nələri bölgənin mədəni həyatında özünəməxsus əhəmiyyət
daşıdığı üçün bu sahə xüsusi olaraq tədqiqat obyektinə
çevrilməlidir. Mövzu regional folklorun hərtərəfli şəkildə
öyrənilməsinə, eyni zamanda
Naxçıvanla sərhəd olan
ölkələrin xalqları arasında musiqi folklorunun bir çox ortaq
cəhətlərinin müəyyənləşdirilməsinə də geniş imkan verir.
Naxçıvanın musiqi folkloru sahəsində Ə.Ələkbərova
yallılar haqqmda dissertasiya yazmış və milli rəqsin bu
janrı musiqişünaslıq baxımından araşdırılmışdır. Bundan
başqa A.Quliyeva "Türk aləmində Naxçıvan musiqi
mədəniyyəti" adlı dissertasiyasında Naxçıvan
və türk
yallılarını müqayisəli təhlil etmişdir. Bu sahədə aparılan
araşdırmalar göstərir ki, «Naxçıvan bölgəsinin musiqi
folklorunun janr xüsusiyyətləri» mövzusu xüsusi tədqiqat
obyektinə cəlb edilməmişdir. Musiqişünaslıq sahəsində bu
ilk tədqiqat mövzusu kimi regionun musiqi folklorunun
öyrənilməsində xüsusi əhəmiyyət kəsb edir.
Naxçıvan musiqi folkloruna aid ayrı-ayrı janrların
tədqiqata cəlb edilməsi nəticəsində Azərbaycan, həmçinin
böyük türk dünyası folkloruna məxsus bir çox keyfiyyətləri
dəyərləndirmək, eyni zamanda türk musiqi mədəniyyəti
müstəvisində bölgə folklorunun yeri və əhəmiyyətini
dəqiqləşdirmək mümkündür. Digər tərəfdən musiqi folklo
runun bir sıra spesifik cəhətlərinin formayaradıcı amillə
rinin müəyyənləşdirilməsində tədqiqata cəlb edilən yeni
materiallarm xüsusi əhəmiyyəti olduqca böyükdür.
Naxçıvanın musiqi folkloruna aid ауп-ауп möv
zuları musiqişünaslar sırf musiqi-nəzəri aspektdən, folklor-
şünaslar isə folklor janrlarını, problemlərini folklorşünaslıq
baxımından tədqiqata cəlb etmişlər. Naxçıvanın musiqi
folklorunun janr xüsusiyyətlərinin həm folklorşünaslıq,
həm də musiqişünaslıq baxımından araşdırılması üçün qar
şıya qoyulan məqsəd və vəzifələri aşağıdakı kimi qrup
laşdırmaq olar:
- Naxçıvan folklorunda musiqinin təcəssümünün
müəyyənləşdirilməsi.
- Bölgənin folklorunda ayrı-ayrı musiqi janrlarına
məxsus nümunələrin ifasında mövcud olan mətnlə musi
qinin qarşılıqlı müqayisəsi əsasında melopoetik xüsusiy
yətlərin ortaya çıxarılması.
- Mövsüm və məişət mərasimlərində istifadə edilən
musiqinin janr tiplərinin, onların başqa musiqi janrları ilə
qarşılıqlı müqayisəli təhlili və istifadə formalarının araş
dırılması.
Musiqi
folklorunun
janr
səciyyəsinin
və
məzmununun araşdırılması.
- Naxçıvanın musiqi folklorunda istifadə edilən ayrı-
ayrı musiqi nümunələrinin janr xüsusiyyətlərinin forma-
yaradıcı amillərindən forma və lad quruluşlarının araş
dırılması.
- Musiqi folklorunun melodik və ritmik xüsusiy
yətlərinin öyrənilməsini həyata keçirmək.
Tədqiqatın
elmi
yeniliyi
aşağıdakı
cəhətlərlə
müəyyənləşir:
- «Xırman nəğmələri»ndən iki nəğmənin musiqisi ilk
dəfə olaraq nota salınmış və öz nəzəri təhlilini tapmışdır.
- Bir «Sayaçı mahnısı» folklor ekspedisiyası zamanı
nota salınmış və ilk dəfə olaraq
musiqişünaslıq baxı
mından tədqiqata cəlb olunmuşdur.
- «Üzərliksalma» mərasimində oxunan mətnin
musiqisi nota alınmış və təhlil olunmuşdur.
- Qədim ənənəyə məxsus «Qodu-qodu» nəğməsinin
musiqi materialı müasir musiqişünaslıq elminin meyarları
ilə aydınlaşdırılmışdır.
- «Xanbəzəmə» mərasiminə aid nəğmənin musiqi
materialı ilk dəfə olaraq nota alınmış və obyekiv elmi
təhlilini tapmışdır.
- Novruz mərasimlərində ifa edilən «Kosa-kosa»,
«Can gülüm» nəğmələrinin musiqi materialları tədqiqata
cəlb edilmişdir.
- «Çömçəxatun» uşaq folkloru nümunəsi olan möv
süm nəğməsinin musiqi materialı ilk dəfə
nota alınaraq
tədqiqata salınmışdır.
- Toy-düyünlərdə ifa edilən «Duvaqqapma» məra
siminə aid bir nəğmənin musiqi materialı, tulumda ifa olu
nan dörd rəqs nümunəsi ilk dəfə olaraq nota salınmışdır.
- Naxçıvan folkloruna aid lirik xalq mahnıları janr
xüsusiyyətlərinə görə ilk dəfə olaraq folklorşünaslıq və
musiqişünaslıq baxımından təhlil edilmişdir.
- Regionun rəqs musiqi örnəklərindən yalh və
yallıbaşı mahnı-rəqs nümunələrinin xarakterik cəhətləri
aydınlaşdırılmışdır.
- Naxçıvanm zəngin aşıq musiqi sənəti haqqinda
məlumatlar da tədqiqata cəlb olunmuşdur.
I FƏSİL
NAXÇIVAN FOLKLORUNDA MUSİQİNİN YERİ VƏ
ƏHƏMİYYƏTİ
Naxçıvan folklorunda musiqinin təcəssümü
Folklor onu yaradan xalqm bədii təfəkkürünü, tarixi
keçmişini, soy kökünü, adət və ənənələrini əks etdirən
incilər xəzinəsidir. Xalqm mənəvi həyatında baş verən
mühüm, yaddaqalan hadisələr, eləcə də adi, çox vaxt
əhəmiyyətsiz görünən olaylar folklorda elə incəliyi ilə
verilir ki, yüzilliklərlə ölçülə bilən zaman kəsimi keçdikdən
sonra belə faktların folklor söyləyiciləri tərəfindən folklor
örnəklərində musiqili, poetik şəkildə təqdiminə heyrət
lənməmək mümkün deyildir. Məhz buna görədir ki, hər bir
xalqm soykökünü, etnogenezini, etnopsixologiyasım, adət
və ənənələrini öyrənmək üçün, ilk növbədə, onun söz
sənətinin sirrlərinə vaqif olmaq gərəkdir (19, s.3). Deyilən
fikri davam etdirərək qeyd etmək istərdik ki, xalqlarm ən
qədim tarixində hələ söz sənəti meydana çıxmadığı
dövrlərdə musiqi folkloru nümunələri həmin tayfalarm və
tayfa birləşmələrinin həyatında, onların məişətində xüsusi
rol oynayırdı. Bu məsələyə toxunan Q.Krauklis yazır ki,
«bilindiyi kimi musiqi sənətinin həyati bağlılığı qədim
zamanlardan söz sənəti, rəqs, ayinlərlə sıx əlaqədar
olmuşdur. Musiqinin emosional faktor kimi aparıcı rol
oynaması bütün dövrlərdə qəbul olunurdu». Fikrini davam
Dostları ilə paylaş: |