12. MƏHSULDAR HORİZONTLARIN (LAYLARIN)
AÇILMASI,
MƏNİMSƏNİLMƏSİ
VƏ
SINAQDAN
KEÇİRİLMƏSİ.
Layların açılması və quyunun mənimsənilməsi keyfiyyətlə
aparılmalıdır.
Layın
açılması
texnologiyasının
və
mənimsənilməsinin keyfiyyətlə aparılması deyəndə müvafiq
əməliyyatların yerinə yetirilməsindən sonra layın (kiçik
qalınlığa malik layların) hidrokeçiriciliyinin dəyişmə dərəcəsi
başa düşülməlidir. (Keyfiyyəti qiymətləndirmək üçün rəhbər
sənədlərdə göstərilən metodikadan istifadə edilməlidir).
12.1. Məhsuldar layların (Horizontların) açılması.
Neft və qaz yataqlarının kəsilişində külli miqdarda
məsaməli laylara – kollektorlara rast gəlinir: qum, qum daşı,
əhəng və s. Bunlar, gillər, mergeller, bərkimiş qumdaşları ilə
bir-birindən təcrid edilmiş olurlar. Bu laylar adətən neftli,
qazlı, sulu və ya bunlarsız yəni quru olurlar.
Quyunun tamamlanması zamanı quyudibi quruluşa
xüsusi diqqət yetirməlidir. Qazıma təcrübəsində əsasən aşağı-
dakı quyudibi quruluşlardan istifadə edilir:
1.
Məhsuldar horizontun tavanına qədər sulu layları
bağlayan kəmərin buraxılıb sementlənməsi, sonra isə
xüsusi süzgəcin, yaxud quyruq kəmərinin endirilməsi.
Kəsilişin məhsuldar hissəsi dəyanətli süxurlardan təşkil
olunarsa, bəzi hallarda süzgəc, yaxud quyruq kəməri
buraxılmır və sulu layları bağlayan kəmərdən istismar
kəməri kimi istifadə edilir (şəkil 12.1 a.).
2.
Kiçik qalınlıqlı neftli laylarıdan yuxarı hissəni manjetlə
sementləmə üsulundan istifadə etməklə, kombinə edilmiş
kəməri buraxıb layı bütövükdə açmaq, və lay qarşısında
aşağı hissədə süzgəc yerləşdirməklə layı tam açmaq (şəkil
12.1.b.v).
3.
Kəməri buraxıb quyu ağzına qədər sementləyib layı tam
açmaq, sonra isə məhsuldar lay qarşısında gülləbaran
etməklə deşiklər açmaq (şəkil 12.1.q.d).
Sadalanan
üsullar məsamələrin tutulmasına yol
verməməyə və neftin laydan quyuya hərəkət etməsi üçün
əlverişli şərait yaratmağa yönəlmişdir.
Şəkil 12.1.
Quyuların tamamlanması zamanı quyudibi
quruluşunun sxemi:
1. qoruyucu kəmər; 2. süzgəc; 3. sement daşı; 4. paker;
5.perforasiya deşikləri; 6. məhsuldar lay; 7. quyruq kəməri.
Lay təzyiqindən, layın neftlə doyma dərəcəsindən
drenajlıq dərəcəsindən və başqa amillərin təsirindən asılı olaraq
layın açılması üsulları müxtəlif ola bilər, lakin onların hamısı
aşağıdakı əsas tələbləri ödəməlidirlər:
1.
Yüksək lay təzyiqinə malik layları açan zaman açıq
fontanın baş verməsi imkanının qarşısı alınmalıdır.
2.
Layın açılması zamanı quyudibi zonanın təbii süzülmə
xassələri yüksək səviyyədə qorunub saxlanmalıdır. Əgər
süxurların keçiriciliyi kiçikdirsə, quyudibi zonanın
süzülmə xassələrinin yaxşılaşdırılması üçün tədbirlər
görülməlidir.
3.
Layın açılmalı olan müvafiq intervalları, quyunun uzun
müddət susuz istismarına və quyu dibinə neftin axınını
maksimal səviyyədə asanlaşdıranmağa təminat verən, hər
şeylə təchiz edilməlidir.
Kiçik lay təzyiqinə malik məhsuldar layların açılması
zamanı qazıma məhlulu xüsusi səylə seçilməlidir, belə ki,
qazıma məhlulun intensiv surətdə udulması baş verə bilər, bu
isə öz növbəsində quyu dibi zonasında neftin laya doğru
sıxışdırılmasına və süxurların süzülmə xassələrinin ciddi
surətdə pisləşməsinə səbəb ola bilər. Belə layların açılmasında
neft əsaslı xüsusi qazıma məhlullarından, emulsiyalı qazıma
məhlullarından, səthi fəal maddələr əlavə edilmiş məhlullardan,
aerizə edilmiş mayelərdən və s. istifadə edilməlidir.
Gücdən düşmüş layların açılmasında quyunun tamam-
lanması işləri əsasən yuxarıda qeyd edilən birinci iki üsul üzrə
yerinə yetirilir.
Məhsuldar layı açmazdan əvvəl onun tavanına qədər
sulu layları bağlayan kəmər buraxılır, məhsuldar qatı açandan
sonra isə quyruq kəməri yaxud da süzgəc buraxılır.
Sulu layları bağlayan kəmər olmadıqda gücdən düşmüş
lay açıldıqdan sonra onun qarşısına süzgəcli kəmər buraxılır və
manjet üsulu ilə sementləmənin köməyilə neft layının yuxarı
hissəsi sementlənir. Süzgəclər, dairəvi şəkildə və ya yarıqları
(çatları) olan deşiklərdən ibarət olurlar.
Çatları olan süzgəclərin hazırlanması baha qiymətə başa
gəlir, quyuya daxil olmaq istəyən qumun qarşısını həmişə ala
bilmir və çox hallarda çatları zibillərlə tutulur. Ona görə
quyuya qumun daxil olmasının qarşısını almaq üçün quyu
dibini digər müxtəlif üsullara təchiz edirlər.
Məsələn, quyu dibi metal-keramik, qumlu-plastmass
yaxud çınqıllı süzgəclərlə təchiz edilir. Yüksək təzyiqə malik
laylar bütün ehtiyat tədbirləri görülməklə, tam açılır, sonra
istismar kəməri buraxılıb quyu ağzına qədər sementlənir və
məhsuldar lay qarşısında gülləboran edilməklə kəmərdə
deşiklər açılır.
Dostları ilə paylaş: |