I fəsil. Alqı-satqı müqaviləsi
də ilə bağlı olmayan, yalnız sahibkarlıq fəaliyyətində istifadə üçün
nəzərdə tutulan əmlak olmalıdır. Sahibkarlıq məqsədilə əldə olunan
əmlak sonradan satılmaq, istehsal və ya emal olunmaq üçün əldə
olunur ki, bu zaman əmtəə ya dəyərini qoruyur (təkrar satış zamanı),
ya da ki öz dəyərini digər növbəli əmtəəyə verir (təkrar emal və
istehsal zamanı). Sahibkarlıq deyil, şəxsi məqsədlər üçün əldə olunan
əmlak isə istehlak olunur və dəyərini itirməklə bir əmtəə kimi öz
mövcudluğuna son qoyur, bunun tez və ya gec olması isə əhəmiyyət
kəsb etmir.
Mal göndərmə müqaviləsinin digər fərqləndirici əlaməti kimi -
müqavilənin bağlanması ilə icrası anlarının üst-üstə düşməmə- sini;
müqavilənin malların göndərilməsi qaydası ilə bağlanmasını;
predmeti qismində əsasən cinsən müəyyən olunan əşyaların çıxış
etməsini; malların ayrı-ayrı partiyalarla müəyyən müddət ərzində
göndərilməsini; istehsalçı və satıcının eyni şəxs ola bilməsini və s.
göstərmək olar. Bununla bərabər, qeyd etmək lazımdır ki, mal
göndərmə müqaviləsinin digər alqı-satqı müqavilələrindən əsas fərqi
onun subyekt tərkibində və predmetində əks olunur.
Mal göndərmə müqaviləsi konsensual, əvəzli və qarşılıqlı
xarakterlidir, amma ümumi xarakter daşımır və bu da onu digər
müqavilə formalarından fərqləndirir.
Göndərmə
müqaviləsinin elementləri. Mal göndərmə
müqaviləsinin tərəfləri qismində əsasən sahibkarlıq fəaliyyətini
həyata keçirən şəxslər çıxış edirlər. Mal göndərən qismində
kommersiya təşkilatı və yaxud fərdi sahibkar çıxış edir. Alıcı
qismində isə, prinsipcə, şəxsi ehtiyaclar üçün mal əldə edən
vətəndaşdan başqa istənilən şəxs, eləcə də kommersiya təşkilatı və
yaxud fərdi sahibkar çıxış edir.
Dövlət bu müqavilədə alıcı qismində çıxış edə bilər, yalnız bu
münasibətlər AR MM-in 404-1-ci maddəsinə əsasən Dövlət
satınalmaları haqqında qanunvericiliyə uyğun tənzimlənir.
37
Rüfət Göyüşov
Mal göndərmə müqaviləsinin prcdmeti qismində mülki
dövriyyədən çıxarılmayan istənilən əşya çıxış edə bilər. Bura, əsasən,
cinsən müəyyən olunan əşyalar aiddir, lakin qanunvericilikdə fərdən
müəyyən olunan əşyaların da bu qaydalar çərçivəsində satışı istisna
edilmir. Predmetin özəlliyi ondan ibarətdir ki, müqavilənin
bağlanması anı ola bilsin ki, müqavilənin predme- ti hələ mövcud
olmasın və gələcək istehsal və ticarət fəaliyyəti nəticəsində əldə
edilmiş olsun.
Qiymət məsələsi mal göndərmə müqaviləsinə münasibətdə
xüsusi olaraq tənzimlənmir. Alqı-satqı müqaviləsinin ümumi
əlamətləri çərçivəsində qiymət barədə razılaşma mal göndərmə
müqaviləsinin mühüm şərti sırasına aid edilmir'. Bəzi əmtəələrin
qiyməti isə Tarif Şurası tərəfindən müəyyən olunur (benzin, spirtli
içkilər). Lakin unutmamalıyıq ki, hər hansı bir şərt, həmçinin, qiymət
haqqında razılaşma tərəflərdən birinin müraciəti ilə müqavilənin
mühüm şərtləri sırasına aid edilə bilər.
Müddət mal göndərmə müqaviləsinin mühüm şərtləri sırasına
aid edilməlidirh Müddət tərəflər arasında razılaşma ilə müəyyən
olunur və tərəflər müddət haqqında razılığa gəlməyənə qədər
müqavilə bağlanmış hesab oluna bilməz. Mal göndərmə
müqaviləsinə verilən anlayışdan da görürük ki, qanunverici müddət
haqqında razılaşmanı müqavilənin mühüm elementləri sırasına aid
edir. Verilən anlayışa əsasən satıcı malı şərtləşdirilmiş müddətdə və
ya müddətlərdə alıcıya verməyi öhdəsinə götürür.
Qanunverici mal göndərmə müqaviləsinin forması ilə əlaqədar
xüsusi qayda müəyyən etmir. Sözügedən müqavilənin sahibkarlıq
fəaliyyəti subyektləri arasında bağlandığını nəzərə alaraq onun yazılı
formasına üstünlük verilə bilər. Bununla yanaşı, müqavilə şifahi
qaydada da bağlanıla bilər.
' Гражданское право: Учебник. Том
Ю.К.Толстого. М.: Проспект, 2003, с.63.
" Yeno orada.
II. /Под ред. А.П.Сергеева,
38
I fəsil. Alqı-satqı müqaviləsi
Mülki qanunvericilikdə mal göndərmə müqaviləsinin müddətləri
ilə əlaqədar məsələləri tənzimləyən normalar nəzərdə tutulur.
Müəyyən olunmuş qaydaya əsasən, malların ayrı-ayrı partiyalar ilə
göndərilməsini nəzərdə tutduqda və bu partiyalarının göndərilməsi
müddətləri (göndərmə dövrləri) müqavilədə müəyyənləşdi-
rilmədikdə, əgər qanunvericilikdən, öhdəliyin mahiyyətindən və ya
işgüzar dövriyyə adətlərindən ayrı qayda irəli gəlmirsə, bərabər
partiyalar ilə aybaay göndərilməlidir (bax. AR MM, mad.629.1).
Malların göndərilməsi yollama üsulu ilə həyata keçirilir.
Göndərmə müqaviləsində alıcının mal göndərənə malları yollamaq
(vermək) haqqında göstərişlər (yollama sərəncamı) vermək hüququ
nəzərdə tutula bilər. Bu cür göstərişlərə yollama sərəncamı deyilir.
Yollama sərəncamının məzmunu və alıcı tərəfindən onun mal
göndərənə verilməsi müddəti müqavilə ilə müəyyənləşdirilir. Əgər
müqavilədə yollama sərəncamının verilməsi müddəti nəzərdə
tutulmayıbsa, o, mal göndərənə göndərmə dövrünün çatmasına ən
geci otuz gün qalmış verilməlidir (bax. AR MM, 630.3).
1.5.
Heyvanların, quşların və balıqların
alqı-satqı müqaviləsi
Mülki hüququn obyektləri sırasına əşyalarla yanaşı, hüquqi
vəziyyətinə görə onlara yaxın olan bitkilər və heyvanlar da aiddir.
Lakin özü-özlüyündə bitkilər və heyvanlar əşya deyildir. Onların
hüquqi vəziyyəti AR MM-in 135.3-cü maddəsinin tələblərinə əsasən
xüsusi qanunlarla müəyyənləşdirilir. Əgər qanunvericilikdə ayrı
qayda müəyyənləşdirilməyibsə, əşyaların hüquqi vəziyyəti bitkilərə
və heyvanlara da şamil edilir.
Bitkilər və heyvanlar, digər əşyalar kimi, mülki hüquqi
müqavilələrin predmeti kimi çıxış edə bilər. Qeyd olunan obyektlə
39
Dostları ilə paylaş: |