müxtəlif janrlar vardır: əmək mahnıları, epik-qəhrəmanlıq,
zarafatyam-oynaq, mərasim, lirik. Azərbaycan folklorunun
çoxcəhətli janr şaxələnməsində lirik mahnılar daha çox
üstünlük təşkil edir» (103, s.3). Musiqişünas alimlərin
dediyi kimi Azərbaycan musiqi folkloru janrlarının da milli
xüsusiyyətləri, coğrafi ərazidən asılı olaraq dil, üslub
cəhətləri xüsusi olaraq özünü göstərir. Musiqi folklorunda
dil, üslub xüsusiyyətləri özünü yerli folklor mühitində,
əksərən kənd və milli dialekti konservativ şəkildə saxlamış
şəhər folklorunda daha çox büruzə verir. Xalq mahnılarının
repertuarında elə musiqi abidələri var ki, onlar tarixi
prosesdə formalaşaraq xalqın təfəkkür tərzinin ifadəçisinə
çevrilmişdir. Belə xalq mahnılarında yerli musiqi folkloru
nümunələri özünü yerli dialektin, mühitin ənənəvi ifa
üslubunun elementlərinin qanunauyğunluqları zəminində
daha çox göstərir.
Naxçıvan folklor mühitində
mərasim,
məişət
nəğmələrində belə xüsusiyyətlərə daha çox rast gəlmək
olur. Çünki Naxçıvan coğrafi ərazi xüsusiyyətlərinə, sosial-
iqtisadi və etnoqrafik durumuna görə milli ənənələri,
dialekti konservativ şəkildə qoruyub saxlamış bölgədir.
Naxçıvanm folklor mühitinə aid abidələrdə poetik mətndə
dialekt nə qədər özünü bariz şəkildə büruzə verirsə, musiqi
folklorunda ifa edilən mahnılarda da, mətnin dil xüsusiy
yətlərindən irəli gələn bəzi cəhətlər, musiqi dilinin
quruluşunda, melodiyanın semantikasmda özünü bir o
qədər göstərir. Xalq mahnılarının poetik dili ayrı-ayrı
folklor mühitində yerli dialektin intonasiyalarına məruz
qaldığı üçün ifaçı, yəni musiqi folkloru icraçısı həmin
mahnını yerli dialektin ahənginə uyğun şəkildə oxuyur. Bu
zaman mətnin yerli dialektdə səslənməsində ənənəvi olaraq
ayrı-ayrı fonetik səslər mahnının melodik dil xüsusiyyət
lərinin formayaradıcı amillərini formalaşdırarkən melosun
intonasiya çeşidlərini yerli ənənənin dialektinə uyğun
şəkildə istiqamətləndirir.
Naxçıvan bölgəsinin musiqi folklorunu öyrənərkən
onun təkcə yerli dialektlə bağlı cəhətlərini vurğulamaq
kifayət deyil. Bölgənin məişət-mərasim ənənələrində
istifadə olunmuş musiqi janrlarının özünəməxsusluğunu
üzə çıxarmaq üçün onları xarakter, üslub, mövcud forma və
spesifik ifa tərzinə görə təhlil etmək, fikrimizcə, daha doğru
olardı. Naxçıvanın musiqi folklorunda istifadə olunmuş
bütün musiqi janrlarını bu aspektdən üç ayrı-ayrı istiqa
mətlərdə öyrənib təhlil etmək olar.
Birinci istiqamətdə bölgənin məişət-mərasim ənənə
lərində istifadə olunmuş xalq mahnılarını və instrumental
musiqi janrlarını forma xüsusiyyətlərinə görə araşdırmaq
lazımdır. Məişətdə və ya ayrı-ayrı mərasimlərdə istifadə
olunmuş folklor musiqi nümunələri öz aidiyyatma görə bu
və ya digər mərasimin tərkib hissəsi olub onun xarakterik
xüsusiyyətlərini özündə əks etdirir. Məsələn: Novruz
bayramı münasibəti ilə bağlı mərasimlərdə istifadə olunan
xalq mahnıları, toy mərasimlərində çalmıb oxunan ayrı-ayrı
mahnı və rəqs musiqi nümunələri, kütləvi rəqs-mahnı
janrına aid yallılar, yas mərasimlərində söylənilən ağılar,
dini mərasimlərdə oxunan nohələr, ilk növbədə bu və ya
digər mərasimin xarakterini təsvir edir. Həmin məra
simlərdə musiqi janrları mərasimin vəsfi və ya mahiyyətini
əks etdirən mətnlər əsasında oxunduğu üçün, mətnin məz
mun arealından irəli gələn xarakterik cəhətlər musiqinin
melodik və rnetroritmik komponentlərində, o cümlədən
melosun intonasiyalarında da öz əksini geniş şəkildə tapır.
Musiqi janrlarının bəzi xüsusiyyətlərini təhlil edən
R.Zöhrabo V yazır ki, «Azərbaycan xalq musiqi yaradıcılığı
deyəndə mahnılar və oyun havaları nəzərdə tutulur.
Onların zənginliyi, ilk növbədə musiqi forma və janrlarının
çoxcəhə'Biliyində və çoxşaxəliliyində özünü göstərir. Bu
musiqi, janrlarına aid olan nümunələrin əksəriyyəti əmək
prose.si, ailə-məişət şəraiti, müxtəlif oyunlar və ya müəyyən
fəsillər ilə əlaqədar yaranmışdır. Bunlarla yanaşı elə lirik
m.əzmunlu mahnı və rəqslər vardır ki, onlar ancaq asudə
vaxtlarda ifa edilir» (88, s.4-5). Naxçıvanm musiqi
folklorunda istifadə edilən xalq mahnıları, rəqs musiqi
nümunələri və tulumda ifa edilən instrumental havalar
məişət və mərasim, ənənələrində əmək prosesini, ənənəvi
mərasimlərin formalaşdırdığı məzmunca milli ənənəni,
uşaq, lirik, məişət, satirik, yumoristik, qəhrəmanlıq, tarixi
mahnı və rəqs janrlarında həm ümumi, həm də bölgəyə
məxsus milli xarakterik, forma və üslub cəhətlərini
formalaşdırmış oldu.
Mövsüm mərasim nəğmələrindən: «Xırman nəğmə-
ləri»nin ikisinin musiqi dilinin xarakterik xüsusiyyətlərinin
və onların musiqi formasının nəzəri təhlili göstərir ki,
bölgənin melopoetik və dialektik xüsusiyyətləri melosun
inkişaf və formayaradıcı amillərinə öz təsirini göstərmişdir.
«Üzərliksalma» mərasimində oxunan mətnin poetik
dili onun melodik dilinin ahəngdar səslənməsinə geniş
imkan açmışdırsa, mərasim nəğməsinin forma xüsusiyyət
lərinin bədii-estetik cəhətlərinin formalaşmasında isə
melodik dil ünsürlərini yaradan metroritmik kompo
nentlərin formayaradıcı amilləri melosun struktur qurulu
şunda özünü daha qabarıq olaraq nümayiş etdirmişdir.
Naxçıvanın
musiqi
folklorunun
janr
xüsusiyyətləri
araşdırılarkən və bununla bağlı ucqar kəndlərdə folklor
soyləyiciləri ilə aparılan söhbətlər və onlardan toplanılan
bir sıra materialların musiqi dili onların qədim ənənəvi
mahnı, rəqs və oyunları olduğunu sübut edir. Qədim ənə
nəvi mahnı, rəqs və oyunların melodiyası müasir dövrü
müzə gəlib çatmamışdır-deyən B.Hüseynli bu məsələyə
aydınlıq gətirərək yazır ki, «ayrı-ayrı parçalar şəklində
qalmış bayatı formalı şeir mətnlərindən aydın olur ki, bu
mahnı, rəqs və oyunlar oxumaqla müşayiət olunmuş və
kütləvi şəkildə ifa edilmişdir. Bunların musiqi məzmununu
iki, üç xanəli qısa bir melodiyanın dəfələrlə təkrarı təşkil
ediı*»(48, s.71). Toplanmış folklor materiallarının bir qis
minin, yallıların, üzərliksalma, xırman, xanbəzəmə, qodu -
qodu və s. mərasim nəğmələrinin musiqi-nəzəri təhlilləri
yuxarıda deyilən fikri təsdiq etdiyi üçün onları Naxçıvanın
qədim ənənəvi musiqi nümunələri saymaq olar. Adları
çəkilən musiqi folklor janrlarının elmi-nəzəri təhlilləri, ilk
növbədə həmin janrların forma və semantik xüsusiy
yətlərini, daha sonra isə vokal və instrumental ifada
Dostları ilə paylaş: |