P. O. Box 126, Richmond, Surrey tw9 2UD, uk
Yüklə 9,74 Kb. Pdf görüntüsü
|
339 İstinadla kifayətlənib, məzmuna diqqət yetirmək – bu ki tədqiqatçı alimlərimizin rədd etdikləri qəribəliklərə qapı açmaqdır! Yuxarıda dərc etdiyimiz fitvadan məlum olur ki, hər şey- dən qabaq Quranı dəlil seçmək lazımdır. Onu da dedik ki, əqidə mövzularında “ahad” hədislər təkbaşına dəlil rolunu oynaya bilmir. Bir şeyi tövsiyə edək ki, Quranı düşünərək oxuyub, on- dakı məlumatları uzun-uzadı təhlil etməklə yanaşı, hədisləri də ayələr kontekstində araşdırmaq lazımdır. O kəslər ki, ayələrin üstündən ötəri keçir, bəzi hədislərdə isə dərinə dalırlar, onların bu yanaşması qəbuledilməzdir. Quran qarşısında kor, hədislər qarşısında isə dirigözlü ol- maq doğru deyildir. Bəzilərinin ağzından çıxmış belə bir iyrənc söz eşitmişdim: “Quranın hədislərə ehtiyacı hədislə- rin Qurana ehtiyacından daha çoxdur”... Bax buna deyərlər tərəflərin yerini səhv salmaq! Biz həm Qurana, həm də hədislərə (Sünnəyə) inanırıq. İnanırıq ki, Quran kökdür, Sünnə – budaq (və ya: Quran əsasdır, Sünnə ikinci dərəcəlidir)! Biz əmin olmalıyıq ki, bu və ya digər hədis Peyğəmbərin dilindən səslənib, ya yox! Bunu da ki həm istinadı, həm də məzmunu birlikdə götür- məklə müəyyən etmək mümkündür... Elmdə söz sahibi alimlərin, mötəbər kişilərin yolu məhz budur! Bu yoldan qeyrisinə etibar edilməz! İslam elmləri bir dəryadır: həqiqətlərə əsaslandıqda möh- təşəm mədəniyyət yaratmışdır; xurafat və xülyalar onu çul- 340 ğayıb “dayazlatdığı” zaman ümmət də əldən getmiş, mədəniy- yəti də! Peyğəmbərin ailəsinə axirət cəzasını, qəbir mükafatı və əzabını xatırlatmış(!) yəhudi qadının əhvalatına qayıdaq. Sən demə, Peyğəmbər bundan qabaq heç nə bilmirmiş!!! Görəsən, yəhudi qadın bunu haradan öyrənmişdi? Mu- sanın Əhdi-ətiqdəki Beş Kitabındanmı? Söhbət Tövratdan gedir. Tövratda isə cənnət və cəhənnəm, savab və cəzalan- dırma haqda heç nə deyilmir! Tövrat dünya həyatını amal bilib, başqalarından seçilməyi düşünən bir xalqın maddiyyat kitabına çevrilib. Bu xalq xeyir işləməklə, şərdən əl çəkməklə axirət həyatı- na can atmır, savabın da, cəzalandırılmanın da, az qalsın ki, bu dünyada olduğuna inanır! Yəhudilər axirətə o qədər də can atmayan xalqdır. Düzdür, bəzi “kitablar”da (Musanın Beş Kitabından söh- bət gedir – mütərcim) cənnət, cəhənnəm, ruhlar aləmi haq- da cüzi məlumat vardır. Amma, dediyimiz kimi, bu məlumat çox cüzidir... Bu səbəbdən mən qəbir mükafatı və əzabı haqda deyilən- lərin bu yəhudi qadının ağzından çıxdığına şübhə edirəm... Məlum hədis məna baxımından Qurana və “mənaca mü- təvatir” adlandırıla biləcək hədislərə ziddir. Həmçinin, bu hədisin bir yəhudi qadın tərəfindən rəva- yət edilməsi Böyük Səhradan suyun axıb-keçməsinə oxşayır, – bu ki xariqüladə şeydir! Buna baxmayaraq, hələ bir de- yirlər: “Hədisin istinadı Buxari və Müslimin səhihlik şərt- 341 lərinə görə səhihdir. Amma onlar bu hədisi rəvayət etməyib- lər”. Buxari və tələbəsi Müslim bu hədisi rəvayət etməyəcək qədər ağıllı adamlar olmuşlar. Məzmun ziddiyyətlidirsə, sə- hih istinad heç bir işə yaramır... Xülasə, Sünnə Quranın açıqlamasıdır, ondakı yaxın və uzaq mənalarla səsləşən açıqlamadır! Elə isə hədislərin Qu- rana zidd məzmun daşımağı, əks hökm ifadə etməyi qeyri- mümkündür. 342 Onuncu fəsil ƏRƏB DİLİ VƏ ƏDƏBİYYATININ GƏLƏCƏYİ Son əsrlərdə islam coğrafiyasına hücum çəkmiş səlibçi müstəmləkəçiliyin planları hamıya məlumdur. Bu müstəmləkəçiliyin ən mühüm və açıq-aşkar məqsədi müsəlmanların dini kimliyini (şəxsiyyətini) yox etmək, onları ərəb dilinə bağlayan “ip”ləri tədricən kəsmək idi. Hər hansı bir toplumda islam və ərəb dili ortadan qaldırılarsa, o top- lumu əsarət altına almaq üçün o qədər də zəhmət çəkmək lazım gəlməyəcəkdir. İmanı və dilindən, yaxud da mənəvi-linqvistik prinsiplərin- dən məhrum qalmış bir insanı “itirilmişlər” siyahısına yaza bilərik. Amma müstəmləkəçiləri heç bu da qane etmir; onlar əsla dayanmayacaqlar! Müstəmləkəçilər belə insanları növbəti nəslin yetişdirilmə- sində “gübrə” sayırlar. O nəslin ki, başqa əqidəyə qulluq edəcək, fərqli adətlərlə yaşayacaqdır. Bu prosesi biz hey- vanların artıqlarına da oxşada bilərik. Belə ki, peyin torpağa çevrilir və bu torpaqda yaxın və uzaq keçmişi ilə əlaqəsi kə- silmiş canlı orqanizmlər yetişir... Bu məkrli müstəmləkəçiliyin planlaşdırdığı siyasət heyrət doğurur: ingilis Spenks Paşa Misir ordusuna komandan təyin olunur; ingilis Rassel Paşaya Qahirə polisi idarəsinin şefi Yüklə 9,74 Kb. Dostları ilə paylaş:
|