8
azərbaycanlılar yaşayan bölgələrdə olan problemləri cəsarətlə qaldırıb.
Qəzetin səhifələrində dərc olunan ailə, məktəb və ictimaiyyət mövzusunda
olan yazılar müzakirəyə çevrilib və nəinki Gürcüstanda, eləcə də müttəfi q
respublikalarda da maraqla qarşılanıb. Qəzetdə verilən “Onlar Gürcüstan-
dandırlar” rubrikası altında verilən yazılar Gürcüstanda boya-başa çatan,
ilk təhsil alan adamlar haqqında və ölkənin hüdudlarından kənarda yaşa-
yan və böyük nüfuza malik elm adamları, mədəniyyət xadimləri, istehsalat
qabaqcılları haqqında söhbət açıb. Gürcüstanda, eləcə də xaricdə yaşa-
yan soydaşlarımız bu qəzeti sevə-sevə oxuyublar. Vaxtilə qəzetin 50 minə
yaxın abunəçisi olub. Qəzet Sovet hakimiyyəti illərində “Şərəf nişanı”
ordeni ilə təltif edilib. Hazırda “Sovet Gürcüstanı” qəzeti “Gürcüstan” adı
ilə nəşr olunur.
XX əsrin 20-ci illərində Tifl isdə Azərbaycan ədəbi mühiti xüsusilə
inkişaf edərək, siyasi, ictimai və ədəbi mühitə yeni yazarlar və dahi
şəxsiyyətlər bəxş edib. Bu dövrdə Gürcüstanın Batumi şəhərində “İşti-
rak” (1921), “Yeni həyat” (1922-1924), Sarvanda (Marneuli) “Pambıqçı”
(1930, sonralar adı dəyişərək “Stalin yolu” və “Kommunizm uğrunda” ol-
muşdur), 1965-ci ildən isə “Yeni Marneuli” (sonralar Azərbaycan və gürcü
dillərində “Kvemo Kartli” adı ilə çıxıb), 1933-cü ildə Başkeçiddə (Dmani-
si) “Sosializm maldarlığı” (sonralar “Trialeti” adı ilə Azərbaycan və gür-
cü dillərində çıxırıb və 1991-ci ildə qəzetin Azərbaycan şöbəsi bağlanıb),
1935-ci ildə Lüksemburqda (Bolnisi) “Al bayraq” (son vaxtlar “Qələbə
bayrağı” adı ilə çıxıb; 1990-cı ildə qəzet “Bolnisi” adlandırılıb və bir neçə
ay sonra Azərbaycan şöbəsi bağlanıb), Qarayazıda (Qardabani) 1931-ci
ildə “Stalinçi” ( sonralar “Samqori” adı ilə Azərbaycan və gürcü dillərində
çıxıb), Adıgündə “Qızıl rəncbər” (1933), sonra “Adıgün kolxozçusu”
(1936), Axalsıxda “Kommunist” (1930), sonra “Qızıl bayraq” (1938), As-
pindzada “Bağban” (1933), sonra “Sosializm kəndi” (1940) adı altında
çıxıb. Qeyd etdiyimiz qəzetlər öz səhifələrində Azərbaycan ədəbiyyatına,
azərbaycanlıların sosial-həyat tərzinə xüsusi yer verib, ədəbi-mədəni
mühitdən yazıb, ümumilikdə götürsək, Borçalı ədəbi qolunun inkişafına
böyük töhfələr verib.
2000-ci illərdən başlayaraq, Gürcüstanda Azərbaycandilli mətbuatımız
inkişaf edib. Hazırda Gürcüstanda “Gürcüstan”, “Regionpress”, “ZİYA”,
9
“Varlıq”, “Qeyrət”, “Günəş”, “Sözün işığı”, “Təhsil”, “Yeniləşmiş məktəb”,
“Maarif”, “Müvəkkil”, “Qarayazı” və digər Azərbaycandilli qəzetlər, eyni
zamanda “Qarapapaqlar”, “Meydan”, “Əhli-Beyt”, “Müctəba” və bir çox
dini jurnallar nəşr olunur.
P.S. İlk dəfə nəşr olunan “Gürcüstanın azərbaycanlı jurnalistləri”
adlı kitaba yalnız bu ölkədə anadan olan və kütləvi informasiya
sahələrində çalışmış jurnalistlərimizi daxil etdik. Biz Gürcüstan-
da anadan olub, Azərbaycan və digər ölkələrdə yaşayan və mətbuat
sahəsində çalışan jurnalistlərimizin həyat və fəaliyyəti haqqında da
geniş məlumatlardan ibarət ikinci kitabı da nəşr etməyi planlaşdırmı-
şıq.
NİZAMİ MƏMMƏDZADƏ,
Gürcüstan Azərbaycanlı Jurnalistlər Birliyinin sədri
MAHMUD HACIXƏLİLOV,
fi lologiya üzrə fəlsəfə doktoru, professor
10
ÖMƏR FAIQ NEMANZADƏ
Ömər Faiq 1872-ci ildə Tifl is quberniyasının
Ahıska (Axalsıx) qəzasının Azqur kəndində
anadan olub.
O, ilk təhsilini kənd camesində alıb və anasının
təkidi ilə 1882-ci ildə İstanbula gedib, «Fateh»
məktəbində təhsilini davam etdirib.
Təbiət elmlərinə həvəsi olduğuna görə
sonradan «Darüş Şəfəq» məktəbinə daxil olub.
Həmin məktəbi bitirdikdən sonra (1891) Qalata poçt və teleqraf idarəsində
əmək fəaliyyətinə başlayıb. O, burada qəzet və jurnallar vasitəsilə
Avropadakı demokratik ruhlu türk mühacirlərinin əhval-ruhiyyəsi və türk
inqilabçı şairlərin bədii yaradıcılığı ilə yaxından tanış olub. Bir müddətdən
sonra Sultan istibdadına qarşı gizli çalışan cahillərə (cavanlara) qoşulub.
Ahıskada milli münasibətlərin kəskinləşməsi dövründə (1894) vətənə
qayıdıb. İnqilabi dünyagörüşlü ziyalı kimi yetişən Ömər Faiq maarif
və mədəniyyət sahəsində Azərbaycanın demokratik ruhlu vətənpərvər
oğullarına qarışıb ömrünün axırına kimi biliyini və bacarığını xalqın
azadlığı uğrunda mübarizəyə yönəldib.
Ömər Faiq 1894-cü ildə Şəkidə ilk üsuli-cədid məktəbində dünyəvi
elmlərdən dərs deyib və İstanbuldan gətirdiyi açıq fi kirli əsərləri xalqa
paylayıb oxutdurub. O, burada M.F. Axundovun «Müsyö Jordan və dərviş
Məstəli şah» pyesini səhnə üçün hazırlayıb, Müsyö Jordan rolunda özü
çıxış edib.
1896-cı ilin yazında xəstəliyi ilə əlaqədar Ömər Gəncəyə, oradan da
Hacıkəndə gedib, orada İstanbuldan gələn Məhəmməd Əfəndi ilə yaxından
tanış olub. Ömər Faiq 1896-1998-ci illərdə xəstəliyinə görə Abastumanda
və Azğurda yaşayıb.
Ahıskada milli məktəb açmaq fi krinə düşən Ömər Tifl is maarif
müdirinə ərizə yazıb – ondan: «Lazımsa, şkolada (məktəbdə) oxudun,
ayrıca türk məktəbi olmaz» cavabını alıb.
Tifl isdən Müfti və Şeyxülislama şikayətlənib «Rusiyadakı türklərlə
Türkiyədəki rum və ermənilər arasında hüquqca böyük bir fərq olduğunu»
11
söyləyib.
Ömər Faiq milli hüquqları müdafi ə məqsədilə «hər millətin
mədəniyyətə və maarifl ənməsinə haqqı vardır və bu haqqı hər yerdə, hər
zaman saxlamalıdır» deyib.
O, xəstəlikdən sağalıb 1898-ci ildən 1900-cü ilə kimi Şəkidə came
məktəbində müəllim işləyib. Orada dini dərslərin tədrisini azaltmaqla
hesab, coğrafi ya, tarix və dil fənlərini tədris edib. 1900-cu ildə Ömər Faiq
ictimai həyatda fəal məşğul olmaq üçün Bakıya gəlib.
Bakı şəhərində milli məktəblərin yox dərəcəsində olduğunu, müsəlman
xalqının acınacaqlı bir şəkildə yaşamasını görən Ömər Faiq «Əgər
Tağıyevin açdığı qız məktəbini görməsəydim Bakının türk maarifi üzərinə
qara bir cizgi çəkəcəkdim» deyib.
Ömər Faiq 1900-cu ildə Şamaxıya gəlib. O, burada milli məktəbin
təşkil edilməsinə yaxından yardım edib və tarix, coğrafi ya, hesab və türk
dilindən dərs deyib.
1902-ci il yanvar ayının 31-də Şamaxıdakı güclü zəlzələdən sonra
Ömər Faiq Tifl isə gəlib.
Ömər Faiq 1903-cü ilin mart ayının 30-da nəşrə başlayan «Şərqi-Rus»
qəzetində Məhəmməd ağa Şahtaxtlı, Cəlil Məmmədquluzadə, Səməd
ağa Qayıbov, Üzeyir Hacıbəyov, Rəşid İsmayılov, Əsəd Babayev, Yusif
Əfəndizadə ilə bir yerdə işləməyə başlayıb. Bu qəzet Qafqazda ilk dəfə
olaraq nəşr olunan siyasi və ictimai gündəlik türk qəzeti olub. Böyük
jurnalistlər olan Faiq və Mirzə Cəlil məhz Tifl isdə nəşrə başlayan “Şərq-
Rus” qəzeti vasitəsilə görüşüb dost və həmfi kir olublar və həmin bağlılıq
sonradan bu iki qiymətli şəxsi “Molla Nəsrəddin”ə gətirib çıxarıb. Bir
sıra maddi çətinliklərdən sonra 1906-cı ildə ilk dəfə «Molla Nəsrəddin»
jurnalı nəşr edilib. Jurnalın təsis edilməsində və onun nəşrində Cəlil
Məmmədquluzadə və Ömər Faiqin müstəsna rolu olub.
«Molla Nəsrəddin» jurnalında yalançı hürriyyətpərəstlərə qarşı yazdığı
məqaləsində Ömər Faiq deyirdi: «Əgər hürr yaşamaq istəyiriksə, dəliqanlı
cavanlarımızı qurban verməliyik. Qurban verdikdən sonra isə onları
ağlamaqla, uzun yas saxlamaqla özümüzü taqətdən salmamalıyıq. Dübarə
qurban verməməliyik, təki, hürriyyət xalqın qanı ilə qazandığı halal malı
olsun. Əgər oturub gözləsək və başımızı boş danışıqlarla qarışdırsaq,
Dostları ilə paylaş: |