg, een der palen of stijlen waarop het dwarshout van de galg rust of het dwarshout zelf van de galg]
078.2.1.10 NIEUWE REKENING – YEWEYN DE MOLL – periode Sint Jan 1468 tot en met Kerstmis 1468. 078.2.1.12 losliggend briefje met de volgende notitie: ‘Mentie dat die hoge scouthet van den Bosch Heer Ywaen de Mol heeft noch liggende hier in de camer eene zyne rekening van den verbuerde goeden van wijlen CLAES ESSELS [dubieus] wijf tolner tot LIT daer op dat noch gebroken eenige different (?) ende beter verclaringe die geloeft waren des voirs. schoutet …………..dat d evoirs. rekening deden overbrengen ter anderen van deser rekening, soe zij den voirs. scout dair om gemaickt ende zyne voirs. rekening gesloten die MICHIEL DE LA …..onder hem heeft – door dit breifje zijn andere teksten weggevallen of slechts ten dele leesbaar gebleven: op dit blad worden genoemd: DIRCK VAN BEERZE, …die men heyt HANNEKEN VAN ACHELEN en van WILLEKEN ROLOFFZOEN die hem misgrepen hadde ten Bosch aen twee oft drie tenen schottelen ende wairt dair om opter porten aldair geleit,want Willeken voirs. vader een bastart was van daer men van …en geen 078.2.2.1 guet en hadde ende die schoutet niet verhoerde dat hij van dien gelijcken mer gedaen hadde, liet hem die schoutet composicie maken voir xv rijnsgulden
hier volgt eerst de lijst van breuken zoals vuistslagen, messen trekken etc. etc.; exployten binnen MAESLANT van WILLEM AERT GYBENSOEN die mit cremeryen achter huyssen in Maeslant ginck ende quam tuysschen OEYEN ende OS gegaen dair hem opter wege aen quam een geheiten ALYT RAVENS die voir luyde doren om hoer broet plach te gaen ende Willem Aert voers. te voeren Alyten soen mit vuysten geslagen hadde, so dat doen Alyt tot Os gecomen is ende heeft geclaigt dat hoer Willem Aert voirs. heeft willen verfortssen ende vercraften daer Willem Aertssen ter stont om gevangen wairt, so dat doen ter stont Willem Aerts vrunden dat recht dair aff begerden ende Alyten voirss. dair by gehouden te hebben 078.2.2.3 ende dat doen Alyt by hueren woirden niet en bleeff nader informacien vanden schoutet van Maeslant, liet hem die schoutet composicie maken voir xxiii rijnsgulden dair aff die schoutet van Maeslant voir sijn bedienen synen 10de penninck ontfaen hefft ii rijnsgulden ende vi stuvers van GERYT REYMBOUTSSOEN die befaemt was dat hij dair bij ende aen gewest hadde dat AERT DIE JODE in den lande van HUESDEN dootgeslagen hadde HENNEKEN ut UDENHOUT ende Geryt voirs. was dair om vluchtich ende wairt dair om tot OS gevangen in den gasthuyse dair hy dagelicx in ginck, want Geryt voirs. die principale niet en was ende gheen eygen guet en hadde, liet hem die schoutet composicie maken voir xii peters dair aff die schoutet van Maeslant synen 10de penninck ontfaen heeft voir syn bedienen enen peter iii stuver exployten binnen PEDELANT van GOEYAERT REYNER TEMPLERSSOEN ende REYNER syn broeder die[t] doitgeslaigen hadde PETEREN BOUWENS van HEEZE ende LEENDE wart ende die partien van den doden een claichtelycke gedinge hadden byden heer doen leggen ende opten lesten claicdach soene gemaict wart tuyssen partien ende binnen die middell so dat hen die van Heeze ende Leende also aen 078.2.2.4 begonste hen stellen dat die schoutet ende die schouthet van Pedelant mit hueren vrinden blijde waeren dat sy ontcomen konsten, so dat doen die hoichschouthet des sondaichs dair na mitter doden hant een claichgelycke gedinge dede leggen ende twee dage geclaight hadde binnen drien middell ten spreken van gueden mannen liet hem die schouthet composicie maken voir 50 rijnsgulden dair aff die schoutet van Pedelant ontfaen heeft 5 rijnsgulden voir synen 10de penninck voir synen dienst exployten binnen KEMPELANT – niet gevallen exployten binnen OESTERWYCK van AERT WOUTER BROEXSSOEN die genomen hadde twee ossen ut eenre weyen ende die vercoft hadde ende was dair voir vluchtich ende hielt hem ut des heren handen ende geen eygen guet en hadde, liet hem die schoutet composicie maken voir xii rijnsgulden
van GERYT VAN SPREWELL die ten heiligen hadde gezwoeren ten Bosch op enen dach te recht te comen des hij niet gedaen en hadde ende wairt dair om gevangen, want Geryt luttell guets ende voel overbrocht hadde, liet hem die schoutet composicie maken voir xxxii rijnsgulden van JACOP VAN DER ELST die betichtet was van DIRCK BLOCMAN die houtzager dat hij hem gebeden hadde dat Dirck comen woude tot OESTERWYCK mit vii oft mit viii gesellen tot ALYTEN JACOPS huysvrouwen welke Alyt voirs. een hoeftvonnys hadde verloren tegen KATHELIJNEN WILLEM LUKENS dochter ende dat Dirck voirs. Kathelijnen also verderven woude dat sij Alijten Dirck voirs. nichte mit vreden lietende hielt hem dair om Jacop voirs. ut des heren handen ter beden van gueden mannen, liet hem die schoutet composicie maken voir xvi rijnsgulden bijdrage uit renten en ambten uit de Meierij aan HEER ADOLFF VAN CLEVE 078.2.2.6 WILLEM HINCKART onderschout van ‘sBosch, HEYNRICX HEIJM schout van Maasland, HEYNRICK VAN ERPE schout van Peelland, PETEREN VAN EYCK schout van Kempenland en WILLEM WYTEN schout van Oisterwijk de ontvangst van de vorsterijen is overgeheveld naar de rekening van de rentmeester van Den Bosch 078.2.2.7 lijst met andere ontvangsten zoals poorters maken etc. – niet voorgevallen 078.2.2.8 som van alle ontvangsten cxxi l. viii s. iii d. gr. UITGAVEN salaris van de schout xxvii l. xix s. v d. gr. en salaris van de klerk xx s. = samen xxviii l. xix s. v d. gr. 078.2.2.9 bijdrage aan ADOLFF VAN CLEVE 225 peters 078.2.2.10 ander utgeven dair aff dat ghij heren den schoutet gelast hebt in synre naist voirgaende rekening vanden gueden JAN PEYSTERS die hem selven tot HILVARENBEEK verhangen hadde ende dair woenechtich was, so dat doen Jans voirs. vrinden van sijnen guede composicie maicten mitter schouthet om lx rijnsche gulden van toe seggen des schouthets dat hen die gueden al volgen souden, so dat Jan voirs. guede hadde liggen tot GESTEL by BEECK onder der VROUWEN VAN HEESWIJCK ende die guede niet en mogen volgen Jans voirs. vrinden byder remissien des schouthet gegeven van wegen myns genedigen heren dair aff die schoutet Jans voirs. vrinden affslaich van den gueden onder Gestell gelegen heeft moeten doen nochtans die schouthet xxxvi rijnsgulden gecregen hadde alst blijct in synre naist voirgaende rekening halff in behoeff myns genedigen heren ende halff in behoeff des HEREN VAN MOURODE [vgl.Merode] dair na die schouthet noch mer vervolgs dair op gedaen heeft ende wat vervolge dat hij dair om heeft konnen gedaen, heeft die schouthet noch gecregen ende ontfaen heeft iiii rijnsgulden halff in behoeff mijns genedigen heren voirg. ende halff tot behoeff des HEREN VAN PIETERZEM gedragen tsamen ter sommen van xl rijnsgulden alst blijct bij certificacien hier bij wesende, dair om den schoutet in syn naiste voirgaende rekening x rijnsgulden mer gelast dan hij heeft konnen gecrigen noch ontfaen heeft som van alle uitgaven xcviii l. xix s. v d. gr. 078.2.2.11 aldus is die voirs. schoutet hier sculdich xxii l. viii s. x d. gr. – daer aff den rentmeester van Brabant J. VAN OLMEN behoeren sal tontfane xi l. gr. – daerenboven is hij hier noch sculdich xi l. viii s. x d. gr. – ende men is hem noch sculdich x l. xv s. iii d. ob. gr. gedragen in de naeste navolgende rekening – also hier quite – gesloten xxi mertij anno lxviii 078.2.3.2 NIEUWE REKENING – YEWEYN DE MOLL periode Kerstmis 1468 tot en met Sint Jan 1469. 078.2.3.3 van JAN BUYSSEN geboeren van VENROEY uten lande van GELRE die aldaer doetgeslagen hadde HENRICK MYCHELET ende was daerom vluchtich inder meyerien van den Bosch, onthouden hem onder die smale heren met geleye, soe dat Jan voirs. onderwylen int heymelick onder des schoutet bedrive verkeerde ende waert by des schouthets dieneren gevangen ende ten Bosch opter poerten bracht ende den partien gesoent ende gebetert ende die schouthet vernam dat Jan gheen goet en hadde, liet hem die schoutet composicie maken voer xxv rijnsche gulden elken gulden tot xx stuvers van HANNEKEN MECHELMANS die REYNKEN VAN RUREMUNDE een quetsuer gedaen hadde dair af hij dair na van lyve ter doet quam dair Hanneken voirs. zeer onnozelyc in toe quam, want Reynken ende Hanneken voirs. quamen te samen buyten die KOEPOERT ten Bosch ende Reynken voirs. sloech Hanneken aen syn hoeft sonder ennich worde met hem te hebben ende Reynken ter stont Hanneken aenverden ende stak hem drie oft vier steke ende Henneken van Reynken voirs. gerne ontvloden hadde mer en konst niet ontslaghen geworden dat Henneken van noots wegen syn lyff verweren moeste alst blijct by certificacien hier by weesen, want Hanneken een arm knecht was ende gheen goet en hadde, soe hebben sommighen gueden luyden Henneken voirs. gegeven vi peters om goeds wille die welke hij betaelt heeft tot mynen genedigen heeren sinen behoeff elken peter tot xviii stuvers toe gerekent 078.2.3.4 ontvangsten uit breuken als vrede breken, huisstotingen, slaan van de overste schout etc. 078.2.3.5 van GERIT VAN DER HYNDEN die ten heyligen geswoeren hadde dat hij nyet gehouden en hadde want Gerit eenarm man was ende van rechter armoeden den termyn over hadde laten gaen doen hij geloeft hadde te betalenen, liet hem die schoutet syn composicie maken om ix rijnsch gulden van LAMBRECHT MARCELYSSEN die in de rechte tegen partyen tot LIT ….ende ten Bosch voer scepenen quam ende seyde hij hadde scepenenbrieve van den Bosch van dier zaken, daer aff dat hem die scepenen mitter statbrieve screven dat dat recht alder mede geschoerst waert ende men na bevant dat Lambrecht voirs. gheen scepenenbrieve van den Bosch dair aff hadde, waert Lambrecht bij terminacie van scepenen van den Bosch dair om gecondempneert minen genedigen heer te betalen xxv peters 078.2.3.6 van GHEERLIC DIE PULSER die ten Bosch gevangen waert om dat hy HEER JANNEN VAN OEFFEL dreyghelycke worden toe gesproken soude hebben gehaedt ende die schoutet doen verhoerden dat hij ter quader famen stont ende soe doen Gheerlicx voirs. goden meeste deel onder die smale heeren gelegen waeren, daer aff hij van alsulken mysgrepen als hij bekende voir scepenen van den Bosch gedaen te hebben ende die hier na genarreert staen, alzoe Gheerlick voirs. hem misgrepen hadde tot SCYNDEL aen wolle aen lynen laken aen slapelaken aen roey clederen ende aen enen budel die BARNAERT THYS in den wynhuys ten Bosch verloeren hadden, dair in was omtrent van xv peters van JANS wijf VAN LIESHOUT die Gheerlick voirs. een wijl tijts gehouden hadde tegen Jans danck, die selve noch bekende dat hij hem mysgrepen hadde aen scapen, aen byen ende aen hoppencruyt dat hij gevelscht hadde, daer af heeft hem die schoutet composicie laten maken om hondert leeuwen, elken leeuw gerekent tot xxx stuvers van BOUWEN CLAESSOEN die betichtet was dat hij by avont een maeght jonck wijf met hem leyden wouden tegen hueren wille ende waert dair om gevangen ende opter poerten ten Bosch geleit, soe dat doen Bouwen voirs. ter stont dat recht begherde ende die schoutet hem doen recht doen moest, ende soe verre in den recht quam dat Bouwen voirs. vonnislyck gecondempneert waert mynen genedigen heer te betalen iii rijnsch gulden 078.2.3.7 van HUYMAN ADRIAEN HUYMANSSOEN van DELFT die ten Bosch enen budel gesneden hadde daer in was omtrent van enen postulaet gulden ende waert daer om gevangen ende opter poerten ten Bosch geleit, want Huyman voirs. in der wanderinge ginck ende in der gasthuysen gevangen waert ende ten Bosch langen tijt gevangen sat ende die schoutet bynnen dien tyden anders van hem niet en verhoerden, liet hem die schoutet composicie maken voer xxiiii rijnsch gulden van HANNEKEN WILLEM STELARTSSOEN die hem mysgrepen hadde aen een hoeyck (?) ende waert dair om gevangen end eten Bosch opter poerten geleyt, want Henneken voirs. een arm lam man was ende anders gheen goet en hadde dan hij in die sterft pleecht te wynnen daer die PESTELLENCIE in regneerde, liet hem die schoutet zyn composicie maken voir x rijnsch gulden van DIRCK AELAERTS HELLEKENS wijf geboeren van der HOERST uten lande van GELRE ende betichtet was dat zij hoer ten Bosch misgrepen hadde in een herberge aen twe oft aen drie cleyner tennen schoetelkens ende waert daerom gevangen ende ten Bosch opter poerten geleit, want Dirck gheen goet en hadde anders dan zij wynnen moechte met goeden luyden te dienen ende hoer man allen hoer goet overbracht hadde ende die schoutet niet en const vernemen dat zij van den gelijcken meer gedaen en hadde, liet hoer die schoutet composicie maken om viii rijnsch gulden 078.2.3.8 eerst volgt de lijst van vuistslagen, messen trekken etc. en daarna beginnen de exployten uit de diverse kwartieren; exployten bynnen MAESLANT van DRIES GERITSSOEN die betichtet was van dat hij hem misgrepen hadde aen wat hout ende aen een koe die aldaer verloeren was mer van der koe niet belijen en woude, want Dries vors. een arm knecht was ende Andries voers. gheen goet en hadde dan hij swaerlyke aen die gueden luyde wynnen mochte met arbeyden, liet hem die schoutet composicie maken voir v peters 078.2.3.9 exployten bynnen PEDELANT van AERT BELLAERT die in enen gevechte tot ROEY was ende die vorster quam ende woudse vangen zoe dat doen die voerster een quetsuere creegh, want Art voirs. een schemel man was ende nyet vele en plach te vechtenen anders dan sij[n] werck plech te doen, liet hem die schoutet syn composicie maken voir viii rijnsch gulden
van HANNEKEN AERT CUYLMANSSOEN die een gemeyn sceper tot ZONNE was ende by synen scapen aen waeren gecomen een vreemdt scaepe ofte twee ende die selver Henneken heeft die wolle daer aff geschoren ende zyn profijt daer mede gedaen, want Henneken voirs. een arm knecht was ende anders gheen goet en hadde dan hij metter gemeynen scapen te hoeden wynnen moechte, liet hem die schoutet conposicie maken om x rijns gulden exployten bynnen KEMPELANT van COPPEN DIE VOLRE ende CORNELYS JAN BATENSOEN die daer by ende aen waeren ende mede hulper ende gesterker geweest hebben doen HEYN WYNEN tot BLADEL doetgeslagen heeft HEYNEN WAGEMANS want Coppen ende Cornelys voirs. twee arm schemel knechten waeren anders gheen goet en hadden dan sy wynnen moechten met cleder te maken, liet hem die schoutet by u heeren avyse composicie maken voer xv peters 078.2.3.11 exployten bynnen OESTERWYCK van MARIJ NULAETS die hoer cleder gestolen worden tot HILVARENBEECK by avont uyt hueren huyse ende zo voir hoeren man dat zij dair mede betichtede enen geheiten FRANCK PANIS mit synen wyve ende den schouthet claeghde ende woude dat bij brengen die schoutet beyde partijen dede vangen ende hen enen dach van recht setten ende zoe var in den recht quam dat dair af een hoeftvonnis ten Bosch gehaelt waert soe Mary voirs. doen in den hoeftvonnis gecondempneert wart om dat Mary huers immers niet volcomen en was, want Marij voirs. een arm wijf was ende die selve cleerkens ende hoer goet dat zij hadde daertoe verloeren, liet hoer die schoutet composicie maken voir vi rijnsch gulden [half de hertog en half de Heer van Merode]
WILLEM HINCKART onderschout van ‘sBosch, HENRICK HEYM schout van Maasland, HENRICK VAN ERPE schhout van Peelland, PETEREN VAN EYCK schout van Kempenland en WILLEM WYTEN schout van Oisterwijk – samen 125 peters 078.2.4.1 andere ontvangsten als poorters maken etc. geen verdere informatie 078.2.4.2 andere type ontvangsten waarin de volgende worden genoemd: van den brantscatteren transimenten ende die gene die dreygement deden oft bedreven van den poeytiers die op lichte vrouwen oft op anderen vrouwen leven; van den ledichghenghers die gheen renten en hebben noch komanschap hanteringhe noch gheen neeringe en doen daer op zij hem moegelyc soude ontdragen; van den ghenen die myt botteryen [= vals spel] oft mit valteryen [= valsheden] om gingen; van den bo[e]ven ende raubauwen die achter lande van haer broet gaen ende mechticht syn te wynnen; van den mannen ofte vrouwen die in openbaer overspeel bevonden worden oft daer ghemeyn fame aff is – geen ontvangsten uit dze rubriek!
UITGAVEN
salaris van de schout xxvi l. i s. ii d. gr. en van de klerk xx s. = samen xxvii l. i s. ii d. gr. 078.2.4.4 bijdrage aan ADOLFF VAN CLEVE 225peters 078.2.4.5 andere uitgaven o.a. JUSTICIEGELDEN uit berechtingen: ten Bosch metten swerde gerycht DIRCK VAN DEN HOVEL overmits transement ende fortse die hij tot SCYNDEL gedaen ende bedreven hadde; ten Bosch gerycjt metten zwerde WILLEKEN KOCKEM overmits transement dat hij by den Bosch gedaen hadde ende oeck laken gestolen hadde; ten Bosch metten zwerde gerycht GOEYEN DIE MOLNER geboeren van PELT om dat hij DIGNEN HEYN AELEN tot LOMMEL tegen hueren wille ende tegen hueren danck genomen hadde ende oec dat hij aldaer dreygement bedreven hadde; ten Bosch GOEYKEN MEUS syn hant affgehauden om dat hy den schoutet vier bendige wonden schuldich was ende konste niet betalen ende oeck dikwyl tot des heeren dieners geseeght heeft zij en dorstens nyet vangen ende doen zy en vynghen stelde hij hem alsoe verre ter were ende sloech ende quetste die dieners ende hij seyde hadde hij aen syn daghe konnen comen sij en souden hem op die tyt nyet gevangen hebben; 078.2.4.6 tot OS metten zwerde gerycht enen geheiten quade WOEYT VAN MIERLE overmits enen doetslaech die hij bij VILVORDEN hadde gedaen in enen wandellere ende oec dat hij met DIRCK VAN BILSEN ende noch enen anderen die hij synen naem nyet en wyst hadde helpen doen by REMONDE enen moert; som van alle uitgaven xcvii l. i s. ii d. gr. – aldus is die voirs. schoutet hier schuldich xviii l. xii s. iiii d. gr. – ende men is hem sculdich byden eynde zynre naister voirgaende rekening die somme van x l. xv s. iii d. ob. gr. – blijft dat hij noch schuldich is vii l. xvii s. ob.gr. – hier af is verantwoordt ende ontfanck gemaict by der 7de ende leste rekening JANS VAN OLMEN van den ontfange generale van Brabant van den jaer teyndende ultima septembris 1469 folio xliiii – niettemin hij is schuldich quit dair op dienende – gesloten 3e augustus 1469. 078.2.4.8 en 078.2.4.9 Franstalige commissiebrief ondertekend en gecollationeerd door secretaris MEERBEKE voor YWAEN DE MOL i.v.m. zijn benoeming als hoogschout van ’s-Hertogenbosch 078.2.4.10 NIEUWE REKENING – YEWEYN DE MOL periode Sint Jan 1469 tot en met Kerstmis 1469. 078.2.4.11 van HEYMAN VAN MALSEN, HEYMAN DIE POELE ende OTTE TERLINCK die ten Bosch buyten die ORTENPOERTE doetgeslagen hebben CLAES FLORISSEN VAN HEMAERT ende hielden hem dair om ut des heren hande soe dat Heyman ende Otte voirs. guede gelegen waeren onder die heerlicheit van EMPELE ende oec eens deels Heymans voirs. gueden, zo dat die schoutet vernam dat zij niet ennige composicie gemaect soude hebben om xv peters, ter stont dede die schoutet een claechelycke gedinge leggen om van mijns genedigen heren wegen trecht te doen metter doeder hant ende twe daige lanck rechtvorderinge gedaen ter sprake van gueden mannen, heeft hen die schoutet composicie laten maken by avisie van den heeren om hondert leeuwen elken leeuwe gerekent tot xxx stuvers van WELLEN VAN ORTEN die ten Bosch opter MERCT by avont gequetst heeft DYELIS DIE VONDELINCK dair aff hij van lyve ter doet comen is ende hielt hem dair om ut des heeren handen in HOLLANT met geleyde ende elwair ende vrunden ende magen ende kan gevinden dair hy aen beteren moechte na synre macht, want Wellen voirs. gheen eighen goet en heeft ende syn broet pleecht te wynnen in cnaepscappen met schoone te maken, heeft hij sijn composicie gemaect metten schoutet by u heeren avisie om x peters [met notitie in de marge] 078.2.4.12 van MARTEN VAN VUCHT die een medeplichter ende een toeloeper mede was doen JAN GOESSEN MEYNARTSSOEN ten Bosch omtrent van x jaeren geleden opten ORTTENEYNDE doetsloech enen geheyten HANNEKEN DIE GEISER, want Marten voirs. dair nyet bij en was ende dair een stuck af was ende gheen eighen goet en heeft anders dan hy met spelmaken wynnen mach, heeft hem die schoutet composicie laten maken bij weetenen van den voirs. heren om viii peters
van JAN BERWOUT die affdragende worde in der vierschairen ten Bosch gesproken heeft op BOUWEN VAN BOCKHOVEN synen swagher dair hij tegen in deen rechte stont ende dair aff gecalengiert wart ende soe dat Jan voirs. dair aff leeghde syn ho[e]ft in der heeren schoet - bij terminacien van den scepenen waert Jan voirs. gecondempneert te beternisse te betalenen mynen genedigen heer vi rijns gulden van PETER WILLEMSSEN een scipknecht die betichtet was van fortselycken saken ende dair om gevangen end eten Bosch opter poirten geleyt waert ende dair af ter proven gestelt wart dwelc die schouthet alsoe aen hem niet en bevant want Peter voirs. een arm knecht was ende syn broet mit arbeyden plech te winnen, liet hem die schoutet composicie maken om iiii rijnsch gulden 078.2.5.3 van LUCAS COMEN JANSSOEN die befaemt was van gewouden ende fortssen dat hij bedreven souden hebben gehadt tussen BOCXSTEL ende DEN BOSCH ende waert dair om ten Bosch aengetast, soe in den aentasten doen men Lucas voirs. vangen soude sach Lucas voirs. jon[g]ste broeder die geheiten was HENNEKEN quam heymelick van achter geloopen ende stack enen roeydreger geheiten ADRIAEN dat hij van lyve ter doet quam ende Lucas voirs. dair om meniger tyt opter poerten bleef ende die schouthet hem gerne dicwil dair aff over hem justicie gedaen hadde, mer die voirs. Lucas niet belijen en woude van ennige misdade die hij gedaen hadde ende dairna die partien gesoent, liet hem die schouthet voirs. alsoe verre alst Lucas voirs. van dien dootslaege aenclevende syn composicie makem om xv peters ende van den gewoude souden hem die scepenen terminacie gegeven hebben welke terminacie die scepenen voirs. byden nuwen scepenen broecht die welke van den saken wael getugen ….zynde den selven Lucas indiceerden der justicien alsoe dat hij ten …………………………huere voirs. penninghen weder gekeert wouden hebben, des die voirs. schouthet niet en heeft willen doen ……………………iii l. vii s. vi d. gr. 078.2.5.4 eerst de lijst van breuken zoals vuistslagen etc. en daarna exployten binnen MAESLANT van JANNEN DIE COSTER die tot OS van lyve ter doet broecht heeft eenen geheyten JAN COEMANS ende dairvoir vluchtich was ende woenende in den lande van GELRE ende is geleden omtrent xviii jaeren, soe Jan voirs. egheen eygen goet en hadde heeft hem die schouthet syn composicie laten maken by avise van den heeren om xv rijnsche gulden 078.2.5.5 van JAN AERT DIELISSOEN die op ander luyde erve gehouden hadde een voeder rijs ende tot synen huys gevuert hadde ende waert dair om gevangen want Jan voirs. een schemel arm man was ende tot gheenre quader famen en stont, liet hem die schouthet composicie maken voir ix peters exployten binnen PEDELANT van SERVAES JOESTEN VAN GARWEN die van lyve ter doet broecht heeft AERT GYSBRECHTSSOEN VAN DEN DIJCK ende dairvoir vulchtich was in den lande van GELRE ende elwaer want Servaes voirs. egheen eygen goet en hadde anders dan syn vader in tocht besat bij avise van den voirs. heeren heeft hem die schouthet composicie laten maken om xl rijnsche gulden want den schouthet meeste profijte dochte voer mynen genedigen heer dair hier in gelde xl rijnsche gulden [met notitie in de marge] 078.2.5.6 van CLAES JAN EVERAERTSSOEN die hem misgrepen hadde aen een pert tot LIESHOUT ende aen wat lynen garens ende befaemt was van enen pert dat tot GESTEL verloeren was des hij niet bekennen en woude, want Claes voirs. een arm knecht was ende gheen goet en hadde anders dan hij met arbeiden winnen mochte, liet hem die schouthet composicie maken om ix rijnsche gulden exployten binnen KEMPELANT van HEYN WYNEN die tot BLADEL met COPPEN DIE VOLRE ende CORNELIS JAN BATEN SOEN doet geslagen hebben HEYNEN WAGEMANS dair aff dat Coppen ende Cornelis voirs. gepasseert ende gerekent is bij beheeren want Heyn voirs. een arm knecht is ende gheen rycke mage en heeft dair hem ennich goet aen sal mogen sterven 078.2.5.7 ende syn broet met cleder te maken te winnen plech heeft hij metten schouthet gecomponeert by avise van den heeren om viii peters van WILLEM VAN DER BRAKEN ende HEYN syn soene die tot OIRSCHOT van lyve ter doet broecht hebben HEYN DIRC ROELKENSSOEN dair hij zeer onnoselyc in toe quamen,want Willem mit synen soene ende mit synen huysgesinne des savonts over taeffel in synen huyse sat ende die voirs. Heyn Dirck Roelkenssoen quam dair inne ende begonste dair omninne te maken want hij Willems voirs. wijf sloech ende dair na Willemen soe dat Willem voirs. ende syn soene huer lyve moeste bij avont in hoer selfs huys verweren, dair sij Heyn Dirck Roelkenssoen niet gebeden en hadden, ende dair na Willem voirs. gestorven is ende Heynen synen soen zeer cleyn goet liet boven den commer, liet hem die schouthet composicie maken om xviii rijnsch gulden half in behoeff mijns genedigen heren dander helft in behoeff des heeren van Merode ende dair aff met meer gehadt en heeft alst blijct bij certificacien hier bij weesende dair om hier ix rijnsch gulden 078.2.5.8 exployten binnen OESTERWYCK van WILLEM VAN DEN HOEVE ende HANNEKEN PETERSSOEN VAN DEN HOEVE die met HEYN VAN DUYNE ende HENNEKEN syn soene met meer anderen in enen gevechte tot BEKE doet geslagen hebben KORSKEN JAN KORKENSSOEN ende Willem ende Henneken Peterssoen van den Hoeve voirs. zeer luttel goets hadden dair die heer die hant aen hadde ende dair na partyen gesoent ende gebetert by avise van den voirs. heeren heeft die schouthet Willem van den Hoeve ende Henneken Peterssoen van den Hoeve huerer composicie laten maken om xl peters [half de hertog half de Heer van Merode]
HOEVE ende PETERSSOEN VAN DEN HOEVE voirs. HANNEKEN COSTENSSOEN VAN DEN DIESSEN ende WOUTKEN VAN DEN HOEVE mede befaemt waeren dat zij mede oeck in den gevechte waeren doen Willem van den Hoeve, Hanneken Peterssoen van den Hoeve, Heyn van Duyne ende Hanneken zyn soene doet geslagen hebben tot BEKE KORSKEN JAN KORSKENSSOEN voirs. is dair aff dat Henneken Costenssoen van Diessen mitter recht quitgegegaen ende Wautken van den Hoeve voirs. metten drossaert van Brabant gecomponeert heeft, zoe dat Heyn van Duynne ende Hanneken syn soene onder die heerlicheit van TILBORCH woenende ende zeer luttel goets hadden bij avise van den heren voirs. heeft die schouthet Heynen van Duynne ende Hanneken syn soene voirs. huer composicie laten maken om xlii rijns gulden [half de hertog en half de Heer van Merode] van CLAES AERT HOEFKENSSOEN ende THONIS GERIT ROBBENSOEN tot ENSCHOT by OESTERWYCK doet geslagen hebben enen geheyten WOUTKEN JEGHERS dair voer vluchtich waeren ende gheen eygen goet en hadden, dair die heer die hant aen mocht slaen ende dair na partyen gesoent ende gebetert by avise van den heren voirs. heeft hem die schoutet composicie laten maken om xviii peters 078.2.5.10 WILLEM HINKAERT onderschout van ‘sBosch, HENRICK HEYM schout van Maasland, HENRICK VAN ERPE schout van Peelland, 078.2.5.11 PETEREN VAN EYCK schout van Kempenland en WILLEM WYTEN schout van Oisterwijk – ontvangsten uit de VORSTERIJEN binnen de Meierij van ‘sBosch via de rentmeester van Den Bosch 078.2.5.12 ontvangsten van poorters maken etc. – geen nieuwe informatie Yüklə 405 Kb. Dostları ilə paylaş:
|