68
PƏRİXANIM MURSAQULOVA
Pərixanım Səttar qızı Mursaqulova 1948-ci
ilin yanvarın 8-də Qızılhacılı kəndində müəllim
ailəsində anadan olub. Atası Səttar Mursaqulov
əməkdar müəllim, anası Xınalı xanım evdar
qadın olub. P. Mursaqulova 1966-cı ildə Marneuli
şəhər 3 nömrəli orta məktəbi bitirdikdən sonra
Azərbaycan Dövlət Universitetinin jurnalistika
fakültəsinə qəbul olub. 1972-ci ildə bu fakültəni
bitirdikdən sonra Marneulidə nəşr olunan “Axali Marneuli” qəzetində
korrektor, sonra məktublar şöbəsinin müdiri, 2004-cü ildə isə redaktor
müavini vəzifələrində çalışıb. O, ömrünün 38 ilini bu qəzetə həsr edib.
Mənalı keçən bu illər ərzində redaksiya ilk partiya təşkilatının katibi,
həmkarlar ittifaqının sədri, dəfələrlə Marneuli Rayon Partiya Komitəsinin
konfranslarına nümayəndə seçilib, eyni zamanda partiya komitəsinin
büro üzvü və plenum üzvü olub.
P. Mursaqulova Gürcüstan və SSRİ Jurnalistlər İttifaqının üzvü olub,
Gürcüstanın azərbaycanlı qadınlar içində ilk qadın jurnalisti olaraq
“Əməkdar Jurnalist” adına layiq görülüb.
Azərbaycandilli mətbuatda çalışdığı 38 il müddətində Gürcüstanda
yaşayan azərbaycanlıların həyatı və onların problemlərinin həllinə çalışıb,
müxtəlif mövzularda publisistik məqalələr qələmə alıb. O, sonralar “Yeni
Marneuli” adlandırılan və Marneulidə nəşr olunan qəzetin nəzdində
fəaliyyət göstərən “Dan Ulduzu” ədəbi dərnəyin işində fəal iştirak edib və
dərnək üzvlərinin şeirlərini qəzet səhifələrində dərc edib. O, həm də 1992-
ci ildə nəşr olunan “Dağlar dərdə düşsə...” şeirlər toplusunun redaktoru
olub. Həmin kitabda Pərixanımın “Eloğlu eldən getdi...” sərlövhəli oçerki
qanlı 20 Yanvar faciəsinin qurbanı, Sumqayıt yolunda faciəli surətdə
həlak olan, yurdsevər, Borçalının vətənpərvər oğlu, mərhum professor
İsmayıl Mursaqulovun əziz xatirəsinə həsr olunub.
Hazırda Pərixanım Mursaqulova Marneuli şəhərində yaşayır və bir
övlad anasıdır.
69
SƏYAVUŞ UYĞUN
Hüseynov Səyavuş Dilman oğlu (Səyavuş
Uyğun) 1949-cu ilin 28 yanvarında Borçalının
Qasımlı kəndində müəllim ailəsində anadan olub.
Səyavuş Uyğun 1967-ci ildə Qasımlı orta
məktəbi bitirdikdən sonra Ç. İldırım adına
Azərbaycan Politexnik İnstitutunun inşaat
fakültəsinə qəbul olaraq ali təhsil alıb. O, həmin
institutun nəzdində fəaliyyət göstərən 3 illik
jurnalistika kursunda da oxuyub.
S. Uyğun 1972-ci ildə Qasımlı kəndində fəaliyyət göstərən sovxozda
inşaat mühəndisi vəzifəsində işləyib. 1996-cı ildə Qasımlı kənd məclisi
Idarə heyəti sədrinin birinci müavini və aparat müdiri vəzifəsinə təyin
olunub. 2000-ci ildən Marneuli rayon icra hakimiyyətinin mədəniyyət
şöbəsinin əməkdaşı kimi fəaliyyət göstərməyə başlayıb. Mədəniyyət
Evi nəzdində “Qönçə” adlı ədəbi birlik təşkil edib. 2006-cı ildə onun
baş redaktorluğu ilə rayon mədəniyyət şöbəsinin orqanı olan 8 səhifəlik
“Qönçə” adlı aylıq ədəbi-bədii qəzet nəşr olunub.
S. Uyğun bədii yaradıcılığa orta məktəb illərindən məşğul olub. İlk
şeirləri Gürcüstanda nəşr olunan “Yeni Marneuli”, “Qələbə bayrağı”,
“Sovet Gürcüstanı”, “Ziya” qəzetlərində, “Azərbaycan Pioneri”,
“Azərbaycan Gəncləri” qəzetlərində, “Ulduz”, “Gənclik” jurnallarında,
Gürcüstanda nəşrə başlayan “Dan Ulduzu”, “Çeşmə”, “Dağlar dərdə
düşsə...”, “Borçalıdan keçən yollar” adlı almanaxlarda, “Ədəbi
Gürcüstan”, ”Borçalı antologiyası” kitablarında, “Qarapapaqlar” və
“Meydan” jurnallarında çap olunub.
S. Uyğun “Borçalı” və “Qafqaz press” qəzetlərində bölgə müxbiri,
sonra şöbə müdiri, sonra isə hər iki qəzetin Gürcüstan üzrə baş redaktorun
müavini kimi fəaliyyət göstərib. Onun şeirləri və publisist məqalələri
“Borçalı”, “Qafqaz press”, “Zəngəzur”, “Ulu körpü”, “Dünyaya səsimiz”,
“Azərbaycan press”, Gəncədə nəşr olunan “Körpü” qəzetlərində və
“Xüdafərin-I”, “Xüdafərin-II”, “Göyəzən” toplularında dərc edilib.
2010-cu ildə Heydər Əliyev adına Gürcüstan-Azərbaycan Tədris
70
Universitetinin “Bizim Universitet” adlı qəzetin redaktoru, sonra isə
Gürcüstan Azərbaycanlıları Ziyalılar birliyinin orqanı olan “Ziya”
qəzetində məsul katib və Tifl isdə nəşr olunan “Konqres” qəzetində
əməkdaş kimi fəaliyyət göstərib.
O, Gürcüstanda nəşr olunan “Sözün işığı”, “Günəş” qəzetləri ilə
müntəzəm əməkdaşlıq edir və müxtəlif səpgili aktual məqalələri ilə çıxış
edir.
Bədii yaradıcılıq ilə fəaliyyətinə görə S. Uyğun “Qızıl saz”,
“Göyəzən”, “Vicdanlı qələm” mükafatlarına layiq görülüb. 1997-ci
ildən Azərbaycan Jurnalistlər Birliyinin, 2009-cu ilin yanvar ayından isə
Azərbaycan Yazıçılar Birliyinin üzvüdür.
Səyavuş Uyğun bədii yaradıcılıqla yanaşı, həm də ictimai vəzifə
daşıyır. O, Azərbaycan respublikası “Əlillərin Beynəlxalq Əməkdaşlığı
Uğrunda”(ƏBƏU) cəmiyyətinin Gürcüstan bürosunun idarə heyyətinin
sədridir. Ailəlidir, bir qızı, bir oğlu var.
S. Uyğunun 5 kitabı nəşr olunub. Beşinci kitabı nəşryyata təqdim
olunub.
1. “Nəciblik rəmzi”
2. “Borçalının söz xəzinəsi”
3. “Ömrünü
maarifə həsr etmiş insan”
4. “Borçalıda günəş doğar”
71
OSMAN ƏHMƏDOĞLU
Osman Əhmədoğlu 1948-ci ildə Borçalı
mahalının Kürüstü Keşəli kəndində anadan
olub. Doğma kəndində 8 illik, qonşu Kəpənəkçi
kəndində orta məktəbi bitirib. 1974-cü ildə ADU-
nun fi lologiya fakültəsini bitirərək ali təhsil alıb.
O, hələ orta məktəbdə oxuduğu illərdə şeir
yazıb. Tələbəlik illərində mətbuatda publisistik
məqalələrlə çıxış edib.
O,
Əhmədoğlunun “Borçalıda ocaq
yanır” adlı ilk şeirlər kitabı 1989-cu ildə Bakıdakı “Yazıçı” nəşriyyatı
tərəfi ndən nəşr edilib. O, Azərbaycan Yazıçılar Birliyinin üzvüdür.
Bədii yaradıcılıqla bərabər dövrü mətbuatda publisistik məqalələrlə
çıxış edən O. Əhmədoğlu vaxtilə Gürcüstanda nəşr olunan “Yeni Yol”
qəzetində redaktor müavini vəzifəsində çalışıb. Bir müddət sonra o,
“Dədə Qorqud” adlı bir dərgiyə rəhbərlik edib. Osman Əhmədoğlu
“Meydan” dərgisinin idarə heyətinin fəal üzvlərindən biridir.
O. Əhmədoğlu indiyədək bir neçə şeirlər kitabı və xalqımızın etnoqrafi ya
və folkloru ilə bağlı iki kitabı işıq üzü görüb. O, hazırda Gürcüstan Aşıqlar
Birliyinin sədri kimi aşıq yaradıcılığının inkişafına çalışır, aşıqlarımızın
yubileylərini və digər tədbirləri təşkil edir.
Dostları ilə paylaş: |