193
qaldıraraq: – “Ştooo?” Moskva, Moskva Universiteti, – deyib
gözlüyünü çıxardaraq bir daha aşağıdan yuxarı Həsən bəyi süzdü.
Hiss olunurdu ki, Həsən bəyin Moskvada təhsil almasını görüncə
bu yekəxana hakim bir qədər əvvəlki ədalarını gizlədərək, özünü
əməlli-başlı yığışdırdı:
– Təbrik edirəm. Həsən bəy! Biz sizinlə burada əl-ələ verib
çox işlər görə bilərik. Əlbəttə, bütün bunlar ilk növbədə sizdən
asılı olacaq.
Həsən bəy cavabında:
– Cənab hakim, biz məmuruq, işimiz də qanunları, ədaləti
qorumaq, haqqı müdafiə etməkdir.
– Ay sağ ol! Bax mənim dediyim də elə odur. Lakin bu sahədə
bir az diqqətli olmalı, yerli hörmətli insanları tanımalıyıq. Biz
bilməliyik; ədaləti kim istəyir, hansı tərəfin mövqeyini qorumaq
lazımdır. Sizin əmrinizi elə bu gündən verirəm, işə başlayın,
unutmayın ki, biz yerlərdə əlahəzrət çarın qulluqçularıyıq, onun
ədalətli hökmlərini icra edirik.
Məhkəmənin hakimilə ilk söhbət, onun üstüörtülü işarələri
Həsən bəyin xoşuna gəlməsə də, bunu büruzə vermədi.
* * *
Həsən bəyin işə başlamasından bir aydan artıq vaxt keçirdi.
Qısa zaman içində o, qubalılarla qaynayıb-qarışmışdı. İlk baxışdan
həddən artıq soyuqqanlı görünən Quba camaatının, əslində, çox
dəqiq, intizamlı, sözübütöv, düzgün, ədalətli və işgüzar insanlar
olduğunu öyrənmək üçün Həsən bəyə cəmi bircə ay vaxt lazım oldu.
Həsən bəy, yenə də adəti üzrə şikayətçilərin qayğısına qalır,
onlara pulsuz ərizələr yazırdı. Məsələlərin həllində şikayətçilərə
hüquqi yol göstərdiyindən, bütün bunlar məhkəmə sədrinin xoşuna
gəlmirdi.
Həsən bəy, demək olar, günaşırı atasının dostu Muxtar bəyə
baş çəkirdi. Nə zaman gedirdisə, Muxtar bəyi nökər-naibin köməyi
ilə həyət-bacada dolaşan görürdü. Muxtar bəy onu görcək zarafata
keçirdi:
194
– Gəl, gəl, sən mənim xilaskarımsan, vallah, doğru sözümdür.
Sənin gəlişin Quba məhkəməsinə düşməsə də, şəxsən mənə sağlam
bir ömür bəxş edib.
Həsən bəy Muxtar bəyin eyhamlarını başa düşdü: “Deyəsən,
məhkəmə hakimi dilini “dinc qoymur,” fəaliyyətim haqqında
mənfi fikir formalaşdırır. Görünür, yerli mülkədarlar, bəylər də
hakimin fikrini, mövqeyini Muxtar bəyə çatdırıblar”. Həsən bəyi
maraq götürdü, soruşmaq qərarına gəldi:
– Hardan bilirsiniz, mənim gəlişim məhkəməyə düşməyib?
– Vallah, belə eşitdim. Sən bəy nəslindənsən, bu “kasıb-
kusub məsələsi”ni həll etməyə çox da çalışma, dövlətlə dövlətlik
etməyəcəksən ki… Bu iş belə qurulub, belə də davam edəcək, sən
özünü heç yorma.
– Muxtar bəy, əksinə, mən insanlara kömək edəndə qətiyyən
yorulmuram. O ki qaldı müəyyən narazılıqlara, bu rəyi də məh kə-
mədə haqsız ola-ola, haqlıya qalib gəlmək istəyən insanlar yaradır.
Onlar haqsız məqsədlərinə çatmayanda belə mövqe tuturlar.
Bax üç gün bundan əvvəl uzaq dağ kəndindən olan yoxsul kişi
oğlunun işinə nə zaman baxılacağını soruşmağa gəlibmiş. Bundan
ötəri səhərdən axşamacan məhkəmədə ona cavab verən olmayıb.
Mən öyrənib söyləyəndə ki, dörd gün sonra sizin oğlunuzun
işinə baxılacaq, yazıq qaça-qaça gedib dəhlizə qoyduğu rüşvət
bağlamasını mənə vermək istədi. Birtəhər anlada bildim ki, bunu
öyrənmək sizin haqqınızdır, söyləməksə məhkəmə idarəsinin
borcudur.
– Qardaşoğlu, sən gərək məktəb açıb dərs deyəydin, insan
yetişdirən bir müəllim olaydın. Məhkəmə sənlik deyil. Bütün bəylər,
mülkədarlar mənim dostumun oğlu olduğunu bilirlər. Hətta o gün
Salamovla Çayqırağı kəndinin beş kəndlisi arasında olan torpaq
məsələsində bəyin məğlubiyyətini də sənin öz xəttinlə kəndlilərə
yazdığın o ərizədən gördülər. Belə şeyləri çox eşidirəm. Quba
məhkəməsində ya rüşvət almalısan, iş görüb rəğbət qazanmalısan,
ya da işləməməlisən. Bizi belə öyrədiblər, belə görmüşük, belə də
olmalıdır. Sənin kasıb-kusubu müdafiə etməyin bütün digər bəylər
kimi Quba bəylərini də çox narahat edir. Ehtiyatlı ol! Həsən bəy,
195
həmin Salamovun özü hər şeyi yadında saxlayaraq gülə-gülə,
pambıqla baş kəsir.
– Bilirəm, eşitmişəm.
– Haradan bilirsən?
– Keçən həftə böhtan dolu bir ərizəylə məhkəməyə müraciət
etmişdilər, guya mən onun adamlarından rüşvət istəmişəm, onlar
bu rüşvəti vermədikləri üçün mən də kəndlilərin ərizəsini şəxsən
təzədən yazmışam. Muxtar əmi, mən belə hədə-qorxuları çox
görmüşəm, siz heç narahat olmayın.
Bu dəfə Həsənin Muxtar bəyin yanına gəlməsinin səbəbi
başqa idi. Muxtar bəy Quba və Qubaətrafı kəndlərin ən nüfuzlu,
sözü keçən bəylərindən hesab olunurdu. Elə dövlət idarələrində
də istər rus, istər yəhudi, istərsə də azərbaycanlı məmurlarla
münasibəti çox yaxşı idi. Həsən bəy bu günlərdə oğlu həbs olunan
bir kəndlini müdafiə edir, oğlunun buraxılması işində ona kömək
etmək istəyirdi. Kəndli söhbət əsnasında onun oğlunu tutduran
adama – hansısa yerli hampaya Qubada yalnız bir şəxsin, Muxtar
bəyin sözünün keçə biləcəyini bildirmişdi. Həsən bu axşam Muxtar
bəyin yanına elə bu məsələni xahiş etməyə gəlmişdi:
– Muxtar əmi…
– Bəli, oğlum. Sən məni uşaq vaxtı belə çağırardın. Sən
də, qardaşların da, mənə “Muxtar əmi” deyərdiniz. Elə indi də
Muxtarsız, bəysiz, “əmi” de. Belə səni özümə daha doğma hiss
edirəm.
– Eləmi? Bilirsiniz, əmi, bir həftədir bir məsələ var, bilmirəm
sizə söyləyim, ya yox. Oğlu tutulan bir kəndlidən bu günlərdə
həbsin səbəbini soruşdum. Bəlli oldu ki, onun oğlu kəndlərinin
hampasının qızını qaçırıb. Qaçırıb deyəndə, razılıqla olub bu
məsələ, onlar bir-birini ürəkdən seviblər, elçi göndərilmə məqamı:
“Varlı adamla kasıbın qohumluğu tutmaz,” – qızın atası etiraz
edib. Qız da çox cəsarətli olduğundan özü qoşulub həmin oğlanla
qaçıb. Oğlan qızı birbaşa evlərinə gətirib. Qızın qohumları oğlanı
möhkəm döyərək polisə təhvil verib, qızı da götürüb evlərinə apa-
rıblar. Oğlanın mədrəsə təhsili, beşillik Rus-Azərbaycan məktəbini
bitirməsi haqqında sənədini gördüm. Çox təsirləndim. Həm də
Dostları ilə paylaş: |