Ramiz Dəniz
Yüklə 1,78 Mb. Pdf görüntüsü
|
25 edəcək. Mən belə düşünürəm ki, əlverişli izdivacdan, mənə nisbətən şəxsən atamın özü mənfəət güdür və bununla da o, özünün maliyyə vəziyyətini yaxşılaşdırmaq istəyir. İbrahimin dərdi böyük idi və Əliyusif qismən də olsa, onların evində cərəyan edən proseslərdən hali idi. İbrahimin atası təbiətən hegemon adam sayılırdı və o, hansısa bir qərarı həyata keçirəndə, heç kimin fikri ilə razılaşmırdı. Əks təqdirdə o, radikal addımlar atmaqdan belə çəkinmirdi. Hətta iş elə gətirər ki, həmin hegemon kişi, sözə baxmadığına görə oğlunu evindən qova bilərdi. - Bu məsələdə mən sənə məsləhətçi ola bilmərəm. Atan istəsə, öz dost-tanışlarının vasitəsilə səni, Yeyinti sənaye- sində məsul vəzifələrdən birinə təyin edə bilər. İndiki zamanda güclü “dayday”ın və yaxud da qayınatan varsa, yuxarı eşalona daxil olmaqda, sənin üçün heç bir problem olmayacaq. Məhz bu səbəbdən mütləq deyil ki, sən gözəl- göyçək bir qız alıb özünə arvad edəsən. Kefə qalanda, sən heç kimdən geri qalmırsan. - Qardaş, sən elə bil 180 dərəcə dəyişmisən? – deyə içkili olan İbrahim bir qədər özünü silkələyərək təəccüblə soruşdu. – Hələ bir neçə dəqiqə bundan əvvəl, sən yüksək meyarlardan danışırdın, indi isə məsləhət görürsən ki, mən atamın sözünə qulaq asıb, özümə yaraşmayan bir xanımla ailə qurum. Bu ki, gülməlidir. 26 - İbrahim, əli daim pul ilə oynayan bir adam gələcək karyerasını nəzərə alaraq, ailə həyatı qurur. Atan çox imkanlı adamdır və o, da çalışır ki, sən də imkanlı bir adamla qohumluq əlaqəsi yaradaraq, gələcəkdə çalışdığın sahələrdə, özün üçün yüksək nailiyyətlər əldə edəsən. - Əli, mən nə qədər şən, yeyib-içən oğlan olsam da, elə bir qız alacam ki, həmin qız bizim milli adət-ənənələrinə riayət etsin və daim öz həya-abırını qoruyaraq, mənim başı- mı uca tutsun. Yəni, açığını desəm, mən özümə ləyaqətli, tərbiyəli, əxlaqlı, gözütox həyat yoldaşı axtarıram. Müxbir həmsöhbətini diqqətlə dinləyəndən sonra, bir qədər rahatlaşdı və başını təqdiredici tərzdə tərpədə-tərpədə aludəliklə dedi: - İbrahim, Allah sənin ürəyincə versin. Əgər sən öz məqsədinə çatsan, onda sənin o biri dostlarından da bir neçəsi həya-abırı olan xanımlarla ailə həyatı qurmağa can atacaqlar. Açığını desəm, elə mənim anam da bütün varlığı ilə tələb edir ki, gələcəkdə olacaq həyat yoldaşım onun kriteriyalarına cavab verən əsl azərbaycanlı gəlin olsun. - Bunun nəyi pisdir ki? Xədicə xanım sənin üçün xoş- bəxt həyat qurmaq istəyir. - Hər şey göründüyü kimi asan deyil. Mənim anam çalışır ki, onların gəlini bizim adət-ənənələrə riayət edən bir xanım olsun. 27 - Belə bir gəlinin olmasını hər bir valideyn arzulayır. – deyə İbrahim həmsöhbəti ilə razılaşdı. – Adam gərək, mütləq şəkildə ev qızı almalıdır ki, ailə həyatında bütün varlığı ilə, hər bir şeydə ona etibar edə bilsin. - Əlbəttə ki, etibar, inam olmadan sərbəst şəkildə yaşamaq olmaz. İş ondadır ki, anam rəfiqəsinin vasitəsilə mənim üçün yenə də qız tapıbdır. Həmin qız filoloqdur. Mən isə elə sənin kimi, valideynimin iradəsindən xaric olaraq, özüm-özümə qız tapmaq istəyirəm. Babalarımız danışırlar ki, uzaqgörən valideyn, - deyə susmağına son qoyan İslam öyüdlə dilləndi. - gələcəkdə övladı xoşbəxt yaşasın deyə, ləyaqətli gəlin və ya kürəkən ovuna çıxırlar. İsmət, ləyaqət, namus, vicdan əsas kriteriyalardan sayılır. Allah eləməsin, pozğun olan qadının keçmişindən xəbərin olmadan evə gəlin gətirəsən. - Elə anam da bütün bunlardan ehtiyat edərək, - deyə Əliyusifin dərdi açıldı. - Azərbaycan adətlərinə riayət edən, mədəni, tərbiyəli, ismətli qız axtarır. Onun arzusu ilə mənim istədiyim üst-üstə düşür. Bacım üçün gələn elçilər bizim və anamın kriteriyalarına cavab vermədikdə, onlar suları süzülə-süzülə evimizdən çıxıb gedirlər. Oğlanın biri başına jele vurub, saçını əli ilə əks tərəfə itələyərək kirpi halına salmışdı. Mən deyərdim ki, elə bir vəziyyətdə həmin adamların başı Qalapaqos adalarında 28 yaşayan iquanaya oxşayır. İndi bir çox tələbələr və müğənnilər həmin üsula əl ataraq, özlərini pis hala salırlar. Anam ona deyir ki: “insan cəmiyyət arasına çıxanda, gərək saçını daraq ilə daramalıdır”. O, isə bildirir ki: “belə bir saç düzümü yeni dəbdir və müasir oğlanlar bu dəbə üstünlük verirlər”. Anamın cavabı isə sadə olur: “başına daraq vur- mayan bir şəxs mənim qızıma ər ola bilməz”. Elçi düşmək istəyən bir oğlan isə arvad kimi dodaqlarına və qaşlarının altına silikon vurmuşdu. Anam oğlanın valideynlərinə qətiyyətlə xəbərdarlıq etdi ki, “cəmiyyətimizə yad olan belə bir adamın ayağı bizim evimizə dəyməməlidir”. Digər elçi isə əyninə elə bir şalvar geymişdi ki, onun şalvarının arxası sallanırdı. Hələ bu azmış kimi onun qulağında sırqa da var idi. Ondan nəyə görə belə bir qiyafədə olduğunu soruşanda o, bunu yeni çıxan dəb ilə əlaqələndirdi. Əlbəttə ki, anam həmin oğlanı əliboş yola saldı. Bir sözlə, anam bildirir ki: “Mədinəni mədəniyyəti olma- yan, elementar etik normalarına riayət etməyən bir adama verib bədbəxt etməkdənsə, onun evdə qalması daha münasib olar”. - Eşitdiyimə görə, keçən həftə Mədinəyə nişan gəlmişdi? – deyə İbrahim dostuna tərəf sualedici nəzər saldı. – İlk növbədə, bu münasibətlə mən sizin ailənizi təbrik edirəm. Yüklə 1,78 Mb. Dostları ilə paylaş:
|