Universiteti I tiranës fakulteti I drejtësisë departamenti I së drejtës civile
Yüklə 3,21 Mb. Pdf görüntüsü
|
237 rrjetit: komunikimi i veprës mund të bëhet në forma të ndryshme, duke përfshirë si komunikimin nëpërmjet pagesës nga përdoruesi, ashtu dhe komunikimin pa pagesë. Në të dyja rastet, shpërblimi do të jetë i ndryshëm, pasi baza mbi të cilën do të mbështetet është e ndryshme. Nga njëra ana kemi një shpërblim që buron nga pagesa që bën përdoruesi, në anën tjetër nga fitime që producenti mund të realizojë në mënyrë indirekte, si për shembull shfrytëzimi i reklamave në faqen e internetit 750 . Këto realitete duhet të specifikohen qartë në kontratë. Por veçantia është se për mënyrën e mbledhjes së shpërblimit, do të hyjnë në lojë agjencitë e administrimit kolektiv të të drejtave të autorit. Dy momente kyçe përcaktojne çështjen e shpërblimit: (i) Shpërblimet për çdo mënyrë shfrytëzimi të veprës kinematografike dhe/ose audiovizuale llogariten në mënyrë proporcionale me të ardhurat e përgjithshme, që rrjedhin prej tij, me përjashtim të rastit kur është rënë dakord ndryshe 751 . Për krijimin e veprave fonografike mënyra e shpërblimit ndjek të njëjtën logjikë. Ligji për të drejtat e autorit parashikon qartësisht detyrimin për përdoruesit veprave fonografike për të paguar prodhuesin e kësaj vepre në rast se ata e përdorin atë për qëllime tregtare 752 . Kjo përfshin edhe rastin e përdorimit të veprave fonografike nëpërmjet valëve radiofonike, transmetmeve radiofonike digjitale si dhe transmetimeve në streaming. Dispozita në fjalë ka një rëndësi shumë të madhe në ditët e sotme, pasi është e qartë se veprat fonografike po shpërndahen më shumë në formatin e tyre digjital të patrupëzuar, në vend të formatit të tyre të trupëzuar në CD. b. Karakteristikat e kontratës së veprave audiovizuale me fonde publike Veprimtaria kinematografike e financuar nga buxheti publik parashikohet dhe rregullohet në Ligjin nr. 8096, datë 21.3.1996 “Për kinematografinë”, i ndryshuar. Përveç parashikimeve të ligjit për të drejtën e autorit, personat të cilët kërkojnë të realizojnë një vepër kinematografike me fonde shtetërore, duhet t’i nënshtrohen rregullimeve të këtij ligji. Ligji për kinematografinë krijon detyrime si për ato subjekte që kërkojnë të përfitojnë nga fondet publike, ashtu si dhe për çdo subjektet e tjera që nuk kërkojnë të përfitojnë nga këto fonde. Në këktë kuadër, të drejtat dhe detyrimet do t’i grupojmë në dy pjesë kryesore, (i) të drejtat dhe detyrimet sui generis që lidhen me projektet që përfitojnë fonde publike si dhe (ii) të drejtat dhe detyrimet e përgjithshme për çdo vepër kinematografike. Paraprakisht duhet thënë se mbështetja financiare e projekteve që kërkojnë financim publik bëhet nëpërmjet një personi juridik publik, në varësi të ministrit të Kulturës, që është Qendra Kombëtare e Kinematografisë (“QKK”). Si institucion me karakter qendror, statun QKK-së e miraton Këshilli i Ministrave, me propozim të ministrit përgjegjës për Kulturën 753 . 750 J-M. Vernier, Numérique et droit d’auteur, Studim i Sciences Po Paris, 2003, f. 22. 751 Neni 100 i Ligjit për të drejtat e autorit. 752 Neni 114 i Ligjit për të drejtat e autorit. 753 Neni 3 i Ligjit për kinematografinë. 238 Kryetari i QKK-së emërohet me dekret të Këshillit të Ministrave, pasi ministri të ketë propozuar dy kandidatura të mundshme 754 . Edhe njëherë, nëpërmjet këtij emërimi, del qartë në pah karakteri publik dhe qendror i këtij institucioni. QKK-ja përbëhet gjithashtu edhe nga këshilla miratues, të cilët propozohen dhe zgjidhen nga shoqatat e kineastëve, çka nënkupton që paraprakisht, të ekzistojë një ose më shumë shoqata ku grupohen kineastët shqiptarë 755 . Këshilli miratues i projektit zgjidhet për një afat dyvjeçar dhe nuk ka asnjë funksion brenda QKK-së përveç funksionin artistik të përzgjedhjes së projekteve fituese. Këshilla miratues ka të paktën në të tre gjinitë e filmit, atë artistik, dokumentat dhe të animuar 756 . Së fundi, ligji për kinematografinë parashikon dhe ekzistencën e një komisioni të vizonimit për të cilin do të flasim pak më vonë. Për sa i përket detyrave të QKK-së, ajo ka për detyrë të miratojë projektet për realizimin e veprave filmike, në rast se jepen fonde nga QKK 757 . Kjo prerogativë gjen gjithashtu mbështetje edhe te fakti se ligji i jep Kryetarit të QKK-së që të rikthejë vendimin e këshillit miratues të projekteve të përzgjedhur, duke dhënë arsyet bashkëlidhur me njoftimin për rëfuzimin 758 . Gjithashtu, QKK përcakton shpërndarjen e fondit buxhetor për gjinitë e filmit 759 , shpërndan fondin për projektet që përmbushin kërkesat të cilat duhet t’i binden disa kushteve që lidhen me cilësinë dhe interesin kulturor kombëtar 760 . Së fundi, QKK ka dhe disa detyra që lidhen me përmirësimin e kuadrit ligjor në fushën e kinematografisë si dhe mbështetjen e kineastëve me anë të kualifikimeve dhe specializimeve të ndryshme. QKK së fundi luan dhe një rol në regjistrimin e të gjithë subjekteve që lëvrojnë në fushën e prodhimit të veprave kinematografike. (i) Producentët e veprave që kërkojnë fonde publike e paraqesin projektin e tyre përpara një komsioni financiar, të caktuar nga Kryetari i QKK-së, përveç komisioneve të tjera të përmendur më sipër. Një nga dokumentet që producenti duhet të ketë para se të paraqitet në komisionet përkatëse është kontrata e lidhur me autorët në lidhje me shfrytëzimin ekonomik të veprës 761 . Këtu bëhet lidhja me Ligjin për të drejtat e autorit. Kontrata tregon më së miri jo vetëm tagret që ka producenti për të vepruar në emër të autorit, por edhe se kalimi i të drejtave është bërë në mënyrë të rregullt dhe se autori do të përfitojë nga shfrytëzimi ekonomik i veprës. Producenti është i vetmi subjekt i autorizuar që të tërheë fondet, pasi të jetë lidhur kontrata me QKK-në 762 . Producenti ka detyrimin që të paraqesë një raport të 754 Neni 7 i Ligjit për kinematografinë. 755 Neni 8 i Ligjit për kinematografinë. 756 Neni 9 i Ligjit për kinematografinë. 757 Neni 4 pika 3 i Ligjit për kinematografinë. 758 Neni 9 pika2 i Ligjit për kinematografinë. 759 Neni 9 pika 1 i Ligjit për kinematografinë. 760 Neni 4 pika 2 i Ligjit për kinematografinë. 761 Neni 14 i Ligjit për kinematografinë. 762 Neni 15 i Ligjit për kinematografinë. Yüklə 3,21 Mb. Dostları ilə paylaş:
|