O’zbekiston respublikasi oliy va o’rta

Aholining bandligi – ijtimoiy ishlab chiqarishni fuqarolik sektorida band bo’lgan va mamlakat qonunchiligi tomonidan aniqlangan normalarga mos ravishda hisobga olinadigan mehnatga layoqatli yoshdagi aholi.
Aholi bandligi muammosi – bu insonlarni mehnat faoliyatiga jalb etish muammosi va ularning mehnatga bo’lgan ehtiyojlarini ish o’rinlari bilan qanoatlantirish darajasi.
Bandlik darajasi – bandlar umumiy sonini mehnatga layoqati yoshdagi aholi soniga nisbati.
Balans usuli – o’zaro bog’liq ko’rsatkichlarning bog’lanishini va muvofiqlashtirilishini ta’minlash uchun foydalaniladigan usullar yig’indisi tushuniladi.
Baho – tovar qiymatining pul orqali ifodalanishi.
Byudjet davri – byudjetni ijro etish jarayonini amalga oshirish vaqti.
Byudjet–soliq siyosati – byudjet siyosatida byudjet xarajatlari va daromadlarini shakllantirgan holda uch xil byudjet siyosati yuritiladi. Byudjet xarajatlari, transfer xarajatlari shaklidagi xarajatlar. Daromadlar esa uch manbadan kelishi mumkin: soliqlardan, xazina tomonidan chiqarilgan qimmatbaho qog’ozlarning sotilishidan va ma’lum qismi markaziy banki emissiyasi hisobiga. Shunga ko’ra davlat xarajatlari va daromadlarni boshqarish orqali byudjet siyosati yuritiladi.
Byudjetdan mablag’ oluvchi (byudjet muasasasi) – bu ijroiya hokimiyati organi tomonidan notijorat xususiyatiga ega bo’lgan Funksiyalar (boshqaruv, mudofaa, ijtimoiy-madaniy tadbirlar va b.)ni amalga oshirish uchun tashkil etilgan va smeta tartibida moliyalanuvchi tashkilot.
Byudjet daromadlari – davlatning qonun hujjatlariga muvofiq davlat hokimiyati va mahalliy o’zini o’zi boshqarish organlarining ixtiyoriga beg’araz va qaytarishsiz tartibda kelib tushuvchi pul mablag’lari.