90
səbəbi ilə yeniləşmənin qaçılmaz zərurət halına gəlməsi
qənaətindən çıxış edərək, bu məsələdə öz baxışlarına haqq
qazandırma yolunu tuturdular. Təzyiq göstərən digərləri –
mühafizəkarlar isə, yeniləşmənin təxribat doğuracağı fik-
rindən başqa heç bir şey düşünməməkdə və alternativ bir
həll yolundan da uzaq durmaqda idilər.
Azərbaycanda yeniləşmə prosesinə və o cümlədən qadı-
nın ictimai və sosial həyatda iştirakı məsələsinin müzakirə-
sinə hələ XIX əsrdən başlanılmışdı. Bu problemləri ilk dəfə
sistemli şəkildə, geniş miqyasda və rəsmi dairələrdə qaldıran
şəxs M.F.Axundov (mühacirət ədəbiyyatında Axundzadə)
olmuşdur. Belə ki, hürriyyət fikri, insanlıq şərəf və heysiy-
yəti, düşüncə sərbəstliyi və hər cür istibdad təzyiqindən
qurtulma əzmi M.Fətəli yaradıcılığının əsas motivini təşkil
edirdi. O, bu azadlıqları boğan bütün siyasi, ictimai və dini
təşkilatları böyük bir məharət və sənətkarlıqla qələmə aldığı
əsərlərində amansızcasına ifşa edirdi. XVIII əsr Avropa
mütərəqqi fikirlərinin Şərqdə bir təmsilçisi kimi çıxış edən
M.F.Axundzadə insan haqlarının – söz azadlığı, dini və
fəlsəfi düşüncənin sərbəstliyini tələb edirdi. Cəmiyyət həya-
tının hər sahəsində cinsindən asılı olmayaraq bütün insan-
ların hüquq bərabərliyini, insani haqlarını arzulayırdı. Onun
fəlsəfi əsərlərinin ana xəttini təşkil edən fikirləri ümumi-
ləşdirilmiş halda belə ifadə edə bilərik: elm təhrif olunmuş
dinçiliyin məngənəsindən qurtarmalı, sivil dünyanın təcrü-
bəsindən bəhrələnərək islamiyyət əsaslı surətdə islah olun-
malıdır. Bu islah müasir mədəniyyətin ruhuna uyğun olmalı,
insanların haqq və azadlıqlarının bərqərar olmaları əsasına
dayanmalı, siyasi təşkilatların tədbirli şəkildə islahı surətilə
Şərq istibdadı məhv edilməli, müsəlman qadın və kişilərinin
ümumi və məcburi təhsilini təmin edən bir dövlət rejimi
qurulmalıdır. Belə bir rejimin bərqərar olması üçün ilkin şərt
olaraq əlifba islahatının vacibliyini zəruri hesab edən
91
M.F.Axundzadə ərəb hərflərindən latın hərflərinə keçilməsi
təşəbbüsündə olmuş, bununla bağlı İstanbula getmiş, Teh-
rana müraciət etmişdir (133, s. 380-386; 125, s. 15).
M.F.Axundovun müsəlman dünyasına mənsub ziyalılar
zümrəsinə qarşı böyük bir imanla müdafiə etdiyi islahatçılıq
sistemi, Şərqdəki mütləqiyyət ideologiyasından Qərbdəki
hürriyyət ideologiyasına keçmək zərurətini duymaqdan do-
ğurdu. “Bu yolla ağıl “nakilden”, təcrübə “nasden”, iradə
əmrdən, hürriyyət zərurətdən xilas olacaq; din dünyadan
ayrılıcaq, milli hakimiyyət avtoritar səltənətindən qurtu-
lacaqdı” (124, s. 1-2).
Yeniləşmə prosesinin əsas simaları olan M.F.Axundov
və H.B.Zərdabinin digər fəaliyyətləri ilə yanaşı qadın prob-
lemi ilə bağlı gördükləri işlər istər müasirləri, istərsə də
sonrakı nəslin nümayəndələri tərəfindən həmişə qədirşünas-
lıqla xatırlanmışdır. Həm XX əsrin əvvəllərinin mətbuatında,
həm cümhuriyyət dövrünün mədəniyyət quruculuğunda bu
təcrübədən faydalanma səylərinə dair saysız-hesabsız faktlar
gətirmək olar. Eləcə də mühacirət mətbuatından tutmuş
sovet ədəbiyyatına qədər bu iki böyük şəxsiyyətin xidmətləri
həmişə nümunə məktəbi kimi diqqət mərkəzində olmuşdur.
M.B.Məmmədzadə “Qadınlara hürriyyət” başlıqlı məqalə-
sində yazırdı ki, komediyalarında qadına mühüm mövqe
ayıran və qadını evinə və ərinə sadiq, bəzən kişisindən daha
cəsur və daha zəki bir müsbət tip olaraq canlandıran Mirzə
Fətəlidən sonra bu mübarizəni davam etdirən Məlikzadə
Həsən bəy, ogünkü şərtlər daxilində, Azərbaycan qadınını
“ərinin köləsi” hesab edir və millətin bütün fərdləri ilə
birlikdə onların da hürriyyət işığından pay almaları arzusunu
dilə gətirirdi. M.B.Məmmədzadə belə bir məqamı xüsusilə
vurğulayırdı ki, Həsən bəy, yalnız türkcə ilk qəzeti (“Əkin-
çi”) çıxaran bir mühərrir və ilk teatrı quran bir sənətkar
deyildir. Bütün bunları maarifi yaymaq uğrunda bir vasitə
92
hesab edən Həsən bəyin ana davası ana dilində müasir
məktəb idi. Və bu davada Azərbaycan qadınını və onun
təhsil və tərbiyəsini ön planda tuturdu (112, s. 3).
“Tərcüman”ın 3 mart 1896-cı il tarixli 9-cu sayında isə
İ.Qaspıralı yazırdı: “Həsən bəy Rusiyada ilk olaraq “Əkinçi”
adında milli qəzet təsis etmişdi. Bu cəhətdən ustaddır. Bu
dəfə Bakıda müsəlman qızlarına məxsus məktəbi fənniyə
təsisi üçün ruhsat tələbində bulunuyor. Həsən bəyəfəndi
həqiqət, hamiyyət nümunəsi bir şəxsdir-zattır. Gənc zama-
nını mətbuata, ixtiyarlığını maarifə və bütün ömrünü isə
milliyyəyə vermişdir”. Sonralar məhz bu ziyalıların təşəb-
büsü və mənəvi dəstəyi ilə Z.Tağıyevin açdığı ilk qız lisəsi
qadınların təhsil və tərbiyəsində mühüm rol oynamışdır.
Millət xadimlərinin bu böyük təşəbbüs və fəaliyyətlərini
qiymətləndin M.B.Məmmədzadə bu səylərin dəyərini dərk
etməyənlərə “Mədəniyyətli və tərbiyəli anaların əllərində
bəslənmiş uşaqların gələcəkdə millət xadimi və camaata
xeyir və fayda verən bir şəxs olacaqlarına əsla şəkk və şübhə
edilməməlidir” – deyə müraciət edir, bu sahədəki bütün səy
və həmlələrin millətin mövcudiyyəti və istiqlalı üçün edil-
diyini yazırdı: “Bunun üçün də ailədən başlanırdı. Çünki
“Ruhulkava
nin” müəllifinin də dediyi kimi, bir millət bir çox
ailələrin məcmusundan ibarət böyük bir ailədən başqa bir
şey deyildir. Ailədə hökm sürən qanun və nizamlar, eyni ilə,
o millətin ictimai həyatına və sonraları, siyasi həyatına da
hakim olur” (112, s. 3-4).
Hadisələrin sonrakı gedişi də təsdiqlədi ki “ailənin təməl
daşını təşkil edən ananın qucağını “ilk məktəb” olaraq alan
və milli mövcudiyyətin özü hesab edilən o qucağın mədə-
niyyət və irfan ocağı halına gəlməsinə çalışan mətbuatın
əməyi boşa getməmişdi” (112, s. 4). Və təbii ki, M.F.Axun-
dovun səpdiyi ideya toxumlarının cücərməsi üçün XIX əsrlə
müqayisədə XX əsrin əvvəllərində daha münbit şərait
Dostları ilə paylaş: |