529
mızın ətrafındakılar bu qarışıqlıqların baş verməsində maraq-
lıydılar, ya da basqılar, zorakılıqlar dözülməz həddə çatmışdı.
Əlbəttə, bütün bunlara mən – dünyanın, az qala, yarısını dolaşıb,
bir karvansara küncündə taleyinin sonunu gözləyən Mirzə Yu-
sif Tiflisi hökm verə bilməzdim, amma Şahımızın dağılmaqdan
qurtardığı məmləkəti saxlamaqda necə çətinlik çəkdiyini canım-
qanımla duyurdum.
520. O iki ildə Şahımızın Şəkiyə hakim göndərdiyi Məlik
Nəcəflə Hacı Çələbinin çəkişməsi ən çox danışılanlardan idi.
Deyirdilər, Məlik Nəcəf hökmdarın gözünə girmək, daha böyük
məqama çatmaq üçün camaatın dərisinə saman təpir, vergini
birə üç çıxartmamış əl çəkmir, sözünün qabağında söz deyənləri
də ölüncəyədək döydürür, gözünü çıxartdırır, dilini kəsdirir,
əhli-əyalının başına oyun açır; deyirdilər, Şahımız Bərdə altın-
da olanda camaat onun yanına adamlar göndərib dərdlərini
hökmdara çatdırıblar, hökmdar da öz aralarından Məlik Nəcəfin
işlərinə göz olmaqdan ötrü vəkil seçmələrini tapşırıb, vəkillik
məqamısa Hacı Çələbiyə qismət olub, Şahımız da bununla razıla-
şıb, çünki həm camaat, həm də möminlər arasında hörməti-izzəti
var, ümid eləyib ki, bundan sonra şikayətlərə son qoyulacaq,
ədalət öz yerini tapacaq; deyirdilər, amma hər şey tərsinə olub,
Hacı Çələbi camaatdan da, Şahımızdan da qüvvət alıb Məlik
Nəcəfi elə küncə sıxışdırıb ki, o da durub hökmdarın hüzuruna
getməkdən başqa bir çarə tapmayıb, yalan-doğru Şahımıza deyib,
Hacı Çələbi hökmdarın fərmanlarını saya salmır, üstəlik, camaatı
dilə tutur ki, buyurulanlara əməl eləməsinlər; deyirdilər onu
da deyib ki, Hacı Çələbi fürsət gözləyir, siz üzünüzü güneyə
çevirən kimi, Şəkini ayırıb, Şirvanı tutub ayrıca xanlıq qurmaq
istəyir; deyirdilər Məlik Nəcəf Şaha bu cür çox şeylər söyləyib,
həmin vaxt da Şahımız qiyamlardan cana doyubmuş, Təbrizdə,
Xoyda, Səlmasda, Xarəzmdə, Farsda da elə o vaxtlar baş qaldı-
ranlar olmuşdu. Şahımız qardaşı oğlu Əliqulu xanı Xarəzmdə
baş qaldıranları yerində oturtmağa göndərmişdi. Bu tərəfdən də
Şahımızın qaynı Kəlbəli xanı öldürüb qiyam qaldırmış Tağı xan
Şirazini yola gətirməyi sədr-ül-məmalik Mirzə Məhəmməd Əliyə
həvalə eləmişdi. Sonra Fətəli xanın oğlu Məhəmməd Həsən xan
Astarabadda itaətdən çıxmışdı. Beləcə, məmləkət qaynayır, par-
530
çalanır, iğtişaşlar ara vermirdi. Bu səbəbdən Şahımız qəzəbindən
zəncir çeynəyir, gözü hər yerdə qiyamçı axtarır, taxt-taca qarşı
hər əməli sözsüz-sovsuz kökündən qazımağa can atırdı. Həmin
məqamda Şahımızın Hacı Çələbi barədə söylənənlərə inanmasın-
da təəccüblü heç nə ola bilməzdi.
521. Kərbəlayı Mahmud deyirdi, hökmdar eşitdiklərindən
qəzəb atına minibmiş, əmr eləyib ki, Hacı Çələbi hüzuruna
gəlsin, o da kəfənini geyinib, Şahımızın düşərgəsinə yollanıb,
hökmdar ona deyib, mən səni vəkil elədim ki, Şəkidə işləri
nizama salasan, sənsə həddini aşıb mənim fərmanlarıma qarşı
çıxırsan, camaatı taxt-taca qarşı təhrik eləyirsən, ona görə də
cəzan edamdı; deyirdi, Şahımız buyurub ki, dar ağacı qurul-
sun, günahkar hamının gözü qabağında boğazından asılsın ki,
bu fikrə düşənlərə görk olsun; deyirdi, Hacı Çələbi də ölümü
gözünün altına alıbmış, fikirləşir, ölmək ölməkdi, xırıldamaq
nə deməkdi, elə cəllad kəndiri boğazına keçirəndə son sözü-
nü söyləməyə izin istəyir, Məlik Nəcəfin öz yaramaz əməllərilə
camaatı xanədandan narazı saldığını dəlil-sübutlarla ərz eləyir;
deyirdi, Şahımız da onun dəyanətindən riqqətə gəlib günahını
bağışlayır, üzünü əmirlərinə tutub deyir ki, mənim hüzurumda
kimisə danışmağa belə cürət eləmədiyi halda bu şəkili Çələbi
kəndir boğazında özünü itirmədən fikirlərini söyləmək cəsarəti
göstərdi, düzdü, onu bağışladım, amma görərsiniz, bir xəta çıxa-
racaq, mən heç vaxt zənnimdə yanılmaram; deyirdi, sonra Şahı-
mız Hacı Çələbiyə buyurub ki, qayıt Şəkiyə, Məlik Nəcəflə əl-ələ
ver, işləri nizama sal; deyirdi, Hacı Çələbi də ölümdən qurtul-
duğuna inanmırmış, bu səbəbdən qalan ömrünü qənimət bilib,
Şəkiyə qayıdandan sonra öz nüfuzuyla Məlik Nəcəfin meydanını
daha da daraldıb, Məlik Nəcəf də yenə Şahımızın Sənəndəcdəki
düşərgəsinə namə göndərib, Hacı Çələbidən yenə şikayət eləyib,
amma həmin baxt Şahımızın başı Osmanlılarla davaya qarışdı-
ğından Şəki hakiminin şikayətini araşdırmağa macalı olmayıb;
deyirdi, elə bu da Hacı Çələbini ölümdən qurtarıb, amma çox
güman hökmdarın başı açılanda Məlik Nəcəfin şikayətilə ma-
raqlanacaq, bu məsələyə birdəfəlik son qoyacaqı. Bütün bunları
öz iç dünyamda saf-çürük eləyir, məmləkətdə əmin-amanlığın
yaranması üçün dua oxumaqdan başqa əlac tapmırdım. Muğan
531
çölündə yeni xanədan qurandan bəri məmləkət çalxantılardan
göz açmırdı, hərə öz iddiasını ortaya qoyur, aradasa binəva ca-
maat qanına qəltan olurdu.
522. O vaxtlar xanədanın işi, doğrudan da, müşkül idi. Sam
mirzələr, Səfi Mirzə təhlükəsi aradan götürülsə də, Farsda Tağı
xan Şirazi, Astarabadda Məhəmməd Həsən xan, Xoy və Səmasda
köçəri kürdlər, Bəhreyn və Məsqətdə köçəri ərəblər, Xorasan,
Kerman və Luristanda yerli hakimlər baş qaldırmışdılar, bu
səbəbdən Şahımız müəyyən müddətə də olsa, Hacı Çələbini
diqqətdən yayındırmışdı. Şahımız Farsda və Astarabadda qi-
yamları yatıran vaxt Məlik Nəcəfin daha bir şikayəti hüzuruna
yetirilmiş, onu möhkəm qəzəbləndirmişdi. Bu səbəbdən o Hacı
Çələbiyə yüz tümən cərimə verməyi, üstəlik, hüzuruna gəlməyi
əmr eləmişdi. Hacı Çələbi bilirdi ki, bu gedişin dönüşü yoxdu,
ona görə kəfəni bir də boğazına dolayıb cərimədən də, hökm-
darın hüzuruna getməkdən də boyun qaçırdı. Bütün bunları
danışan Kərbəlayı Mahmud deyirdi, bu artıq Şahımızın üzünə
ağ olmaq, taxt-taca qarşı çıxmaqdı. Bir neçə həftədən sonra Hacı
Çələbinin Məlik Nəcəfi öldürdüyü, adamlarını qovub, özünü Şəki
mahalının hakimi elan elədiyi, üstəlik, xan adlandırdığı barədə
xəbərlər yayıldı. Bu xəbəri eşidəndə, elə bil, içimdə nəsə uçulub
dağıldı, dualarımın Allaha gedib çatmamasından yanıb-yaxıldım.
Hacı Çələbini qınamırdım, amma məmləkətin param-parça oldu-
ğu bir vaxtda bu addımı atması da xoşagəlməz sonluğa varacaq-
dı. Əgər Şahımız qəzəb atını minib Çələbi xanın üstünə qoşun
göndərsəydi, yenə arada binəva camaata zülm olacaqdı. Hələ ki,
Məlik Nəcəfdən canını qurtaran camaatın şadyanalıq səsləri kar-
vansaranın həyətinəcən gəlib çatırdı. Onda Kərbəlayı Mahmudla
şabalıd ağacının altında oturub özümüzü günə verirdik, üzünü
görməsəm də, onun içindəki qorxunu bütün canımla duyurdum.
Dərdli-dərdli dedi, bundan sonra nə olacaq, Mirzə Yusif. İstədim
deyəm, Şahımız bu dikbaşlığa dözməyəcək, yəqin güneydə ni-
zam yaradandan sonra qoşununu çəkib Şəkinin üstünə gələcək,
onda da qan su yerinə axacaq: Hacı Çələbi döyüşmək fikrinə
düşsə, Şahımızın böyük qüvvəsi, toplarıyla üz-üzə qalacaq, itaət
göstərsə, hökmdar qəzəbini yatırtmaq üçün neçə-neçə baş vura-
caq, göz çıxaracaq, girov aparacaq. Amma susdum, bu həqiqətləri
Dostları ilə paylaş: |