2.
TƏBİİ FƏLAKƏTLƏR VƏ ONLARIN QISA
XARAKTERİSTİKASI
Fövqəladə xarakter daşıyan, bina və qurğuların zədələnməsinə, maddi
sərvətlərin dağılmasına və məhv olmasına, insan təlafatına və ya tələfat
təhlükəsi yaranmasına səbəb olan müxtəlif kortəbii hadisələrə
təbii fəlakət
deyilir. Zəlzələ, daşqın, qar uçqunları, sel, sürüşmə, fırtına təbii fəlakətlərdir.
Respublikamızın ərazisində tez-tez rast gəlinən təbii fəlakətlərin qısaca
xarakteristikasını nəzərdən keçirək:
1.
Qasırğa və burulğanlar atmosferdə baş verən siklon hadisələri nəticəsində
yaranır. Belə hallarda qısa müddət ərzində çoxlu yağıntı düşür, küləyin
sürəti kəskin artır, bu isə daşqınlara, adamların zədələnməsinə, ölümünə
səbəb olur.
2.
Fəlakət törədici güclü küləklər respublikanın müxtəlif rayonlarında demək
olar ki, hər il qeydə alınır.
3.
Qar uçqunları dağlıq rayonlarda baş verir. Bu, yazda qar əriməyə
başlayarkən enişlər boyu uçqun halında hərəkət edən qar yığınlarından
ibarətdir. Qar uçqunları uzun müddət güclü qar yağarkən baş verir.
4.
Subasma və daşqınlar su hövzələrində suyun səviyyəsinin kəskin
yüksəlməsi nəticəsində baş verən təbii fəlakətdir. Subasma və daşqınların
səbəbləri qarın sürətlə əriməsindən və uzunmüddətli leysan yağışlarından,
7
çay yataqlarında tıxac yaranmasından ibarətdir ki, belə hallarda ərazinin bir
qismini su basır.
5.
Sel dağlardan böyük sürətlə axıb gələn və qarşısındakı hər şeyi məhv edən
çınqıl-palçıq qarışığından ibarət olur. Sel dağlarda qarın əriməsi və uzun
sürən leysan yağışları nəticəsində çoxlu miqdarda su toplanarkən baş verir.
6.
Zəlzələ yerin təkindəki potensial enerjinin qəflətən meydana çıxaraq zərbə
dalğası və qüvvətli təkanlar – seysmik dalğa şəklində ərazinin bütün
istiqamətlərinə yayılmasından ibarətdir. Zəlzələ yeraltı təkanlar şəklində
müşahidə olunur.
Dostları ilə paylaş: |