5. Sığorta etdirən, sığorta müqaviləsi bağlayarkən, sığorta ödənişi almaq üçün istənilən fiziki
və ya hüquqi şəxs təyin etmək, habelə sığorta hadisəsi baş verənədək həmin şəxslərin və sığortaçının
razılığı ilə onları dəyişdirmək hüququna malikdir.
Maddə 37. Reqres tələbi hüququ
1. Sığortalının təqsirkar şəxsə zərərin əvəzini ödəmək tələbi hüququ (iddiası) əmlak sığortası
üzrə sığorta ödənişini vermiş sığortaçıya reqres qaydasında onun verdiyi sığorta ödənişi məbləğində
keçir. Sığortalı sığorta ödənişini aldıqda göstərilən hüququn həyata keçirilməsi üçün onda olan bütün
lazımi sənədləri sığortaçıya verməlidir.
2. Sığortalı təqsirkar şəxsə iddiadan və ya tələbi təmin edən hüquqlardan, yaxud lazımi
sənədləri sığortaçıya verməkdən imtina etdikdə, sığortaçı təqsirkar şəxsdən reqres tələbi qaydasında
ala biləcəyi məbləğ həcmində sığorta ödənişi verməkdən azad edilir.
3. Sığortalı təqsirkar şəxsə sığorta ödənişinin məbləğindən artıq zərərin əvəzini ödəmək
tələbi hüququnu sığortaçıya güzəşt edə bilər.
IV fəsil. Sığorta fəaliyyətinin əsasları və sabitliyi
Maddə 38. Sığorta obyektləri, sahələri və formaları
1. Sığorta obyektləri sığortalının:
• həyatı, sağlamlığı, iş qabiliyyəti; əmlakı;
• digər şəxslərə vurduğu zərərə görə məsuliyyəti ilə bağlı qanunvericiliyə zidd olmayan
əmlak mənafeləridir.
2. Sığorta iki əsas sahədən — həyat və qeyri-həyat sığortası sahələrindən ibarətdir.
3. Sığortaçılar bu Qanuna uyğun olaraq həm həyat, həm də qeyri-həyat sığortası sahələrində
və ya bu sahələrdən yalnız biri üzrə də fəaliyyət göstərə bilərlər.
4. Sığorta növləri həm könüllü, həm də icbari formada həyata keçirilə bilər.
Həyat və qeyri-həyat sığortalının şərtləri və aparılması qaydası qanunvericiliyə uyğun olaraq
sığortaçı ilə sığortalı arasında bağlanan müqavilədə müəyyən edilir.
İcbari sığortanın şərtləri və aparılması qaydası Azərbaycan Respublikasının qanunları ilə
müəyyən edilir.
Qanunla digər hallar nəzərdə tutulmamışdırsa, icbari sığorta növləri üzrə işlərin aparılması
xərclərinə ayırmalar 10 faiz miqdarında müəyyən edilir.
5. Həyat və qeyri-həyat sığortası sahələrində sığorta növləri, o cümlədən qanunla başqa hal
nəzərdə tutulmayıbsa, icbari formada, təşkilati-hüquqi və mülkiyyət formasından asılı olmayaraq
müvafiq xüsusi razılığı almış bütün sığortaçılar tərəfindən həyata keçirilir.
Maddə 39. Maliyyə sabitliyinin əsası
Bu qanuna uyğun olaraq sığortaçının maliyyə sabitliyinin əsasını onun ödənilmiş nizamnamə
kapitalı, xüsusi təminatı, ödəmə qabiliyyətini təmin edən normativlər, sığorta ehtiyatları, habelə
təkrar sığorta sistemi təşkil edir.
Maddə 40. Xüsusi təminat
1. Qeyri-həyat, habelə həyat sığortasına aid edilən xəstəlik və fərdi qəza sığortası sahəsində
təkrar sığortaya hesablanmış sığorta haqları çıxılmaqla daxil olmuş sığorta haqları onların 10
faizindən çox olmamaq şərti ilə müvafiq icra hakimiyyəti orqanının müəyyən etdiyi minimum faiz
miqdarında xüsusi təminat kimi saxlanılır.
2. Yeni təsis edilmiş sığortaçılar üçün göstərilən xüsusi təminat müvafiq icra hakimiyyəti
orqanının müəyyən etdiyi minimum miqdara çatanadək sığortaçının ödənilmiş nizamnamə
kapitalının 10 faizi miqdarında müəyyən edilir.
3. Sığortaçının xüsusi təminatı bütün hallarda ödənilmiş nizamnamə kapitalının 10 faizindən
az ola bilməz.
4. Həyat sığortası sahəsində müqavilə öhdəliklərinin yerinə yetirilməsi məqsədilə xüsusi
təminatın yaradılması qaydası və şərtlərini müvafiq icra hakimiyyəti orqanı müəyyən edir.
Maddə 41. Xüsusi təminat barədə tələblər
1. Sığortaçılar xüsusi təminat kimi saxlanılan pul vəsaitinə (Azərbaycan manatı, xarici
valyuta) və daşınar əmlaka müvafiq icra hakimiyyəti orqanının icazəsi olmadan sərəncam verə
bilməzlər.
2. Xüsusi təminat kimi sərbəst istifadəsi qadağan edilmiş dəyərlərin eyni qiymətə malik olan
başqa belə dəyərlə əvəz edilməsi üçün icazə tələb olunmur. Bu zaman əvəz etmə əməliyyatının
həyata keçirildiyi tarixdəki qiymətlər əsas götürülür.
3. Müvafiq icra hakimiyyəti orqanı xüsusi təminat kimi saxlanılan aktivlərin sığortaçı
hesabına yenidən qiymətləndirilməsini, onların çatışmayan hissəsinin tamamlanmağını və bu
aktivlərin daxilində zəruri olmayan əmlakın digər əmlakla dəyişdirilməsini tələb edə bilər.
4. Sığortaçının xüsusi təminatı çatışmadıqda istifadəsi qadağan edilmiş dəyərlərdən əldə
edilən faiz, dividend və digər belə gəlirlər xüsusi təminatın tamamlanmasına yönəldilir.
5. Xüsusi təminatın bu Qanunun 40-cı maddəsinə uyğun olaraq tələb ediləndən artıq olan
hissəsindən sərbəst istifadəyə qadağan edilmir.
6. Sığortaçılar sığorta fəaliyyətinə başladığı gündən 15 gün ərzində ilk dəfə xüsusi təminatın
yaradılması şərtlərinə və qaydasına dair təkliflər hazırlayır və müvafiq icra hakimiyyəti orqanına
göndərir. Bu Qanuna uyğun olmayan və ya sığortalıların hüquq və mənafelərinə xələl gətirə bilən
şərt və qaydalar müvafiq icra hakimiyyəti orqanının tələbi ilə dəyişdirilməlidir.
7. Sığortaçılar xüsusi təminata bu Qanuna uyğun olaraq verilən tələblərin yerinə yetirilməsi
barədə məlumatı yerinə yetirildiyi gündən etibarən ən geci 5 (beş) iş günü ərzində müvafiq icra
hakimiyyəti orqanına bildirməlidirlər.
Maddə 42. Xüsusi təminatdan istifadə
1. Xüsusi təminat sığortaçının ləğv edilməsi və ya ödəmə qabiliyyəti olmaması halında, ilk
növbədə müvafiq sığorta sahəsində sığortalılara borcların ödənilməsi (sığorta ödənişlərinin verilməsi
və çəkilmiş xərclər çıxılmaqla müqavilənin qurtarmamış müddəti üçün sığorta haqlarının
qaytarılması) üçün istifadə olunur. Artıq qalan vəsait digər sığorta sahələrinə aid xüsusi təminatlara
əlavə edilir.
2. Sığortaçı tərəfindən fəaliyyəti dayandırılan sığorta sahələrinə aid xüsusi təminatlardan
həmin sahələrdə bütün borclar ödənildikdən sonra sərbəst istifadə edilməsinə icazə verilir.
Maddə 43. Xüsusi təminat kimi saxlanılan dəyərlilər
1. Aşağıdakı dəyərlilər xüsusi təminat kimi saxlanıla bilər:
1.1. Azərbaycan manatında və Azərbaycan Respublikasında valyuta bircasında alqı-satqı
predmeti olan xarici valyutada ifadə edilən pul vəsaiti;
1.2. Dövlət qiymətli kağızları;
1.3. Dövlətin payı minimum 51 faizi olan səhmdar cəmiyyətlərinin səhmləri;
1.4. Müvafiq icra hakimiyyəti orqanının razılığı ilə digər qiymətli kağızlar;B 1.5.
Sığortaçının mülkiyyətində olan və Azərbaycan Respublikasında yerləşən daşınmaz əmlak.
2. Daşınmaz əmlakın dəyəri xüsusi təminatın ümumi məbləğinin yarısından çox ola bilməz.
Maddə 44. Sığorta ehtiyatları
1. Öz fəaliyyətinin sabitliyini təmin etmək üçün sığortaçılar bu Qanuna uyğun olaraq sığorta
haqlarından sığorta ehtiyatları yaradırlar.
2. Sığortaçılar yanğın və mühəndislik sığortası növləri üzrə baş verə biləcək zəlzələ
nəticəsində zərərin ödənilməsi öhdəliyi müqabilində aldıqları sığorta haqlarından təkrar sığortaya
hesablanmış sığorta haqları, komisyon mükafatlar və sığorta hadisəsinin qarşısının alınması xərcləri
çıxılmaqla qalan sığorta haqları məbləğindən ayırmalar hesabına on beş il müddətli sığorta ehtiyatını
yaradırlar. Bu ehtiyatın yaradılması, o cümlədən ayırmaların hesablanması qaydası müvafiq icra
hakimiyyəti orqanı tərəfindən müəyyən edilir.
3. Sığortaçılar uzunmüddətli (bir ildən artıq) həyat sığortası və zəlzələ sığortası növlərindən
başqa bütün digər sığorta növlərində yüksək dərəcəli risklər üzrə müqavilə öhdəliklərinin yerinə
yetirilməsini təmin etmək üçün yüksək dərəcəli zərərlərin ödənilməsi ehtiyatını yaradırlar.
Bu ehtiyat keçən hesabat dövrlərində faktiki verilmiş və (və ya) hesablanmış sığorta ödənişlərinə
əsasən müvafiq icra hakimiyyəti orqanının müəyyən etdiyi qaydada hesablanır.
4. Cari risklər üzrə sığorta ehtiyatı qüvvədə olan müqavilələrə görə daxil olmuş sığorta
haqlarından təkrar sığortaya hesablanmış sığorta haqları, komisyon mükafatlar və sığorta hadisəsinin
qarşısının alınması xərcləri çıxıldıqdan sonra qalan vəsaitin hesabat dövrünə keçən günlərin və ya
ayların əsasında hesablanmış hissəsindən ibarət olur.
Cari risklər üzrə sığorta ehtiyatının sığorta müqavilələri əsasında hesablanması texniki cəhətdən
mümkün olmadıqda, bu ehtiyat daxil olmuş sığorta haqlarından hər hesabat dövrünün sonunda qalan
vəsaitin nəqliyyat sığortası növündə minimum 25 faizi, digər sığorta növlərində minimum 33,5 faizi
miqdarında ayırmalar hesabına yaradılır.
5. Həyat sığortası sahəsində fəaliyyət göstərən sığortaçılar müvafiq icra hakimiyyəti
orqanının müəyyən etdiyi qaydada ümumi aktuari hesablamalarına əsasən riyazi ehtiyat yaradırlar.
6. Sığorta ehtiyatları müqavilə üzrə öhdəliklərin göstərildiyi valyutada hesablama tarixinə
birca məzənnəsi üzrə hesablanır. Əgər sığortaçının aldığı sığorta haqlarının valyutası onun
öhdəliklərinin ifadə olunduğu valyutadan fərqlidirsə sığortaçı müvafiq sığorta ehtiyatlarını yaratmaq
üçün öhdəliklərin ifadə olunduğu valyutanı satın ala bilər.
7. Sığortaçı müvafiq icra hakimiyyəti orqanının müəyyən etdiyi həcmdə və qaydada sığorta
hadisəsinin qarşısının alınması tədbirləri fondunu və komisyon mükafat fondunu yarada bilər.
8. Sığortaçı başqa ehtiyatlar və fondlar yarada bilər.
9. Xüsusi təminat sığorta ehtiyatlarının tərkib hissəsidir.
Maddə 45. Sığorta ehtiyatlarının yerləşdirilməsi
1. Bu Qanunda göstərilmiş sığorta ehtiyatları sığortaçının müqavilələr üzrə öhdəliklərinin
yerinə yetirilməsi üçün nəzərdə tutulur.
2. Sığorta ehtiyatlarının vəsaiti sığortaçının seçimi ilə aşağıdakı qaydada yerləşdirilə bilər
(investisiya edilə bilər):
2.1. dövlət qiymətli kağızlarının satın alınmasına — 70 faizədək;
2.2. bank və digər kredit təşkilatlarındakı depozit hesablarında — 80 faizədək;
2.3. daşınmaz əmlakın və torpaq sahələrinin, habelə onlardan istifadə hüquqlarının satın
alınmasına—20 faizədək, o cümlədən bir satınalınmaya—bu həddin 50 faizinədək;
2.4. qeyri-dövlət qiymətli kağızların, xarici valyutanın və onunla ifadə edilmiş qiymətli
kağızların satın alınmasına—40 faizədək, o cümlədən bu satınalınmaya—bu həddin 10 faizinədək;
2.5. cari sığorta ödənişlərinin verilməsi üçün bankdakı hesablaşma hesabında — 5 faizdən az
olmayaraq;
2.6. digər investisiya sahələrinə — 10 faizədək.
3. Bir bankda və ya kredit təşkilatında bütün sığorta ehtiyatları vəsaitinin 40 faizindən çoxu
saxlanıla bilməz.
4. Sığorta ehtiyatlarının vəsaiti yerləşdirilən daşınmaz əmlakın və torpaqların dəyəri onların
bazar qiymətinin 80 faizi miqdarında qəbul edilir.
Maddə 46. Sığortaçının ödəmə qabiliyyətinin təmin edilməsi normativləri
1. Öz ödəmə qabiliyyətini təmin etmək üçün sığortaçı aşağıdakı normativlərə riayət
etməlidir:
1.1. sığortaçının öz vəsaitinin sığorta haqları məbləğinə (təkrar sığortaya verilmiş sığorta
haqları çıxılmaqla) 16 faizdən az olmayan nisbət;
1.2. bir müqavilə üzrə öhdəliklərin maksimum həcmi sığortaçının öz vəsaitinə on faizdən çox
olmayan nisbət.
2. Sığortaçının öz vəsaitinə onun aktivləri ilə müqavilə öhdəliklərinin məbləği arasında fərq
aid edilir. Bu zaman aktivlər hesablanarkən faktiki verilmiş sığorta ödənişləri məbləği nəzərə
alınmır.
3. Sığortaçı bu maddədə göstərilən normativlərə öz aktivlərinin tamamlanması,
öhdəliklərinin müvafiq hissəsinin təkrar sığortaya verilməsi və ya sığorta əməliyyatlarının
azaldılması yolu ilə riayət etməlidir.
4. Sığortaçının öz vəsaitinin məbləği qanunvericiliklə müəyyən edilmiş minimum
nizamnamə kapitalı məbləğindən az ola bilməz.
Maddə 47. İflasa uğrama zamanı həyat sığortası portfelinin başqasına verilməsi
Sığortaçının müflisləşdiyi halda bir və ya bir neçə başqa sığortaçı onun həyat sığortası
portfelini bütün hüquq və öhdəlikləri ilə birlikdə qəbul edəcəyini bildirərsə, həmin sığorta portfeli
sığortaçının müflis elan edilməsi və ləğv edilməsi prosedurunun başa çatmasına qədər müvafiq icra
hakimiyyəti orqanının icazəsi ilə digər sığortaçılara verilə bilər.B İflasa uğrayan sığortaçının həyat
sığortası portfeli ilə birlikdə xüsusi təminat və müvafiq sığorta ehtiyatları verilir və ya onlar sığorta
portfelini qəbul edən sığortaçı tərəfindən yaradılır.
Maddə 48. Sığortaçının yenidən təşkili zamanı sığorta portfelinin başqasına verilməsi
1. Sığortaçının hər hansı formada yenidən təşkili (birləşməsi, qovuşması, bölünməsi,
ayrılması, çevrilməsi) və bununla əlaqədar sığorta portfelini qismən və ya tamamilə başqa bir
sığortaçıya verməsi müvafiq icra hakimiyyəti orqanının icazəsi ilə həyata keçirilir.
2. Sığorta portfelinin başqasına verilməsi haqqında müqavilədə sığortalıların hüquq və
mənafelərinə xələl gətirən şərtlər olmamalıdır.
3. Sığorta portfelinin başqasına verilməsi haqqında müqavilədə verilən sığorta müqavilələri,
portfellə birlikdə verilən sığorta ehtiyatları, investisiyadan əldə ediləcək gəlirlərə və xüsusi
təminatlara dair şərtlər, habelə portfelin verilmə tarixi dəqiq göstərilməlidir.
4. Sığortaçının yenidən təşkili, ləğvi və bununla əlaqədar sığorta portfelinin başqasına
verilməsi respublika mətbuatında bir həftə ara ilə ən azı iki dəfə elan edilir. elan tarixindən etibarən
üç ay ərzində etiraz bildirməyən sığortalılar portfelin başqasına verilməsini qəbul etmiş hesab
olunurlar.
5. Bu Qanuna uyğun olaraq sığorta portfelini başqasına verən sığortaçının öhdəliklərinə
xüsusi təminatla sığorta ehtiyatları tam həcmdə verildikdən sonra xitam verilir.
6. Sığortaçının hər hansı formada yenidən təşkili, portfelini başqasına verməsi, xüsusi
razılığın ləğvi barədə məlumat müvafiq icra hakimiyyəti orqanı tərəfindən respublika mətbuatında
elan edilir.
V fəsil. Sığorta fəaliyyətinə dövlət nəzarəti
Maddə 49. Sığorta nəzarəti sahəsində müvafiq icra hakimiyyəti orqanının vəzifələri
1. Azərbaycan Respublikasında sığortalıların, sığortaçıların və sığorta bazarının digər
iştirakçılarının, habelə dövlətin hüquq və mənafelərinin qorunması sığorta qanunvericiliyinin
tələblərinə əməl edilməsi məqsədilə sığorta fəaliyyətinə nəzarət müvafiq icra hakimiyyəti orqanı
tərəfindən həyata keçirilir.
Müvafiq icra hakimiyyəti orqanı Azərbaycan Respublikasının müvafiq icra hakimiyyəti
orqanının təsdiq etdiyi əsasnaməyə uyğun olaraq fəaliyyət göstərir.
2. Müvafiq icra hakimiyyəti orqanının əsas vəzifələri aşağıdakılardır:
2.1. sığorta fəaliyyətinin göstərilməsi üçün xüsusi razılıq vermək;
2.2. qanunvericiliyə uyğun olaraq sığortaçıların, o cümlədən təkrar sığortaçıların, onların
filiallarının, brokerlərin və sığorta bazarının digər peşəkar iştirakçılarının uçotunu aparmaq;
2.3. sığortaçıların sığorta haqları və tariflərinin əsaslandırılmasına, maliyyə sabitliyinin və
ödəmə qabiliyyətinin təmin olunmasına nəzarət etmək;
2.4. bu Qanunla müəyyən edilmiş qaydada sığortaçıların sığorta ehtiyatlarının və fondların
yaradılmasına və yerləşdirilməsinə nəzarət etmək;
2.5. sığortaçıların reyestrini aparmaq;
2.6. sığorta fəaliyyəti ilə əlaqədar bu Qanunla müəyyən edilmiş səlahiyyət dairəsində
normativ aktları və metodiki sənədləri hazırlayıb təsdiq etmək;
2.7. sığorta təcrübəsini ümumiləşdirmək, sığorta fəaliyyətinin inkişafına və
təkmilləşdirilməsinə dair təkliflər hazırlamaq.
Maddə 50. Sığorta nəzarəti sahəsində müvafiq icra hakimiyyəti orqanının hüquqları
Sığorta nəzarəti sahəsində müvafiq icra hakimiyyəti orqanının hüquqları aşağıdakılardır:
1.1. sığortaçılardan, brokerlərdən və sığorta bazarının digər peşəkar iştirakçılarından onların
fəaliyyəti haqqında məlumat və maliyyə vəziyyəti barədə hesabatlar almaq;
1.2. bu məlumatın və hesabatların düzgünlüyünü yoxlamaq, onların fəaliyyəti və maliyyə
əməliyyatları barədə banklara, digər kredit idarələrinə və müəssisələrinə müraciət etmək;
1.3. sığortaçıların, brokerlərin və sığorta bazarının digər peşəkar iştirakçılarının fəaliyyətində
bu Qanunun tələblərinin pozulması aşkar edildikdə pozuntuların aradan qaldırılması üçün
təqdimatlar vermək, təqdimatlar yerinə yetirilmədikdə sığortaçılara və brokerlərə verilmiş xüsusi
razılığın qüvvəsini müvəqqəti dayandırmaq, onu məhdudlaşdırmaq və geri almaq, qanunvericiliklə
müəyyən edilmiş qaydada və hallarda inzibati tənbeh tətbiq etmək;
1.4. sığortaçılar və brokerlər tərəfindən sığorta qanunvericiliyi dəfələrlə pozulduqda onların
ləğv edilməsi barədə qanunvericiliklə nəzərdə tutulmuş qaydada müvafiq məhkəmədə iddia
qaldırmaq;
1.5. sığortaçıların ödəmə qabiliyyətinin olmaması ilə əlaqədar onların iflas elan edilməsi
barədə məsələlərə baxılmaq üçün məhkəməyə müraciət etmək.
Maddə 51. Maliyyə sabitliyinə nəzarət
1. Sığortaçının maliyyə sabitliyinin xüsusi təminatı normativləri gözlənilmədikdə, yaxud
onun müqavilə öhdəliklərini yerinə yetirə bilməməsi və ya maliyyə vəziyyətinin sığortalıların hüquq
və mənafelərinə təhlükəli olan dərəcədə pisləşməsi sübut edildikdə müvafiq icra hakimiyyəti orqanı,
müəyyən vaxt verərək həmin sığortaçıdan aşağıdakı tədbirlərin həyata keçirilməsini tələb edə bilər:
1.1. öz vəsaitinin (kapitalın) artırılmasını və (və ya) mənfəətin dividend şəklində
bölüşdürülməsinin dayandırılmasını;
1.2. risklərin (öhdəliklərin) təkrar sığortaya verilməsini və saxlama paylarının miqdarının
dəyişdirilməsini;
1.3. yaranmış vəziyyəti ilə əlaqədar ümumi yığıncağın çağırılmasını və müvafiq qərar qəbul
edilməsini (təsisçi təkdirsə, onun tərəfindən qərar qəbul edilməsini);
1.4. maliyyə vəziyyətinin yaxşılaşması istiqamətində digər tədbirlər.
2. Sığortaçının rəhbərliyi və ya təsisçiləri bu maddənin 1-ci bəndində göstərilən tədbirlərin
yerinə yetirilməsi haqqında məlumatı müvafiq icra hakimiyyəti orqanına aylıq hesabat qaydasında
verməlidir.
3. Bu maddənin 1-ci bəndində göstərilən tədbirlərin yerinə yetirilməsi və ya onların
görülməsinə baxmayaraq maliyyə vəziyyətinin yaxşılaşdırılması mümkün olmadıqda müvafiq icra
hakimiyyəti orqanının:
3.1. sığortaçının yeni sığorta və (və ya) təkrar sığorta müqavilələri bağlamasını qadağan
etmək;
3.2. sığortaçının sığorta fəaliyyəti növlərindən birinə və ya hamısına aid olan sığorta
portfelinin xüsusi təminat və sığorta ehtiyatları ilə birlikdə başqa sığortaçılara verilməsi haqqında
qərar qəbul etmək;
3.3. müvafiq sığorta fəaliyyətinə xüsusi razılığı ləğv etmək səlahiyyəti vardır.
Maddə 52. İnhisar fəaliyyətinə və haqsız rəqabətə qarşı tədbirlər
Sığorta sahəsində inhisar fəaliyyətinin və haqsız rəqabətin qarşısının alınması,
məhdudlaşdırılması və aradan qaldırılması qanunvericiliyə uyğun olaraq müvafiq icra hakimiyyəti
orqanları tərəfindən həyata keçirilir.
VI fəsil. Yekun müddəaları
Maddə 53. Uçot və hesabat
1. Sığortaçılar və brokerlər qanunvericiliklə müəyyən edilmiş qaydada maliyyə-təsərrüfat
fəaliyyəti üzrə statistika və mühasibat uçotu aparır və hesabatlar verirlər.
2. Sığortaçının uçot sənədləri və maliyyə hesabatları onun filiallarının əməliyyatlarını və
maliyyə vəziyyətini birlikdə əks etdirməlidir. Rüblük və ya illik hesabat zamanı sığortaçının
filiallarının hesabatlarını nəzərə almaqla ümumiləşdirilmiş mühasibat balansı və maliyyə nəticələri
barədə hesabat təqdim edir.
3. Bu Qanundan irəli gələn sığortaçının maliyyə sabitliyi və ödəmə qabiliyyəti barədə
hesabatların və digər məlumatın tərtib edilməsi və müvafiq icra hakimiyyəti orqanına təqdim
edilməsi qaydası normativ hüquqi aktlarla müəyyən edilir.
Maddə 54. Audit və nəzarət
1. Sığortaçının maliyyə-təsərrüfat vəziyyətini onun seçdiyi sərbəst auditor yoxlayır. Auditor
tərəfindən təsdiqlənmiş illik maliyyə-təsərrüfat fəaliyyəti barədə hesabat müvafiq icra hakimiyyəti
orqanına təqdim edilir və mətbuatda dərc olunur.
2. Sığortaçının fəaliyyətinə müvafiq icra hakimiyyəti orqanı bu qanuna uyğun olaraq nəzarət
edir.
Maddə 55. Sığorta qanunvericiliyinin pozulmasına görə məsuliyyət
Sığortaçılar, brokerlər və sığorta bazarının digər peşəkar iştirakçıları bu Qanunu və sığorta
sahəsində digər normativ hüquqi aktları pozmalarına görə qanunvericiliklə müəyyən edilmiş
məsuliyyət daşıyırlar.
Maddə 56. Mübahisələrin həlli
Sığortaçılar, brokerlər və sığorta bazarının digər peşəkar iştirakçıları bu Qanunu və sığorta
sahəsində digər normativ hüquqi aktları pozmalarına görə qanunvericiliklə müəyyən edilmiş
məsuliyyət daşıyırlar.
Bakı şəhəri, 25 iyun 1999-cu il № 696-IQ
Azərbaycan Respublikasının Prezidenti
Heydər ƏLİYEV
Bakı şəhəri, 25 iyun 1999-cu il.
No 696-IG.
«Azərbaycan» qəzetində dərc olunmuşdur (21 avqust 1999-cu il № 190)
(«VneshExpertService»).
«Azərbaycan Respublikası Qanunvericilik Toplusunda» dərc edilmişdir (31 avqust 1999-cu
il, № 8, maddə 479) («VneshExpertService»).
23 noyabr 2001-ci il tarixli 219-IIQD nömrəli; 23 aprel 2002-ci il tarixli 311-IIQD nömrəli;
30 dekabr 2003-cü il tarixli, 568-IIQD nömrəli; 18 iyun 2004-cü il tarixli,
Dostları ilə paylaş: |