80
qayanın üst tərəfiynən gedərdilər Bağırsaq dərəsinə. Bağırsaq şəkilli
uzun dərədir, nə qədər gedirsən qutarmır. Çoban da dincəlmək isdiyir,
çatığı ala bilmir. Ordan da Hajı Söydümalı körpüsünə çatırdılar. O
tayda bizim yurdlar görükürdü, uşaq kimi sevinirdik ki, yaylağa
çatmışıq.
Yaylağa axırıncı köçümüz min dokquz yüz doxsanıncı ildə
oldu. Həmin ilin payızında Vəngin dərəsində tərəkəmənin köç
yolunun qabağı kəsildi, orda güllələnən, yaralanan da oldu. Axırı
məjbur oldular Həkəri çayı boyunca Gəyən düzündən düşdülər
Arazboyu gəldilər çıxdılar bura. Nə qədər mal-qara yolda ajınnan
qırıldı.
105.
Su olmuyub burda. Oba yaylağa gedəndə Aranda qalana ağla-
şırlarmış. Nənəm Tükəz söhbət eliyərdi ki, Eyvaznan Alı adında iki
qardaş olub. Eyvaz xəsdələnib, qoyublar qalıb burda. Ağlaşıblar ki,
bu öləjək. Qayıdıf gələndə görüflər ki, salamatdı. İkinci dəfə qar-
daşı da qalıf bunun yanında. Oba dağa gedəndə birinin bir ağırrığı
olanda deyif, apar qoy Eyvaznan Alının yanına. Eyvaznan Alı
soora oluf Eyvazalılar.
106.
Bizim kənd çılğın kənddi. Biri maa bir söz desin, onu mütləq
yerində oturtmalıyam. Sovet hökumətinin vaxtında heç bura polis
girmiyib. Kimsə bir xəta eliyib gəlib bizim kəndə sığınsa, camaat
onu ələ verməzdi, müdafiə eliyərdi. Yazmaq-pozmaxnan aramız
olmuyub. Məsələn, Əhliyar sovetdikdə işliyir, on dənə nöqsanı var,
götürüm onnan yazım. Yox. Yazmaq-pozmaq bizim kəndlik döyül.
Gəlib deyərik ki, çıx get öyündə otur. Bizim kənddə neçə sədr olub,
addımını düz atmayıb, camaata baxmayıb, gedib idarənin qapısına
mismar vurublar. Gəlib çəkəndə görüf bağlıdı, ona aydın idi. De-
məli, camaat istefasını tələb edirdi, gedib oturordu öyündə.
81
107.
Sarımsaxlı, Qızıltəpə, Dəvəgözü yaylaqlarımız idi. Köç vaxtı
Ergi düzündə, Ağdamı keçənnən soora Tuğun gədiyində Kor bulax
vardı, orda düşərgə salırdıx. Ordan keçirdik Xaçın çayında, soora
Vəngdə – Doşannıda düşərgə salırdıx, ordan keçirdik Talalara,
soora Taxtabaşına, ordan Əvəlikli yurda, ordan Çilgəzi, Uzunyalı
keçib gedirdik İstisuyun başının üstünə. Tərtər çayının mənbəyin-
dən – Hajı Söydümalı körpüsündən keçib İstisuyun taxtasında
Ceyran bulağında düşərgə salardıq. Gəlinqayanı da keçənnən soora
öz yurtdarımız başlıyırdı. Yolçuluq 15-20 gün çəkirdi. Yolda yaxşı
otlaq olanda bir az da ləngiyirdik ki, qoyun yaxşı yesin. Qabaxlar
aprelin axırı burdan tərpənərdik, bir may bayramını İstisu yayla-
ğında qeyd eliyərdik. Orda biri may çalası vardı, camaat yığılıb biri
mayı orda qeyd eliyərdi.
Oba dağdan qayıdanda sentyabrın axırı gəlib qışlağa çıxırdı.
Onda da qışlaq yerindəki quşotu, qarağan, söysök, sarıbaş kimi
heyvan yeyən otların hələ ajı vaxdıdı. Ona görə o vaxdı qoyun onu
yemir. Harda yonca sahələri var, su tutan yerlər var (o vaxdı həmin
sahələr göylük olurdu) heyvanı orda bejərif, noyabrın axırı, dekabr-
da qış yatağına gələrdi. Onda da həmin otlar artıq şirinləşirdi,
heyvanlar da onu yeyirdi. Payızdığımız Arazyaxasında olardı.
108. TATALILAR
Şirinqum, Qaratəpə, Küratan tatalların qışlaq yeri olub. İstisu,
Qızıltəpə, Sarı yer, Alxan çayı, Qaraxaç, Yanıx, Dəvəözü, Yüz-
bulax bizim yaylax yerlərimiz oluf. Dədə-babadan Novruz bayra-
mını eliyif, bayram aşını yeyif dağa köçüflər. Çünki burda artıx
temperatur qalxır, heyvan qızdırır deyə çox saxlamaq olmur. Bizim
dövrdə isə aprelin axırından köç başdıyardı. Kəlbəcərin İstisuyu
bizim yazdax yerimiz idi. Yaz ayını orda keçirərdik. Həm oranın
otu tez yetişir, həm də havası isti olur. Elə ki yay girdi, onda gedər-
dik Sarı təpəyə, Qızıl təpəyə, Dəvəözünə, Qaraxaça, Yeddibulağa.
Payızdığımız da oluf Küratan. Küratanda hər kəsin öz yeri vardı.
82
Malı orda saxlıyardı, qoyunu isə Şirvana, Muğana aparardı. Yazda
köçüb gələrdi. Yazdağın Küratanda eliyərdi, ordan da köçərdi dağa.
Köç iyirmi-iyirmi beş gün çəkirdi. Taxtabaşı, Çilgəz, Uzun-
yal, Yeddibulax, Xıdırrı yolu, Qara qaya, Narışdar, İldırımvuran
qaya bizim düşərgələrimiz idi. Kim harda gəldi düşərgə sala bil-
məzdi. Dövlət tərəfindən yerlər ayrılmışdı, düşərgələrimizi orda sa-
lardıx. Adətən bir gün qalırdıx. Elə yer olurdu otu çox olurdu, iki-üç
gün də ləngiyirdik. Bunnan qabax çox adam öküz saxlıyırdı. Erkək
malı balaca vaxdı burullar, böyüyəndə yaxşı yük götürür. Camaat
fərməşin, taxılın ona yüklüyüf gedərdi. Kimin dəvəsi vardı, dəvəsin
yüklüyüf gedərdi.
Mənnən qabax Xonaşendə hərənin bir az yeri varmış. Orda
taxılı əkif gedəllərmiş dağa. Biçin vaxdı gəlif taxılı biçdirəllərmiş,
yığallarmış oraya, genə qayıdallarmış dağa. Dəvə dağda çox qala
bilmirdi. Yay yarı olanda dəvələri götürəllərmiş, qoyunu, çobanı
dağda qoyuf köçüf gələrlərmiş Xonaşenə. Orda taxılların döydürəl-
lərmiş.
Bu yerlərdə oturaxlığımız müharibədən soora oluf. Özü də biz
İmişliyə tabe idik. 1939-cu ildə buranı rayon düzəltmək üçün yeddi
qalxozu – Bağırov, Kaqanoviç, Stalin, Varaşilov, Kirov, Budyonnu
qalxozlarını İmişlidən kəsib verdilər bu rayona. Sifdə qalxozu
gönüllü təşkil eləmişdər. Qalxozda o qədər mal yoxuydu. 39-cu ildə
ustav qoyuldu, hərəyə 20 qoyun, bir inək, bir düyə, bir at, bir də bir
dəvə verdilər, qalanını da yığdılar qoydular qalxoza.
109-110. AŞIQLI
Kənddəki tirələr: nəbilər, bayarmalılar, hüsöyünlü, çıraqlı,
qıyişdanlı
14
, maşadılar, qurbanlı, dəmirçilər.
Aşıqlının bir dəstəsi də Göygöl rayonundadı. Olar burdan get-
mədir. Əvvəl get-gəl vardı, 1941-45 müharibəsinnən soora bizim
aramız kəsilif. Bizim camaatın aşıq sümüyü çox uzun olduğuna
14
İşdanlarını qıyla bağladıqları üçün onlara belə ad verilib.
Dostları ilə paylaş: |