50
buraxılmış kağızları yerləşdirməmək riski edib, kağızları özündə saxlayıb gələcəkdə
güzəştlə sata bilər.
ABŞ-da qocaman və ən iri investisiya kompaniyası – investisiya bankı –
«MERİL LİNC»dir. 80-cı illərin axırlarına onun ABŞ-da və xaricdə bir milyona
yaxın müştərisi (ayrı-ayrı şəxslər, firmalar və hakimiyyətlər), 40 ölkədə 50-yə yaxın
idarəsi vardır.
Qiymətli kağızlar bazarının mühüm seqmentini dövlət qiymətli kağızlar bazarı
təşkil edir. Qeyd etmək lazımdır ki, Azərbaycanın maliyyə bazarında da ən inkişaf
etmiş bazar məhz dövlət qiymətli kağızları bazarıdır. Bu növ qiymətli kağızların
meydana gəlməsi dövlətin cəmiyyətdə tutduğu iqtisadi və sosial funksiyaların
genişlənməsi ilə əlaqədardır. Dövlət ğüdcəsinin xərcləri ənənəvi olaraq büdcənin
normal gəlirlərini aşır. Yaranmış büdcə kəsirinin dövlətin cəlb etdiyi borc vəsaitləri
ilə maliyyələşdiriləmsi zərurətini yaradır. Əgər dövlət büdcəsinin kəsiri dövlətin
müdafiə, silahlanma yaxud iqtisadi böhran, hesablaşma və ödəmələrin gecikdirilməsi
nəticəsində yaranmışsa, onun iqtisadi inkişafa təsiri neqativ, yox əgər dövlətin
iqtisadiyyata və sosial həyatda müdaxiləsi zərurət nəticəsində baş vermişsə, onun
iqtisadiyyata təsiri pozitiv qiymətləndirilir.
Dövlətin emissiya etdiyi qiymətli kağızların yerləşdirilməsi və dövriyyəsi
iqtisadiyyatda özünəməxsus maliyyə axınları sistemini yaradır. Dövlət qiymətli ka-
ğızlar bazarının iqtisadiyyata təsiri onun həcmindən asılıdır. Əgər dövlət qiymətli
kağızlar bazarı maliyyə bazarının digər seqmentini həcminə görə geridə qoymuş-
dursa, deməli iqtisadiyyatda maliyyə axınları daha çox dövlətin ehtiyaclarına yönəl-
mişdir. Dövlət borc sənədlərinin korporativ qiymətli kağızlara nisbətən müəyyən
üstünlüyə malik olması onu ikinciyə nisbətən daha cəlbedici edir. Belə ki, dövlət
qiymətli kağızlarının emitenti olan dövlətə daha çox etibar göstərilməsi, sözü gedən
qiymətli kağızlar üzrə gəlirlərin vergidən azad edilməsi və bu səbəbdən də gəlir-
liyinin yuxarı olması (bəzi ölkələrdə) likvidliyinin yüksək olması dövlət qiymətli
kağızlarını maliyyə vasitəçilərinin portfellərinin başlıca-önəmli alətinə çevirmişdir.
Dövlət qiymətli kağızları Mərkəzi Bankların monetar siyasəti üzrə başlıca alət
olan açıq bazar əməliyyatlarında maliyyə aləti kimi istifadə olunur. Dövlət borc
51
sənədlərinə açıq bazar əməliyyatlarında prioritet verilməsi onun digər maliyyə
alətlərinə nisbətən daha etibarlı və likvidli olması ilə izah olunur. Mərkəzi banklar pul
siyasətinin hədəflərindən asılı olaraq dövlət borc sənədləri ilə birbaşa alış, birbaşa
satış, REPO və əks-REPO əməliyyatları apararaq iqtisadiyyatdakı pul kütləsinə məq-
sədyönlü təsir göstərir. İqtisadiyyatda inflyasiya meyllərinin artdığı şəraitdə qlobal
tələbin – alıcılıq qabiliyyətinin azaldılması hədəfə olaraq seçilirsə, Mərkəzi Banklar
dövlət qiymətli kağızları ilə birbaşa satın və REPO əməliyyatları apararaq pul
bazarının likvidliyini məhdudlaşdırırlar. REPO (Repurchase agrement) geri satın
almaq vədiylə satış deməkdir. Bu əməliyyat zamanı Mərkəzi Bak dövlətin borc
sənədlərin7i onların cari dəyəri üzrə banklara satır və müəyyən müddətdən sonra
daha yüksək qiymətlə satın alır.
İqtisadiyyatın likvidlik gərginliyi olduğu dövrlərdə isə Mərkəzi Banklar pul
bazarında likvid təklifini artırmaqla faizlərin aşağı salınmasını hədəfləyərsə, dövlət
borc sənədlərin asıq bazardan birbaşa alışı və əks-Repo əməliyyatları aparılmaqla
bank sisteminin likvid resurslarının həcmi genişləndirilir.
Struktur nöqteyi-nəzərdən qiymətli kağızlar bazarı – ilkin və ikinci,
əməliyyatların həyata keçirilməsi vaxtı və bazarın təşkili nöqteyi-nəzərindən isə –
birjadan kənar və birja daxili bazarlara bölünür.
İlkin bazar qiymətli kağızların yeni buraxılış fazası ilə onların ilkin
yerləşdirilməsini əlaqələndirir. Əsasən inkişaf etmiş ölkələrdə ilkin bazar birjadan
kənardır.
İkinci bazarda əvvəlcə ilkin bazarda inkişaf edən qiymətli kağızlar dövr edir.
İkinci bazar həm birjadan kənar, həm də birja daxili ola bilər. İkinci bazarda
əməliyyatların həcmi ilkin bazardakı əməliyyatların həcmindən 2-3 dəfə çoxdur.
Bundan başqa fond birxalarını başna kriteriyalar üzrə də ayırırlar: ərazi prin-
sipinə görə (beynəlxalq, milli və regional), qiymətli kağızların növünə görə (səhm
bazarı və s.), sövdələşmə növünə görə (kassa bazarı, forvard bazarı və s.), emitentlərə
görə (müəssisələrin qiymətli kağızları bazarı, dövlət qiymətli kağızları bazarı və s.),
müddətinə görə (qısa, orta, uzunmüddətli və müddətsiz qiymətli kağızlar bazarı),
əhatə sahələrinə görə və başqa kriteriyalar üzrə.
52
FƏSİL 3. MƏNFƏƏTİN İQTİSADİ MƏZMUNU, FUNKSİYALARI VƏ
İSTİFADƏ İSTİQAMƏTLƏRİ
3.1. Mənfəətin iqtisadi məzmunu və funksiyaları
Mənfəət müəssisələrinin və digər təsərrüfat subyektlərinin təsərrüfat və maliyyə
fəaliyyətinin nəticəsini əks etdirən mühüm iqtisadi kateqoriyadır.
Bazar münasibətlərinin mühüm kateqoriyası kimi mənfəət bir sıra funksiyaları
yerinə yetirir. Mənfəətin iqtisadi məzmunu onun funksiyaları əsasında izah edilir.
Mənfəət, əvvəla, müəssisə və təsərrüfat təşkilatlarının səmərəli fəaliyyətinin nəticəsi
və əsas göstəricisidir. Başqa sözlə, müəssisənin mənfəəti olması onun işinin səmərəli
olmasını əks etdirir. Lakin mənfəətlilik dərəcəsi müəssisə üçün mühüm əhəmiyyət
kəsb edən iqtisadi göstəricidir. Müəssisə və təsərrüfat təşkilatlarının mənfəət əldə
etməsi onun təsisçilərinin və ya mülkiyyətçilərinin əsas məqsədidir. Mənfəətin
kəmiyyəti bir neçə amildən asılıdır. Onlardan bəziləri müəssisədən asılıdır, digərləri
isə müəssisədən asılı deyildir.
İkincisi, mənfəət stimullaşdırıcı funksiyanı yerinə yetirir. Mənfəət müəssisənin
təsərrüfat maliyyə fəaliyyətinin son nəticəsi olmaqla, bazar təsərrüfatında həlledici
rol oynayır. Onun məqsədi müəssisənin fəaliyyətini səmərəli təşkil etmək, sosial-
mədəni ehtiyacları ödəməyə stimul yaratmaqdır. Mənfəət həm də iqtisadiyyatı inki-
şaf etdirmək və büdcəyə vergi ödəməsini təmin etmək üçün əsas iqtisadi mərbədir.
Mənfəət müəssisənin xüsusi kapitalının artırılmasının əsas mənbəidir. Bazar
münasibətləri şəriatində müəssisənin sərəncamında qalan mənfəət hesabına mene-
cerlər investisiya və divident siyasətini, müəssisənin inkişaf perspektivini müəyyən
edirlər.
Bazar iqtisadiyyatında mənfəət müəssisənin əsas istehsal fondlarının və əmtəəlik
məhsullarının yeniləşdirilməsinin hərəkətverici qüvvəsidir.
Mənfəət həmçinin müəssisə kollektivinin sosial rifah mənbəidir. Müəssisə zəruri
öhdəlikləri yerinə yetirdikdən sonra onun sərəncamında qalan mənfəət hesabına
Dostları ilə paylaş: |